February, 2019 | தன்னம்பிக்கை

Home » 2019 » February

 
  • Categories


  • Archives


    Follow us on

    முடியும் என்று புறப்படு சரித்திரம் போற்றப் பெயரெடு

    வைபவ் குமராவேல்,

    Partner, The Red Box,

    சென்னை.

    நேர்முகம்: விக்ரன் ஜெயராமன்

    தன்னம்பிக்கை உள்ளவர் தன் தேவை என்னவோ அதை நோக்கி மட்டுமே பயணம் செய்து தனது குறிக்கோளை அடையும் வரை ஒரே சிந்தனையுடன் செயல்படுவார்கள். அந்த வழியை சரியாகப் பின்பற்றி வருபவர்.

    நான் எடுத்துக் கொண்ட செயலில் வெற்றிப் பெற்றே தீருவேன். எந்தச் செயலையும் சிறப்பாகவும், சென்மையாகவும் செய்து முடிக்க முடியும் என்ற நம்பிக்கையை நிரம்ப பெற்றவர்.

    பெற்றோர் எவ்வழியே அவ்வழியே பிள்ளைகள் என்பார்கள். ஆனால் இவர் அவ்வழியில் செல்லாமல் தனக்கென்று ஒரு பாதையை உருவாக்கி அதில் புகழ் கொடியை நட்டுவருபவர்.

    தற்போதைய இளைய தலைமுறையினருக்கு ஒரு முன் உதாரணமாய், 24 மணி நேரமும் இடைவிடா இயந்திரமாய் செயல்பட்டு வரும் THE RED BOX நிறுவனத்தின் PARTNER களில் ஒருவரான வைபவ் குமாரவேல் அவர்களின் நேர்முகம் இனி நம்மோடு….

    கே:  உங்களைப் பற்றிச் சொல்லுங்கள்?

    நான் பிறந்தது வளர்ந்தது எல்லாமே சென்னையில் தான். எனது பெற்றோர் திரு. குமராவேல், திருமதி. வீனா நேச்சுரல் கேர், ராகா நிறுவனத்தின் நிறுவனர்கள். பள்ளிக்கல்வி என்று பார்த்தால் சென்னை மற்றும் ஊட்டியில் படித்தேன். பள்ளிப்படிப்பை முடித்த கையோடு சிங்கப்பூரில் பிபிஏ படிக்க சென்று விட்டேன். எனக்குப் படிக்கின்ற காலத்திலிருந்தே ஏதேனும் ஒரு தொழில் தொடங்க வேண்டும், அந்தத் தொழில் முற்றிலும் மாறுப்பட்டதாக இருக்க வேண்டும் என்று விரும்பினேன். என்னுடைய தந்தை பிரபலமான தொழில் செய்து வந்தாலும் அத்தொழில் செய்வதற்கு எனக்கு விருப்பம் இல்லை.

    கே: நிறுவனம் தொடங்கியது பற்றிச் சொல்லுங்கள்?

    நான் சிங்கப்பூரில் படிக்கும் போது அடிக்கடி நண்பர்களுடன் சாப்பிட வெளியே செல்வது வழக்கம்.  சாப்பிடும் போது அங்கு பரிமாறிய உணவுகள் முற்றிலும் மாறுபட்டதாக இருந்தது. அவ் உணவை உண்பதற்கு மிகவும் சுவையாக இருந்தது. இதை ஏன் நாம் தமிழ்நாட்டில் செய்யக்கூடாது என்ற எண்ணம் அப்போது என் மனதில் உதயமாயின. அப்படி தொடங்கியது தான் இந்த ரெட் பாக்ஸ் நிறுவனம். ஒரு நான்கு ஆண்டுக்கு முன்னர் சென்னையில் ஒரு சிறிய அளவில் தொடங்கினோம்.

    கே:  ரெட் பாக்ஸ் சைனீஸ் உணவகத்தைப் பற்றிச் சொல்லுங்கள்?

    நான் ஒரு வேலை செய்வதற்கு முன் பலமுறை யோசித்து செய்வேன். செய்து விட்டால் வெற்றிகரமாக முடிக்காமல் விடமாட்டேன் இது தான் என்னுடைய தாரக மந்திரம். அப்படி என் மனதில் உதயமான இந்த ரெட் பாக்ஸ் சைனீஸ் உணவகம். தற்போதைய சூழலில் கணவன் மனைவி இருவரும் வேலைக்குச் சென்றால் தான் குடும்பத்தை நடத்த முடியும் என்ற நிலை இருக்கிறது. அப்படியிருக்கும் போது அவர்கள் வீட்டிற்கு வந்த உணவை சமைத்து சாப்பிடும் அளவிற்கு நேரம் இருப்பதில்லை.

    இதனால் அவர்கள் உணவகத்தை நாடுகிறார்கள். நல்ல தரமான உணவை வீட்டிற்கு வாங்கிச் சென்று சாப்பிடும் பழக்கம் தற்போது அதிகளவில் இருக்கிறது. இப்படி சாப்பிடும் உணவு அவர்களின் உடலிற்கு எவ்வித தீங்கும் இல்லாத அளவில் இருக்க வேண்டும் என்பதால் தான் இப்படி ஒரு திட்டத்தையே கொண்டு வந்தோம். இதில் நாங்கள் தயாரிக்கும் உணவில் மிகுந்த அக்கரையுடன் தயாரிக்கிறோம். உணவுக் கொடுக்கும் பாக்ஸில் முடிந்தளவிற்கு பிளாஸ்டிக் தவிர்த்து விடுகிறோம். எங்களிடம் நம்பி உணவை வாங்கி உண்ணும் வாடிக்கையாளர்களின் நலனில் மிகுந்த அக்கரை கொண்டு செயல்படுத்தி வருகிறோம். இதனாலேயே எங்களை வாடிக்கையாளர்கள் ஏற்றுக் கொண்டார்கள். ஆரம்பத்தில் சென்னையில் ஒரு மூன்று இடத்தில் மட்டுமே ரெட் பாக்ஸ் இருந்தது. ஆனால் தற்போது சென்னையில் எல்லா இடத்தில் ஆரம்பித்து விட்டோம். ஆர்டர் செய்த நேரத்திலிருந்து எவ்வளவு சீக்கரமாக அவர்களுக்கு உணவைக் கொடுக்க முடியுமோ அவ்வளவு சீக்கரமாக கொடுத்து வருகிறோம்.

    கே: உங்கள் பெற்றோர் ஒரு புகழ் பெற்ற தொழில் செய்து வருகிறார்கள், நீங்கள் அதே வழியில் செல்லாமல் புதிய தொழில் தொடங்கியதன் காரணம் என்ன?

    எனது பெற்றோர் தொடங்கிய நேச்சுரல்ஸ் கேர் நிறுவனமானது மிகவும் பிரபலமான ஒன்று. அதை அவர்கள் இந்த அளவிற்கு கொண்டு வந்திருக்கிறார்கள் என்றால் அவர்கள் அதற்கு கொடுத்த உழைப்பும் அர்ப்பணிப்பு தன்மையும் அளப்பறியது. எப்போதும் அதன் வளர்ச்சியை பற்றியே மட்டுமே சிந்தித்துக் கொண்டு இருப்பார்கள். நேச்சுரல்ஸ் என்றாலே என்னுடைய பெற்றோர்களின் பெயர்களைத் தான் சொல்வார்கள். அதை நான் அடுத்த படிநிலையாக எவ்வளவு பெரிய வளர்ச்சிப் பாதைக்குக் கொண்டு சென்றாலும் என்னுடைய பெற்றோரின் பெயரைத்தான் சாரும்.

    இவர்களைப் போல நாமும் ஒரு தொழில் தொடங்க வேண்டும். அது தொடங்கியது நானாக இருக்க வேண்டும். அதன் வளர்ச்சி என்னைச்  சார்ந்ததாக இருக்க வேண்டும் என்று விரும்பினேன்.  அப்படித்தான் தொடங்கினேன். அதுவுமின்றி எனக்கு இந்த சலூன் தொழிலில் அவ்வளவு ஈடுபாடு இல்லை, அதே வகையில் உணவுத் தொழிலின் மீது பெரும் ஈடுபாடு இருந்தது. இப்படித்தான் என்னை இதில் ஈடுபடுத்திக் கொண்டேன்.

