Home » Articles » வாஸ்து சாஸ்திரம்

 
வாஸ்து சாஸ்திரம்


ராமகிருஷ்னண்ன் எஸ்.ஆர்
Author:

தேவர்களின் தச்சனான விஸ்வகர்மவினால் உருவாக்கப்பட்டது வாஸ்து சாஸ்திரம். எந்த ஒரு இடத்தையும் வாஸ்து முறைப்படி நல்ல இடம்தானா என்பதை ஆராய்ந்து அதன் பிற்கே வாங்க வேண்டும்.வாஸ்து பகவானுக்கு உரிய பூஜைகள் செய்த பிறகே வீடு கட்ட வேண்டும். காலி மனை இடம் வாங்கவாஸ்து தேவை இல்லை.வீடு வாங்க உள்ள இடத்தில் உத்தமமான பூமியை தேர்வு செய்ய வேண்டும்.அருகில் நிறைய ஜனங்கள் வசிக்க வேண்டும். பசுக்கள் வசிக்க வேண்டும்.உண்டு புசிக்க தகுந்த காய்,கனிகளை தரும் காற்றோட்டம் தரும் செடி,கொடிகள் அந்த பகுதியில் இருக்க வேண்டும். நெல் வயல்கள்,ஓங்கி உயர்ந்த  மலைகள்,கடல்,ஆசிரமம்,மயானம் மிக அருகில் இருக்க கூடாது. கிழக்கு மூலை(இந்திரன்) தாழ்ந்து,மேற்கு மூலை(வருணன்) உயர்ந்திருக்கும் நிலப்பகுதி கோவீதி எனப்படும்.இங்கு வீடு கட்டினால் வளம் பெருகும்.

அபிவிருத்தி கிடைக்கும். கிழக்கு மூலை உயர்ந்து மேற்கு மூலை தாழ்ந்து இருக்கும் பகுதி ஜல வீதி எனப்படும்.

இங்கு வீடு கட்டக்கூடாது. தெற்கு மூலை உயர்ந்து வடக்கு மூலை  தாழ்ந்து இருக்கும் பகுதி கஜ வீதி எனப்படும்.இங்கு வீடு கட்டுவது மிகவும் நல்லது. ‘வடகிழக்கு மூலை (ஈசானியம்)சற்று உயர்ந்து தென்மேற்கு தாழ்ந்து  இருந்தாலும்(நிருதி)அங்கே வீடு கட்டுவது உசிதமல்ல.இந்த நிலம் பூத வீதி எனப்படும்.தென் கிழக்கு மூலை (அக்னி) உயர்ந்து வடமேற்கு மூலை (வாயு மூலை) தாழ்ந்து இருந்தாலும் அங்கே வீடு கட்டக்கூடாது.இது நாக வீதி எனப்படும். வாயு மூலை உயர்ந்து அக்னி மூலை தாழ்ந்து இருந்தாலும் வீடு கட்டக்கூடாது.இது அக்னி வீதி எனப்படும்.அதே சமயம் நிருதி மூலை

உயர்ந்து ஈசானியம் தாழ்ந்து இருக்கும் பகுதி, தான்ய வீதி எனப்படும்.

அசுப இடங்களில் அதற்குரிய பரிஹாரங்கள்,ஹோமங்கள் முறையாக  செய்து,உரிய பலிகளை கொடுத்த பின்னர்தான் பணிகளை துவக்க வேண்டும். ஜோதிட பிரம்ம ரகசியத்தின் படி சித்திரை மாதம் வீடு கட்டினால் சுகமாக இருக்கும்.வைகாசியில் தன விருத்தி ஏற்படும்.ஆனியில் வீடு கட்டக்கூடாது. ஆடியில் சுபத்தை கெடுக்கும்.ஆவணியில் வீடு கட்டினால் வேலைக்காரர்கள் கிடைக்க மாட்டார்கள். புரட்டாசியில் வீடு கட்டினால் வியாதி வரும். ஐப்பசியில் கட்டுவது விஷேஷம்.கார்த்திகையில் கட்டினால் நிறைய பணம் வரும். மார்கழியில் கட்டக்கூடாது. தையில் கட்டினால் எண்ணியதெல்லாம் நிறைவேறும். மாசியில் கட்டினால் ரத்தினங்கள் சேரும்.பங்குனியில் வீடு கட்டக்கூடாது.

மனை கட்ட அதிபதி வாஸ்து புருஷன். அவர் நித்திரை விடும் நேரத்தில் வாஸ்து பூஜை செய்வது நல்லது.

