Home » Articles » வலிகள் நம்முடைய நண்பன்

 
வலிகள் நம்முடைய நண்பன்


சுவாமிநாதன்.தி
Author:

மாணவ கண்மணிகளே, வாழ்வில் நாம் சந்திக்கும் போரட்டங்கள்தான் நம்மை உண்மையில் வலிமைமிக்கவர்களாக மாற்றுகிறது. போரட்டமே இல்லாமல் கடின உழைப்பு இல்லாமல், சவால்களே இல்லாமல் நமக்கு எதுவுமே கிடைக்காது. எல்லாவற்றிற்கும் ஒரு விலை உண்டு. விலையில்லாமல் குறுக்கு வழியில்  ஏதாவது கிடைத்தால் நம்மிடம் இருப்பதையும் சேர்த்து கொண்டு போய்விடும்.

போரட்டமில்லாமல் நாம் வளர முடியாது. எதிர்ப்பு இல்லாமல், சவால்கள் இல்லாமல்,  நம்முடைய வலிமையை அதிகரிக்க முடியாது. வலிகள் நம்முடைய நண்பன்.

மாணவக் கண்மணிகளே, படிப்பது கஷ்டமாக இருக்கலாம். பள்ளி இறுதியில் சந்திக்கும் பொதுத் தேர்வில், நுழைவுத் தேர்வில், போட்டித் தேர்வுகளில் வெற்றி பெற்றால் கிடைக்கும் பலன் உங்கள், வாழ்நாள் முழுவதும் பலனளிக்கும்.

போட்டித் தேர்வில் வெற்றி பெற்று நிரந்தர அரசுப் பதவி பெற்று விட்டால் அதன் பலன் வாழ்நாள் முழுவதும் நீடிக்கும் அல்லவா.

நமக்கு தோல்விகளே இல்லையென்றால், நமக்கு போரட்டங்களே இல்லையென்றால், நமக்கு ஏமாற்றங்களே இல்லையென்றால் நாம் வலிமையானவர்களாக மாற முடியாது.

உங்களுக்கு இந்த அரிய அற்புதமான வாழ்க்கை கிடைத்து இருக்கிறது. அவன் சாதித்து இருக்கிறான். அவள் சாதித்து இருக்கிறாள். நமக்கும் சாதிக்க வலிமை இருக்கிறது. ஜ.ஏ.எஸ் தேர்வு மிகவும் கடினம் என்கிறார்கள். அந்த தேர்விலும் வருடந்தோறும் முதலாவதாக வருபவர்கள் இருக்கத்தான் செய்கிறார்கள். நீட் தேர்வு மிகவும் கஷ்டம் என்கிறார்கள். அதிலும் தேசிய அளவில் முதலாவதாக வருபவர்கள் இருக்கத்தான் செய்கிறார்கள். விஜய் தொலைக்காட்சியில் பார்த்தேன். ஒரு சிறுமி திருக்குறளில் முதல் அல்லது கடைசி ஒரு வார்த்தையை சொன்னால் திக்காமல், திணராமல் அழகாக சொல்கிறாள். எல்லாமே விடாமுயற்சிதான். கடின உழைப்பு, பொறுமை, விடாமுயற்சி நம்மை மேன்மையானவர்களாக, உன்னதமானவர்களாக, சாதனையாளர்களாக மாற்றுகிறது.

மாணவச் செல்வங்களே, நீங்கள் நினைப்பதை விட நீங்கள் வலிமையானவர்கள் என்பதுதான் உண்மை. சவால்கள் எது வந்தாலும் நீங்கள் சமாளித்து நீடித்து நிற்பீர்கள். கரிய மேகக் கூட்டங்கள் எவ்வளவு காலத்திற்கு ஓளல் விடும் நிலவை மறைத்து நிற்க முடியும். உங்களுக்கு வரும் சோதனைகள் தற்காலிகமானவை. இந்த  உலகில் நீங்கள் வாழ்வதற்கு ஓரு அர்த்தம் உள்ளது. ஆம். உங்கள் வாழ்க்கையை அர்த்தமுள்ளதாக மாற்ற வேண்டாமா? அதற்கான பாதையை  நீங்கள்தானே கண்டறிய வேண்டும்.