    கே: ரெட் பாக்ஸ் என்று பெயர் வைப்பதற்கான காரணம் என்ன?

    ஒரு நிறுவனத்தின் பெயர் அந்த நிறுவனத்தின் வளர்ச்சிக்குப் பெரிதும் காரணமாக இருக்கும். இந்த ரெட் பாக்ஸ் என்பது சைனீஸ் உணவை மட்டும் தயாரித்துக் கொடுக்கும் நிறுவனம் என்பதால் இந்த உணவிற்கு என்று  ஒரு பாக்ஸ் தேவைப்படும். அதில் நிரப்பப்பட்ட உணவை தான் பார்சல் செய்து ஆர்டர் செய்பவர்களுக்கு கொடுத்து வருகிறோம்.

    இந்த இதழை மேலும்

    நினைப்பதே நடக்கும் – 3

    உயிர் பற்றிய துர்நாற்றம் எவருக்குமே உறுத்தவில்லை. உயிர் பற்றிய ஆராரணம் எல்லோருக்கும் வலிப்பதேயில்லை. உயிர் பற்றிய வாசனை யாருக்குமே அதுவாகப் புரிவதேயில்லை. உயிர் அவரவருக்கு அவரவரின் கற்பிதத்தை மட்டுமே போதிக்கிறது. அவரவர் கற்ற கேட்ட வளர்ந்த விதத்தினூடாகவே ஒரு உயிரினை பெரிதாகவும் சிறிதாகவும் காண்கிறது இவ்வுலகம்.

    உயிரோடிருப்பதில் பெரும் வேதனையையும் அவமானங்களையும் அனுபவிப்பது இன்றைய காலக்கட்டத்தில் பெரியோர்களே. அதிலும் கை முறிந்து கால் முறிந்து வீட்டில் படுத்த படுக்கையாய் இன்னலுறும் எத்தனை அம்மா அப்பாக்களை தாத்தா பாட்டிகளை நாம் நன்றாகப் பார்த்துக்கொள்கிறோமென மனசாட்சியோடு ஒரு கணம் எல்லோரும் யோசித்துப் பாருங்கள். கால் கை உடைந்தால் பொதுவாகப் பார்த்துகொள்வோம் தான், ஆனால் இது தான் குத்துக்கல்லாட்டம் இருக்கே, இதுக்கென்ன கேடு என்று எண்ணுபவர்களும் நம்மிடையே இல்லாமலில்லை.

    எது எப்படியோ வீட்டிலிருந்தும், உறவுகளிடமும், நிறுவனங்களிலும் என பல வசவுகளை வாங்கிக்கொண்டும் மறைத்துக்கொண்டும், மனதழுத்தும் பல வலிகளோடும் தான் நாம் ஒவ்வொருவரும் மருத்துவமனை நோக்கி ஓடுகிறோம். நானும் ஓடி அவசரம் அவசரமாக மேல்மாடி சுற்றி ஐந்தாம் தளம் புகுந்து எனது அலுவளுள் ஓடி அமர்ந்தேன்.

    எனக்கு நினைவெல்லாம் வெப்பம் தகித்தது. மருத்துவமனை வாசனை உள்ளே மனசெல்லாம் பரவிக்கிடந்தது. அதிலும் நிறைமாத கர்ப்பிணிப் பெண்ணொருத்தி கத்தியதும், கால் உதைத்துக்கொண்டு துடித்ததும் கண்ணுக்குள்ளேயே விழித்திருந்தது. எப்படி முனகினாள் அவள். அத்தனை அழகுப் பெண்ணாயினும் பாவம் வலி என்றதும் அக்கம்பக்கம் கூட மறந்துவிடுகிறது அவளுக்கு. எனக்கு மட்டும் முடிந்திருந்தால் கொடம்மா உன் பிள்ளையை நான் பெற்றுத் தருகிறேன் என்று கேட்டு நானே வாங்கிக் கொண்டிருப்பேன். அப்படியொரு வலிபோல் அவளுக்கு. அமர்கிறாள் அமரமுடியவில்லை. நிற்கிறாள் நிற்கமுடியவில்லை. அவ்வளவு இருந்தும் அப்படியொருப் பெண்ணை தனியே மருத்துவமனைக்கு அனுப்பும் ஆண்களை என்ன சொல்வது??!!

    ஆயிரம் கருத்து வேறுபாடோ, பிரச்சனையோ, பிடித்து பிடிக்காதோ போகட்டும்; மரணத்தையும் ஜனனத்தையும் அதனோடு சேர்த்துப் பார்ப்பதற்கில்லை. ஒரு ஆண் ஒரு பெண்ணிற்கு ஆற்றவேண்டிய கடைமைதனில் ஒன்று அவளுடைய பிரசவ காலத்தில் அவளை தனது கண்ணாகப் போற்றி காத்துகொள்ள வேண்டியதும். அவ்வளவு வலியில் அவள் துடிக்கையில் ஒரு குழந்தையைப் போல மார்மீது அவளை அணைத்துக்கொள்ளும் கணவனை எந்தப் பெண்ணும் தான் சாகும்வரை தன்வாழ்நாளில் அந்த நெருக்கத்தை மறப்பதில்லை.

    பொதுவாக உதவுவது என்பதே விதைப்பது தானே, நீ ஒன்றை விதைதுப்பார், அதிலிருந்து நூறு முளைக்கும். கொடுப்பதும் அப்படித்தான் திரும்ப இரட்டிப்பாய் கிடைக்கும். எதை கொடுக்கிறோம், யாருக்கு, எவ்விடத்தில் அது நிகழ்கிறது என்பதைப் பொறுத்தே அதன் பலன்களும் மாறுகிறது. எனக்கு எப்போதுமே இதில் ஆழமான நம்பிக்கையுண்டு, எதை கொடுக்கிறோமோ அது கிடைக்குமென்று. எதை நினைக்கிறோமோ அது நடக்குமென்று. அதற்காக உடனே ஜீபூம்பா நான் ஒரு அமெரிக்க அரசனாக ஆகவேண்டும் என்றுக் கேட்டால் இப்போதைய பிரசிடெண்ட் ட்ரம்ப்ட் வந்து நம் தலையில் பெரிய ஒரு குண்டை தூக்கி போட்டாலும் போடுவார்.

    நினைப்பதென்பது நல்லது சார்ந்திருக்க வேண்டும் என்பது இயற்கையின் இயல்பு விதி. எதையும் பிறர் நன்மைக்காக, ஒரு நல்ல நீதிக்கு வேண்டி எண்ணல் வேண்டும். இது செய்தால் நான் நல்லாருப்பேனா என்று நினைப்பதை விட, இதை செய்தால் பிறர் நன்றாக வாழ்வாரா’ என்று எண்ணிச் செய்யுங்களேன், நீங்கள் தானாகவே நன்றாகிப் போவீர்கள்.

    நினைத்தல் என்பது ஒரு செய|ன் ஆணிவேரைப் பிடுங்கி அதை நம் மனதுள் ஆழ நடுவதற்குச் சமம். நட்டால் போதுமா, ஒரு விதையை மண்ணில் அப்படி ஊன்றிவிட்டால் முடிந்ததா? நீர் ஊற்றவேண்டும், வெயில் படவேண்டும்,கற்றடிக்கவேண்டும், தேவைப்பட்டால் உரமும் இடவேண்டும். அப்படிதான் நமது எண்ணங்களும்.

    நினைத்ததோடு நின்றுவிடாமல், அதை முதலில் ஆழமாக நம்பவேண்டும். நம்பி அது நடப்பதற்கான முயற்சிகளை ஏற்பாடுகளை செய்யவேண்டும். நடந்துவர வர அதை மேல்கொண்டுப்போக பெரிதாக முழுதாக உழைக்கவும் வேண்டும். ஆக நம்பி, முயற்சித்து, மேலே உழைக்கவும் துவங்கினால், நினைப்பில் இட்ட விதை முளைத்து செடியாகும், மரமாகும், பூத்துக் குலுங்கும். அதற்கிடும் உரம் தான், அந்த நினைப்பு சார்ந்த நற்கனவுகளும், பிறர் நலமும் பேணும் சிந்தனைகளும்.   எனவே, நினைப்பதை தனக்கு மட்டுமே சாதகமாக நினைக்காமல் ‘இது இப்படி நடந்தா அது அப்படி எல்லோருக்கும் பயனளிக்குமே’ என்பதுபோன்ற பொதுநலன் பற்றிய கனவுகளும் நமக்குள் இருத்தல் வேண்டும்.

