January, 2019 | தன்னம்பிக்கை - Part 2

Home » 2019 » January (Page 2)

 
  • Categories


  • Archives


    Follow us on

    தகுதிகளை மேம்படுத்தித் தலைவராவது எப்படி?

    “சிலருக்கு  அவர்களுடைய  திறமையாலும்  தகுதியாலும் தலைமைப் பதவி கிடைக்கிறது, சிலருக்கு அதிர்ஷ்டத்தால் தலைமை பதவி கிடைக்கிறது, சிலர் மீது தலைமைப்  பதவி திணிக்கப்படுகிறது”  என்பது ஆங்கில பழமொழி , சிலர் தலைவர் பதவியைத் தேடிப் போவார்கள், சிலருக்குத் தலைவர் பதவி தேடி வரும்.

    தலைவருக்கே உரித்தான  பல   பண்புகள் இருக்கின்றன, சிறந்த  தலைவான எனப்  பெயர் பெறுவது  என்பது ,  எத்தனை  தலைமைப் பண்புகள் அவருக்கு இருக்கின்றன  என்ற எண்ணிக்கையைப்  பொறுத்து  அமையாது, அந்தப் பண்புகளை  அவர் எப்படி பயன்படுத்துகிறார் என்பதைப் பொறுத்து   அமையும்,அறிவாளிகள் எல்லோரும் தலைவராக முடிவதில்லை, தலைவர்கள் எல்லோரும் தலைசிறந்த அறிவாளிகள் என்று சொல்ல முடியாது.

    1) தலைமை ஏற்பவருக்குத் தேவையான  ஆளுமைத்திறன் வேண்டும்,

    இந்த ஆளுமைத்திறன்  2  வகைப்படும்,

    1)  சிந்தனை ஆளுமை

    2) செயல் ஆளுமை , ஒருவருக்கு சிந்தனை ஆளுமை நன்றாக  இருக்கும், செயல் ஆளுமை  சற்று குறைவாக இருக்கும், ஒரு சிலருக்கு செயல் ஆளுமை அதிகமாக இருக்கும், சிந்தனை  ஆளுமை  குறைந்து இருக்கும், இரண்டு ஆளுமைகளும் ஒருவருக்கு சேர்ந்து இருப்பது அபூர்வம், சிந்தனை  ஆளுமையும், செயல் ஆளுமையும்   ஒருவரிடம் சரிவிகிதத்தில்  கலந்து இருந்தால் அவர்  சிறந்த தலைவர்  எனப் பெயர் பெற   முடியும்.

    2)  நிர்வாகத் திறமை வேண்டும்.

    ஒருவரிடம் நிர்வாகத் திறமை அமைந்திருந்தால்தான்  அவர் தலைமைப் பதவிக்கு  தகுல்தயானவர்  எனக்   கருதப்படுவார்,  சிலர் எல்லா தகுதியும் பெற்று இருப்பார்கள், ஆனால் நிர்வாகத் திறன் குறைவாக இருக்கும், அவர்களால்  நிர்வாகத்தை சரியாக  நடத்த  இயலாது,  இந்தத் திறன் இருந்தால்தான் தலைமைப் பதவியை அலங்கரிக்க முடியும், ஜெயிக்கவும் முடியும்,

    நிர்வாகத் திறன் உள்ள   தலைவர்களால்  தான்  ஒரு நிறுவனம்  பெருமையும், கௌரவம் பெற முடியும்,

    3) தெளிவான முடிவுகளும் , முடிவிலே உறுதியான நிலைப்பாடும்  வேண்டும்,

    தெளிவான முடிவு எடுக்கக்கூடிய சாமார்த்தியமும், அந்த முடிவிலே உறுதியாக நிற்கும் சாதூர்யமும்   இருக்க வேண்டும்,  அப்போது தான் நிர்வாகம் மேம்பாடு அடையும் , குழப்பமான முடிவுகளும், உறுதியில்லாத தன்மையும் இருந்தால்  நிர்வாகம்  சீர்கேடு அடையும்.

    4) தொலை நோக்குப் பார்வையும், சூழ்நிலைக்கேற்ப மாற்றிக் கொள்ளும் தன்மையும் வேண்டும்.

    ஒரு சிறந்த தவைருக்குத் தொலைநோக்குப்  பார்வை இருக்க வேண்டும்,  எதிர்வரும் ஆண்டுகளில் தான் சார்ந்துள்ள நிறுவனம் எந்த இலக்கை அடைய வேண்டும், அதை எப்படி அடைய வேண்டும் என்ற பார்வை அவருக்கு இருக்க வேண்டும்,  பத்து ஆண்டுகள் கழித்து அந்த நிறுவனத்திற்குத் தேவையான   மூலப்பொருட்கள்  பற்றாக்குறை ஏற்படலாம், உற்பத்தி பாதிக்கப்படலாம்,   நிறுவனம்  சரிவை சந்திக்கக் கூடிய சூழல் ஏற்படலாம்,  எப்போது சரிவு வரும், எந்த அளவு  பாதிப்பு  ஏற்படும் அதை எப்படி சரிக்கட்டுவது, அதற்குரிய மாற்றுவழி என்ன ?  என்பதை முன்கூட்டியே கணிக்க வேண்டும் . அதற்குரிய ஆய்வுகளையும்  மேற்கொள்ள வேண்டும்,  பாதிப்பை  தவிர்க்கும்  முயற்சிகளை மேற்கொள்ள வேண்டும்.  காலத்திற்கேற்பவும், சூழ்நிலைக்கேற்பவும்  வளைந்து கொடுக்கும் தன்மையும் புதிய  யுக்திகளை  பின்பற்றும் திறமையும்  வேண்டும்.