சித்திரை 10 தேதி-5 நாழிகைக்கு மேல்

வைகாசி 21தேதி -8 நாழிகைக்கு மேல்

ஆடி 11 தேதி -2 நாழிகைக்கு மேல்

ஆவணி 6 தேதி-21 நாழிகைக்கு மேல்

ஐப்பசி 11 தேதி-2 நாழிகைக்கு மேல்

கார்த்திகை 8 தேதி-10 நாழிகைக்கு மேல்

தை மாதம் 12 தேதி-8 நாழிகைக்கு மேல்

மாசி மாதம் 22 தேதி-8 நாழிகைக்கு மேல்

வாஸ்து புருஷன் 3 தீ நாழிகை எழுந்து விழித்திருப்ப்பார்.மொத்தம் 90

நிமிஷம்.கடைசி 36 நிமிஷம் போஜனம்,தாம்பூல தாரணம்செய்யும் நேரத்தில்

பாலக்கால் போட்டு பூஜை செய்வது மிக நல்லது. தங்கு தடையின்றி வீடு கட்டும் பணி நடக்கும். வடக்கில் இருந்து செல்வம் வரும் என்பதால் அந்த பக்கத்திலும் வட கிழக்கிலும் பெரிய மரங்களை பயிரிட க்கூடாது.எமன் மற்றும் வருணன் இடமிருந்து காப்பாற்ற  தெற்கிலும்,மேற்கிலும் உயரமான  பலமான கட்டுமானங்கள் தேவை. வீட்டின் உயரமான பகுதி தென்மேற்கிலும்,தாழ்வான பகுதி வடகிழக்கிலும் அமைய வேண்டும். கிழக்கு,வடக்கு திசைகள் முக்கியமானவை.சூரிய ஒளியில் வைட்டமின் டி உள்ளது.உடலுக்கு நன்மை தருவது.காலை வேளையில் சூரிய கதிர்கள் அதிகவெளிச்சத்தையும்,குறைவான வெப்பமும் தரும். எனவே கிழக்கு திசையில் கதவுகளும் ஜன்னல்களும் சூரிய ஒளியை வீட்டினுள் ஊடுருவ செய்யும். மேற்கிலும்,தென்மேற்கிலும் அடர்த்தியான சுவர்கள் குறைந்த ஜன்னல்கள் சூரியனின் புற சிகப்பு கதிர்களை தடுக்கும்.

வடக்கில் தலை வைத்து தூங்க கூடாது,தூக்கம் கெடும்.காந்த சக்தியால் மனஅமைதி குறையும்.தெற்கு திசை எமனின் வீடு. எமனை நோக்கி காலை நீட்டி படுப்பதோ,பார்ப்பதோ கூடாது.வீட்டு தலைவனின் அறை தென் மேற்கு திசையில் அமைய வேண்டும்.இளம் தம்பதியினர் அறை வட மேற்கு அறையில் இருக்க வேண்டும்.பொக்கிஷ அறை -பொன் பொருள்,ஆபரணம் போன்ற விலை உயர்ந்த பொருள்கள் வடக்கு திசையில் குபேர திசையில் வைக்க வேண்டும்.அந்த  அறையின் தெற்கு புற சுவரை ஒட்டி பாதுகாப்பு பெட்டகம், வடக்கு நோக்கி அமைய வேண்டும்.

‘அக்னி தேவனுக்கு உரிய் தென் கிழக்கு திசையே சமையல் அறைக்கு உகந்தது. தென் மேற்கு காற்று இதற்கு சாதகமாக இருக்கும்., பூஜை அறை,சமையல் அறை,,கழிவறைகள் அடுத்தடுத்து அமைய கூடாது. வீட்டின் தலை வாசலுக்கு நேரே சமையல் அறை இருக்கக்கூடாது.

வீட்டில் உடைந்த கண்ணாடிகள்,முகம் பார்க்கும் கண்ணாடிகள் இருக்க கூடாது.

கண்ணாடிகள்,வாஷ் பேசின்,குழாய்கள், வட கிழக்கு சுவரில் அமைய வேண்டும். பாதுகாப்பு பெட்டகம் வடக்கு அல்லது கிழக்கில் திறப்பது போல அமைய வேண்டும்.எனவே தெற்கு அல்லது மேற்கு சுவரில் அமைக்கவும். கழிவறையில்  உட்காரும் இடம் வடக்கு தெற்காக அமைய வேண்டும் கழிவுக்குழி வடமேற்கு அல்லது தென்கிழக்கில் அமைக்கலாம். வீட்டின் நேர் எதிரில் குப்பை தொட்டி,விள்க்கு தூண்,அல்லது பாறை கள் இருக்கக்கூடாது. வீட்டின் பிரதான  வாயிலுக்கு நேர் எதிரே இன்னொரு வீட்டின் பிரதான வாயில் கூடாது.வீட்டின் ப்ரதான கதவில் கஜலக்ஷ்மி உருவம் இருப்பது நல்லது வீட்டின் கீழ் தளத்தில் அதிக ஜன்னல்கள்,கதவுகள் இருப்பது நல்லது மேல் தளத்தில் குறைவாக அமைக்கவும். வீட்டின் வடகிழக்கு திசை வீட்டின் முகம் ஆகும்.எனவே அந்த இடம் எப்போதும் சுத்தமாக இருக்க வேண்டும். வீட்டின் தரையை கிருமினாசினியால் துடைக்கும் போது சிறிது உப்பு சேர்க்கவும்.மாணவர்கள் வடக்கு அல்லது கிழக்கு நோக்கி உக்கார்ந்து படிக்கவும். தலைவாசல் கதவு மீது நிழல் படாதவாறு கட்ட வேண்டும்.

