வெற்றிக்கு நல்வழி
கவிச்சுடர் அழகுதாசன்
சுந்தராபுரம்
வாழ்வை ரசியுங்கள் – அது
வளர்ச்சியின் நூலகம்
ஆழ்ந்து படியுங்கள் – அது
அறிவின் உலகம்
தாழ்த்திக் கொள்ளுங்கள் – அது
தகுதியின் சான்று
வாழ்த்திப் பழகுங்கள் – அது
வளர்தலின் மாண்பு!
உண்மை பேசுங்கள் – அது
உயர்ந்தோர் இலக்கணம்
பெண்மையைப் போற்றுங்கள் – அது
பெருமையின் தனிக்குணம்
கனிவாய்ப் பேசுங்கள் – அது
கருணையின் மகத்துவம்
மனிதம் பேணுங்கள் – அது
மகானின் தத்துவம்!
பயிற்சி செய்யுங்கள் – அது
பட்டறிவுச் சுரங்கம்
முயற்சி செய்யுங்கள் – அது
முன்னேற்றச் சக்கரம்
நயவுரை கூறுங்கள் – அது
நல்லோரின் பொன்மொழி
செயலுடன் உழையுங்கள் – அது
வெற்றிக்கு நல்வழி!
0 comments Posted in Articles