Home » Articles » உண்மை உன்னை உயர்த்தும்

 
உண்மை உன்னை உயர்த்தும்


செல்வராஜ் P.S.K
Author:

எங்களுக்கு நிகரான பதவி, பணம், புகழ் செகுசு, சுகம், சொத்து, ஆபரணங்கள் இன்னும் தங்களுக்கும் பிடித்ததும் விரும்பியதும் தருகின்றோம்; எங்களை எதிர்ப்பதை விட்டுவிட்டு எங்களுடன் இணைந்துவிடுங்கள் என்று ஆங்கிலேயர் ஆசைக்காட்டியபோது, இதெல்லாம் எங்களது கால் தூசிற்கும், செருப்புக்கம் கூடச் சமமில்லை. வேறெதுவும் வேண்டாம். கொண்ட நீதிக் கொள்கையாகிய சுதந்திரம் மட்டுமே வேண்டும்.  உம்மால் இதைக் கொடுக்கமுடியுமா? கொடுக்காவிட்டால் சாகும் வரை இப்படியே போராடுவோம் என்று வெள்ளையனின் கேள்விக்குப் பதில் சொன்னதனால் தான் பின்பு தூக்கிலிடப்பட்டு வீர மரணம் அடைந்தனர்.

சுற்றிலும் துப்பாக்கி ஏந்திய எண்ணற்ற படை வீரர்களுக்கு நடுவில் தூக்கு மேடையில் நிற்க வைத்திருந்த வேலையிலும் ஆங்கிலேயக் கூலிப்படை என்றழைக்கப்படும் ஆங்கில அரசுப்படை சிப்பாய்க் காவலர்கள் அருகில் வந்து தூக்குக் கயிறை தன் கழுத்திலும் மாட்டிவிட்ட பொழுது, இனி வேறு வழியில்லை செத்துத்தான் ஆகவேண்டும்  என்று இருந்த சூழ்நிலையிலும் சிங்கமெனக் கர்ஜித்து எதிரி வந்து மாட்டிய அக்கயிறை அடுத்தவனை மாட்டவிடாமல் வீரபாண்டியனும், சின்னமலையும், தாங்களே மாட்டிக்கொண்டனர்.  உயிருக்குப் பயந்தஞ்சியவர்கள் நாங்கள் அல்ல என்பதைக் காட்ட இதைச் செய்தனர், இப்பொழுதும் கூட மரபுப்படி கடைசி ஆசை என்னவென்று கேட்டதற்கு சுதந்திரம், சுதந்திரம்,விடுதலை விடுதலை என்றனர். நம் கட்டளையை ஏற்று கட்டுப்பட மாட்டார்கள் என்பதையறிந்த வெள்ளையன் கொதித்தெழுந்து அவர்களைத் தூக்கிலிட ஆணையிட்டான்.  வெறும் கயிறு இறுதியில் மரணம் கயிறாகிறது. இருவரது உயிரைக் குடித்தது. இருவரும் இறந்தனர் மீண்டும் பிறப்பதற்காக மடிந்து கிடந்த மாவீரர்களது பிணத்திற்குப் பக்கத்தில் நெருங்கவும், பேசவும் கூட  அஞ்சினான் ஆங்கிலேயன்.  இறந்த இவர்களது  உடலில் இன்னும் வீரம் இருக்கும் என்பதற்காக.

ஆங்கிலேயனும் அது தூக்குமேடை இவர்களுக்கே அது வீர மேடை நீதியைக் கொல்லாமல் உன் இலக்கை வெல்லவேண்டும். உனது உயர்வு உண்மையான  வெற்றியாக அமைய வேண்டும்.

நியாயமில்லாமல் ஒன்றை வென்று வாழ்வதைவிட, நீதியான நியாயமான ஒன்றைப் பெறுவதற்குப் போராடிச் சாவதே மேல்.

வெற்றி நியாயமான வெற்றியாக இருக்கவேண்டும்  தோல்வி நீதியான தோல்வியாக இருக்கவேண்டும். அதுதான்  சமூகத்தார் அனைவராலும் ஒப்புக்கொள்ளப்படும். மிகவும் கடினமான சூழ்நிலைகளிலும், உயிருக்கு ஆபத்தான சூழ்நிலைகளிலும் உயிர் போகும் போர் நிலையிலும் கூட நியாயத்தைக் கைவிட்டு விடாமல் சாவதானாலும் ஆவதானாலும் செயல்பட வேண்டும்.

உணவுக்கே வழியில்லையென்றாலும் உண்மையை விட்டு விடலாகாது நாணயமான சாதனையைத்தான் நாளைய சமூகம் ஏற்கும்.

மாவீரன் தீரனும், கட்டபொம்மனும் இறந்தாலும் அவர்கள் நட்டும் விட்டும் வைத்த சமூக நீதியான இலட்சியம் இறக்கவில்லை நீதி – அநீதிக்கிடையிலான போர் ஆட்டத்தில் இறுதியில் நீதியே அநீதியை வென்றது நீதியே ஜெயிக்கும்  என்பதற்கான தக்க சான்றும் இதுவே.

கஷ்டம்  வருகிறது என்பதற்காக (கடமையை) கொள்கையை மாற்றவும் அநீதியான வழியில்  நடக்கவும் கூடாது.

நிம்மதி இல்லையா?