    எப்படின்னா “எனக்கு நாளைக்கே ஒரு ரெண்டு கோடி பணம் அடிச்சிடனும், நேரா ஆப்பிரிக்கா காட்டுல போய் செட்டுலாயிடுவேன்னு” கனவு கண்டா பின்னாடி அண்டார்டிக்கா யானை வந்து காரி த்தூனு முகத்திலேயே துப்பும் இல்லையா??!! அப்போ கனவென்பது எப்படி இருக்கணும்? “நான் வளர்ந்தா கூட இருப்பவர்களும் வளர்வார்கள். கூட உள்ளோர் உயர்கையில் தூர உள்ளவருக்கும் உதவி கிடைக்கும். எல்லோருக்கும் உதவி கிடைக்கையில் பாகுபாடு அற்று போகும். பாகுபாடு இல்லையெனில் பெரிது சிறிது இராது. ஆக, தூரத்திலிருந்து என் அருகாமை வரை நல்லோர் புழங்கத் துவங்குவர். நல்லோர் கண்டு நல்லோர் கண்டு ஊர் மெல்ல மாறும். ஊர் மாற மாற நாடு மெல்ல திருந்தும். என் நாடு எனது. என் தேசம் எனது. எனது மக்களுக்கான நன்மை என்னில் இருந்தே துவங்கும். எனவே நான் முத|ல் சரியாக வேண்டும். நான் தூய அன்போடு எல்லோரிடமும் பழக வேண்டும். யாரையும் பழிக்காமல், யாரையும் கெடுக்காமல் நானொரு நதி போல எல்லோருக்குமான சமத்துவத்தோடு பாயவேண்டும். அப்படியொரு சமத்துவ நதியின் கரைகளில் வந்து நீரருந்தும் அனைவருக்கும் பசி தீர, பசியில் அமர்ந்து ஓய்வுகொள்ளும் பல மரங்களும் வளர்ந்து செழிக்க, ஒரு அழகிய வனம் அங்கே எம் ஆதி மனதோடு அமைந்துவிட கனவு விரிபடவேண்டும்.

    அப்படி ஒரு சுகமான கனவு துவங்கும் நாளில் நமக்குள் பேதம் ஒழிந்துப் போவோம். காரணம் என்றைக்கு நாமெல்லோரும் எனக்காக’ என் வீட்டிற்க்காக மட்டுமென்று என்று எடுத்துவைக்க ஆரம்பிடித்தோமோ, பதுக்கிக்கொள்ள பழகினோமோ அன்றிலிருந்து தான் நாம் மறைமுகமாக திருட்டையும் பிறருக்கு சொல்லிக் கொடுத்திருக்கிறோம்.

    இந்த உலகம் நான் எனும் ஒரு புள்ளியிலிருந்தே துவங்குகிறது. இங்கு எது ஒன்றுமே தானே நடப்பதில்லை. எது நடக்கவும் நான் காரணமாகிறேன். நல்லதை மட்டுமே சுந்துள்ள காற்று போல இல்லை நான். நல்லதாக மட்டுமே பொழியும் மழையைப் போல் இல்லை நான். நல்லதை நினைத்தாலும் கேட்டதை விதைத்தாலும் எண்ணியதை எண்ணியபடியே அமைத்துத் தரும் இந்த வானும் மண்ணும் போல இல்லை நான். பொதுத்துவததோடு இல்லவே இல்லை நான்.

    வெளிச்சம் தரும் நெருப்பை கூட எரிக்கக் கற்றவன் இந்த நான் தான். அதை தடுக்கமுடிந்தவனும் இந்த நான் தான். இந்த நான் ஒழியுமிடத்தில் மட்டுமே பிறர் நுழைய முடிகிறது. பிறரோடு வாழும் வாழ்க்கைக்கு மட்டுமே வெற்றி தேவைப்படுகிறது, மகிழ்ச்சி தேவைப்படுகிறது, பண்பு தேவைப்படுகிறது, ஒரு வாழ்த|ன் அர்த்தம் துளிர்ப்பது நாம் பிறரோடு சேர்ந்து வாழ துவங்கியப் பின்தான். தனித்து வாழ்க்கையில் அல்ல. பிறகு நல்லதை எண்ணுகையில் மட்டும் தனக்கென எண்ணிக் கொள்வது மட்டும் எத்தகைய சரி? எனக்கு காரு வேண்டும், எனக்கு சோறு வேண்டும், எனக்கு பங்களா வேண்டும்? எனக்கு சாவே நிகழக்கூடாது என்றால், இந்த இயற்க்கை என்ன செய்யத் துணியும் நமை?

    இந்த இதழை மேலும்

    வெற்றி உங்கள் கையில்- 62

    அதிசய நிகழ்வுகள்

    “சிறப்பாகத் திட்டமிட்டுவிட்டேன். என் வெற்றி உறுதிதான்” என்று தனது தௌல்வான திட்டத்தினால் வெற்றியை உறுதியாக்கிக்கொண்டவர்கள் உண்டு.

    “எத்தனையோ வழிகளில் திட்டமிட்டபின்பும், என் வாழ்க்கையில் வெற்றி கிடைக்கவில்லையே” என்று ஏங்கித் தவிப்பவர்களும் உண்டு.

    சிறந்த திட்டங்கள் அமைந்தாலும், சிலவேளைகளில் “வெற்றியின் சறுக்கல்கள்” சிலரது வாழ்வில் வந்து விழுந்துவிடுகின்றன.

    சரியாகத் திட்டமிடுதல் ஒருவரின் வெற்றிக்கு அடிப்படையான காரணிதான். இருந்தபோதும் அவர் வாழுகின்ற சூழல் மிக முக்கியமானது. சிலவேளைகளில் சாதகமான சூழல் அமையாவிட்டால், ஒருவரின் வெற்றி பெருமளவு பாதிக்கப்படுகிறது.

    ஒருவரின் வெற்றிக்கான சூழல் மிக அற்புதமாக இருந்தாலும், அவர் சார்ந்திருக்கின்ற சூழலிலுள்ள மற்றவர்களின் திட்டம் அவருக்கு எதிராக அமைந்துவிட்டால், வெற்றி என்பது கேள்விக்குறியாக மாறிவிடுகிறது.

    இதனால்தான், தனது ‘சுற்றுப்புறச்சூழல்’ சிறந்ததாக மாற்றுவதற்கான முயற்சிகளிலும் ஒருவர் ஈடுபடுவது நல்லது.

    சிலநேரங்களில் சுற்றுப்புறச்சூழல் பிரச்சினைகளை உருவாக்கிவிடும். சுற்றியிருக்கும் நபர்கள்கூட நம்மை சிக்கலில் சிக்கிக்கொள்ள வைத்துவிடுவார்கள். அமைதியாக இருந்தாலும், எதிரிகளாகக் கருதி போருக்கு நின்றிடுவதைப்போல, வெறுப்பின் நெருப்பைக் கக்கிக்கொண்டு சண்டைக்கு வடம்பிடிப்பார்கள். இன்னும்சிலர், சொல்லாததையெல்லாம் “அவர்தான் இப்படி சொன்னார்”. “இவர்தான் இப்படி நடந்துகொண்டார்” என்று மற்றவர்களிடம்போய் கோள்சொல்வார்கள். அங்குமிங்கும் அலையும் கோளாய் இயங்கி, உறவுகளில் கோளாறை உருவாக்குவார்கள்.

    எனவே, வெற்றியைப்பற்றி சிந்தித்து செயல்படுபவர்கள் தங்களைச் சுற்றி நிலவும் சூழலைப்பற்றியும், அங்குள்ளவர்களின் மனநிலையைப்பற்றியும் தெரிந்துகொண்டு செயல்படுவது விவேகமான செயலாகும்.

    அது ஒரு விவசாயியின் வீடு.

    ஒரு குதிரையை பாசத்தோடு வளர்த்து வந்தார் அந்த விவசாயி.

    குதிரைக்கு வேண்டிய அனைத்து வசதிகளையும் செய்து கண்போல காத்து வந்தார். குதிரையோடு சேர்த்து ஒரு ஆட்டையும் வளர்த்து வந்தார். குதிரையும், ஆடும் நண்பர்கள்போல நன்றாகப் பழகி வந்தார்கள்.

