Home » Articles » மாறிவரும் வேளாண்மை

 
மாறிவரும் வேளாண்மை


செந்தில் நடேசன்
Author:

பல துறைகளில் பொருளாதார வளர்ச்சி என்பது ஒவ்வொரு காலகட்டத்திலும் மாறுபட்ட வண்ணம் உள்ளது. ஒருவர் புதிய தொழில் தொடங்க வேண்டுமானால் அந்தத் துறையில் உள்ள பல்வேறு மாற்றங்களைப் பற்றி நன்கு தெரிந்துகொண்டு தொழிலை ஆரம்பித்தால், அவரால் வெற்றிகரமாக அத்தொழிலை நடத்த முடியும்.
உதாரணமாக, விவசாயத்தைத் தொழிலாக எடுத்துக்கொண்டு அதில் முன்னேற வேண்டுமானால், உலகிலுள்ள தற்போதைய தொழில்நுட்ப மாற்றங்கள், இந்தியாவில் அதற்கு ஏற்ப நடைபெரும் பொருளாதார மாற்றம் இவற்றைக் கருத்தில் கொண்டு விவசாயத்தில் ஈடுபட வேண்டும்.
அன்று
இந்தியா இப்போது அனைத்து துறைகளிலும் வேகமாக முன்னேறி வருகிறது. இந்தியா சுதந்திரம் அடைந்தபோது 85 சதவிகித மக்கள் விவசாயத்தை நம்பி இருந்தனர். அதனால் அன்று விவசாயப் பணிகளான களை எடுத்தல், நீர் பாய்ச்சுதல் மற்றும் நடவு, அறுவடை போன்ற வேலைகளுக்குத் தேவையான ஆட்கள் வசதி இருந்ததால் அதிகமாக பண்ணைக் கருவிகள் இல்லாமலேயே அனைத்துப் பணிகளையும் செய்ய முடிந்தது.
இன்று
இந்தியப் பொருளாதாரம் மிக வேகமாக முன்னேறி வருவதால் 85 சதவிகிதம் விவசாயத்தை நம்பியிருந்த மக்கள் இப்போது மற்ற தொழிலில் வாய்ப்புகள் இருப்பதால் தற்போது 64 சதவிகிதம் மட்டுமே இந்தத் துறையை நம்பி இருக்கிறார்கள். எனவே விவசாயத்தில் அன்றாட பணிகளைச் செய்ய ஆட்கள் பற்றாக்குறை நிலவுகிறது. இந்தப் பற்றாக்குறை, விவசாயத்தில் இருந்து மக்கள் மற்ற துறைக்கு மாறுவது மட்டுமல்லாமல், மற்ற துறைகளில் உள்ள வளர்ச்சி மேலும் அதிகரித்துக் கொண்டே தான் இருக்கிறது. இந்தியப் பொருளாதார வளர்ச்சி வருடத்திற்கு சராசரியாக 8 சதவிகிதம் என்ற அளவில் உள்ளது. இதுவே விவசாயத் துறையில் இதன் வளர்ச்சி சுமார் 2 சதவிகிதம் தான். எனவே இந்தியாவில் பொறியியல், கணிப்பொறி, கட்டுமானம், Service Sector போன்ற துறைகளில் உள்ள அபரிமிதமான வளர்ச்சி மக்களை மற்ற துறைகளுக்குச் செல்ல வாய்ப்பாக அமைந்துள்ளது. இது ஒரு நாட்டின் பொருளாதார வளர்ச்சியில் ஏற்படும் மாற்றத்தினால் நிகழும் நிகழ்வுகள் ஆகும்.
இந்நிகழ்வுகள் வரவேற்கத்தக்க மாற்றங்கள் தான். இருப்பினும் வேளாண்மையில் உள்ள குறைந்த வளர்ச்சிக்கு என்ன செய்வது?
இனியும்
வேளாண்மையை நம்பியிருக்கும் ஆட்களின் எண்ணிக்கை கண்டிப்பாக இனிவரும் காலங்களில் இன்னும் குறையத்தான் போகிறது. இது காலத்தின் கட்டாயம், பொருளாதார வளர்ச்சியின் வெளிப்பாடு. என்றாலும் விவசாயத்தை நம்பி இருப்பவர்கள் விவசாயத்தை விட்டு வேறு தொழிலுக்குச் செல்ல வேண்டியது இல்லை. ஆனால் விவசாயத்தை மற்ற தொழில்கள் போல ஒரு தொழிலாக செய்ய வேண்டிய கட்டாயத்தில் இனிவரும் காலங்கள் இருக்கும்.

