Home » 2018 » June

 
  • Categories


  • Archives


    Follow us on

    உள்ளத்தோடு உள்ளம்

    ஒரு அழகிய ஜென் கதை

    தலைமைத்துறவி ஒருவர் உடலை விட்டு உயிர் போகும்  நிலையில் இருந்தார். அப்போது அந்த அவையிலேயே சிறந்த சீடன் ஒருவனை அழைத்து இந்த மடாலயத்திற்கு அடுத்த தலைமைத்துறவியைத் தேர்ந்தெடுக்க வேண்டும் என்றும் இதனால் தூரத்தில் உள்ள சில மடாலயத்திற்குச் சென்று அங்கியிருந்து 100 சீடர்களை அழைத்து வாருங்கள் என்று அவரிடம் சொன்னார்.

    ஓரே தலைமைத்துறவி பதவி தான் அதற்கு எதற்கு 100 பேர் என்று யோசித்தார். இருந்தாலும் சொன்னது தலைமைத்துறவி அல்லவா? இதனால் எதிர்பேச்சு எதுவும் சொல்லாமல் அங்கிருந்து சென்றார்.

    போகும் பாதை கடுமையான பயணம், மலைகள், பள்ளத்தாக்குகள், மழை, வெயில், ஆபத்தான ஆறுகள் போன்றவற்றை கடக்க நேர்ந்தது. ஆனாலும் விடாப்பிடியாக செல்லும் தொலைவை சென்று அடைந்தார்.

    தலைமைத்துறவியின் சொல்லின் படி  100 சீடர்களைப் பெற்றுக் கொண்டு அங்கியிருந்து திரும்பினார். வரும் வழியில் ஒரு நாட்டில் போட்டி ஒன்றை அறிவித்திருந்தார்கள். அதில் வெற்றிப் பெறுபவர்களுக்கு பொன்னும் மன்னனின் பெண்ணும் பரிசாகத் தரப்படும் என்று கூறினார்கள். அதைக் கேட்ட 50 பேர் அங்கு சென்று விட்டார்கள். மீதி 50 பேருடன் மீண்டும் பயணத்தைத் தொடர்ந்தார்கள்.

    மற்றொரு நாட்டில் மன்னனுக்கு வாரிசுக்கு ஆள் தேடிக்கொண்டிருந்தார்கள்.  அதை கேள்விப்பட்டவர்கள் 25 பேர் சென்று விட்டார்கள். மீதியிருந்தவர்களும் நாங்கள் பிறகு வருகிறோம் என்று சொல்லிவிட்டு சென்றுவிட்டார்கள். இதனால் ஏமாற்றத்துடன் தலைமைத்துறவியைச் சந்தித்தார்.

    அவரின் வருகையை எதிர்நோக்கி காத்திருந்த தலைமைத்துறவி நீ மட்டும் தான் இங்கு வருவாய்  என்று எனக்கு முன்கூட்டியே தெரியும் என்றார். அப்படி யென்றால் அடுத்த தலைமைத்துறவி யார் என்று கேட்டார் அவர்.

    அதற்கு நீதான் என்று பதிலளித்தார் தலைமைத்துறவி.

    இங்கு எல்லோரும் உயர்ந்த குறிக்கோளை நோக்கி தான் பயணிக்கிறார்கள் ஆனால் எல்லோரும் அதை அடைகிறார்கள் என்றால் நிச்சயம் இல்லை என்று தான் சொல்ல வேண்டும். போகும் பாதையில் முள்ளும் இருக்கும் மலரும் இருக்கும் அதை எல்லாம் யார் கடக்கிறார்களோ அவர்களே வாழ்க்கையில் வெற்றி பெறுகிறார்கள் என்பதைக் இக்கதையின் மூலம் அறிந்து கொள்ளலாம்.

    பள்ளி குழந்தைகளுக்கான சுகாதார பழக்க வழக்கங்கள்

    இவ்வுலகில் நோயின்றி வாழ வேண்டுமானால் அடிப்படைத் தேவைகளை நிறைவு செய்வது அவசியமாகும். நல்ல பழக்கவழக்கம் என்பது தன் சுத்தம் பேணிக் காப்பதேயாகும். ஆரோக்கியமாய் வாழ்வதற்கு சுத்தமாய் இருப்பது அவசியமாகும். பொதுவாய் சுத்தமாய் இருத்தல் என்பது ஒருவர் தன் உடம்பை அதாவது தோல் மற்றும் அதனைச் சார்ந்த பகுதிகளான முடி, கால், கை, நகங்கள் மற்றும் வாயையும் சுத்தமாக வைத்திருப்பதாகும். குழந்தைப் பருவத்தில் எப்படி சுத்தம் செய்வது என்று அறியாமல் போகும் பொழுது பல துன்பங்கள், நோய்கள் வர நேருகிறது.

    சுத்தமாய் இருப்பதன் முக்கியத்துவம்

    • நல்ல ஆரோக்கியமான வாழ்விற்கு சுத்தமாய் இருத்தல் அவசியம்.
    • காலைச் சிற்றுண்டியை குழந்தைக்குக் கண்டிப்பாகக் கொடுக்க வேண்டும். எந்த ஒரு உணவு வேளைகளிலும் சாப்பிடாமல் இருக்க கூடாது.

