Home » Articles » காலத்தை வெல்வோம்

 
காலத்தை வெல்வோம்


சௌந்தர்ராஜன் தே
Author:

இரண்டு பொருட்கள் இருந்தால் அவைகளுக்கு (space) மத்தியில் காணப்படுவது இடைவெளி இருக்கும். ஆனால் அது அர்த்தமற்றதாக இருக்கும். இந்த இடைவெளி (தூரம்) எல்லை இருக்காது.

காலமும் அது போலவே ஆரம்பமோ முடிவோ இல்லாதது. ஒரு பொருள் மற்றொரு பொருளை நோக்கிச் செல்ல எடுத்துக் கொள்கிறது நேரம். அதுவே காலம். அல்லது தனக்குத் தானே சுற்றிக்கொள்ள எடுத்துக்ககொள்ளும் அளவே காலம்.

அதாவது சந்திரனுக்கும், பூமிக்கும் இடையில் காணப்படும் இடைவெளி (தூரம்) Space. பூமியிலிருந்து சந்திரனுக்கு எடுத்துக்கொள்ளும் நேரம், காலம் அல்லது பூமி தன்னைத்தானே சுற்றிக்கொள்ள எடுத்துக்கொள்ளும் அளவும் காலம்.

ஆக பொருட்களின் அசைவோ, ஓட்டங்களோ இல்லை என்றால் காலங்களும் இல்லை. இந்த காலங்களை கடிகாரம் மூலமாகவும், காலண்டர் மூலமாகவும் அளவிடுகிறோம். கடிகாரங்களை பார்க்காமலே மனதினால் நாம் காலங்களை நிதானிக்கிறோம். இல்லையா! அது எப்படி? யாருக்காவது

காத்திருக்கும்போது அதிக நேரம் ஆகிவிட்டது. ஆளை காணோம் என்கிறோம். ஆனால் ஈடுபாட்டோடு சில செயல்களை செய்யும்போது அல்லது செயலில் லயித்திருக்கும் போது காலம் சுருங்கிப் போகிறது.

இதற்கு காரணம் மனத்தின் அசைவுகளே. இரவு பகல் பாராது மனதில் எண்ணங்கள் ஓடிக்கொண்டே இருக்கின்றன. இந்த எண்ணங்களின் அடிப்படையில் மனதினால் காலங்களை அளவிடுகிறோம். எத்தனை அதிகமான எண்ணங்கள் மனதில் ஓடியிருக்கிறதோ அத்தனை காலம் கடந்து விட்டது என மனதால் கணக்கிடுகிறோம்.

ஒரு செயலில் லயித்திருக்கும்போது எண்ண ஓட்டங்கள் மறைந்து போகின்றன. அப்போது மனதின் காலங்கள் இல்லாமல் போகிறது. கனவுகள் இல்லாமல் போகிறது.

கனவுகள் இல்லாத ஆழ்ந்த தூக்கத்திலும் காலம் இல்லாமல் போகிறது. ஆழ்ந்த நித்திரையில் இருந்து எழுந்ததும், படுத்ததுதான் தெரியும். இப்போது படுத்த மாதிரிதான் தெரிந்தது. அதற்குள் விடிந்துவிட்டது. என்கிறோம். ஆழ்ந்த நித்திரையில் கனவுகள் இல்லை. கனவுகள் இல்லாத போது மனதின் காலங்களும் இல்லை.

ஆக பகலில் நினைவுகளும், இரவில் கனவுகளும் நம் மனதின் காலங்களை அளக்கின்றன. எப்போது மனம் அசைவற்று சலனமற்று எண்ணங்கள் இல்லாது இருகிறதோ அப்போது மனிதன் காலங்கள் இல்லாது போகின்றன. புனித நிலை அடைந்த ஞானிகளுக்கு எண்ணங்களும் இல்லை. மனதின் அசைவுகளும் இல்லை. ஆகவே ஞானிகளுக்கு காலம் இல்லை. இவ்வுலகிற்கு காலம் உண்டு. அவர்கள் மனதிற்கு காலம் இல்லை. இதனால் என்ன பலன்?

எந்த மனதில் காலம் இல்லையோ அந்த மனதில் சலிப்பு (Boring) இல்லை. அது பரவச நிலையில் இருக்கும். நாமும் எண்ணங்களற்ற மன நிலையை முயன்று பார்ப்போம். காலத்தை வெல்வோம்.


Share
 

No comments

Be the first one to leave a comment.

Post a Comment


 

 


March 2008

திறந்த உள்ளம்
பெண்ணின் மேம்பாடு சமுதாயத்தின் மேம்பாடு
உள்ளத்தோடு உள்ளம்
நட்புகள் சேர்ந்தால் வெற்றிகள் குவியும்
காலத்தை வெல்வோம்
உங்கள் கவனத்திற்கு
இங்கு இவர் இப்படி வெற்றியின் எல்லை வெளியிடத்தில் இல்லை!
உன்னைத்தேடி வீதிகள் வாரா!
வியாபாரத்தின் ஒரே முதலாளி
வளர்ச்சி! முதிர்ச்சி!
உலகில் புதிய உயிரினத்தை செயற்கை முறையில் உருவாக்க முடியுமா?
வேரில் பழுத்த பலா
ஏற்றுங்கள் நல்ல எண்ணத்தின் தீபங்களை
கேள்வி பதில்
வெற்றிப் படிக்கட்டுகள்
”நினைக்கும்” வகையில்
''நினைக்கும்'' வகையில்
மனிதா மனிதா
சிந்தனைக்கு
நிறுவனர் நினைவுகள்
ஒழுங்கான செயல்
மரபணு மாற்றம் – காலத்தின் கட்டாயம்
துணிவுடன் போராடு வெற்றி வரும்
தேர்வு எழுதும் மாணவர்களே!