    திடீரென ஒருநாள் குதிரையின் உடல்நிலையில் பிரச்சினை ஏற்பட்டது. மிகக்கொடிய வைரஸ் நோய் அந்தக் குதிரையைத் தாக்கியிருந்தது.

    விவசாயி துடிதுடித்துப்போனார்.

    அருகிலுள்ள கால்நடை டாக்டரை அழைத்துவந்தார். குதிரைக்கு மருத்துவ சிகிச்சை செய்ய ஏற்பாடு செய்தார்.

    குதிரையின் உடலை நன்கு பரிசோதித்த டாக்டர், குதிரைக்கு மிககொடிய வைரஸ் நோய் தாக்கியிருப்பதை உறுதிப்படுத்தினார். இரண்டு, மூன்று நாட்களுக்கு மருந்து கொடுத்துவிட்டு ஒரு முக்கிய தகவலையும் விவசாயியிடம் சொன்னார்.

    இந்த இதழை மேலும்

    வெற்றியை பாதையில் பயணம் செய்…!

    நீண்ட காலமாக ஒருவர் உழைத்துக் கொண்டே இருக்கிறார். ஆனால் அவர் எதிர்பார்த்த வெற்றி கிட்டவில்லை. காரணம் என்ன என்பதை ஆராய்ந்து பார்க்க வேண்டும். செக்குமாடு போல ஓயாமல் உழைத்துக் கொண்டிருந்தாரே தவிர அவரிடம் திட்டமிட்ட உழைப்பு இல்லை. திட்டமிட்ட உழைப்பு அவரிடம் இருந்திருந்தால், வெற்றிக்கன்னி அவரை வட்டமிட்டு வளைத்துக் கொண்டிருப்பாள்!

    ஒருவர் ஆயுள் காப்பீட்டுக் கழகத்தில் முகவராக அறிமுகப்படுத்தப்பட்டார். முகவர் தொழிலைச் செய்து முன்னுக்கு வரவேண்டும்: படிப்படியாகப் பதவி உயர்வுகளைப் பெற வேண்டும் என்ற ஆசைப்பட்டார். ஆனால் அந்தத் தொழிலைச் சரியாகச் செய்யாததால் அதில் அவர் வெற்றி பெற முடியவில்லை. காரணம், பீல்டு ஆபீசர் இவரை அழைத்த போது, அவரோடு சென்று அவருக்கும், இவருக்கும் தெரிந்த முதலீட்டாளர்களைச் சந்திக்க முடியாமல் போனதுதான்! பீல்டு ஆபீசர் இவரை அழைத்த போதெல்லாம், ‘வேறு அலுவல் இருக்கிறது. நாளைக்கு பார்த்துக் கொள்ளலாம்” என்று தள்ளிப் போட்டுக் கொண்டே வந்தார். சோம்பல் அவரை ஆட்டிப்படைத்தது. பீல்டு ஆபீசர் அழைத்தபோது, விடாப் பிடியாக அவரோடு சென்று முதலீட்டாளர்களைச் சந்தித்துப்பேசி உறுப்பினர்களாகச் சேர்த்திருந்தால் நிறைய உறுப்பினர்கள் சேர்ந்திருப்பார்கள். இடைவிடாத உழைப்பு, இவருக்குப் பதவி உயர்வுகளை வழங்கிக் கொண்டே இருந்திருக்கும். எல்லாவற்றையும் இவர் இழந்து விட்டார். முகவராக ஆசைப்பட்டு என்ன பயன்? விடாமுயற்சியும், உழைப்பும், ஆர்வமும் இல்லாமல் போய்விட்டதே! முகவர் பதவியைக் கூட அவர் சில நாட்களில் இழக்கும்படி ஆகிவிட்டது.

    நீங்கள் மிகவும் விரும்பும் தொழில் மீது நாட்டம் கொண்டால், அதிலேயே கண்ணுங்கருத்துமாக இருக்க வேண்டும். ‘இந்தத் தொழிலில் நான் வெற்றிக் கொடி நாட்டியே தீருவேன்!” என்று  மனதில் உறுதி எடுத்துக் கொண்டு, அந்தத் தொழிலை அக்கறையோடு செய்து முயன்று முன்னேற வேண்டும். ஆயிரம் பேர்கள், நீங்கள் மேற்கொண்ட முயற்சிகளை அசைப்பதற்கும், அழிப்பதற்கும், கெடுப்பதற்கும் முன்வருவார்கள். இதற்கெல்லாம் நீங்கள் அசைந்து கொடுக்காமல், எவருடைய கேலிப் பேச்சுக்களுக்கும் மனம் வருந்தாமல், மிகவும் பிடிவாதக் குணத்தோடு இருந்து, அந்தத் தொழிலில் வெற்றி காண வேண்டும். எனவே சலிப்படையாமல், நீங்கள் உழைத்துக் கொண்டே இருங்கள். சோம்பலைக் கடலில் தள்ளி விட்டுச் சோர்வடையாமல் பாடுபடுங்கள். வெற்றி மீது வெற்றி வந்து உங்களைச் சேரும். தளர்ச்சியில்லாமல் உழைத்தால் மட்டுமே உங்களுக்கு வருங்காலத்தில் நல்ல வளர்ச்சி கிட்டும். இதன்மூலம் உங்களுடைய மனம் மிகுந்த மலர்ச்சியைப் பெறும். ‘நான் விரும்பிய துறையில் வெற்றி பெற்றே தீருவேன்!“ என்று சங்கல்பம் எடுத்துக் கொண்டு, மெய்வருத்தம் பாராமல் உழைத்துக் கொண்டே இருங்கள். உங்களுக்கு வெற்றி எப்படி கிடைக்காமல் போகும்? ‘வெற்றி!  வெற்றி!  என்று முழங்கிக் கொண்டே முன்னோக்கிச் செல்லுங்கள். நீங்கள் கட்டாயம் வெற்றி பெறுவீர்கள்!

    இந்த இதழை மேலும்

    மாறாத காலம்

    உலகத்தில் எந்த இடத்திலும் கடிதத்திற்கான காத்திருப்பு ஒன்றுபோலத் தான். கிராமப்புறங்களில் ஒரு ஒற்றை அறை வீட்டில் செயல்பட்டுக் கொண்டிருந்தது போஸ்டாபீஸ். ஒரு ஆள் மட்டும் பிரபலமாக இருந்தார் எல்லா இடத்திலும். எல்லா வீடுகளிலும் வரவேற்கப்பட்ட மனிதனாக இருந்தார் போஸ்ட்மேன். கடிதங்கள் எல்லா இடங்களுக்கும் வந்தன.

    ஊரைவிட்டு சென்றவர்களில் வெளிநாட்டுக்கு போனவர்களும், பட்டாலத்துக்கு போனவர்களும் இருந்தார்கள். பட்டாலத்துக்கு போனவர்கள் இருந்த வீடுகளில் தினம் ஏராளமான கண்கள் தெவில் போஸ்ட்மேன் வருகைக்காக காத்துக் கொண்டிருந்தன. கடிதங்களும், மணியார்டகளுமாக காக்கிநிற உடையில் போஸ்ட்மேன் படிகள் ஏறிவந்தது. கொங்சநாள் கழித்து, சைக்கிளில் போஸ்ட்மேனுடைய வரவு… சைக்கிள் மணியின் ஒலி வரப்போகும் கடிதங்களின் வரவை அறிவித்தன. ஒரு பிளாஸ்டிக் பையிலும், மிச்சமீதி அளவிலும் இடுக்கிக்கொண்டு சஞ்சரித்தார் போஸ்ட்மேன். மேற்பக்கத்திலும், கீழ்பக்கத்திலும் கிழிந்த இடங்களில் ஒட்டுப்போட்டது நன்றாகத் தெரியும் அந்த காக்கி சட்டையில். சட்டையின் கீழ் இருந்த பாக்கெட்டில் தான் மணியார்டகளுக்கான பணம் பாதுகாப்பாக வைக்கப்பட்டு இருக்கும். பெரிய ஒரு கறுப்பு குடை எப்போதும் காவல் தெய்வம் போல கூடவே வந்தது. காக்கித் துணியால் தைக்கப்பட்ட ஒரு துணிப்பையும் கூட வரும். விடுவிடுவென்று ஒரு வேகமான நடப்பு. எப்படியிருந்தாலும், பழைய அஞ்சலோட்டக்காரனாகதானே இருந்தான் போஸ்ட்மேன். ஒவ்வொரு வீட்டின் படிகளுக்கருகில் வரும்போதும், வெறும் இரண்டொரு வார்த்தைகளில் மட்டும் தான் கடிதம் என்றால் சற்று உரத்த குரலில் சத்தம் வரும். ‘மாணிக்கம் பயல் வரான்’.

