Home » Articles » அச்சீவர்ஸ் அவென்யூ

 
அச்சீவர்ஸ் அவென்யூ


தங்கவேலு மாரிமுத்து
Author:

இன்டெல். கம்ப்யூட்டர் உலகின் மிகப்பிரபலமான நிறுவனங்களில் ஒன்று. இதை நிறுவியர்தான் ஆண்ட்ரூ ஸ்டீவன் குரோவ்.
மிகச்சிறிய நாடாகிய ஹங்கேரியில் பிறந்தவர். நாஜிக்களின் கொடுமை, சோவியத் ராணுவத்தின் கெடுபிடி இப்படி பல சிக்கல்களுக்குப் பயந்து ஆஸ்திரியா நோக்கி ஓடியவர். அங்கும் நிலைத்து வாழ முடியாமல் அமெரிக்காவில் அடியெடுத்து வைத்தார்.
ஆங்கிலம் இவருக்கு அன்னியமொழி. ஆனாலும். அதைக் கரைத்துக் குடித்தார். பிறகு பொறியியலும் படித்துத் தேறினார். அப்போதுதான் கம்ப்யூட்டர் என்ற புதிய சகாப்தம் உலகில் பிறந்தது.
இவருடைய மூளை முழுவதும் அறிவியல் செல்களாலேயே ஆனது என்று சொல்லும் அளவுக்கு விஞ்ஞானத்தில் வித்தகராக இருந்ததால், கம்ப்யூட்டருக்கே மூளை என்று கருதப்படும் மைக்ரோசிப்களை உயர்ந்த தரத்தில் வடிவமைப்பதில் கவனம் செலுத்தினார். பென்டியம் சிப்களை உருவாக்கினார். கம்ப்யூட்டர் உலகுக்கு வழங்கினார்.
உலகில் உள்ள பர்சனல் கம்ப்யூட்டர்களில் முக்காலே மூணுவீசத்தை இன்டெல் சிப்தான் இயக்குகிறது.
பல ஆயிரம் கோடிகளுக்கு இன்று இவர் அதிபதி. ஆனால் இவர் வாழ்க்கை ஆரம்பித்தது, ப்ரூக்ளின் நகரின் ஒரு பாழடைந்த கட்டிடத்தில்தான்.
97ம் ஆண்டு ‘Man of the Year’ ஆக இவரைத் தேர்ந்தெடுத்தது “பஐஙஉ” பத்திரிக்கை.
சரி. இவரிடமிருந்து நாம் என்ன கற்றுக் கொள்ளலாம்?

  • சூழல் சரியில்லை என்று சுருண்டு கிடக்கக்கூடாது.
  • ஆங்கிலம் தெரியவில்லையே என்று அஞ்சக்கூடாது.
  • பிறந்த ஊரில் பிழைக்க வழியில்லையே என்று பிதற்றிக் கொண்டிருக்கக் கூடாது.
  • கடுமையாக உழைக்கவும், புலம்பாமல் போராடவும் புறப்பட்டுவிட்டால் வெற்றி வெகுதூரமில்லை.
 

No comments

Be the first one to leave a comment.

Post a Comment