Home » Articles » உன்னால் முடியும் போராடு உலகை வென்று பூச்சூடு….

 
உன்னால் முடியும் போராடு உலகை வென்று பூச்சூடு….


மைக்கேல் மனோஜ்
Author:

“தோல்விகளை சந்தித்தவன்

வெற்றியாளன்    ஆகிறான்

அவமானத்தை தாங்கியவன்

சாதனையாளன் ஆகிறான்.”

என்பதை மட்டும் உள் வாங்கிக் கொள். உனக்கும் சாதனை நிச்சயம். “இளமையில் படி.’ என்பதை மாற்றி “இளமையில் சாதிக்க வேண்டும்’ என  மனஉறுதியுடன் ஒவ்வொரு இளம் பட்டாளமும் வலம்வர வேண்டும்.

ஏன் நாங்கள் வாழ்வில் கஷ்டப்பட்டு சாதிக்க வேண்டும்?   என பல பேர் கேட்கலாம். வாழ்க்கை என்பது வாழ்வதற்குதானே, கஷ்டப்பட்டு சாதிக்க வேண்டுமா?  என்ன அவசியம்?  என எல்லாரும் நினைக்கலாம். நண்பர்களே, நாம் இன்னும் எத்தனை நாளைக்குத்தான் “சினிமா பிரபலங்கள் பின்னாடியோ, கிரிக்கெட் வீரர்கள் பின்னாடியோ’ சென்று அவர்களுடன் “செல்ஃபி’  எடுத்துக் கொள்வது, அதனையே பெரிய சாதனை போல் “வாட்ஸ் ஆப்’ பிலும், “பேஸ்புக்’கிலும், நண்பர்களுக்கு  பகிர்ந்து மகிழ்ச்சி அடைவது. எப்போது நாம் பிரபலங்கள் பின் செல்வதை விட்டுவிட்டு சாதனயாளராக மாறப் போகிறோம்? சற்று சிந்தியுங்கள் நண்பர்களே.

நாம் ஆயிரம் காரணம் சொல்லலாம், “என்னுடைய குடும்பம் ரொம்ப  ஏழ்மையில் இருக்கு, அப்பா, அம்மா யாரும் என்னை  ஊக்கப்படுத்தவில்லை. “நண்பர்கள் வழிகாட்டுவதற்கு யாரும் இல்லை’ என ஆயிரம், ஆயிரம் காரணம் சொல்லலாம். ஆனால், உன் சாதனை  நீ இறந்த பிறகும் உலக மக்களால் சொல்லப்பட்டு கொண்டே இருக்கும். வயதும், சூழ்நிலையும் எப்போதும் ஒரு சாதனையாளருக்கு பொருட்டல்ல.

ஒரு வாழ்வியல் சம்பவத்தை நான் உங்களிடம் பகிர்ந்துக் கொள்கிறேன்:

1987ம் ஆண்டு உலக கோப்பை கிரிக்கெட்      போட்டியின் போது, மைதானத்திற்கு வெளியே நின்று பந்துப் பொறுக்கிப்போட்டான் 13வயது சிறுவன். அவனது ஆசை அடுத்த உலக கோப்பையில் விளையாட வேண்டும் என்று. மிக வலுவான குறிக்கோளுடன், விடாமுயற்சியுடன், போராடி 1991 அடுத்த உலக கோப்பை போட்டியில்… தனது 16 வயதில் மைதானத்திற்குள் வீரராக நுழைந்து, பின் பல சாதனைகளுக்கு நாயகனாகவும் திகழ்ந்தார். அவர் தான் “மாஸ்டர் ஆஃப் கிரிக்கெட்’ சச்சின் டெண்டுல்கர். இது பழமையான செய்தி என்றாலும், இன்னொரு செய்தி சொல்கிறேன்.