    மாதத்தில் ஒரு தடவை படிகளில் ஏறி உள்ளே முற்றத்துக்கு வரும்போது தான் இரு தரப்பாருக்கும் சந்தோசம் அதிகமாவது. பணத்தை எண்ணிக்கொடுக்கும் போது, ஒரு சிறிய தொகை போஸ்ட்மேனுக்கு சந்தோசத்தின் அச்சாரமாக தரப்படும். அது லஞ்சம் இல்லை. மனம் நிறைந்த மகிழ்ச்சியுடன் போஸ்ட்மேனுக்குத் திரும்பத்தரப்படும் நேசம். மொபைலும், இன்டர்நெட்டும், பேக்சும் எதுவும் இல்லாதிருந்த அந்த காலம் கடிதங்களுக்கு இடையேயானதாக இருந்தது. தூரதேசத்தில் இருக்கும் மகனிடம் இருந்தோ, கணவனிடம் இருந்தோ கடிதம் வந்துவிட்டால் அவ்வளவு தான். கடிதத்தில் எழுத்துக்களின் வழியாக ப்ரியமானவரின் சந்தோசத்தில் பிரகாசிக்கும். யுத்தமோ மற்ற ஏதாவது நடக்கும் சமயம் என்றால் கடிதங்கள் வந்துசேர வாரங்களும், மாதங்களும் பிடிக்கும். மனதில் ஒரு ஆயிரம் எண்ணங்களும், வேதனைகளுமான எழுத்துக்களாக காத்திருக்கும் ஒரு நீண்ட நெடிய தவம். ஒவ்வொரு நாளும் கிலோமீட்டர் கணக்காக நடந்து வெய்யில் என்றும், மழை என்றும் பார்க்காமல் சந்தோசத்துக்குரியதோ, துக்கத்துக்குரியதோ தூதனாக வரும் ஊரில் எல்லோருக்கும் பிரியமானவன் ஆவான்.

    முன்பு போஸ்ட்மேன் தன்னுடைய பகுதியில் ஒவ்வொரு வீட்டின் செய்திகளையும், விஷேசங்களையும் நன்றாக அறிவார். மக்களுக்கு மிகவும் விருப்பமான சர்க்கார் ஊழியராக போஸ்ட்மேனாக மட்டுமே இருந்தார். கால்நடையாக பயணம் செய்த போஸ்ட்மேன் முதலில் சைக்கிளிலும், பிறகு இருசக்கர வாகனங்களுமாக கடிதங்களுடன் வரத்தொடங்கினார்.

    அப்போதுதான் தொலைத்தொடர்பு துறை வளரத் தொடங்கியது. எழுதிய கடிதங்களை தபாலில் சேர்க்க, அங்கங்கே தபால் பெட்டிகளும் அன்று இருந்தன. இன்லாண்டும், கவரும் தான் அதிகமாக வந்துபோன கடித உருப்படிகளாக இருந்தன. பழைய காலத்தில் நிறைய பயத்தோடு பார்க்கப்பட்ட விஷயமாக இருந்தது டெலிகிராம். துக்கசெய்தியுடன் டெலிகிராமுமாக வரும் போஸ்ட்மேன் கண்ணீரின் தூதனாக மாறியிருந்தார். ‘டெலிகிராம் வந்திருக்கு’ என்ற தெருவுக்கு செய்தி சொல்ல போஸ்டாபீசிலிருந்து ஆள் வந்தால் காட்டுத்தீ போல அந்த செய்தி ஊரெங்கும் பரவும். பட்டாளத்தில் வேலை பார்ப்பவருடைய வீட்டுக்குதான டெலிகிராம் வந்திருக்கிறது என்றால் ஊர்க்காரர்கள் தாங்களாகவே கூட்டம் போட்டுப் பேசுவார்கள்.

    இந்த இதழை மேலும்

    உண்மை உன்னை உயர்த்தும்

    எங்களுக்கு நிகரான பதவி, பணம், புகழ் செகுசு, சுகம், சொத்து, ஆபரணங்கள் இன்னும் தங்களுக்கும் பிடித்ததும் விரும்பியதும் தருகின்றோம்; எங்களை எதிர்ப்பதை விட்டுவிட்டு எங்களுடன் இணைந்துவிடுங்கள் என்று ஆங்கிலேயர் ஆசைக்காட்டியபோது, இதெல்லாம் எங்களது கால் தூசிற்கும், செருப்புக்கம் கூடச் சமமில்லை. வேறெதுவும் வேண்டாம். கொண்ட நீதிக் கொள்கையாகிய சுதந்திரம் மட்டுமே வேண்டும்.  உம்மால் இதைக் கொடுக்கமுடியுமா? கொடுக்காவிட்டால் சாகும் வரை இப்படியே போராடுவோம் என்று வெள்ளையனின் கேள்விக்குப் பதில் சொன்னதனால் தான் பின்பு தூக்கிலிடப்பட்டு வீர மரணம் அடைந்தனர்.

    சுற்றிலும் துப்பாக்கி ஏந்திய எண்ணற்ற படை வீரர்களுக்கு நடுவில் தூக்கு மேடையில் நிற்க வைத்திருந்த வேலையிலும் ஆங்கிலேயக் கூலிப்படை என்றழைக்கப்படும் ஆங்கில அரசுப்படை சிப்பாய்க் காவலர்கள் அருகில் வந்து தூக்குக் கயிறை தன் கழுத்திலும் மாட்டிவிட்ட பொழுது, இனி வேறு வழியில்லை செத்துத்தான் ஆகவேண்டும்  என்று இருந்த சூழ்நிலையிலும் சிங்கமெனக் கர்ஜித்து எதிரி வந்து மாட்டிய அக்கயிறை அடுத்தவனை மாட்டவிடாமல் வீரபாண்டியனும், சின்னமலையும், தாங்களே மாட்டிக்கொண்டனர்.  உயிருக்குப் பயந்தஞ்சியவர்கள் நாங்கள் அல்ல என்பதைக் காட்ட இதைச் செய்தனர், இப்பொழுதும் கூட மரபுப்படி கடைசி ஆசை என்னவென்று கேட்டதற்கு சுதந்திரம், சுதந்திரம்,விடுதலை விடுதலை என்றனர். நம் கட்டளையை ஏற்று கட்டுப்பட மாட்டார்கள் என்பதையறிந்த வெள்ளையன் கொதித்தெழுந்து அவர்களைத் தூக்கிலிட ஆணையிட்டான்.  வெறும் கயிறு இறுதியில் மரணம் கயிறாகிறது. இருவரது உயிரைக் குடித்தது. இருவரும் இறந்தனர் மீண்டும் பிறப்பதற்காக மடிந்து கிடந்த மாவீரர்களது பிணத்திற்குப் பக்கத்தில் நெருங்கவும், பேசவும் கூட  அஞ்சினான் ஆங்கிலேயன்.  இறந்த இவர்களது  உடலில் இன்னும் வீரம் இருக்கும் என்பதற்காக.

    ஆங்கிலேயனும் அது தூக்குமேடை இவர்களுக்கே அது வீர மேடை நீதியைக் கொல்லாமல் உன் இலக்கை வெல்லவேண்டும். உனது உயர்வு உண்மையான  வெற்றியாக அமைய வேண்டும்.

    நியாயமில்லாமல் ஒன்றை வென்று வாழ்வதைவிட, நீதியான நியாயமான ஒன்றைப் பெறுவதற்குப் போராடிச் சாவதே மேல்.

    வெற்றி நியாயமான வெற்றியாக இருக்கவேண்டும்  தோல்வி நீதியான தோல்வியாக இருக்கவேண்டும். அதுதான்  சமூகத்தார் அனைவராலும் ஒப்புக்கொள்ளப்படும். மிகவும் கடினமான சூழ்நிலைகளிலும், உயிருக்கு ஆபத்தான சூழ்நிலைகளிலும் உயிர் போகும் போர் நிலையிலும் கூட நியாயத்தைக் கைவிட்டு விடாமல் சாவதானாலும் ஆவதானாலும் செயல்பட வேண்டும்.

