Home » Articles » கல்லூரி மாணவர்களிடத்தில் ஆசிரியர்களின் அணுகுமுறை

 
கல்லூரி மாணவர்களிடத்தில் ஆசிரியர்களின் அணுகுமுறை


மரகதம் நா
Author:

– நா. மரகதம் மற்றும் ப. முரளி அர்த்தனாரி

மாற்றார்க்கு கல்வி போதிக்கும் தொழிலில் ஈடுபட்டு பணி புரியும் பணியானது மகத் தான ஒரு சேவையாகும். தான் கற்றதை பிறர்க்கும் கற்பிக்கும் பாங்கு தன்னலம் இல்லாத் தொண்டாகும். அதனால்தான் நம் முன்னோர்கள் மாதா, பிதா, குரு, தெய்வம் என குருவிற்கு, தெய்வத் திற்கும் மேலாக முக்கியத்துவம் கொடுத் துள்ளனர். முற்காலத்தில் மாணவர்கள் குருகுலம் மூலம் கல்வி பயின்று வந்தனர். அப்பொழுது அம்மாணவர்கள் கற்பிக்கும் ஆசானிடம் முழு பணிவுடனும், பண்புடனும் கல்வி கற்றார்கள். ஆனால் தற்சமயம், சூழ்நிலை மாறுதலுக்கிணங்க, கற்கும் மாணவர்கள் குழந்தைப் பருவம் தொட்டே தாங்கள் விரும்பும் வண்ணம் உள்ள பாடங்களை தேர்வு செய்து அதனையே கற்கும் நிலைமை ஏற்பட்டுள்ளது. மேலும், சின்னஞ் சிறார்களுக்கு கல்வி போதிப்பதை, அவர்களை வழி நடத்துவது என்பது சற்றுக் கடினமான பணியே. இதற்கு நல்ல ஆளுமை திறனும், பொறுமையும் இன்றைய ஆசிரியர்களுக்கு மிக மிக அவசியம். ஏனெனில் முனைவர் அப்துல் கலாம் கூறுவதுபோல், இன்றைய சிறார்கள் தான் நாளைய இந்தியாவின் விடிவெள்ளிகள். எனவே, நல்ல திறனுடைய ஆசிரியர்களுக்கு மாணவர் களுக்கு கற்பிற்கும் பணியானது எளிதாகி விடுகிறது. பின்னர் இம்மாணவர்களே கல்லூரி யில் அடிவைக்கும் போது நிலைமை மாறி விடுகிறது. அவர்கள் பல்வேறு சூழலில் இருந்து புதிய சூழலுக்கு ஒரு சுதந்திர பறவையாக வருகின்றனர். மேலும், அவர்களுடைய எண்ணங்கள் உயர்ந்ததாகவும் பல்வேறு துறைகளில் நுண்ணறிவு பெற்றவர்களாகவும் விளங்குகின்றனர். இதனால், கல்லூரிகளில் கல்வி கற்கும் மாணவர்கள் தங்களுக்கு விதிக்கப்படும் விதிமுறைகளையும், கட்டுப்பாடுகளையும் விரும்புவதில்லை. ஆனால் மாணவர்கள் விரும்பும் வகையிலும், ஏற்கும் வகையிலும் கல்வியோடு வாழ்க்கைக்குத் தேவையான நல் அறிவுரைகளையும் போதிக்கலாம். இவ்வாறாக, மாணவர்களின் வாழ்க்கையை சிறப்புற அமைப்பதில் ஆசிரியர்களின் பங்கு இன்றியமை யாததாகிவிடுகிறது.

கல்லூரிகளில் பேராசிரியர்களின் கல்வி கற்பிக்கும் முறை:

  • பேராசிரியர்கள் மாணவச் செல்வங் களுக்கு ஆன்றோர் சான்றோர்களின் போதனை களை யும், வாழ்க்கை நெறிமுறைகளையும் முதற்கண் தெரிவித்து நல்வழியில் வழிநடத்த வேண்டும்.
  • ஆசிரியர்களே தங்கள் மாணவர்களுக்கு முன் உதாரணமாக திகழும் வகையில் பணியாற்ற வேண்டும்.
  • மாணவர்கள் விருப்பத்தோடு கல்வி கற்கும் இனிமையான சூழலை வகுப்பில் ஏற்படுத்து வது ஆசிரியர்களின் பணியே.
  • ஒவ்வொரு முறையும் வகுப்பெடுக்கும் போது முன்னர் கற்பித்த பாடம் சம்பந்தமாக கேள்விகளை எழுப்பி, அவர்களின் சிந்தனை களை தூண்ட வேண்டும்.
  • ஒவ்வொரு மாணவரும் விடைகளைத் தானாகவே முன்மொழியுமாறு அவர்களை ஆசிரியர்கள் தான் ஊக்குவிக்க வேண்டும்.
  • கற்கும் திறன் மற்றும் புரிந்துகொள்ளும் திறன் குறைந்து காணப்படும் மாணவர்களும் எளிதில் புரிந்து கொள்ளுமாறு தெளிவாக, பொறுமையாக நடத்த வேண்டும். அவர் களிடம் தனி கவனம் செலுத்த வேண்டும்.
  • ஒவ்வொருவருக்கும் பாடப்பிரிவுகளில் ஆர்வத்தை உண்டு பண்ண வேண்டும்.
  • ஆசிரியர்கள் தாங்கள் நடத்தும் பாடத்தில் உள்ள புதிய கண்டுபிடிப்புகளையும், புதிய தகவல்களையும் அவ்வப்போது சேகரித்து அதற்கு தகுந்தாற்போல கற்பிக்க வேண்டும்.
  • கல்வி கற்பிப்பதோடு மட்டுமல்லாமல், விளை யாட்டு, நடனம், யோகா போன்ற மற்ற பல பயனுள்ள துறைகளிலும் மாணவர்களை ஈடுபடச் செய்ய வேண்டும்.
  • இவ்வாறு செய்வதன் மூலம் மாணவர்களின் உடல் நலம், மன நலம் சீர்பெற்று, கூட்டு முயற்சி செய்தல் போன்ற நற்குணங்கள் மேம்படுகின்றன.
  • பொருளாதார ரீதியாக பின்தங்கி கல்வி கற்கும் மாணவர்களுக்கு கல்வி கடன் பெறுதல், உதவித் தொகை பெறுதல் பற்றிய விவரங் களை தெளிவு செய்து வழிகாட்ட வேண்டும்.
  • எல்லாவற்றிற்கும் மேலாக தங்களுக்கும், மாணவர்களுக்கும் இடையேயான இடை வெளியை அகற்றி, நல்ல தோழர்கள் போல அவர்களை வழிநடத்தும் பட்சத்தில், இந்தியாவை வல்லரசாக மாற்றஅவர்களைத் தூண்களைப் போல செதுக்க முடியும்.
 

No comments

Be the first one to leave a comment.

Post a Comment


 

 


September 2009

வருங்காலம் மல்டிமீடியாவில்
ஆத்ம சக்தி (Will Power)
நமக்குள் நாம்
தன்னம்பிக்கையை வளர்ப்பது எப்படி?
கல்லூரி மாணவர்களிடத்தில் ஆசிரியர்களின் அணுகுமுறை
கண்ணாடி உறவுகள்
தெய்வம் இருப்பது எங்கே? அது இங்கே…
நிறுவனர் நினைவுகள்
திறந்த உள்ளம்
ஆர்வம் வெற்றியின் ஆரம்பம்
உன்னதமாய் வாழ்வோம்!
மனிதா! மனிதா!!
மனிதர்களை உங்கள் செல்வாக்குக்குரியவராக மாற்றும் கலை
பாதுகாப்பான முதலீடு
உடலினை உறுதி செய்
ஆசிரியப் பணி! அதுவே முதற்பணி!!
வெற்றிப் படிக்கட்டுகள்
சந்தர்ப்பங்களை உருவாக்கு! சாதிப்பை பலமாக்கு!!
தோல்விகளை வெற்றிகளாக மாற்றுவது எப்படி?
உள்ளத்தோடு உள்ளம்
புலம்பலை நிறுத்து
அன்பை ஆயுதமாக எடு
இலட்சிய தீயே நீ!
வெற்றி வந்து குவியும்
வளமான தேசத்தை உருவாக்க
இன்று மகிழ்ச்சி நாள் -4
இன்று மகிழ்ச்சி நாள் -3
இன்று மகிழ்ச்சி நாள் -2
இன்று மகிழ்ச்சி நாள் -1
சிந்தனைத் துளிகள்
கோவையில் டாக்டர் ஏ.பி.ஜே. அப்துல் கலாம்
ஆப்ரகாம்லிங்கன் கற்ற கல்வியும், பெற்ற அனுபவமும்
அச்சீவர்ஸ் அவென்யூ – 2
அச்சீவர்ஸ் அவென்யூ -1