Home » Editorial » உள்ளத்தோடு உள்ளம்

 
உள்ளத்தோடு உள்ளம்


ஆசிரியர் குழு
Author:

ஓர் அறையில் அமைதி, அறிவு, அன்பு என்கிற மெழுகுவர்த்திகளுடன் நான்காவதாக ஒரு மெழுகுவர்த்தியும் எரிந்து கொண்டிருந்தது. அந்நேரத்தில் காற்று மெலிதாய் அந்த அறைக்குள் புகுந்தது. காற்றைக் கண்டதும்  ‘அமைதி’ என்கிற மெழுகுவர்த்தி காற்றை எதிர்த்து எரிவது சிரமம் என அணைந்து விட்டது.

‘அறிவு’ என்கிறமெழுகுவர்த்தியும் காற்றை எதிர்த்துப் போராட முடியாது என அணைந்தது.

‘அன்பு’ என்கிறமெழுகுவர்த்தியும் காற்றை எதிர்ப்பது கடினம் என்று கருதி அதுவும் அணைந்து விட்டது.

நான்காவது மெழுகுவர்த்தி மட்டும் காற்றைஎதிர்த்துப் போராடி எரிந்து கொண்டிருந்தது. அப்போது அந்த அறைக்குள் நுழைந்த சிறுவன் மூன்று மெழுகுவர்த்திகள் அணைந்து கிடப்பதைப் பார்த்து கவலைப்பட்டான். எரிந்து கொண்டிருந்த நான்காவது மெழுகுவர்த்தி சிறுவனைப் பாôத்து கவலைப்படாதே என்னைக் கொண்டு மற்றமூன்று மெழுகுவர்த்திகளையும் எரிய வை என்று சொன்னது.

சிறுவன் அந்த மெழுகுவர்த்தியைப் பார்த்து உன் பெயர் என்ன என்று கேட்டான்.

நான்காவது மெழுகுவர்த்தி சொன்னது எனது பெயர் ‘நம்பிக்கை’ என்று.

எந்தச் சூழலிலும் நாம், நம் தன்னம்பிக்கையை இழக்காமல் வாழப் பழகிக் கொண்டால் நாமும் வாழலாம், பிறரையும் வாழ வைக்கலாம்.

தான் வாழ்ந்து பிறரையும் வாழவைக்கின்ற பண்பு ஒவ்வொருவருக்குள்ளும் மலரட்டும். அது எங்கும் பரவட்டும் என்று புத்தாடை அணிந்து, மத்தாப்புக் கொளுத்தி ‘தீபஒளி’ஏற்றி தீபாவளியைக் கொண்டாடுவோம்!


Share
 

No comments

Be the first one to leave a comment.

Post a Comment


 

 


November 2015

என் பள்ளி
விவேகம் விடியலைத் தருகிறது
திட்டமிட்டு
கல்வியும் கலையும்
உங்களுக்காக சில உண்மைகள்
நட்பின் நெருக்கத்தை பேணி காப்பது எப்படி?
எதிர் மறை மனிதர்கள்
தூக்கமும் ஊக்கமும்
வாழ்வாதாரத்தைப் பெருக்கு…! வாழ்க்கைத் தரத்தை உயர்த்து…!!
இளைய தலைமுறை பற்றி இது விமர்சனமல்ல, ஆதங்கம்..
கன்னத்தின் அழியாத அழகு மச்சங்களே பேச்சுக்கலை
அடிப்படை உயிர்க்காப்பு வழிமுறைகள் (Basic Life Support)
எல்லை தாண்டு
நுனிப்புல்
தன்னம்பிக்கை மேடை
உள்ளத்தோடு உள்ளம்