    உணவுக்கே வழியில்லையென்றாலும் உண்மையை விட்டு விடலாகாது நாணயமான சாதனையைத்தான் நாளைய சமூகம் ஏற்கும்.

    மாவீரன் தீரனும், கட்டபொம்மனும் இறந்தாலும் அவர்கள் நட்டும் விட்டும் வைத்த சமூக நீதியான இலட்சியம் இறக்கவில்லை நீதி – அநீதிக்கிடையிலான போர் ஆட்டத்தில் இறுதியில் நீதியே அநீதியை வென்றது நீதியே ஜெயிக்கும்  என்பதற்கான தக்க சான்றும் இதுவே.

    கஷ்டம்  வருகிறது என்பதற்காக (கடமையை) கொள்கையை மாற்றவும் அநீதியான வழியில்  நடக்கவும் கூடாது.

    நிம்மதி இல்லையா?

    உலக வரலாற்றைப் புரட்டிப் பாருங்கள் உண்மையாகவும் நுண்மையாகவும் நேர்மையாகவும் தமது இலட்சியத்துக்காக வாழ்ந்த மகாத்மா காந்தி, நேதாஜி  சுபாஸ் சந்திரபோஸ், வல்லபாய்பட்டேல், வ.உ.சி. திலகர் போன்ற வரலாற்றவர்கள் நிம்மதியாகவும்  மகிழ்ச்சியாகவும் வாழ்ந்ததாகவும், மறைந்ததாகவும் சரித்திரம் இருக்காது. அதுபோல்தான் உங்களது வாழ்க்கை வரலாறும் அமைந்திருக்கும் வருத்தத்தை நினைத்து வருத்தப்படத் தேவையில்லை. துன்பத்தை எண்ணித் துன்பப்பட வேண்டாம். நிம்மதி இல்லை என்று கருதி  இருக்கிறது நிம்மதியையும் அழிக்கவேண்டாம்.

    இந்த இதழை மேலும்

    வாஸ்து சாஸ்திரம்

    தேவர்களின் தச்சனான விஸ்வகர்மவினால் உருவாக்கப்பட்டது வாஸ்து சாஸ்திரம். எந்த ஒரு இடத்தையும் வாஸ்து முறைப்படி நல்ல இடம்தானா என்பதை ஆராய்ந்து அதன் பிற்கே வாங்க வேண்டும்.வாஸ்து பகவானுக்கு உரிய பூஜைகள் செய்த பிறகே வீடு கட்ட வேண்டும். காலி மனை இடம் வாங்கவாஸ்து தேவை இல்லை.வீடு வாங்க உள்ள இடத்தில் உத்தமமான பூமியை தேர்வு செய்ய வேண்டும்.அருகில் நிறைய ஜனங்கள் வசிக்க வேண்டும். பசுக்கள் வசிக்க வேண்டும்.உண்டு புசிக்க தகுந்த காய்,கனிகளை தரும் காற்றோட்டம் தரும் செடி,கொடிகள் அந்த பகுதியில் இருக்க வேண்டும். நெல் வயல்கள்,ஓங்கி உயர்ந்த  மலைகள்,கடல்,ஆசிரமம்,மயானம் மிக அருகில் இருக்க கூடாது. கிழக்கு மூலை(இந்திரன்) தாழ்ந்து,மேற்கு மூலை(வருணன்) உயர்ந்திருக்கும் நிலப்பகுதி கோவீதி எனப்படும்.இங்கு வீடு கட்டினால் வளம் பெருகும்.

    அபிவிருத்தி கிடைக்கும். கிழக்கு மூலை உயர்ந்து மேற்கு மூலை தாழ்ந்து இருக்கும் பகுதி ஜல வீதி எனப்படும்.

    இங்கு வீடு கட்டக்கூடாது. தெற்கு மூலை உயர்ந்து வடக்கு மூலை  தாழ்ந்து இருக்கும் பகுதி கஜ வீதி எனப்படும்.இங்கு வீடு கட்டுவது மிகவும் நல்லது. ‘வடகிழக்கு மூலை (ஈசானியம்)சற்று உயர்ந்து தென்மேற்கு தாழ்ந்து  இருந்தாலும்(நிருதி)அங்கே வீடு கட்டுவது உசிதமல்ல.இந்த நிலம் பூத வீதி எனப்படும்.தென் கிழக்கு மூலை (அக்னி) உயர்ந்து வடமேற்கு மூலை (வாயு மூலை) தாழ்ந்து இருந்தாலும் அங்கே வீடு கட்டக்கூடாது.இது நாக வீதி எனப்படும். வாயு மூலை உயர்ந்து அக்னி மூலை தாழ்ந்து இருந்தாலும் வீடு கட்டக்கூடாது.இது அக்னி வீதி எனப்படும்.அதே சமயம் நிருதி மூலை

    உயர்ந்து ஈசானியம் தாழ்ந்து இருக்கும் பகுதி, தான்ய வீதி எனப்படும்.

    அசுப இடங்களில் அதற்குரிய பரிஹாரங்கள்,ஹோமங்கள் முறையாக  செய்து,உரிய பலிகளை கொடுத்த பின்னர்தான் பணிகளை துவக்க வேண்டும். ஜோதிட பிரம்ம ரகசியத்தின் படி சித்திரை மாதம் வீடு கட்டினால் சுகமாக இருக்கும்.வைகாசியில் தன விருத்தி ஏற்படும்.ஆனியில் வீடு கட்டக்கூடாது. ஆடியில் சுபத்தை கெடுக்கும்.ஆவணியில் வீடு கட்டினால் வேலைக்காரர்கள் கிடைக்க மாட்டார்கள். புரட்டாசியில் வீடு கட்டினால் வியாதி வரும். ஐப்பசியில் கட்டுவது விஷேஷம்.கார்த்திகையில் கட்டினால் நிறைய பணம் வரும். மார்கழியில் கட்டக்கூடாது. தையில் கட்டினால் எண்ணியதெல்லாம் நிறைவேறும். மாசியில் கட்டினால் ரத்தினங்கள் சேரும்.பங்குனியில் வீடு கட்டக்கூடாது.

    மனை கட்ட அதிபதி வாஸ்து புருஷன். அவர் நித்திரை விடும் நேரத்தில் வாஸ்து பூஜை செய்வது நல்லது.

    சித்திரை 10 தேதி-5 நாழிகைக்கு மேல்

    வைகாசி 21தேதி -8 நாழிகைக்கு மேல்

    ஆடி 11 தேதி -2 நாழிகைக்கு மேல்

    ஆவணி 6 தேதி-21 நாழிகைக்கு மேல்

    ஐப்பசி 11 தேதி-2 நாழிகைக்கு மேல்

    கார்த்திகை 8 தேதி-10 நாழிகைக்கு மேல்

    தை மாதம் 12 தேதி-8 நாழிகைக்கு மேல்

    மாசி மாதம் 22 தேதி-8 நாழிகைக்கு மேல்

    வாஸ்து புருஷன் 3 தீ நாழிகை எழுந்து விழித்திருப்ப்பார்.மொத்தம் 90

    நிமிஷம்.கடைசி 36 நிமிஷம் போஜனம்,தாம்பூல தாரணம்செய்யும் நேரத்தில்

    பாலக்கால் போட்டு பூஜை செய்வது மிக நல்லது. தங்கு தடையின்றி வீடு கட்டும் பணி நடக்கும். வடக்கில் இருந்து செல்வம் வரும் என்பதால் அந்த பக்கத்திலும் வட கிழக்கிலும் பெரிய மரங்களை பயிரிட க்கூடாது.எமன் மற்றும் வருணன் இடமிருந்து காப்பாற்ற  தெற்கிலும்,மேற்கிலும் உயரமான  பலமான கட்டுமானங்கள் தேவை. வீட்டின் உயரமான பகுதி தென்மேற்கிலும்,தாழ்வான பகுதி வடகிழக்கிலும் அமைய வேண்டும். கிழக்கு,வடக்கு திசைகள் முக்கியமானவை.சூரிய ஒளியில் வைட்டமின் டி உள்ளது.உடலுக்கு நன்மை தருவது.காலை வேளையில் சூரிய கதிர்கள் அதிகவெளிச்சத்தையும்,குறைவான வெப்பமும் தரும். எனவே கிழக்கு திசையில் கதவுகளும் ஜன்னல்களும் சூரிய ஒளியை வீட்டினுள் ஊடுருவ செய்யும். மேற்கிலும்,தென்மேற்கிலும் அடர்த்தியான சுவர்கள் குறைந்த ஜன்னல்கள் சூரியனின் புற சிகப்பு கதிர்களை தடுக்கும்.