    அரசாங்கம் மற்றும் ஒழுங்குமுறை

    அமைப்புகளின் பங்கு

    • ஆரோக்கியமான வாழ்க்கை முறை, மக்களுக்கு எடுத்துரைக்கும் சுகாதாரத் திட்டங்களை உருவாக்குதல்.
    • ஆரோக்கியமான உணவுப் பண்டங்களைத் தயாரிக்கும் நிறுவனங்களுக்கு அரசாங்க நிதி உதவி அளித்தல்.
    • உடற்பயிற்சி மற்றும் ஊட்டசத்து குறித்தத் திட்டங்களை ஊக்குவிக்கும் பள்ளிகளுக்கு நிதி உதவி அளித்தல்.
    • நடைபயிற்சி, மிதிவண்டி மற்றும் சீரான ஓட்டம் (ஒர்ஞ்ஞ்ண்ய்ஞ்) முதலியவற்றை ஊக்குவிக்கப் பாதை அமைத்து நிதி உதவி செய்தல்.
    • துரித உணவை ஊக்குவிக்கும் விளம்பரங்களைத் (முக்கியமாக குழந்தைகளைத் தாக்கும்) தடை செய்ய வேண்டும்.

    உடல் பருமனை கையாளுமுறை

    • பெரியவர்களுக்கு உடல்பருமன் பற்றிய விழிப்புணர்ச்சி கொடுப்பதைக் காட்டிலும் சிறு வயதில் இருந்தே விழிப்புணர்ச்சி கொடுக்க வேண்டும்.
    • உடல் பருமனைக் கையாள பயிற்சி பெற்ற மருத்துவர்களை அணுக வேண்டும்.

    சிகிச்சையில் இலக்குகள்

    மருத்துவ இலக்கு

    • மருத்துவ இலக்கின் முக்கியக் கொள்கைள் என்னவென்றால் பின் விளைவுகளைத் தடுப்பது.

    பழக்கவழக்க இலக்கு

    • உணவு பழக்கமுறை மற்றும் உடற்பயிற்சி பழக்கங்கள் சீராக இருந்தால் உடல்பருமனைத் தடுக்கலாம்.

    எடை இலக்கு

    • உடல் எடையை அடிக்கடி பார்க்க வேண்டும். ஆஙஐ யின் அளவை சரியான முறையில் வைக்க வேண்டும்.

    இந்த இதழை மேலும்

    தடை அதை உடை

    வானத்தில் நிலாவும், நட்சத்திரங்களும் ஒரு காலத்தில் சந்தோசமாக இருந்தார்கள். இரவின் மடியில் வானத்துடனும், மேகத்துடனும் மனசு பேச முற்படும் போதெல்லாம், நமக்கு முன்னாள் நிலாவும் நட்சத்திரங்களும் கொஞ்சி குலாவி சந்தோசமாகப் பேசி சிரிப்பைக் காணமுடியும். அந்த அழகின் மகிழ்வின், நாம் பேச நினைத்ததை நம்மையும் அறியாமல் மறந்து போவோம். அப்படிபட்ட மகிழ்வில் திடீரென்று ஒரு நாள் பெரிய பூதம் வந்து, நான்கு நட்சத்திரங்களைப் பிடித்து சாப்பிட்டுவிட்டு சென்றுவிட்டது. அடுத்தடுத்த நாட்களில் பூதம் வருவதும், நட்சத்திரங்களை பிடித்து சாப்பிடுவதும் தொடர் கதையானது. என்னை பார்த்த நிலாவுக்கு ரொம்ப கஷ்டமா இருந்தது. மனதுக்குள் வலி வெளியே சொல்ல நாளுக்கு நாள் நட்சத்திரங்கள் வானில் வருவது குறைந்துகொண்டே இருக்கிறதே என்று நிலா ரொம்பவே கவலையானது. முடிவாக, இது தொடர்பாக சூரியனிடம் புகார் கூறியது. தினமும் இரவு நேரத்தில் பூதம் வந்து நட்சத்திரங்களைக் கொன்று தின்று விட்டு செல்கிறது. இது தொடர்ந்தால் வானம் இருட்டாகி விடும் வானம் ஜொலிக்கவே ஜொலிக்காது. இதை இப்படியே விட்டு விட்டால், எதிர்பாராத பேரழிவு ஏற்பட்டு விடும் என்று தன் உள்ளத்து குமுறல்களை எல்லாம் சொல்லி அழுதது நிலா .

    சூரியனும், நிலாவை சமாதானப்படுத்தியது. இது அப்படி நடக்காது, நான் பார்த்து கொள்கிறேன் என்று சமாதானம் சொல்லி அனுப்பி வைத்தது.

    இப்படி ஒரு கதை இருந்தால் இதற்கு என்ன முடிவு தரலாம்.அந்தச் சூரியன் என்ன நடவடிக்கை எடுத்திருந்தால், நட்சத்திங்களைச் சாப்பிடாமல் இருந்திருக்கும் என்பது ஒரு கற்பனை கதை.

    இந்தக் கதையில்… நாம் என்னவாக இருக்கிறோம்?  நட்சத்திரங்களாகவா? நிலாவாகவா? சூரியனாகவா? பூதமாகவா? என்று கேள்வி நீள்கிறது. யோசிக்க வேண்டிய தருணம் இது.

    நம் ஒவ்வொருத்தருக்குள்ளேயும் நட்சத்திரம் இருக்கிறது. சூரியன்   இருக்கிறது. நிலா இருக்கிறது. பூதமும் இருக்கிறது. நம்மில்  நினைத்துத்தான் நாம் பயந்துகொண்டே இருக்கிறோம். அந்தப் பூதத்திற்கு நாம் என்ன வேண்டுமானாலும் பெயர் வச்சுக்கலாம்.

