Home » Editorial » உள்ளத்தோடு உள்ளம்

 
உள்ளத்தோடு உள்ளம்


ஆசிரியர் குழு
Author:

நம் இந்தியக் குடியரசுத் தலைவராக இருந்த சங்கர்தயாள் சர்மா அவர்கள் ஒரு முறை “”ஓமன் நாட்டிற்குச் சுற்றுப் பயணம்” மேற்கொண்டபோது, அந்நாட்டு மன்னர் சர்மா அவர்களை வரவேற்க விமான நிலையத்திற்கு வருகை புரிந்தது மட்டுமல்லாமல் விமானத்தில் ஏறி உள்ளே  சென்று சர்மா அவர்களை அழைத்து வந்தார்.

இச்செயல் அங்கு இருந்த அதிகாரிகளையும், பத்திரிகையாளர்களையும் வியப்பில் ஆழ்த்தி இருக்கிறது. காரணம், இதுபோன்று உலகில் எந்நாட்டிலும் வரவேற்பு தரப்பட்டதில்லை.

பத்திரிகையாளர்கள் உடனே மன்னரைச் சந்தித்து வெளிநாட்டுத் தலைவர்கள் யார் வந்தாலும் அவர்கள் வந்து உங்களை சந்திப்பது தானே மரபு. ஆனால் இந்தியக் குடியரசுத் தலைவரை நீங்களே நேரில் சென்று வரவேற்று அழைத்து வந்திருக்கிறீர்களே! ஏன் இந்தச் சிறப்பான வரவேற்பு என்று கேட்டிருக்கிறார்கள். அதற்கு ஓமன் மன்னர், இந்தச் சிறப்பான வரவேற்பு சர்மா அவர்கள் குடியரசுத் தலைவர் என்பதற்காக மட்டும் தரப்பட்ட வரவேற்பல்ல, நான் இந்தியாவில் பூனாவில் படித்தபோது எனக்கு திரு சர்மா அவர்கள் தான் ஆசிரியர் ஒரு மாணவன் ஆசிரியருக்குச் செலுத்திய மரியாதை இது என்றாராம்.

ஒரு சிறந்த ஆசிரியர் என்றும் எப்போதும் எல்லாப் பதவிகளைக் காட்டிலும் முதல் மரியாதையோடு பார்க்கப்படக்கூடியவர். அதனால் ஆசிரியர்கள் என்பவர்கள் வாங்குகிற சம்பளத்திற்காக வேலை செய்யாமல் வருங்காலச் சமுதாயத்தை உருவாக்கும் பெரும் பொறுப்போடு வேலை செய்ய வேண்டும் என்பதுதான் எல்லோரின் எதிர்பார்ப்பு.

நாடு உயர மாணவர் சமுதாயம் உயர பாடுபடும் எல்லா நல்ல ஆசிரியர்களுக்கும் ஆசிரியர்தின வாழ்த்துக்கள்.


Share
 

No comments

Be the first one to leave a comment.

Post a Comment


 

 


September 2015

அவதூறு அவசியமல்ல
மனதில் உறுதி வேண்டும்
இந்த உலகில் மனிதன் எப்படி வாழ வேண்டும்
மனித வாழ்வில் துலங்காத மர்மங்கள்
பஞ்சதந்திரம் புத்தகங்களுக்கான நேரம்
சத்தும் சக்தியும்
ஓட்டம்
தன்னம்பிக்கையை நாளும் விதையுங்கள்
அறிவார்ந்த அனுபவசாலிகள் ஆலோசனை பெறுதல் அவசியமா?
எழுத்து இதயத்தின் மொழிபெயர்ப்பு
காய்ச்சலால் வரும் வலிப்பு
மாற்றம் தேவையா?
இடைவெளியை பூஜ்யமாக்குவோம்!
தன்னம்பிக்கை மேடை
உள்ளத்தோடு உள்ளம்
என் பள்ளி
எண்ணத்தில் புதுமை…! சாதிப்பில் பெருமை…!!