    இந்த இதழை மேலும்

    பயணங்களில் தவிர்க்க வேண்டிய உணவுகள்

    நாம் பயணங்களில் நம் உடல் ஆரோக்கியத்தைக் கெடுக்கும் அளவிற்கு மோசமானதை நாம் சாப்பிடக் கூடாது அல்லவா? ஆக, அது பற்றிய விழிப்புணர்வை ஏற்படுத்தவே இக்கட்டுரை. நாம் நம் பயணங்களில் தவிர்க்க வேண்டிய உணவுகளைப் பற்றி நாம் இங்குப் பார்ப்போம்.

    1. அசைவம் கூடாது: நமக்காக எப்பொழுதும் புதியதாக (Fresh) அசைவ ஐயிட்டங்களை எல்லா ஹோட்டல்களிலும் வைத்திருப்பார்கள் என்று சொல்ல முடியாது. நாட்பட்ட அசைவ உணவுகளை அதிரடிக் குளிர் நிலையில் (Deep freezer) வைத்திருக்கும் போது ஒரு சிறிய காலத்திற்கு குளிர்தன்மை இல்லாது போகுமாயின் அதிபயங்கர வைரஸ் தொற்றுத் தன்மை அவ்வுணவுப் பொருளில் உருவாகி, அதை முழுமையாக வேகவைக்காது போகுமாயின் நமக்கு அந்த வைரஸ் தொற்று, வைரஸின் உணவுப் பொருளோடு நம் உல்லில் நிலைகொள்ளும். இப்படித்தான் ரஜனிகாந்திற்கு சங்கடம் ஏற்பட்டது. ஆகவே பயணங்களில் கண்டிப்பாக அசைவம் வேண்டாமே.
    2. குப்பை உணவுகள் வேண்டாம்: நொறுக்குத் தீனிகள், துரித உணவுகள், இரசாயனம் கலந்த உணவுகள், சாயம் சேர்த்த உணவுகள், குறை உணவுகளான பரோட்டா, நுடுல்ஸ், சேமியா, இரவா சேசரி, குளிர் உணவுகளான ஐஸ்கிரீம்கள், ஐஸ்மோர், கோல்டு காப்பி, குளிர் பானங்கள் உள்ளிட்டவைகளை நாம் அவசியம் தவிர்க்க வேண்டும். காரணம், நொறுக்குத் தீனிகள் வயிற்றுப் போக்கை உருவாக்கலாம். துரித உணவுகளில் உயிர்ச் சத்துக்கள் அனைத்தும் அழிக்கப்படுகின்றன. இரசாயனம் மற்றும் சாயம் கலந்த உணவுகள் நம் கல்லீரல் மற்றும் மண்ணீரல் செரிமானத்தைக் கெடுக்கும். குறை உணவுகளால் நமக்கு சக்தி கிடைக்காது. குளிர் உணவுகளால் நம் மண்ணீரல் கெடும்.
    3. மசாலா மற்றும் எண்ணெய் உணவுகள் வேண்டாம்: பயண காலங்களில் நம் வீட்டுச் சாப்பாட்டிற்கு இணையாக வெளி உணவுகளில் தரம் மற்றும் சுவை கண்டிப்பாக இருக்காது. ஆக, நம் நாவின் சுவை ஏக்கத்தை ஈடு செய்ய நாம் மசாலா மற்றும் எண்ணெய் அதிகம் சேர்த்த உணவுகளை ஆசையோடு சாப்பிடுவோம். இவ்வித உணவுகள் நம் மண்ணீரல் மற்றும் கல்லீரலைக் கெடுக்கும். இதனால், நம் பயணம் ஆனந்தமயமாக இருப்பதற்கு பதில் ஆ! வாந்தி மயமாக இருக்கும். குறிப்பாக ஹோட்டல்களில் நீண்ட நேரம் அல்லது திரும்பத் திரும்ப சுட வைத்த எண்ணெயானது கெட்ட கொழுப்பையே உண்டாக்கும்.

    இந்த இதழை மேலும்

    வலிகள் நம்முடைய நண்பன்

    மாணவ கண்மணிகளே, வாழ்வில் நாம் சந்திக்கும் போரட்டங்கள்தான் நம்மை உண்மையில் வலிமைமிக்கவர்களாக மாற்றுகிறது. போரட்டமே இல்லாமல் கடின உழைப்பு இல்லாமல், சவால்களே இல்லாமல் நமக்கு எதுவுமே கிடைக்காது. எல்லாவற்றிற்கும் ஒரு விலை உண்டு. விலையில்லாமல் குறுக்கு வழியில்  ஏதாவது கிடைத்தால் நம்மிடம் இருப்பதையும் சேர்த்து கொண்டு போய்விடும்.

    போரட்டமில்லாமல் நாம் வளர முடியாது. எதிர்ப்பு இல்லாமல், சவால்கள் இல்லாமல்,  நம்முடைய வலிமையை அதிகரிக்க முடியாது. வலிகள் நம்முடைய நண்பன்.

    மாணவக் கண்மணிகளே, படிப்பது கஷ்டமாக இருக்கலாம். பள்ளி இறுதியில் சந்திக்கும் பொதுத் தேர்வில், நுழைவுத் தேர்வில், போட்டித் தேர்வுகளில் வெற்றி பெற்றால் கிடைக்கும் பலன் உங்கள், வாழ்நாள் முழுவதும் பலனளிக்கும்.

    போட்டித் தேர்வில் வெற்றி பெற்று நிரந்தர அரசுப் பதவி பெற்று விட்டால் அதன் பலன் வாழ்நாள் முழுவதும் நீடிக்கும் அல்லவா.

    நமக்கு தோல்விகளே இல்லையென்றால், நமக்கு போரட்டங்களே இல்லையென்றால், நமக்கு ஏமாற்றங்களே இல்லையென்றால் நாம் வலிமையானவர்களாக மாற முடியாது.

    உங்களுக்கு இந்த அரிய அற்புதமான வாழ்க்கை கிடைத்து இருக்கிறது. அவன் சாதித்து இருக்கிறான். அவள் சாதித்து இருக்கிறாள். நமக்கும் சாதிக்க வலிமை இருக்கிறது. ஜ.ஏ.எஸ் தேர்வு மிகவும் கடினம் என்கிறார்கள். அந்த தேர்விலும் வருடந்தோறும் முதலாவதாக வருபவர்கள் இருக்கத்தான் செய்கிறார்கள். நீட் தேர்வு மிகவும் கஷ்டம் என்கிறார்கள். அதிலும் தேசிய அளவில் முதலாவதாக வருபவர்கள் இருக்கத்தான் செய்கிறார்கள். விஜய் தொலைக்காட்சியில் பார்த்தேன். ஒரு சிறுமி திருக்குறளில் முதல் அல்லது கடைசி ஒரு வார்த்தையை சொன்னால் திக்காமல், திணராமல் அழகாக சொல்கிறாள். எல்லாமே விடாமுயற்சிதான். கடின உழைப்பு, பொறுமை, விடாமுயற்சி நம்மை மேன்மையானவர்களாக, உன்னதமானவர்களாக, சாதனையாளர்களாக மாற்றுகிறது.

    மாணவச் செல்வங்களே, நீங்கள் நினைப்பதை விட நீங்கள் வலிமையானவர்கள் என்பதுதான் உண்மை. சவால்கள் எது வந்தாலும் நீங்கள் சமாளித்து நீடித்து நிற்பீர்கள். கரிய மேகக் கூட்டங்கள் எவ்வளவு காலத்திற்கு ஓளல் விடும் நிலவை மறைத்து நிற்க முடியும். உங்களுக்கு வரும் சோதனைகள் தற்காலிகமானவை. இந்த  உலகில் நீங்கள் வாழ்வதற்கு ஓரு அர்த்தம் உள்ளது. ஆம். உங்கள் வாழ்க்கையை அர்த்தமுள்ளதாக மாற்ற வேண்டாமா? அதற்கான பாதையை  நீங்கள்தானே கண்டறிய வேண்டும்.