  •  புதிய தொழில் நுட்பங்களைக் கடைப்பிடித்து அதிக மகசூல் எடுக்க முயற்சிக்க வேண்டும்.
  •   விவசாயத்தில் அன்றாட பணிகளுக்கு ஆட்களை நம்பி இருக்காமல் முடிந்தவரை இயந்திர மயமாக்க முயல வேண்டும். இது கண்டிப்பாக செய்ய வேண்டிய சூழ்நிலையில் உள்ளார்கள்.
  •   சந்தையின் நிலவரத்தை அறிந்து அதற்கு ஏற்றாற்போல் அதிக லாபம் தரும் பயிர்களைக் காலத்திற்கு ஏற்ப மாற்று பயிர்களைத் தேர்ந்தெடுத்துப் பயிர் செய்ய வேண்டும்.
  •   விளைவித்த பொருட்களைப் பதப்படுத்த அதிக விலைக்கு விற்க உங்களைத் தயார்படுத்திக் கொள்ள வேண்டும்.
  •   விளைவித்த பொருட்களை மதிப்புக்குட்பட்ட பொருள்களாக சந்தைக்குக் கொண்டு செல்வதன் மூலம் அதிக வருவாயைப் பெருக்க முடியும்.

இனியும் விவசாயம் செய்ய இளைய தலைமுறைகள் வருவதற்கு வாய்ப்புகள் குறைவுதான். இந்தியாவில் விவசாயிகளின் சராசரி வயது தற்போது 40ஆக உள்ளது. இதுவே தற்போது ஜப்பானில் 65ஆக உள்ளது. ஜப்பானைப்போல் இந்திய விவசாயிகளின் சராசரி வயது இன்னும் 10 ஆண்டுகளில் 50 ஆக மாறிவிடும்.
விவசாயத்தை நம்பியிருக்கும் தற்போதைய மக்கள் எண்ணிக்கை கண்டிப்பாக இனிவரும் காலங்களில் அதிகரிக்க வாய்ப்புகள் குறைவு.
எனவே, வயதான விவசாயிகளைக் கொண்ட நாடாக இந்தியா மாறும் போது விவசாயம் பெரும் மாற்றத்தை சந்திக்க நேரிடும்.
“மாற்றங்கள் ஒன்றே நிலையானது” என்ற வரிகளுக்கு ஏற்ப மாற்றங்களுக்காக நம்மை மாற்றிக் கொண்டால் நாம் செய்யும் தொழில் லாபகரமாக இருக்கும் என்பதில் ஐயம் இல்லை.


Share
 

No comments

Be the first one to leave a comment.

Post a Comment


 

 


November 2011

நோய்வாய்ப்படாது நூறாண்டுகள் வாழும் வழிமுறைகள்
சிந்திக்கத் தூண்டும் இலக்கியச் சிந்தனையாளர்
ஊக்கஉணர்வுடன் வாழுங்கள்!
பறவைகள் விதைப்பதுமில்லை; அறுப்பதுமில்லை!!
சாதிக்கலாம் வாங்க
நேனோ டியூப்
கவலைதரும் கலாச்சார மாற்றங்கள்
புகை வண்டி
உலக கழிப்பறை தினம்
மாறிவரும் வேளாண்மை
அத்தனைக்கும் ஆசைப்படு
வாழ்வது ஒருமுறை வாழ்த்தட்டும் தலைமுறை
உங்கள் குழந்தை எப்படி…?
முடியும் என்றே முன்னேறு! வெற்றி என்பதே உன்பேரு!!
தாய் மண்ணே வணக்கம்
உள்ளத்தோடு உள்ளம்