    “சரியா நான் படிக்கவில்லை. சரியாக எனக்கு எழுத வராது. எனக்கு விளையாட்டுனா பயம். யாராவது ஆங்கிலம் பேசினாலே 10 அடி தள்ளி நிற்பேன்.மேடையில் சில பேரு பேசும் போது, நானும் இது மாதிரி பேசலானு நினைப்பேன்.ஆனால் நான் மேடையேறினால், தொடையெல்லாம் தானா நடுங்கும். அலுவலகத்தில் மேனேஜரைப் பார்த்தால் பயம். அரசியல்வாதிகளைப் பார்த்தால் பயம். அன்றாடம் நடக்கும் சமூக அவலங்களைப் பார்த்தால் பயம். சினிமாவுல, டிவியில பார்க்கிறசண்டை காட்சிகள்  எல்லாம் நம்ம விட்டிலும் நடந்துவிடு மோங்கிறபயம் என்று இப்படி நமக்குள்ள  பலவிதமான பூதங்கள் இருந்துகொண்டேதான் இருக்கிறது.

    இந்த இதழை மேலும்

    வெற்றியாளர்கள் நீங்கதான்!

    நீங்கள் ஒவ்வொருவரும் உலகுக்கு அல்ல ஊருக்கு அல்ல நாம் வாழும் வீட்டிற்கு கூட  அல்ல, அவரவர் உள்ளத்தில் தட்டி எழுப்பும் கனவு தேசத்திற்காவது ஹீரோவாகவோ அல்லது ஹீரோயினாகவோ திகழவேண்டும் என்றால் உங்கள் எண்ணம் எப்பொழுதும் உயர்ந்ததாகவே இருக்க வேண்டும்….. இதனை நீங்கள் உங்கள் வீட்டு கண்ணாடியில் முகம் பார்க்கும் பொழுது உணர முடியும்.

    நம் முகம் கண்ணாடியில் எவ்வளவு அழகாக தெரியவேண்டும் என விரும்புகிறோமோ அவ்வாறே நம் வாழ்க்கை முறையும் இருக்க வேண்டும்….. உலகிலேயே மிக சிறந்த வளமாகப் போற்றப்படும் மனிதவளம் அதிகம் கொண்ட நாடுகளின் பட்டியலில் நம் தேசம் இரண்டாவதாக இருந்தாலும் இளம் தலைமுறைகள் வாழும் இளம் தலைமுறைகள் வாழும் இணையற்ற தேசமாக நம் இந்திய தேசம் முதன்மையாக இவ்வுலகப் பந்தில் சுழன்று வருகிறது……

    தம் ஏவுகணை நாயகன் கலாம் கண்ட கனவு இந்தியா கூட இந்த நம்பிக்கையில் உதித்தது தான். அதனால் தான் கலாம் அவர்கள் கடைசி வரை மாணவர்களைத் தேடும் தலைவராக விளங்கியதோடு மட்டுமல்லாமல் மாணவர் சபையினிலே தம் இறுதி மூச்சிலும் சுவாசித்துவிட்டு சென்று இருக்கிறார். இம்மண்ணுலகை விட்டு விடை பெற்று செல்லும் போது வெறுமனே செல்ல வில்லை வல்லரசுக் கனவை  ஒவ்வொரு இடத்திலும் விதைத்துவிட்டு சென்றிருக்கிறார்.

    அடுத்ததாக இந்த உலகம் கொண்டாடிய ஆன்மிக ஞானி அமெரிக்க தேசத்தில் எம் சகோதர சகோதரிகளே என்னும் வரலாற்றுச் சிறப்புமிக்க உரை நிகழ்த்திய சுவாமி விவேகானந்தர், இந்திய தேசத்தை வழிமையான தேசமாக மாற்றிக் காட்ட பொன்னையோ பொருளையோ என்னிடம் கொடுங்கள் எனக் கேட்கவில்லை…… வலிமையான நூறு இளைஞர்களை மட்டும் கொடுங்கள் இந்த தேசத்தை மாற்றி காட்டுகிறேன் என்றுதான் சொன்னார். அதனால் தான் அவர் இன்றளவும் இளைஞர்கள் கொண்டாடும் தலைவராகவும்,  இளைஞர்களைக் கொண்டாடிய தலைவராகவும் போற்றப்படுகிறார்.  அப்படிபட்ட வளமும் வலிமையும் கொண்டவர்கள் நீங்கள். உங்களுக்கு உடனடித் தேவை உங்களின் தேவையை உங்களது திறமையை ஒரே ஒருவரால் தான் புரிந்துக் கொள்ள முடியும். அந்ந ஒருவர் நீங்கள் தான்…..

    நவீன இந்தியாவின் சிற்பி எனப் போற்றப்படும் ஜவஹர்லால் நேருவின் பிறந்தநாள் இன்று குழந்தைகள் தினமாகக் கொண்டாடப்படக்  காரணம் என்ன? அவர் குழந்தைகளது இருப்பை உணர்ந்து அவர்களது ஆற்றல் உணர்ந்து கடைசி வரை அவர்களைக்  கொண்டாடிய தலைவராக இருந்ததின் காரணமாகத் தான். இந்த உலகை காப்பாற்றநாம் போராட வேண்டியதில்லை.  பொருள் சேர்க்க வேண்டியதில்லை. அறிவியல் கண்டுபிடிப்புகளால் இந்த தேசத்தைப் புரட்டிப் போட வேண்டியதில்லை. பிறகு என்ன தான் செய்ய வேணடும் என அதிகம் யோசிக்காதீர்கள்.