இளம் வயதில் தனது அன்புக் கணவரை இழந்தவர் சாந்தி ரங்கநாதன் என்கிற பெண்மணி. என் கணவருக்கு குடிநோய் இருந்தது.  அந்த சமயத்தில் இந்தியாவில் குடிநோய்க்கு சிகிச்சை தரக்கூடிய டாக்டர்கள் இல்லை. அமெரிக்காவிற்கு அழைத்து சென்று சிகிச்சை தந்தோம். பலனில்லை. இறந்து விட்டார். குடிப்பது ஆண்கள் பாதிக்கப்படுவது பெண்கள். ஏதாவது செய்ய வேண்டும் என்று சிந்தித்தேன்;. குடிப்பழக்கத்திற்கு அடிமையானோரை மீட்கும் மருத்துவமனையை 1980-ல் இந்தியாவில் முதன் முதலாக சென்னையில் தொடங்கினேன் என்கிறார்;. இவருடைய சேவையை ஊக்குவிக்க, அங்கீகரிக்க ஜ.நா விருது, பத்ம ஸ்ரீ விருது தமிழக அரசின் ஒவ்வை விருது இவரைத் தேடி வந்தது. காசு கொடுத்து விருது வாங்குபவர்கள் சமுதாயத்தில் உள்ளனர். அது அற்ப ஆசை.  இவரோ அற்புதமானவர். இவரது விலாசம் தேடி வந்து காசும் கொடுத்தும் விருதையும் கொடுக்கிறார்கள்.

நமது இலட்சியத்தை நோக்கி போய்க் கொண்டிருந்தால் நாம் வளர்ந்து கொண்டிருக்கிறோம். உங்கள் வாழ்க்கையின் ஒரு பகுதியாக உங்கள் போராட்டம் உள்ளது. இன்று நீங்கள் என்னவாக இருக்கிறீர்களோ, அதை தீர்மானித்தது உங்கள் போராட்டம்தான். போரட்டம் என்றால் அரசுக்கு எதிராக குரல் கொடுப்பதை சொல்ல வில்லை. கடினமான கரடுமுரடான முட்கள் நிறைந்த வாழ்க்கைப் பாதையை கடந்து வெற்றியை சுவைக்கும் போராட்டம். நீங்கள் எதிர்நோக்கும் போரட்டங்களுக்கு நன்றியுடையவர்களாக இருங்கள். உங்கள் வாழ்க்கையில் புதிய அத்தியாயத்தை எழுத துவங்குங்கள். உங்கள் போராட்டம்தான் உங்கள் வாழ்க்கை. நீங்கள் எதிர்கொள்ளும் போராட்டம் உங்களுக்கு கிடைத்த ஒப்பற்ற பரிசு.

கொலைக்காரர்களாக, திருடர்களாக, பொய்யர்களாக, ஏமாற்றுக்காரர்களாக, ஒழுக்கமற்றவர்களாக, நியாயமற்றவர்களாக, மோசடிபேர்வழிகளாக, எத்தர்களாக,, நயவஞ்சகர்களாக, இரக்கமற்றவர்களாக,  திரிவதற்க்காகத்தான் இந்த பிறவி கிடைத்துள்ளதா? ஏன் இவ்வளவு காவல் நிலையங்கள்? ஏன் இவ்வளவு சிறைச்சாலைகள்? ஏன் இவ்வளவு நீதிமன்றங்கள்?

இந்த உலகம் உங்களை பார்த்து பரிதாபப்பட  வேண்டுமா? அல்லது வியந்து ஆச்சர்யப்பட வேண்டுமா? எப்படி சிலர் சிவப்பு குழல் விளக்கு பொருத்திய காரில் பவனி வருகிறார்கள்?. எப்படி சிலர் அரசு சின்னம் பொருத்திய அஞ்சல் உறைகளை பயன்படுத்துகிறார்கள்?. எப்படி சிலர் மேடையில் நடுநாயகமாக அமர்கிறார்கள்?