    இளம் வயதில் தனது அன்புக் கணவரை இழந்தவர் சாந்தி ரங்கநாதன் என்கிற பெண்மணி. என் கணவருக்கு குடிநோய் இருந்தது.  அந்த சமயத்தில் இந்தியாவில் குடிநோய்க்கு சிகிச்சை தரக்கூடிய டாக்டர்கள் இல்லை. அமெரிக்காவிற்கு அழைத்து சென்று சிகிச்சை தந்தோம். பலனில்லை. இறந்து விட்டார். குடிப்பது ஆண்கள் பாதிக்கப்படுவது பெண்கள். ஏதாவது செய்ய வேண்டும் என்று சிந்தித்தேன்;. குடிப்பழக்கத்திற்கு அடிமையானோரை மீட்கும் மருத்துவமனையை 1980-ல் இந்தியாவில் முதன் முதலாக சென்னையில் தொடங்கினேன் என்கிறார்;. இவருடைய சேவையை ஊக்குவிக்க, அங்கீகரிக்க ஜ.நா விருது, பத்ம ஸ்ரீ விருது தமிழக அரசின் ஒவ்வை விருது இவரைத் தேடி வந்தது. காசு கொடுத்து விருது வாங்குபவர்கள் சமுதாயத்தில் உள்ளனர். அது அற்ப ஆசை.  இவரோ அற்புதமானவர். இவரது விலாசம் தேடி வந்து காசும் கொடுத்தும் விருதையும் கொடுக்கிறார்கள்.

    நமது இலட்சியத்தை நோக்கி போய்க் கொண்டிருந்தால் நாம் வளர்ந்து கொண்டிருக்கிறோம். உங்கள் வாழ்க்கையின் ஒரு பகுதியாக உங்கள் போராட்டம் உள்ளது. இன்று நீங்கள் என்னவாக இருக்கிறீர்களோ, அதை தீர்மானித்தது உங்கள் போராட்டம்தான். போரட்டம் என்றால் அரசுக்கு எதிராக குரல் கொடுப்பதை சொல்ல வில்லை. கடினமான கரடுமுரடான முட்கள் நிறைந்த வாழ்க்கைப் பாதையை கடந்து வெற்றியை சுவைக்கும் போராட்டம். நீங்கள் எதிர்நோக்கும் போரட்டங்களுக்கு நன்றியுடையவர்களாக இருங்கள். உங்கள் வாழ்க்கையில் புதிய அத்தியாயத்தை எழுத துவங்குங்கள். உங்கள் போராட்டம்தான் உங்கள் வாழ்க்கை. நீங்கள் எதிர்கொள்ளும் போராட்டம் உங்களுக்கு கிடைத்த ஒப்பற்ற பரிசு.

    இந்த இதழை மேலும்

    ஆஸ்த்துமா

    ஆஸ்த்துமா நுரையீரல்களை பாதிக்கக்கூடிய ஒரு நோய். குழந்தைகளைப் அதிகம் பாதிக்கக்கூடிய நோய். இதனால் அடிக்கடி இளைப்பு, சுவாசிக்க முடியாத நிலை, மார்புக்கூட்டில் ஓர் இறுக்கம், இருமல் போன்றவை வரும். எப்போதுமே ஆஸ்த்துமா இருந்தாலும் ஒவ்வாமை ஏற்படும் போது இதன் தீவிரம் அதிகரிக்கும். குடும்பத்தில் யாருக்கேனும் ஆஸ்த்துமா இருந்தால் குழந்தைக்கு இந்நோய் வரக்கூடிய வாய்ப்புகள் அதிகம். எனினும் ஆஸ்த்துமா வருவதற்கு என்ன முக்கியக் காரணம் என்பது இன்னும் தெளிவாக அறிந்து கொள்ளப்படவில்லை.

    அதேபோல இதை முற்றிலும் குணப்படுத்துதலும் முடியாது. மருந்துகளால் கட்டுப்பாட்டில் வைத்திருக்கலாம். கட்டுப்பாட்டில் இருக்கும் போது இளைப்பு, மூச்சுத் திணறல் வராமல் இருக்கும், நன்றாக தூங்க முடியும் என்பதால் பள்ளிக்குச் செல்வதோ விளையாடுவதோ தடைபடுவதில்லை.

    ஆஸ்த்துமாவை கண்டறியும் வழிகள்

    ஆஸ்த்துமாவை கண்டறிவது மிகக் கடினம். அதுவும் 5 வயதுக்குள்ளான குழந்தைகளிடம் கண்டறிவது இன்னும் கடினம். மருத்துவ பரிசோதனைக்குச் செல்லும் போது மருத்துவர் கேட்கும் சில கேள்விகளுக்கு நீங்கள் அளிக்கும் பதிலை வைத்தே கண்டறிய முடியும். அதன்பின் நுரையீரல் பரிசோதனை செய்து அதை ஊர்ஜிதம் செய்து கொள்வார்கள்.

    பரிசோதனை செய்யும் மருத்துவர் இரவில் மூச்சுத்திணறல் இருக்கிறதா? வீட்டில் யாருக்கேனும் ஆஸ்த்துமா இருக்கிறதா? மார்பு தசைகளில் இறுக்கமான உணர்வு இருக்கிறதா என்று கேட்பார். ஸ்பைரோமீட்டர் என்ற குழாய் மூலம் அதிகப்படியாக குழந்தையால் எவ்வளவு காற்றை உள்ளிழுக்க முடியும் என்பதையும் பார்க்க முடியும். இந்த காற்று அளவு ஆஸ்த்துமா மருந்து எடுத்துக் கொள்வதற்கு முன், மருந்து எடுத்துக் கொண்டதன் பின் கணக்கிட்டுப் பார்க்கப்படும். அதிக முறை ஒவ்வாமை விளைவுகள் ஏற்படும் போது அது ஆஸ்த்துமாவாக மாற வாய்ப்பு இருக்கிறது. காற்று மூச்சுக்குழாய்கள் மூலம் நுரையீரலுக்குள் செல்கிறது. ஆஸ்த்துமா விளைவு ஏற்படும் போது அந்த குழாய்கள் சுருங்கிவிடுவதால் தேவையான காற்று செல்ல முடியாமல் தடைபடுகிறது. அதிக மியூக்கஸ் எனப்படும் திரவம், சளி சுரந்து இருமலை இன்னும் அதிகமாக்கும். பிறகு இது மூச்சு இளைப்பில் முடியும். சில சமயம் தக்க மருந்து கொடுத்து மூச்சுக் குழாய்களை விரிவடையச் செய்ய முடியாவிட்டால் உயிரிழக்கவும் நேரிடும்.

    ஆஸ்த்துமாவை எப்படி கட்டுப்பாட்டில் வைத்திருப்பது?

    மருத்துவர் தரும் மருந்துகளைத் தவறாமல் எடுத்துக் கொள்ளுங்கள். அதே போல சுற்றுப்புறத்தில் உள்ள மாசினைத் தவிர்க்க, கூடிய மட்டும் முயற்சி செய்யுங்கள். வீட்டில் புகை பிடிப்பவர்கள் இருப்பின் வெளியே சென்று புகை பிடித்தல் அல்லது வீட்டுச் சன்னல்களைத் திறந்து வைத்தல் போன்றவற்றைச் செய்யவும். ஆஸ்த்துமாவிற்கு சில மாத்திரைகள் அல்லது ஒரு மூச்சு இழுக்கும் குப்பியிலோ மருந்து  இருக்கும். பெரும்பாலும் இவை மூச்சுக் குழாய்களை விரிவாக்கும் மருந்துகளே. அடிக்கடி உபயோகிக்காமல் தேவைக்கேற்ப மருத்துவரின் அறிவுரையைப் பின்பற்றிக் கட்டுப்பாட்டில் வைத்திருங்கள்.

    ஆஸ்த்துமா வரக்காரணங்கள்

    சுற்றுப்புறச் சூழலில் உள்ள மாசு, சிகரெட் புகை போன்றவை முக்கிய காரணங்களாகும்.

    இந்த இதழை மேலும்