நம் ஊரில், பிறக்கும் போது குடும்பம் மிக ஏழ்மை. சிறுவயதில் ஏற்பட்ட விபத்தின் போது, தன் வலது முழங்கால் பெரிதும் பாதிக்கப்பட்ட போது, நடக்கவே பெரிய சிரமம் தான். இருத்தாலும் விடாமுயற்சியுடனும், தன்னபிக்கையுடனும் பல போராட்டங்களை கடந்து. மாற்றுத்திறனாளிகளுக்கான  ஒலிம்பிக்கில் “உயரம் தாண்டுதல்’ போட்டியில் கலந்து கொண்டு தனது 21வயதில் தங்கம் வென்ற தங்க மகன்  உலகளவில் மிக குறைந்த வயதில் தங்கம் வென்றவர்களுள் மிக முக்கியமானவர்    நம்ம  ஊர்க்காரர் “மாரியப்பன் தங்கவேலு’   ஆவார்.

யாராக இருந்தாலும்   குடும்பத்தையும், வாழ்க்கையையும் முடிச்சுப் போட்டுப்    பேசாதீர்கள். அப்படி நினைத்தால், இன்று “திருபாய் அம்பாணி’ இல்லை அவர் உருவாக்கிய சாம்ராஜ்யம் இல்லை. நாம் சிறுவதில் அல்லது இளம் பருவத்திலே நம்முடைய சாதனை குறிக்கோளை வலுவாக நிர்ணயித்துக் கொள்ள வேண்டும். அப்படி 13-வயது சிறுவனாக இருந்த போதே சாதனையின் இலக்கை நோக்கி, ஓடி ஆங்கில கால்வாயை நிச்சல் அடித்து கடந்து உலக சாதனை படைத்தார் குற்றாலீஸ்வரன். நம் இலக்கை அடைவதற்கு, இப்போதே நாம் திட்டமிடுதல் வேண்டும். எத்தனை தடைகள் வந்தாலும் நாம் தாண்டி   வரவேண்டும், சோர்வடைந்து விடக் கூடாது. நம்மைப் பார்த்து “இவன் தோற்றுப் போனவன் என்று கூட சொல்லிவிடலாம், ஆனால் பயந்து ஓடிப் போயிட்டான் என யாரும் சொல்லிவிடக் கூடாது’  இதை மனதில் கொண்டு செயல்ப்படுங்கள் வெற்றி நிச்சயம் …நிச்சயம் …

“சிறந்த எண்ணம்

கொண்ட மனிதரே,

சாதனை மனிதராக

மாறுகிறார்கள்

“நமக்கு என்ன தெரிகிறதோ,

என்ன வருகிறதோ, அதுவே போதும்.

சற்று, அதை நேர்த்தியாக செய்யுங்கள்.

வாழ்வில் வெற்றி பெறுவீர்கள்.

இந்த இதழை மேலும்


Share
 

No comments

Be the first one to leave a comment.

Post a Comment


 

 


October 2018

புதியதோர் கண்டுபிடிப்பு புற்றுநோயாளிகளுக்கு அர்ப்பணிப்பு
வெற்றி உங்கள் கையில் – 58
வாசியுங்கள்! வாகை சூடலாம்
உன்னால் முடியும் போராடு உலகை வென்று பூச்சூடு….
பெண்ணீயமே பெருமை கொள் உன்னை எண்ணி கர்வம் கொள்
கிடைத்ததும் படித்ததும் படைத்ததும் பிடித்ததும்
வீர தீர பண்புகளில் நீங்கள் எந்த வகை?
தன்னம்பிக்கை மேடை
காய்ச்சல்
மற்றவர்களோடு நெருங்கிப் பழக உதவும் யுக்திகள்
உடம்பும் – இலக்கும்
சிந்திக்க வைக்கும் சீனா
வீரத்திர விளையாட்டில் மகுடம் சூட்டிய மங்கை
தலைவலி
“வாழ நினைத்தால் வாழலாம்” – 21
முதுமையா? முதிர்ச்சியா?
உள்ளத்தோடு உள்ளம்