புகழ் பெற்ற மனிதர்களாக இன்று வலம் வருபவர்கள் போராட்ட பள்ளத்தாக்கில் பிறந்தவர்கள்தான். உங்களுக்கு என்ன துன்பங்கள் நடந்ததோ அவற்றையெல்லாம் விட நீங்கள் மிகவும் வலிமையானவர்கள். உங்கள் போரட்டம்தான் உங்களை தூக்கி நிறுத்துகிறது. உங்களுக்கு வலிமையான கருவிகளை வழங்குகிறது. உங்கள் வாழ்க்கையில் நீங்கள் சந்திக்கும் பிரச்னைகளுக்கு மற்றவர்கள் மீது பழி போடாதீர்கள்.

நம்முடைய போரட்டம்தான் நம்மை வலிமையானவராக மாற்றுகிறது. அதனால் அதற்கு நன்றியுடையவராக இருங்கள். இன்று நாம் என்னவாக இருக்கிறோமோ அதற்கு காரணமாக இருந்தது இந்த போராட்டம்தான். அதற்கு நன்றி சொல்லுங்கள்.

நம்மை துன்புறுத்துபவர்கள்தான் நம்மை வலிமை படைத்தவர்களாக மாற்றுகிறார்கள். அவர்களை பழிவாங்க நினைக்காதீர்கள். மன்னித்து விடுங்கள். முடிந்தால் நன்றி சொல்லுங்கள்.

நாம் போராடிக் கொண்டுதான் இருக்கிறோம். அது மிகவும் வலி மிகுந்ததுதான். நமக்கு ஆதரவாக யாரும் இல்லாமல் இருக்கலாம். நாம்  தந்தை அல்லது தாயை இழந்து இருக்கலாம்.  உடன்பிறந்தவர்கள் நோய்வாய்பட்டவர்களாக இருக்கலாம். அந்த வலி நமது மனதை வலிமையானதாக மாற்றும். நாம் என்னவாக வேண்டும் என்கிற கனவு நமக்கு இருக்கிறது. நமது அன்றாட வாழ்வில் போரட்டங்கள், சவால்கள், கடினமான நேரங்கள் நமது வாழ்வின் ஒரு அங்கமாகவே உள்ளது. நாம் அதை எப்படி கையாள்கிறோம் என்பதில்தான் நமது உயர்வு உள்ளது.

வாழ்க்கை எளிதானதல்ல. பிறவியிலேயே நோயோடு பிறப்பவர்கள் உள்ளனர். நம் வாழ்வில் சந்திக்கும் வலியை, காயங்களை சவால்களை ஏமாற்றங்களை நேசியுங்கள்;. அதுதான் உங்கள் வாழ்க்கையை ஒரு நாள் வண்ணமயமாக்குகிறது.

நாம் சோர்வடைந்து இருக்கலாம். நம் கண்களில் ரத்தம் கசிவதை உணரலாம். ஆனாலும், நாம் இறக்க வில்லை. நாம்; இறக்கும் வரை போராடுவதை நிறுத்த வேண்டாம். ஒரு நாள் மிகுந்த மகிழ்ச்சியில் அந்த போராட்டங்கள் சுபமாக நிறைவடைகிறது. அந்த துன்பங்களை நீங்கள் சந்தித்திராவிட்டால், முகவரியற்றவர்களாக,  யாரும் பொருட்படுத்தாதவர்களாகவே இருந்திருப்பீர்கள். உங்களுக்கு புதிய வாழ்க்கை காத்திருக்கிறது.

நமக்கு இரண்டு பாதைகள் மட்டுமே உள்ளன. நாம் எதை தேர்வு செய்ய போகிறோம்? இன்று போராடு, பின்னாளில் வாழ்வை அனுபவி அல்லது இன்றைய வாழ்வை அனுபவி வாழ்நாள் முழுவதும் போராடு என்பதுதான் அது.

படித்தவர்களுக்கு வேலை கிடைப்பதில்லை என்பார்கள். நீங்கள் செய்யும் தொழிலுக்கு எதிர்காலம் இல்லை என்பார்கள். எதிர்மறையாய் பேசுபவஏ;களின் பேச்சை புறந்தள்ளுங்கள்.