உலக வரலாற்றைப் புரட்டிப் பாருங்கள் உண்மையாகவும் நுண்மையாகவும் நேர்மையாகவும் தமது இலட்சியத்துக்காக வாழ்ந்த மகாத்மா காந்தி, நேதாஜி  சுபாஸ் சந்திரபோஸ், வல்லபாய்பட்டேல், வ.உ.சி. திலகர் போன்ற வரலாற்றவர்கள் நிம்மதியாகவும்  மகிழ்ச்சியாகவும் வாழ்ந்ததாகவும், மறைந்ததாகவும் சரித்திரம் இருக்காது. அதுபோல்தான் உங்களது வாழ்க்கை வரலாறும் அமைந்திருக்கும் வருத்தத்தை நினைத்து வருத்தப்படத் தேவையில்லை. துன்பத்தை எண்ணித் துன்பப்பட வேண்டாம். நிம்மதி இல்லை என்று கருதி  இருக்கிறது நிம்மதியையும் அழிக்கவேண்டாம்.

நேர்மறையாகச் சிந்தியுங்கள்

எதிலும் நேர்மறையான சிந்திக்கும் ஆற்றலை உங்களுக்குள் வளர்த்துக்கொள்ளுங்கள். நேர்மறையாகச் சிந்திக்கும் விசயங்கள் அனைத்தும் இறுதியில் உறுதியாக வெற்றி பெறும். எதிர்மறை எண்ணத்தை அகற்றி நேர்மறையாகச் சிந்தித்தீர்களானால் தொட்ட காரியங்கள் அனைத்திலும் எதிலும் வெற்றிபெற்று விடுவீர்கள். இப்படி சிந்திக்கும்பொழுது தான் எளிதிலும், மிக வேகமாகவும் செய்கின்ற செயலில் வெற்றி என்பது கிட்டும். இதில் சொல்லியிருக்கும் வெற்றியாளர்கள் அனைவரும் நேர்மறையாகச் சிந்தித்துச் செயல்பட்டவர்கள். ஒருபோதும் இவர்கள் எதிர்மறையாக சிந்தித்ததில்லை.

வாழ்க்கை

காதல், காமம் போன்றதுதான் வாழ்க்கை என்பதல்ல எண்ணற்ற விசயங்களால் பின்னப்பட்டவைதான் வாழ்க்கை என்பது. இன்பம் மட்டும்  நமக்கு சொந்தமானதல்ல, வெற்றி தோல்வி, துன்பம், தொல்லைகள், சிக்கல்கள், கச்சரவுகள், பிரிவினைகள் என்பதும் மனிதருக்குச் சொந்தமானவைதான். மட்டுமல்ல மைனஸ் என்பதும் மனித வாழ்க்கைக்குச் சொந்தமானதுதான் . இதில் எது வந்தாலும் வந்தபொழுது வரவேற்று ஏற்றுக்கொள்ள வேண்டும்.

புகழ்ச்சி – இகழ்ச்சி

தற்புகழ்ச்சிக்கு மயங்காதே, இகழ்ச்சிக்கு இடம் கொடுக்காதே புகழ்ச்சிக்கு மயங்கியவர்களும் இகழ்ச்சிக்கு இடம் கொடுத்தவர்களும் எதையும் வெற்றிகரமாக செய்து முடிக்க முடியாது. சமுதாயம் உன்னைப் புகழ்ந்தாலும் இகழ்ந்தாலும் இகழ்ந்து மட்டம் தட்டிப் பேசினாலும் அதைக் கணக்கில் எடுத்துக் கொள்ளவேண்டாம்.  காதில் வாங்கி கொள்ளவேண்டாம்.  அரசியல்வாதிகள் உட்பட பெரிய பெரிய தொழில் அதிபர்களுடன் யாம் பேசும்பொழுது நீதான் சிறந்த இளைஞன் உன்னுடைய சேவை சொல்வதற்கரியது. சிறு வயதிலேயே பத்திரிகை உலகில்  பத்திரிகைத் துறைக்குள் கால் வைத்த இளைஞனும் நீ தான் மாவட்ட மாநில அளவில் கணக்கிட்டால் கூட மிக சிறந்த வேகமான இளைஞனாக நீதான் வருவாய். உன்னுடைய இனத்தில் உன்னை வைத்துப் பார்க்கும்பொழுது எல்லோரும் ஆச்சரியப்படும் அளவிற்கு இருக்கிறாய் என்றெல்லாம் பலபேர் என்னைப் பாராட்டியப்போதும் என்னை ஆணவத்துடன் உயர்த்திக் கொண்டதுமில்லை. பகைவர்களின் பேச்சில் தாழ்த்திக்கொண்டதில்லை. என்றும் நான் என நிலையிலேயேதான் உள்ளேன். எதற்குச் சொல்கிறேன் என்றால் ஊருக்கு உபதேசம்  என்று ஆகிவிடக்கூடாது அல்லவா அதற்குத்தான்.

இந்த இதழை மேலும்

 

No comments

Be the first one to leave a comment.

Post a Comment


 

 


February 2019

முடியும் என்று புறப்படு சரித்திரம் போற்றப் பெயரெடு
நினைப்பதே நடக்கும் – 3
வெற்றி உங்கள் கையில்- 62
வெற்றியை பாதையில் பயணம் செய்…!
மாறாத காலம்
உண்மை உன்னை உயர்த்தும்
வாஸ்து சாஸ்திரம்
பயணங்களில் தவிர்க்க வேண்டிய உணவுகள்
வலிகள் நம்முடைய நண்பன்
ஆஸ்த்துமா
எல்லோரும் மதிக்கும் தலைவராக மாறுவது எப்படி?
முயற்சியை முதன்மைப்படுத்து
“வாழ நினைத்தால் வாழலாம்” – 25
மாமரத்தில் கொய்யாப் பழம்
வாசியுங்கள்! வாகை சூடலாம்! – 5
‘அமைதி’ என்னும் மகாசக்தி
மந்திரப் புன்னகை
வீரத்தின் வெற்றி
தன்னம்பிக்கை மேடை நேயர் கேள்வி?
உள்ளத்தோடு உள்ளம்