    சிறிது கூட யோசிக்காமல் நீங்கள் ஒன்றேஒன்றைசெய்தால் போதும்.  ஆம் மழலைகளையும்,  மரங்களையும் இம்மண்ணில் நல்ல வண்ணம் விதைத்து விட்டால் போதும்….  இந்த பூமி தப்பித்துக்கொள்ளும். மரங்கள் தழைத்து இம்மண்ணைப் பாதுகாப்பது போல  மழலைகளை நல்ல வண்ணம் வளர்த்து விட்டால் இந்த பூமி புதிய  பூமியாக மலரும்….

    இந்த இதழை மேலும்

    எனிமாவும் நீள் ஆயுளும்

    இயற்கை மருத்துவ முறையின் அகிம்சை எனிமா எடுப்பதால் நம் குடலும், உடலும் சுத்தமாவதோடு நம் உடலின் உஷ்ணம் கணிசமாகக் குறைகிறது. நம் உடலின் உஷ்ணம் குறைவதால் நம் கல்லீரல் புத்துணர்வு பெறுகிறது. உடல் உஷ்ணமானச் சூழலில் நம் கல்லீரலின் நொதிகள் அழிந்து போகிறது என்று ஏற்கனவே நாம் பார்த்தோம். ஆகவே, கல்லீரலின் புரதம் மற்றும் கொழுப்புச் செரிமானம் சிறப்பாக நடக்க நாம் தினமும் எனிமா எடுப்பது நல்லது. அன்பு நண்பர்களே! எனிமா எடுப்பதால் நம் ஆயுள் எவ்வாறு நீட்டிக்கப்படுகிறது என்று இனிப் பார்ப்போம்.

    1. சக்தி செலவின்றி உடல்கழிவு நீக்கம்: கழிவு வெளியேற நம் உடல் சக்தி செலவு செய்ய வேண்டும். எனிமா எடுப்பதால் உடல் சக்தி செலவின்றி கழிவு வெளியேற்றம் நிகழ்கிறது. இதனால் நம் உடலின் சக்தி உள்ளுறுப்புகளை புத்துணர்வாக்க பயணப்பட்டு நம் ஆயுளை நீட்டிக்க உதவுகிறது.
    2. உடற்கழிவு நொதித்து கெடுவதற்கு முன் நீக்கம் செய்யப்படுகிறது: உடலின் கழிவு பெருங்குடலில் சேர்ந்தவுடன் நீக்கப்படுவதால் அது நொதித்து, புளித்து, நுரைத்து கிருமியை வரவழித்து உடல் நலனை சீர்கெட வைப்பதைத் தவிர்க்கிறது. இதனால் நோய்க்கு செலவிடும் சக்தி மிச்சமாகிறது.
    3. உடல் உஷ்ணம் தணிப்பு: பெருங்குடலின் இறுக்கம் தளர்த்தப்படுவதால் உடலின் கணிசமான உஷ்ணம் தணிக்கப்படுகிறது. இதனால், கல்லீரல் இரணம் தவிர்க்கப்பட்டு, புரதம் மற்றும் கொழுப்புச் செரிமானங்கள் சிறப்பாக நடைபெற்று ஆயுள் நீள வழியாகிறது.
    4. இலகுவான வாய்வு வெளியேற்றம்: நம் உடலில் வாய்வானது சிறு குடலில் அதிகமாக சிக்கியிருக்கும். எனிமா மூலம் பெருங்குடலின் கழிவு நீக்கப்படுவதால், சிறுகுடல் கழிவு இலகுவாகிப் பெருங்குடலில் இறங்கி வருகிறது. இதனால் சிறுகுடல் வாய்வும் நீக்கப்பட்டு மாரடைப்பு நிகழ்வுகள் தவிர்க்கப்படுகின்றன.
    5. நுரையீரல் சுமை குறைதல்: பெருங்குடல் இறுக்கத்திற்கும், நுரையீரல் செயல்திறனுக்கு சக்தியோட்டத் தொடர்பு இருக்கிறது. பெருங்குடலின் பாரம் குறைக்கப்படும்போது நுரையீரலின் செயல்திறன் சிறப்படைந்து ஆயுள் நீட்டிப்பு வாய்க்கிறது.
    6. சிறுநீரக பாரம் குறைதல் : கழிவு நீக்க வெளியிலிருந்து நீர் செலவு செய்யப்படுவதாலும், பெருங்குடல் குளிர்விக்கப் படுவதாலும் உடலின் நீர்த்தேவை கணிசமாகக் குறைக்கப்படுகிறது. இதனால், சிறுநீரகங்கள் வழியாக வெளியேற வேண்டிய நீரின் அளவு குறைந்து சிறுநீரக பாரம் குறைக்கப்படுகிறது.
    7. உடல் எடை குறைதல்: எனிமா எடுப்பதால் உடல் கழிவு நீக்கப்பட்டு எடை குறைப்பு நிகழ்கிறது. இதன் பயனாய் நம் உள்ளுறுப்புகளின் ஆயுள் நீட்டிக்கப்பட்டு நாமும் நீண்ட காலம் வாழ முடியும்.
    8. காய்ச்சல் மற்றும் சளி குறைதல்: காய்ச்சல் மற்றும் சளி அதிகமாக இருக்கும் போது எனிமா எடுத்தால் விரைவாக குணமாவோம். இதுவும் நம் ஆயுள் நீட்டிப்புச் செயலே ஆகும்.
    9. நாட்பட்ட நோய்கள் விரைவாக குணமாதல்: எனிமா எடுப்பதால் நோய் வளர்வதற்கான உடல் உஷ்ணம் மற்றும் உடற்கழிவு நீக்கப்படுவதால், நாட்பட்ட நோய்கள் விரைவாக குணமாக, நம் ஆயுளும் கூடும்.