வலியது வாழும் என்பார்கள். வெறும் கல்லாக இருந்த நம்மை சிற்பமாக மாற்றியவர்கள். களிமண்ணாக இருந்த நம்மை அழகிய வடிவமாக மாற்றியவர்கள். நம்மை செம்மைபடுத்தியவர்கள்  நம்மை பட்டை தீட்டியவர்கள்  நம் எதிரிகள். வலி நம்மை நெழ்வானவர்களாக மாற்றுகிறது.

நாம் காணும் உலகம்  அழகற்றதாக இருக்கலாம். உன்னிடம் இரக்கமற்றதாக நடந்து கொள்ளலாம். நரகத்தை காட்டலாம். வலி  நம்மை வாழ்நாளும் முழுவதும் நினைவுப்படுத்திக் கொண்டே இருக்கிறது. வலிவு மிக்க மனம் உடையவர்களுக்கு வலிமைமிக்க வாழ்க்கை அமைகிறது.

வாழ்க்கையில் ஒரு போராட்டத்தை கடந்தால் மற்றோரு போராட்டம் புதிதாக முளைக்கிறது. புதிய சிக்கல் புதிய பிரச்னை புதிய போராட்டம் உங்கள் எதிர்காலத்தை வளமாக்க, செம்மைப்படுத்த உங்களை வலிமைபடைத்தவர்களாக மாற்றுவதற்க்காகத்தான் உங்களை நோக்கி அணி வகுக்கிறது.

போராட்டங்கள் வலிமைக்கு சமமானது. போராட தயாராக இருந்தால்  நம்மை வலிமை படைத்தவர்களாக மாற்றுகிறது. புறமுதுகிட்டு ஒடினால் அழித்து விடுகிறது. நமக்கு யாரோ ஒரு எதிரி நமக்கு தொடர்ந்து தொல்லை தருகிறான். நமது வாழ்வின் ஒரு மோசமான ஒரு அங்கமாக இருக்கிறான். நமது வாழ்வை பறித்து நம்மை பூஜ்ய நிலைக்கு ஆளாக்குகிறான்.  மீண்டும் எழ வேண்டும். நம் எதிரியை அழிப்பதற்கு அல்ல. பழிவாங்குவதற்கு அல்ல. நம் எதிரி நலமுடன் வாழ பிரார்த்தனை செய்யுங்கள். நமக்கு நம் எதிரி செய்த துன்பங்களை, அவமானங்களை, துயரங்களை, இழப்புகளை கடந்து பல மடங்கு உயர்ந்து நிற்பதை காண நம் எதிரி உயிருடன் நலமுடன் இருக்கவேண்டும்.

நாம் போராடுவதை நிறுத்தும் போதுதான் நாம் தோற்கிறோம். சோகங்கள் நிறைந்த வாழ்க்கையை கடந்தவர்கள்தான் சாதனை மிக்க வாழ்க்கையை வாழ்கிறார்கள். நாம் மற்றவர்களை காட்டிலும் மாறுபட்டவர்கள் என்பதை உணரும்போது கிடைக்கும் உற்சாகம் நம்மை சிறுத்தை போல வேகமாக ஒட வைக்கிறது.

துரதிர்ஷ்டவசமான சூழ்நிலைகளை நீங்கள் கடக்க நேரிடும். போராட்டம் இல்லாதவர்கள் யாருமே இல்லை. இன்று சிகரத்தை தொட்டவர்கள் பலரும் ஒரு நாள் ஆதரிக்க அரவணைக்க யாரும் இல்லாது அல்லாடியவர்கள்தான்;. நம்மை நாமே ஆதரித்துக் கொள்ள வேண்டி உள்ளது. நாம் தனிமைப்படுத்தப்படும் போது, நமக்காக யாருமில்லை என்ற நிலையில் கடவுள் இருக்கிறார் நம்முடன். அவர் நம்மை வ|மைப்படுத்துகிறார்;. நமக்கு வழிகாட்டுகிறார். மனம் உடைந்து போகும் தருணங்கள் நம் வாழ்வில் வரலாம். நல்வாழ்விற்க்கான விலையை அந்த வலிதான் தீர்மானிக்கிறது.

