Home » Articles » நிறுவனர் பக்கம்

 
நிறுவனர் பக்கம்


admin
Author:

நீங்கள் தன்னம்பிக்கை உள்ளவர்தானா?

1. நீங்கள் ஒரு இலட்சியம் உள்ளவரா? அல்லது நடக்கிறபடி நடக்கட்டும் என்று இருப்பவரா?

2. நீங்கள் நியாயத்தின்படி நடப்பவரா? அல்லது நியாயத்தைப் பற்றிக் கவலைப்படாமல் லாபம் வரும் வழியில் செல்பவரா?

3. எல்லோரும் நன்றாக இருக்க வேண்டும் என்று எண்ணுபவரா? அல்லது யார் எப்படிப் போனால் என்ன? நம் குடும்பம் நன்றாக இருந்தால்போதும் என்று எண்ணுபவரா?

4. எல்லோரிடத்ததிலும் ஒரே மாதிரி உண்மையாக நடந்து கொள்பவரா? அல்லது ஒருவரை நேரில் பார்க்கும்போது அவரைப் பற்றி நல்ல விதமாகவும் அவர் இல்லாதபோது அவரைப் பற்றி வேறு விதமாகவும் பேசும் பழக்கம் உள்ளவரா?

5. நீங்கள் சுய கௌரவம் உள்ள மனிதரா? அல்லது போலித்தனமான கௌரவங்களுக்கு அடிமையாகும் மனிதரா?

6. உங்கள் குறைகளைச் சொன்னால் அது சரியாக இருந்தால் அதை ஏற்றுக் கொள்வீரா? அல்லது குறை சொன்னாலே அத உண்மையாக இருந்த போதிலும் கோபித்துக்கொள்வீரா?

7. நீங்கள் சொல்வது போல் செய்பவரா அல்லது உங்கள் சொல்லுக்கும், செயலுக்கும் சம்பந்தம் இல்லாத மனிதரா?

8. உங்கள் உழைப்புக்கேற்ற ஊதியம் வந்தால் போதும் என்று எண்ணுபவரா? அல்லது உழைக்காமலே வருவாய் தேடும் வழிகளில் செல்பவரா?

9. நீங்கள் எந்தச் சூழ்நிலையிலும் தீமைகளோடும் ஒத்துப்போகாதவரா? அல்லது பாதிப்பு வருகிறதென்றால் தீமைக்கும் பணிந்து செல்பவரா?

10. நீங்கள் மது அருந்தாமலும் கட்டிய மனைவியோடும் உண்மையாக வாழ்கின்றவரா? அல்லது ஏதேனும் ஒரு சமாதானம் சொல்லி அவற்றில் ஈடுபாடு கொள்பவரா?

ஒவ்வொரு கேள்வியிலும் முதலில் உள்ள பகுதிக்கு ஐந்துக்கு “ஆமாம்” என்றால் கூட நீங்கள் மனிதர் என்று எடுத்துக்கொள்ளலாம். பத்துக் கேள்வியும் இரண்டாம் பகுதிக்குத்தான் உங்கள் மனசாட்சி “ஆமாம்” என்று வருகிறதென்றால் நீங்கள் மனிதரே அல்ல, பட்டம், பதவி, செல்வாக்கு இவற்றால் உலகை ஏமாற்றி வருகிறீர்கள் என்பது பொருள்.

நீங்கள் உங்களை மாற்றியே ஆக வேண்டும். இல்லையென்றால் இறுதிக்காலத்தில் இந்தச் சமுதாயத்தால் மட்டுமல்ல உங்கள் மனைவி மக்களாலும் வெறுத்து ஒதுக்கப்படுவீர்கள். எச்சரிக்கை, மனிதராகுங்கள். தன்னம்பிக்கை மிகுந்த மனிதராகுங்கள்.

இல.செ.க எழுதிய “இதோ.. தன்னம்பிக்கை” நூலிலிருந்து.


Share
 

No comments

Be the first one to leave a comment.

Post a Comment


 

 


August 2001

மனசு விட்டுப் பேசுங்க….
வெற்றியின் மனமே
உறவுகள்… உணர்வுகள்
நான்கு பந்துகளுடன் நம்முடைய வாழ்க்கை!
கேள்வி – பதில்
வாசகர் கடிதம்
நீங்கள் எடுக்கும் முடிவான முடிவு என்ன?
தலைப்புச்செய்தி
மனித சக்தி மகத்தான சக்தி
உள்ளத்தோடு உள்ளம்
நிறுவனர் பக்கம்
சிரிப்போம் சிறப்போம்
பொதுவாச்சொல்றேன்
“ஆட்டோ சஜஷனின் ஆரம்ப நாயகன் யார்?”
"ஆட்டோ சஜஷனின் ஆரம்ப நாயகன் யார்?"
வணக்கம் தலைவரே
பெற்றோர் பக்கம்