      இந்த இதழை மேலும்

    தோல்வியைத் தவிர்த்து வெற்றி பெறுவது எப்படி?

    “தன்னுடைய தவறு எது என்று கண்டுபிடிப்பவன் வெற்றியின் முதல்படிக்கட்டில் கால் வைத்து விடுகிறான்”

    லத்தின் பழமொழி

    வெற்றி ஒரு தற்செயலான நிகழ்வு என்று பலரும் நம்பிக் கொண்டிருக்கிறார்கள். இது ஒரு தவறான எண்ணம்.

    வெற்றி தற்செயலாய் நிகழ்வதில்லை. ஒரு முடிவு எடுத்து அதை செயல்படுத்துவதன் மூலம் , நாம்தான் அந்த வெற்றியை நிகழ்த்துகிறோம். நம் வெற்றிக்கும் தோல்விக்கும் நாம் தான் பொறுப்பு.

    நமது மனதில் உண்டாக்கிக் கொள்ளும் தன்னம்பிக்கை எண்ணங்களும், நம் குறைகளை உணர்ந்து கொள்ளும் தன்மையும், நம்மை மாற்றிக் கொள்ள வேண்டிய தேவைகளை அடையாளம் கண்டு கொள்ளுதலும் நம்மைத் தோல்வியிலிருந்து மீண்டு வெற்றியைப் பாதையை நோக்கி நகரச் செய்கிறது.

    ஒரு முயற்சியில் ஒருவர் தோல்வியடைவது என்பது பல காரணங்களினால் நிகழ்கிறது.

    தோல்விக்குரிய முக்கிய காரணங்கள்

    • அனுபவமின்மை
    • அனுபவம் பெற்றவர்களுடைய அறிவுரையைப் பெறாதிருத்தல்.
    • அவசரமான முடிவுகள்
    • அர்ப்பணிப்பு உணர்வு இன்மை
    • அனுசரித்துப் போகும் பக்குவமின்மை
    • ஆர்வமும், ஈடுபாடும் போதிய அளவு இன்மை
    • உடனிருப்போரின் ஒத்துழைப்பை சரியாகப் பெறாமலிருக்கும் தன்மை
    • எதிர் விளைவுகளைப் பற்றி சிந்திக்காமல் இருக்கும் போக்கு
    • ஒத்திப்போடும் மனப்பான்மை
    • ஒவ்வொரு பிரச்சனைக்கும் இன்னொரு பார்வை, இன்னொரு கோணம், இன்னொரு அணுகுமுறை , இன்னொரு செயல்முறை இருப்பதை அறியாது இருக்கும் தன்மை
    • கடின உழைப்பை மேற்கொள்ளாமை
    • காரண காரியமின்றி முன்கோபம்
    • சரியாக திட்டமிடாத தொடக்கம்
    • சரியில்லாத அணுகுமுறை
    • சரியில்லாத செயல்முறைகள்
    • சிறு சிறு தொய்வுகளை சரி செய்யாமல் சமாதானமாகிக் கொள்ளும் தன்மை
    • சிக்கல்களை எதிர்கொள்ளும் துணிவு இன்மை
    • சிக்கலை சமாளிக்கும் ஆற்றலின்மை
    • சுயபுத்தியும், சொல்புத்தியும் இல்லாமை
    • செயல்படுவதில் ஒருங்கிணைப்பின்மை
    • செயல்படுவதில் பேதிய வேகமின்மை
    • தனக்கு எல்லாம் தெரியும் என்ற ஒரு மேதாவித்தனம்
    • தன்னுடைய பலத்தையும், செய்யப்போகும் வினையின் பலத்தையும் தவறாகக் கணித்தல்
    • தன்னைப் பற்றிய தாழ்வு மனப்பான்மை
    • தன்னம்பிக்கையும், தைரியமும் இன்மை
    • நவீன தொழில் நுட்பங்கள் பற்றிய தெளிவின்மை
    • நெருக்கடி நேரங்களில் நிதானம் தவறும் தன்மை
    • புதிய யுக்திகளை பின்பற்றாமை
    • மாற்றி யோசிக்கும் மனப்பக்குவம் இன்மை
    • முனைப்புக் காட்டுவதிலே வேகக்குறைவு
    • முயற்சிகளில் சோர்வடைதல்
    • உற்சாகக் குறைவு

    இவைகளெல்லாம் தோல்விக்குரிய முக்கிய காரணங்களாக  அமைகிறது.

    இந்த இதழை மேலும்

    சிறுகதைகளின் சிறப்பு அம்சங்கள்

    மனிதன், தன்னுடைய பிறப்பிலி ருந்து வாழ்க்கையின் இறுதி கட்டம் வரை அன்பு, பாசம், கருணை, மகிழ்ச்சி, துன்பம், பகை என்றபல்வேறு உணர்வுகளுக்கு கட்டுப்பட்டு வாழ்கின்றான். இவற்றுள் ‘பகை’ கொடிய நோய். பகைமையால் ஏற்படும் தீயன பற்றியும், பகைமையால் வரும் துயரை வெல்லும் முன்னெச்சரிக்கை பற்றியும் சிறு கதை மூலம் அறியலாம்.