    5) போட்டி மனப்பான்மையும், போராடி ஜெயிக்க வேண்டும் என்ற குணமும் இருக்க வேண்டும்

    வணிக நோக்கில்  நிறுவனத்திற்கு நிறுவனம் போட்டிகள் வரவாய்ப்புண்டு, போட்டிகளை சந்திக்கும்   துணிவும், முயற்சித்து போராடி ஜெயிக்கும்  குணமும் இருத்தல் வேண்டும். எந்த நேரத்திலும் தன்னுடைய நிறுவனம் இரண்டாமிடத்திற்குச் செல்ல இடம் தரல் கூடாது,

    6) முன்னேற வேண்டும் முதன்மையாய் இருக்க வேண்டும் என்ற முயற்சியும் துடிப்பும்  வேண்டும்

    உங்கள் தலைமையேற்றுள்ள நிறுவனம் ஒவ்வொரு நாளும் ஒவ்வொரு துறையிலும் இலக்கை நோக்கி முன்னேறிக் கொண்டே  இருக்க வேண்டும் , முன்னேறுவது மட்டுமல்லாமல் முதன்மையாய் இருக்க வேண்டும் என்ற முயற்சியும், துடிப்பும்  இருக்க வேண்டும், தன்னலமற்ற உழைப்பும், ஆர்வமும் ஈடுபாடும்,  இது  நம் சொந்த நிறுவனம்  என்ற எண்ணமும்  இதற்கு  துணையாய்  அமையும்.

    7) தான்  சார்ந்துள்ள துறையில்  ஆழந்த  அறிவும், சட்ட நுணுக்கங்களையும்  அறிந்திருத்தல் வேண்டும்.

    எந்தத் துறையில் தலைவர் பொறுப்பில் இருக்கிறோமோ அந்தத் துறையில் ஆழமான அறிவை பெற்று இருக்கவேண்டும், அது பற்றிய சட்ட நுணுக்கங்களை விரல் நுனியில் வைத்திருக்க வேண்டும்,எடுத்துக்காட்டாக எனது  மனதிற்கினிய  நெருங்கிய நண்பர் உடுமலைப்பேட்டையை சேர்ந்த   அரிமா ,  அ. லோகநாதன் அவர்களை குறிப்பிட வேண்டும்,   நல்ல பண்பாளர், இனிமையான  நல்ல குணத்திற்குச் சொந்தக்காரர், அதிர்ந்து பேசாத ஒரு அற்புதமான மனிதர் எந்த இடத்திலும், எந்த நிலையிலும் கோபப்படாத  ஒரு உயர்ந்த குணம் உண்டு , எல்லோரையும் நண்பராக்கிக் கொள்கிற இனிய சுபாவம் இவருக்குண்டு ,  என்னுடைய   நன்மை  தீமை  இரண்டிலும்   எல்லா நேரங்களிலும் எனக்கு துணையாய்  இருப்பவர்.

    கடுமையான உழைப்பினாலே உயர்ந்த நிலையினை அடைந்தவர், பத்திரப் பதிவு ஆலோசகராகவும், ரியல் எஸ்டேட் தொழிலிலும்  கொடி கட்டி பறப்பவர், அவர் தந்தையாரிடம்  சீடராக இருந்து பணியைக் கற்றவர்  ,  பத்திர பதிவு துறையில் எல்லா சட்ட நுணுக்கங்களையும் தெளிவாக அறிந்தவர், பத்திரப் பதிவு  அதிகாரிகளுக்கு  வரும் துறை சார்ந்த சந்தேகங்களைக் கூட  தீர்த்து வைக்கிற  திறமை படைத்தவர்,  பதிவுத் துறையில் பல சிக்கலான சட்டப் பிரச்சினைகளுக்கு எளிதாக தீர்வு கண்டு பெயர் பெற்றவர், மிகப் பெரிய வழக்கறிஞர்களுக்கு கூட ஆலோசனைகள் கூறும் அளவு அறிவும் அனுபவமும் பெற்றவர் ,   துறை சார்ந்த ஆழமான அறிவு ஒருவரை உயர்த்தும் என்பதற்கு இவர் ஓர் எடுத்துக்காட்டு.

    8) அனுபவசாலிகளிடமிருந்து  அனுபவத்தைப் பகிர்தல் மற்றும் செயல் படுத்துதல் வேண்டும்.

