Home » Articles » குழந்தை உணவு

 
குழந்தை உணவு


இராஜேந்திரன் க
Author:

குழந்தை உணவு என்பது குழந்தை தாய்ப்பாலிருந்து மற்ற உணவுகளுக்கு மாறும் காலகட்டம் ஆகும். இந்த காலகட்டத்தில் சக்தி மற்றும் புரதம் குறைவான உணவு கொடுக்கப்படும் பொழுது குழந்தைகளுக்கு சத்துணவு குறைபாடு ஏற்படும்.

இந்த சத்துள்ள உணவை கொடுக்கும் பொழுது இதற்காக நாம் அதிகம் செலவிட வேண்டியதில்லை. விலை குறைவான எளிதில் கிடைக்கக்கூடிய உணவுகளைக் கொண்டு எல்லோரும் தயாரிக்கலாம். இதைக் கருத்தில் கொண்டு குழந்தை உணவைத் தயாரிக்கக்கூடிய விளக்க முறைகள் கொடுக்கப்பட்டுள்ளது.

இந்த உணவைக் கொடுக்கும் கட்டத்திலும்கூட தாய்ப்பாலைத் தவிர்க்க வேண்டிய அவசியமில்லை. எவ்வளவு நீண்ட நாட்கள் கொடுக்க முடியுமோ அவ்வளவு நாட்கள் கொடுக்கலாம். அது குழந்தையின் ஆரோக்கியத்திற்கு நல்லது. 7-8 மாத காலகட்டத்தில் குழந்தையின் வளர்ச்சி அதிகமாகும் போது தாய்ப்பால் ஆர்வம் குறைகின்றது. பொதுவாக 9-ல் இருந்து 12 மாதங்கள் ஆனவுடன் தாய்ப்பாலைத் தவிர்க்க ஆரம்பிக்கும். இந்தக் காலகட்டத்தில் இதன் விளையாட்டு மற்றும் சுற்றுப்புறத்தில் ஆர்வங்கள் அதிகரிப்பதே இதற்குக் காரணம். குழந்தை உணவை ஆரம்பிக்கும் பொழுது ஒவ்வொரு உணவாக ஆரம்பிக்க வேண்டும். ஒவ்வொரு உணவையும் ஒரு வார காலம் புகட்டவேண்டும். இது குழந்தையின் உடல் அதை ஏற்றுக் கொள்ள வழி வகுக்கும். பின்பு அடுத்த புதிய உணவைக் கொடுக்கலாம்.

உணவு கொடுக்கும் போது கவனிக்க வேண்டியவை

  1. முதலில் நீங்கள் குழந்தை உணவைக் கொடுக்க ஆரம்பிக்கும் பொழுது, குழந்தை உணவின் தன்மைக்கும், சுவைக்கும் பழக்கப்படுத்திக் கொள்ள வேண்டும். அதனால் முதல் சில நாட்கள் உணவைக் கொடுத்தவுடன் துப்பும். இது இயல்பாக நடக்கக்கூடிய நிகழ்ச்சி ஆனாலும், குழந்தை துப்பினால் கூட உணவைக் கொடுப்பதை நிறுத்தக்கூடாது. சில நாட்களில் குழந்தை உணவை ஏற்றுக் கொண்டு விடும்.
  2. குழந்தைக்கு உணவு கொடுக்கும் பொழுது ஒரு முறைக்கு ஒரு உணவை மட்டும் தரவேண்டும். இது நமக்கு குழந்தைக்கு எந்த உணவில் அலர்ஜி உண்டு என்று அறிய உதவும்.
  3. குழந்தைக்கு அவசர அவசரமாக உணவு கொடுக்கக் கூடாது. மெதுவாக விளையாட்டுடனும், பேச்சுடனும் சந்தோஷமாக கொடுக்க வேண்டும்.
  4. உங்கள் குழந்தைக்கு இணை உணவு கொடுக்கும் பொழுது சத்தத்தினாலோ அல்லது மற்ற ஒலிகளினாலோ கவரப்படலாம். அதனால் அதன் கவனம் மறுபடியும் நம்மீது திரும்பும் வரை பொறுத்திருந்து தரவேண்டும்.
  5. குழந்தையின் உணவு வேளையின் போது குழந்தைக்கு நாம் பாதுகாப்பாக இருக்க வேண்டும். குழந்தையைத் தனியாக விட்டுச் செல்லக்கூடாது.
  6. உங்கள் குழந்தை தொடர்ச்சியாக ஒரு உணவைத் தவிர்த்தால் இரண்டு வாரங்கள் கழித்து அதை கொடுக்கவும். அப்படியும் மறுக்கும் பட்சத்தில் அதைச் சிறிது சிறிதாக குழந்தைக்கு மிகவும் பிடித்த உணவில் கலந்து கொடுக்கவும்.
  7. சில சமயங்களில் உணவுகளை அவசரமாகவோ, அளவுக்கு அதிகமாகவோ சாப்பிட்டால் வாந்தியோ, அல்லது உணவைத் துப்பவோ செய்யும்.

இந்த இதழை மேலும்


Share
 

No comments

Be the first one to leave a comment.

Post a Comment


 

 


December 2016

இங்கு இவர் இப்படி
உழவுத் தொழிலுக்கு வாருங்கள்
குழந்தை உணவு
ஓடுவது கடிகார முள் அல்ல, உன்னுடைய வாழ்க்கை
கலைவரிசை
கறுப்புப் பணத்திற்குக் கடிவாளம்
திசைமாறிய பயணம்
வாழ்வாங்கு வாழ மனவளம் வேண்டும்
சிகரமே சிம்மாசனம்
என் பள்ளி
வெற்றி உங்கள் கையில்
தலைமை கொள்
வாணிகத்தில் வளர்ச்சியைப் பெற தனி மனிதனின் பங்கு
ஸ்ரீலங்கா சுற்றுலா
மனக்கிளர்ச்சி – வெற்றிக்கு முதல்படி…
தன்னம்பிக்கை மேடை
திறமையை எருவாக்கு! வெற்றியை உருவாக்கு!!
உள்ளத்தோடு உள்ளம்