    ‘பகைவன் என்றும் பகைவன் தான்’ அவன் மாறிவிடுவான் இல்லை மாறிவிட்டான் என்பது நாம் கொண்ட அறியாமை ஆகும். நாம் வளர்த்திய பகை நம்மிலும் வளரலாம், நம்மை சுற்றியும் வளர்ந்து நிற்கலாம். நம்மில் வளர்ந்து நிற்கும் பகை உயிர் நாடியை ஒருமுறைஆட்டி வடும். இதனையே வள்ளுவர்,

    ஒன்றாமை ஒன்றியார் கட்படின் எஞ்ஞான்றும்

    பொன்றாமை ஒன்றல் அரிது (குறள்: 886)

    என்ற பாடல் மூலம் விளக்கியுள்ளார். நம்மில் வளர்ந்த பகையும் நம்மை சுற்றியுள்ள பகையும் ஒன்றிர்கொன்று சளைத்தவை அல்ல. அதனால் பகைமைறைவள்ளுவர் ஒரு முள்மரம் என்றும், அதனை முட்செடியாக இருக்கும் பொழுதே களைத்து விட வேண்டும். அது முதிர்ந்து நின்றால் அதனை களைப்பவருக்கே பெரும் பாதிப்பாய் அமையும். ‘களைய வேண்டிய பகையை, அதன் தொடக்க நிலையிலேயே களைத்து விட வேண்டும். அக்கணமின்றி அது வலுத்தபின் பலர் கூடி தாக்கினாலும் அது தாக்குபவரையே அழித்து விடும்’ என்றார் வள்ளுவர்.

    காக்கைகளுக்கும் ஆந்தைகளுக்கும் நடந்த போர்:

    மகிழரோப்யம் என்ற ஆலமரம் ஒன்று நகரின் அருகில் இருந்தது. எண்ணற்கிளைகள் காக்கைகளின் உறைவிடமாக இருந்தது. மேகவர்னா என்ற காக்கையே அரசனாய் வலம் வந்தது. ஆலமரத்தின் அருகில் குகை ஒனறு இருந்தது. அதில் அரிமரதனா என்ற ஆந்தையின கீழ் ஆந்தைகள் கூட்டம் வாழ்ந்து வந்தது.

    ஆந்தைகள் ஒவ்வொரு நாளும் இரவில் காக்கைகள் வாழும் ஆலமரத்தை முற்றுகையிட்டு, அவர்களால் முடிந்த அளவு காக்கைகளுடன் சண்டையிட்டு கொன்று வந்தன. காக்கைகளுக்கு இரவில் பார்க்கும் சக்தியற்று, ஆந்தைகளை எதிர்க்க இயலாது அழிந்து வந்தன.

    மேகவர்னா, தன்னுடைய அமைச்சர் அவையில் இருக்கும் அமைச்சர்களுடன் ஆலோசனை நடத்தியது. ஆலோசர்களான உஜீவ், சஞ்ஜீவ், அநுஜீவ், பிரஜீவ் மற்றும் சிரஞ்ஜீவ் இவர்களை அழைத்து ஆலோசனை நடத்த ஐவரும் அவர்கள் திட்டங்களை கூறினர். உஜீவ் ‘பகைவர்களுடன் சமாதானமாய் போய்விடலாம்’ என்க, ‘அவர்கள் கொடூரமானவர்கள், சமாதானம் வேண்டாம். போராடுவோம்’, அநுஜீவ் ‘அவர்கள் போர் தர்மங்களை பின்பற்றமாட்டார்கள். அதனால் நாம் வேறு இடம் செல்வோம்’ என்றது. உடனே, பிரஜீவ், ‘வேறு இடம் சென்றால் திரும்ப இயலாது’ எனக் கூறவே, சிரஞ்ஜீவ் ‘நாம் நம் நண்பர்கள் உதவியை நாடலாம்’ என்றது.

    ஐவரின் ஆலோசனையும் பிடிபடாத மேகவர்னா, தன் தந்தையின் ஆவோசகர் ஸ்திரஜ்வின் உதவியை நாடியது. அக்காக்கை ‘மேகவர்னா! உன் ஆலோசகர்கள் கூறியவை தவறில்லை. நீதிக்கு உட்பட்டவை தான். ஆனால் இந்த சூழ்நிலையில் அது தீர்வாக அமையாது. நீ ஒற்றர்களை ஏற்பாடு செய். அவர்கள் மூலம் ஆந்தைகளின் பலவீனங்களை அறிந்து அழித்து விடு. என்னை அடித்து இரத்தம் வர இங்கு விட்டு வெளியேறி விடு. நான் அவர்கள் நல் மதிப்பை பெற்று அழிக்கும் வழியை கூறுகின்றேன். அதுவரை ரிஷ்யமுகம் மலையில் பதுங்கியிருங்கள்’ என்றது. ஸ்திரஜ் கூறியது போல் மேகவர்னா தன் இனத்தோடு வெளியேறியது.

    இந்த இதழை மேலும்

    முயன்றேன் வென்றேன்

    இர. பிரேம் ஆனந்த்

    தமிழ் ஆசிரியர், நாகர்கோவில்

    இறைவன் கொடுத்ததை பகிர்ந்து கொள், பதுக்கி கொள்ளாதே!” என்று நாட்டிற்கு எடுத்துரைத்த, பிரேம் ஆனந்த்யுடன் ஒரு சிறு சந்திப்பு.

    இயற்கை அழகு பூத்து குலுங்கும் இந்த தமிழகத்தில் நெல்லை மாவட்டம் தென்காசியில் ஜீன் மாதம் ஒன்றாம் நாள் 1985 இல் இரவி மற்றும் அழகுபார்வதிக்கு பிறந்தேன்.  நான் என் வாழ்வின் தொடக்கத்தை சிறு எதிர்பார்ப்பற்று துவங்கினேன். தென்காசிக்கு அன்மையில் உள்ள மின்னடிச்சேரி துவக்கப் பள்ளியை சேனைத் தலைவர் துவக்கப்பள்ளியில் பயின்றேன். என் நண்பர்கள் என் படிப்பிற்கு பெரிதும் உதவினர்.