உத்தரத்திற்கு கீழே அமர்வதும்,உறங்குவதும் தவிர்க்க வேண்டும். சண்டை,குற்றம்,அமைதி இன்மை,துன்பம்.துயரம் போன்ற காட்சிகள் கொண்ட படங்களை வைக்க வேண்டாம்.வீட்டின் முன்புறம் துளசி செடி வளர்க்கவும். வீட்டில் சப்பாத்தி கள்ளி செடி கூடாது.-இது வீட்டின் வேலி இருப்பது நல்லது.வட கிழக்கு,வடக்கு திசையில்மழை நீர் சாக்கடை நீர் வடிய வேண்டும்.வீடு கட்ட புதிய பொருள்களையே உபயோகிக்கவும்.

வயதானவர்களின் வசதியான அறை தென் மேற்கு திசை ஆகும். தென்மேற்கு உயர்ந்தும்,வடகிழக்கு  தாழ்ந்தும் கட்டிடம் அமைய வேண்டும். தென்மேற்கு திசை சுவர்கள் வட கிழக்கு திசை சுவர்களை விட பருமனாக இருக்க வேண்டும். பூமி பூஜை,வாஸ்து சாந்தி,கிரஹப்ரவேசம் செய்து பின்னர் குடி போக வேண்டும்.வீட்டின் நடுவில் கிணறு கூடாது. மாடிப்படிக்கு கீழே பூஜை அறை,கழிவறை கூடாது. வீட்டின் பாதாள அறைகளை காலியாக வைத்திருக்க கூடாது. வீட்டில் வினாயகர் படம் கண்டிப்பாக வைத்திருக்க வேண்டும். நெருப்பு,நீர் தவிர இதர சக்திகளை சமையலறையில் வைக்கக்கூடாது. குடி நீர் பானை அருகே மாலை வேலையில் தீபம் ஏற்ற வேண்டும்.

செம்மண்,முந்திரி,பவளம் ஆகியன சிகப்பு துணியில் முடிந்து வைத்துமேற்கு திசையில் வைத்து செவ்வாய் கிழமைகளில் தூபம் காட்டி  வணங்கினால் மன அமைதி வரும்.

வாஸ்து புருஷன் சிலை,வெள்ளியால் ஆன நாகம்,செப்பு கம்பி,முத்து,செம்மண்,பவளம் ஆகியன சிகப்பு துணியில் சுற்றி கிழக்கு திசையில் வைக்க வேண்டும். வீட்டின் வாசற்படியை தினமும்சந்தனம் கும்குமம்,கோலமிட்டு வணங்க வேண்டும். நிலைபடியை மிதிக்க கூடாது. ருத்ர ஜபம் ஒவ்வொரு திங்கள் கிழமை மற்றும் அமாவாசை தினங்களில் செய்ய வேண்டும்.வீட்டில் கண்டிப்பாக பூஜை அறை இருக்க வேண்டும்.

இந்த இதழை மேலும்

 

No comments

Be the first one to leave a comment.

Post a Comment


 

 


February 2019

முடியும் என்று புறப்படு சரித்திரம் போற்றப் பெயரெடு
நினைப்பதே நடக்கும் – 3
வெற்றி உங்கள் கையில்- 62
வெற்றியை பாதையில் பயணம் செய்…!
மாறாத காலம்
உண்மை உன்னை உயர்த்தும்
வாஸ்து சாஸ்திரம்
பயணங்களில் தவிர்க்க வேண்டிய உணவுகள்
வலிகள் நம்முடைய நண்பன்
ஆஸ்த்துமா
எல்லோரும் மதிக்கும் தலைவராக மாறுவது எப்படி?
முயற்சியை முதன்மைப்படுத்து
“வாழ நினைத்தால் வாழலாம்” – 25
மாமரத்தில் கொய்யாப் பழம்
வாசியுங்கள்! வாகை சூடலாம்! – 5
‘அமைதி’ என்னும் மகாசக்தி
மந்திரப் புன்னகை
வீரத்தின் வெற்றி
தன்னம்பிக்கை மேடை நேயர் கேள்வி?
உள்ளத்தோடு உள்ளம்