Home » Articles » நூற்றுக்கு நூறு மார்க்

 
நூற்றுக்கு நூறு மார்க்


தங்கவேலு மாரிமுத்து
Author:

பொதுப்பரீட்சைக்கு தேதி அறிவித்தாகிவிட்டது மாணவர்களே! படிப்பதில் மும்முரத்தைக் காட்ட ஆரம்பித்து விட்டீர்களா?
உங்கள் குறிக்கோள் என்ன? நூற்றுக்கு நூறு தானே. நம்புங்கள், நிச்சயமாகக் கிடைக்கும். எப்படி? நூறு மார்க்குகளையும் பகுதி பகுதியாகப் பிரியுங்கள். அதாவது,

  • படிப்பில் நீங்கள் காட்டுகிற அக்கறை. நூற்றுக்கு நூறு வாங்க முடியும் என்கிற தன்னம்பிக்கை. வாங்கியே ஆக வேண்டும் என்கிற வைராக்கியம்…

இவையெல்லாம் உங்களிடம் முழுமையாக இருந்துவிட்டால், அதற்கொரு… 10 மார்க்

  • படிப்பிலே மட்டும் ஆர்வம் காட்டுகின்ற, படிப்புக்கு மட்டுமே முன்னுரிமை கொடுக்கின்ற உங்கள் வகுப்பு முன்னனி மாணவர்களுடன் மட்டுமே நெருக்கமாய் இருந்து பழகிவந்தால் அதற்கொரு… 10 மார்க்
  • காலையும் மாலையும் படிப்பதற்காக, மிக அதிகமான நேரங்களை ஒதுக்கிவந்தால், அதையும் தினந்தோறும் தவறாமல் செய்யும் பழக்கம் இருந்தால் அதற்கொரு… 10 மார்க்
  • ஊக்கமும் உற்சாகமும் கொடுக்கும் பெற்றோர், ஆசிரியர்கள், நண்பர்கள் அமைந்துவிட்டால்… இல்லையென்றாலும் தனக்குத்தானே ஊக்கம் கொடுத்துக்கொள்ளும் வித்தை தெரிந்திருந்தால், அதற்கொரு… 10 மார்க்
  • நானும் படிக்கிறேனே என்று புத்தகத்தை திறந்து வைத்திருக்காமல், ஆழ்ந்து படிப்பது, எந்தப் போர்ஷனையும் விட்டு விடாமல் முழுமையாகப் படிப்பது, படித்த பாடப் பகுதிகளில் எந்தச் சந்தேகமும் இல்லாமல் பார்த்துக் கொள்வது, சும்மா டப்பா அடிக்காமல் புரிந்து படிப்பது, கடினமான பகுதிகளை கூடுதல் கவனத்துடன் படிப்பது, எழுதிப்பார்ப்பது, இவைகளைத் தவறாமல் செய்து வந்தால், அதற்கொரு… 15 மார்க்
  • பழைய கேள்வித் தாள்களை சேகரித்து, அந்த வினாக்களுக்கெல்லாம் விடையெழுதிப்பார்ப்பது, கடிகாரத்தை முன்னால் வைத்து, தனக்குத்தானே பரீட்சை வைத்து எழுதிப்பார்ப்பது, வகுப்பில் நடக்கும் டெஸ்ட்களில் எங்கே, எதனால் மார்க் குறைந்தது என்று கவனித்து படித்தபின், ஒரு நண்பனுக்கு அதை பாடமாக நடத்திப் பார்ப்பது, இவைகளை அக்கறையுடன் செயல்பட்டால், அதற்கொரு… 15 மார்க்
  • பத்துமாதம் பட்ட பாட்டை எடைபோடுவது, மூன்று மணி நேரப் பரீட்சை தான் என்ற உணர்வுடன், கவனமாக, சரியாக, தெளிவாக, முழுமையாக, அடித்தல் திருத்தல் இல்லாமல், பயம், கவலை, படபடப்பு இல்லாமல் பரீட்சை எழுதிவிட்டால், அதற்கொரு… 15 மார்க்
  • இவை எல்லாவற்றையுமே சரியாக, முறையாக, முழுமையாக செய்துவிட்டாலும், ஆண்டவனின் அருளும் அவசியம் என்பதால், அதற்கொரு… 5 மார்க்

என்னது? உங்களுக்குக் கடவுள் நம்பிக்கை இல்லையா? அதனால் என்ன?
வாழும் தெய்வங்களான, தாய், தந்தை, ஆசான் இவர்களை மனதால் வணங்கி தினமும் படித்து வாருங்கள். முடிந்ததும் மனதார அவர்களுக்கு நன்றி சொல்லுங்கள். அதற்காக இருக்கட்டுமே இந்த… 5 மார்க்
என்ன? நூற்றுக்கு நூறு வாங்கிவிடுவீர்கள் தானே?


Share
 

No comments

Be the first one to leave a comment.

Post a Comment


 

 


January 2011

மனதை வலிமைப்படுத்து வாழ்வைப் பெருமைப்படுத்து
என்ன படிக்கலாம் எங்கு படிக்கலாம்
காலத்தை வென்று வாழும் மகாகவி பாரதி
என் பதில்களுக்கான கேள்விகள் எங்கே?
கவிதை
நலந்தானா
கணினி தொழில்நுட்பம்
இருளிலும் விடியல்
நம்பிக்கை
நம்பிக்கை இழக்காத நெஞ்சுரம் வேண்டும்
வாக்கினில் இனிமை வேண்டும்
உனக்குள்ளே உலகம்-8 நேரந்தான் இல்லையே!
உடலினை உறுதி செய்
நூற்றுக்கு நூறு மார்க்
உள்ளத்தால் உள்ளலும் தீதே
வெற்றி நிச்சயம்
முயற்சி தரும் வெற்றி
உள்ளத்தோடு உள்ளம்