    என் படிப்பிற்கு மட்டுமல்ல அனைத்திற்கும் எனது பொற்றோரும் நண்பர்களுமே உதவினர். என் இரு தம்பிகளும் தங்கையுமே என் பெரும் நம்பிக்கை. என் படிப்பின் காலங்களில் என் பயணம் ஆட்டோக்களில் தான் என்னை சில வேளைகளில் நண்பர்கள் அவர்களின் இருசக்கர வாகனங்களில் அழைத்து சென்றனர். எனது படிப்பு மேற்கொண்டு நேரு மேல்நிலைப் பள்ளியில் தொடர்ந்தேன்.

    எனக்கு சிறு வயதிலிருந்தே தமிழ் மீது பற்றுதல் அதிகம். தமிழ் உணர்ந்து பல அர்த்தங்களை தருவதாய் தோன்றும். அதன் காரணமாக நான் தமிழில் உள்ள உள்யுணர்வினை எடுத்துணர்த்த வேண்டும் என்று கிரிஷ்ணாராஜா நிறுவனத்தில் ஆசிரியர் பயிற்சியை பட்டயமாக அமைய எண்ணி தமிழையே கற்றேன்.

    பல மேதைகளை சுயநலமின்றி பெறும் அறிஞர்களாக மாற்றும் பணியான ஆசிரியர் பணியை நாகர்கோவிலில் உள்ள அருமநல்லூரில் உள்ள அரசு தொடக்கப்பள்ளியில் பணியாற்றுகின்றேன்.

    என் வாழ்வில் பெரும் மாற்றம் என்றால் நான் ஆசிரியராக பணியாற்றியது தான். என் வாழ்வில் நான் என்றும் மறக்க இயலாத நிகழ்வு என்றால் என் பள்ளி தோழர்கள் உதவியது தான். அவர்களின் உதவியால் மட்டும் தான் இவ்வுயரத்தை அடைந்துள்ளேன். சுரேஸ் சந்தரனும் தோழர் கந்தன் இருவரும் தான் என்னை அவர்கள் இரு சக்கர வாகனத்தில் அழைத்து சென்றனர். என் துவக்கப்பள்ளி ஆசிரியர் ஜெயந்தி நாயுகாரி தான் என் தமிழ் ஆர்வத்தை தூண்டினார். அவரது உந்து சக்தியால் தான் நான் தமிழ் எடுத்து பயின்றேன்.

    தமிழில் நான் இளம் வயதிலிருந்தே கவிதை எழுதும் ஆர்வம் உண்டு. என் நண்பர்களின் தூண்டுதலினால் நான் அதிகமாக எழுத துவங்கினேன். நான் ஆசிரியர் பட்டைய பயிற்சியை படிக்கும் போது என் நண்பர் ஜான்பால் அவர்கள் தான் எனக்கு பெரும் உதவியாய் இருந்தார். இவர் எனக்கு மற்றோரு அம்மா, அப்பா போல் தான். இன்று அவர் புதுக்கோட்டையில் ஆசிரியராக பணியாற்றுகின்றார்.

    இந்த இதழை மேலும்

    வாழ்வை வளப்படுத்தும் தத்துவங்கள்

    வாழ்க்கை என்பது கடல் மாதிரி. அதில் நம் வெற்றி கடலுக்கடியில் நிர்ணயிக்கப்பட்ட ஒன்றாகும். அதை அடையும் வரை அது நம் கண்களுக்குத் தெரியாது. ஆனால் கனவுகளுக்குத் தெரியும்.

    உலகம் எனும் பூமியில் பல கரடு முரடான பாதைகளுக்குள் புதைந்தும், ஒழிந்தும் கிடப்பவைதான் வெற்றி எனும் வாசகம். இவ்விலக்கைத் தொட எண்ணற்ற இடையூறு களையும், துன்பங்களையும், கஷ்டங்களையும் எதிர்கொண்டாக வேண்டும்.

    கடலுக்கடியில் கிடக்கும் வெற்றியை, சாதனையை எடுக்க வேண்டுமானால் நீரில் மூழ்கி மடியாமல் பயணித்தால் மட்டுமே எடுக்க இயலும். இப்போராட்டத்தில் நீ மாய்ந்தால் உன் இலட்சியமும் இத்துடன் மாய்ந்துவிடும்.

    இதயத்திற்குள் இலக்கை வைத்துக் கொண்டு விபத்துக்கள் எதையும் சந்திக்காமல் செல்ல மனித வாழ்வுத் தத்துவங்களைத் தெரிந்து கொண்டு எதையும், எதிலும், செய்யத் துவங்குங்கள்.

    இப்படி செயல்படும் போது வேதனைகள் சாதனைகள் ஆகும்.

    சவால்கள் சரித்திரமாகும்; கஷ்டங்கள் கல்வெட்டாகும்; சோகம் சுகமாகும்; உழைப்பு உயர்வாகும்; நோக்கம் ஆக்கமாகும்; துன்பங்கள் இன்பங்களாகும்; கனவுகள் நனவாகும்; படிப்பு படைப்பாகும்; நஷ்டங்கள் நன்மைகளாகும்; வாழ்க்கை வசந்தமாகும். தோல்வி வெற்றியாகும்.

    செயல்படும்முன் வெற்றியின் ரகசியத் தத்துவங்களைத் தெரிந்து கொண்டு செயலாற்றத் தொடங்குங்கள்.

    போராட்டத்தின் முடிவில் வெற்றி என்ற கனியைப் பறிப்பது உறுதிதான்.