திரு.சைலேந்திர பாபு ஜ.பி.எஸ் சொல்வார். மாணவர்களே, எல்லாவற்றிற்கும் ஒரு விலை உண்டு. உலகிலேயே எளிதானது படிப்பதுதான். பெற்றோர்க்கு விசுவாசமானவராக இருங்கள் என்பார்.

திரு.இறையன்பு ஜ.ஏ.எஸ். சொல்வார். பெண் என்பவள்; ஆணின் இன்னொரு பரிமானம் அவ்வளவுதான். மாணவர்களே கவனத்தை சிதற விடாதிர்கள் என்பார். திரு.கலியமூர்த்தி முன்னாள் காவல்துறை அதிகாரி சொல்வார்.  கல்வி வீட்டிற்கு விளக்கு, நாட்டிற்கு பாதுகாப்பு என்பார். நமது வாழ்க்கைப்பாதையில் நமக்கு இன்னல்  தருபவர்கள்  நம்மை சின்னாபின்னாமாக்க துடிப்பவர்கள்;; பொறுப்பற்ற நபர்களை கடக்க நேரிடலாம். அத்தகைய வலிகளை கடந்தவர்கள்தான்  இன்று புன்னகையுடன் வாழ்வை நகர்த்துகிறார்கள்.

பூணை போல இருந்தவர்களை போராட்டங்கள்தான் புலிகளாக மாற்றியமைத்து இருக்கிறது. மிகவும் கடினமானவற்றை சாதிக்க மிகுந்த உற்சாகத்துடன் செயல்பட வல்லவர்களாக மாற்றுகிறது. மனஅழுத்தங்களில் இருந்து வெளியேறுங்கள். மறுமுதலீடு செய்யுங்கள். உங்களால் மிகவும் சிறந்தவற்றை தாருங்கள்.

நாம் எதிர்கொள்ளும் பிரச்னைகள். சிக்கல்கள், போராட்டங்களை மாறுபட்ட கோணத்தில் பார்க்கத் துவங்குங்கள். தேர்வுகளில் கேட்கப்படும் கேள்விகள் மிகவும் கஷ்டமானவைதான். அதை எதிர்கொள்ளும் போதுதான் நாம் வலிமையானவர்களாக சிறப்பானவர்களாக மாறுகிறோம். நம் வாழ்க்கை அர்த்தமுள்ளதாக மாறுகிறது. நம் உள்ளே நெருப்பு எரிகிறது. நம் கனவுகளை அடைய நமக்கு கிடைத்த பயணச்சீட்டுதான் நமது போராட்டங்கள். நாம் வெல்ல பிறந்தவர்கள். வீழ்வதற்க்கு அல்ல. நீங்கள் பிறந்ததற்கு ஒரு அர்த்தம் இருக்கிறது. ஆழ மரமாய் வளருங்கள் பலருக்கும் நிழல் கொடுங்கள். வ|மைமிக்க போர்வீரர்களுக்குத்தான் கடவுள் கடினமான போர்க்களங்களை தருகிறார்.

இந்த இதழை மேலும்

 

No comments

Be the first one to leave a comment.

Post a Comment


 

 


February 2019

முடியும் என்று புறப்படு சரித்திரம் போற்றப் பெயரெடு
நினைப்பதே நடக்கும் – 3
வெற்றி உங்கள் கையில்- 62
வெற்றியை பாதையில் பயணம் செய்…!
மாறாத காலம்
உண்மை உன்னை உயர்த்தும்
வாஸ்து சாஸ்திரம்
பயணங்களில் தவிர்க்க வேண்டிய உணவுகள்
வலிகள் நம்முடைய நண்பன்
ஆஸ்த்துமா
எல்லோரும் மதிக்கும் தலைவராக மாறுவது எப்படி?
முயற்சியை முதன்மைப்படுத்து
“வாழ நினைத்தால் வாழலாம்” – 25
மாமரத்தில் கொய்யாப் பழம்
வாசியுங்கள்! வாகை சூடலாம்! – 5
‘அமைதி’ என்னும் மகாசக்தி
மந்திரப் புன்னகை
வீரத்தின் வெற்றி
தன்னம்பிக்கை மேடை நேயர் கேள்வி?
உள்ளத்தோடு உள்ளம்