    கொஞ்சம் ஆழமாகச் சிந்தித்துப் பாருங்கள்.

    அப்பொழுது தான் வாழ்க்கை என்றால் என்னவென்று தெரியும். உங்களை நீங்களே அறிய முடியும்.

    சிந்திக்கும் பொழுது எப்போது உங்களைமறந்துவிட்டுச் சிந்திக்கின்றீரோ அப்பொழுது தான் நீங்கள் ஆழமாகச் சிந்திக்கின்றீர்கள் என்று அர்த்தம்.

    எனது தத்துவங்கள் என்ற தலைப்பில் நான் எழுதி வைத்துள்ள தனிப் புத்தகத்திலிருந்து இதோ சில தத்துவங்கள்.

    படித்துப் பயனடையுங்கள். இத்தத்துவங்கள் படிப்பவர்களின் வாழ்க்கையை கண்டிப்பாகப் பக்குவப்படுத்தும்; மனிதனை பலப்படுத்தும்.

    எனது தத்துவங்கள்

    • இருபதுக்குத் துறையழகு அறுபதுக்கு நரையழகு
    • தீண்டாமை என்பது நமக்கு வேண்டாமையாகும்.
    • பல தோல்விகளைக் கடந்தால் தான் வெற்றி என்ற மாளிகையை அடையமுடியும்.
    • எல்லாம் தெரிந்தவன் எவனுமில்லை ஒன்றும் தெரியாதவன் உலகிலில்லை.
    • கடின உழைப்பால் மட்டுமே உனது நோக்கத்தை (இலட்சியத்தை) முழுவதுமாக எட்டமுடியும்.
    • இளைஞர்களே!  உங்களுக்குள் ஒரு நோக்கத்தை ஏற்படுத்திக் கொள்ளுங்கள்.  ஏக்கத்தை ஏற்படுத்திக் கொள்ளாதீர்கள்.

    இந்த இதழை மேலும்

    எங்கிருந்து வர வேண்டும் மாற்றம்

    என்னை மன்னித்து விடுங்கள்.  உங்களை பற்றி உங்களுக்கு தெரியாத சிலவற்றை நான் பட்டியல் போட்டு வைத்திருக்கிறேன்.  அவை சற்று முகம் சுளிக்க வைக்கலாம்.  “வேளைக்கு சோறு இல்லை, நாளைய சோற்றுக்கு வேலை இல்லை” என்ற புலம்பும் சாதாரண இந்திய பிரஞையின் மனநிலையில் இருந்ததுதான் நான் இதை எழுதுகிறேன் என்பதை முதலில் உங்களுக்கு தெளிவுபடுத்திக் கொள்கிறேன்.

    “டீ யா இது இதெல்லாம் மனுஷன் குடிப்பான, நீயெல்லாம் எப்போ மாறப்போறானே தெரியல”  என்று காலையில் மனைவியிடம் ஏற்படும் வாக்குவாதம் இரவில் அரசியல்வாதிகள் பங்கேற்கும்  தொலைக்காட்சி விவாதங்களை பார்த்துவிட்டு “இந்த நாடு எப்போ மாறப்போதோ” என்று ஏக்கத்தோடு முடிகிறது ஒவ்வொரு தனிமனிதனின் ஒவ்வொரு நாளும்.

    மாற்றம் அன்றாட வாழ்வில்  இந்த சொல்லை பல இடங்களிலும் பலதரப்பட்ட மக்களிடமும் நான் கேட்டிருக்கிறேன்.  ஒரு நாள் காற்றோடு கதை பேசவும், மண்ணையும் மனிதர்களையும் திரும்பி பார்க்கவும் என கணினி உலகத்தை விட்டு வெளியே வந்தேன்.  மக்கள் கூடும் இடங்களில் ஒரு காட்சி, ஒரு குழு எம்மக்களிடம் “உங்கள் நாடு முன்னேறயாரிடம் மாற்றம் வேண்டும்?” என்ற கேள்வியை பலதரப்பட்ட மக்களிடம் கேட்டுக்கொண்டிருந்தார்கள்.  நான் கவனித்தேன்.  அவர்கள் பதில்களின் வந்த வார்த்தைகள் அரசியல்வாதிகளிடத்தில், அதிகாரிகளிடத்தில், பொதுநலவாதிகளிடத்தில், போலீஸ்காரர்களிடத்தில், பண்பாடு மறந்த மாணவர்களிடத்தில், எழ மறுக்கும் இளைஞர்களிடத்தில் என்று பட்டியல் நீண்டுகொண்டே போனது.

    குழப்பமான மனதுடனும், சோர்ந்த உடலுடனும் வீட்டை அடைந்தேன்.  உதவாக்கரை,  ஒரு வேலைய உருப்படியா செய்றதில்ல,  உன்ன யாரு மாத்தப்போரான்னு தெரிய” என்று தம்பியை நொந்துகொண்டிருந்தார் அப்பா.

    கொஞ்சம் சிரித்துக் கொண்டு, அதை மறைத்துக் கொண்டு என் அறையை அடைந்தேன்.  அறைக்கதவினை தாளிட்டு மனக்கதவினை திறந்தேன்.  எப்போதோ ஓய்வு பெற்ற என் நாட்குறிப்பை தேடி எடுத்தேன்.  இப்போதுதான் என் நாட்குறிப்பில் உள்ள வெள்ளை பக்கங்களுக்கு மறுமணம் நடந்தது.  என் எழுத்தாணியின் மைத்துளிகளால் அந்த பக்கங்களில் நான் எழுதியது இது தான்.

    இந்த இதழை மேலும்