    தலைமைப் பதவியில் இருப்பவர்கள் சில சமயங்களில் கடைநிலை ஊழியன் தருகிற அனுபவத் தீர்வுகளை எற்றுக் கொள்கிற மனப்பக்குவம் வேண்டும்,  அதைச் செயல்படுத்தவும் வேண்டும், அனுபவ அறிவு  உயர்வைத்  தருளம்/  உச்சத்தைத்   தொடும்.

    9) தோல்வியில் துவண்டு விடாத மனப் பக்குவம் வேண்டும்.

    வாழ்வில் தோல்விகள்  ஏற்படுவது இயல்பு, தோல்விகளைக் கண்டு துவண்டு விடக்கூடாது, தோல்விகள் தான் வெற்றிகளின் முதல் படிக்கட்டு,  தோல்விகளிலிருந்து பெறும் அனுபவங்கள்தான் வெற்றிக்கு வழி காட்டுதல்கள் என்று உணரவேண்டும்,  மிகப்பெரிய அறிவியல் வல்லுநர்களெல்லாம தங்கள் ஆராய்ச்சிகளின் போது பெற்ற தோல்விகளினால் தான், எதைச் செய்ய வேண்டும் ?  எதைச் செய்யக கூடாது ?என்ற அனுபவத்தைப் பெற்றார்கள்.

    10) மற்றவர்களுக்கு முன் மாதிரியாக இருத்தல் வேண்டும்.

    தலைமைப் பதவியில் இருக்கும் மற்றவர்கள், இவரைப் போல நிர்வாகம் தரவேண்டுமென்று உங்களை உதாரணமாக  எடுத்துக் கொள்ளும் அளவிற்கு உங்கள் குணங்களில்,    நடத்தையில்,  நிர்வாகத்தில் முன்மாதிரியை உருவாக்க வேண்டும்,   நேரம் தவறாமைக்கு முக்கியத்துவம் அளிக்க வேண்டும்.

    11) நிறுவனத்தை வளர்க்க வேண்டுமென்ற ஒற்றைக் குறிக்கோளுடன்  வெற்றிபெறத் தகுந்த தந்திரங்களையும் பின்பற்ற வேண்டும்.

    நிறுவனத்தை உயர்த்த வேண்டும் என்ற ஒற்றைக் குறிக்கோள்   மட்டுமே தாரக மந்திரமாக இருத்தல் வேண்டும், தன்னலமில்லாத பார்வை இதற்கு அடித்தளமாக அமையும், “புறாவைப் போல  கள்ளம் கபடம் இல்லாத மனதும், பாம்பைப் போல தந்திரமும்  ஒருவருக்கு இருக்க வேண்டும்” என்று  பைபிளில்  ஒரு வாசகம் வருகிறது.

    எப்போது புறாவாக இருப்பது?  எப்போது தந்திரமான பாம்பாக மாறுவது? என்பது உங்களது சூழ்நிலைகள் முடிவு செய்யும், பணியாளர்களிடம் அன்பும் , அனுசரணையும்  அதே நேரத்தில் கண்டிப்பும் காட்ட வேண்டும்,  நிர்வாகத்தில்  சொந்த விருப்பு வெறுப்புக்கள் இன்றியும், வேண்டியவர்கள், வேண்டாதவர்கள் என்ற பாரபட்சமில்லாத பார்வை கொண்டவராக இருத்தல்  வேண்டும்,  சில நேரங்களில் தயவு தாட்சண்யம் இல்லாமலும்  இருத்தல்  வேண்டும்.

    12) நேர்மையான நிதி, நிர்வாகம் வேண்டும்.

    நேர்மையான நிதி; நிர்வாகமும், வார்த்தை  தவறாத குணமும் இரு கண்களைப் போல இருக்க வேண்டும்,  எத்தனை கோடி கொடுத்தாலும், இந்த குணத்தை விட்டுத்தரல் கூடாது, உங்கள் மேல் அசைக்க முடியாத நம்பிக்கை உண்டாவதற்கு மாறாத நாணயமும்,  தவறாத சொல்லும்  மட்டுமே  காரணமாக அமையும்.

    13) இரண்டாம் தலைமுறையை வளர்க்க வேண்டும்.

    உங்களுடைய நிர்வாகத் திறமையையும், அனுபவத்தையும், அதன்  சூட்சமத்தையும், நுணுக்கங்களையும், தந்திரங்களையும்,  நுட்பமான செயல் திறனையும், முடிவு எடுக்கும் ஆற்றலையும் உங்களது அடுத்த நிலையில்  உள்ளவர்களுக்கு அல்லது உங்களால் தேர்வு  செய்யப்பட்டவர்களுக்கு சொல்லித் தரல் வேண்டும்,   விலங்குகள் தன் குட்டிகளுக்கு பயிற்சிகள் தருவதைப் போல அவர்களுக்கு பயிற்சிகள் தர வேண்டும்,  அனுபவமும், திறமையும் அடுத்த தலைமுறையினருக்கு பயன்படல் வேண்டும்.

    14) தன்னம்பிக்கை கலந்த துணிவு வேண்டும்.

    எது  நன்மை தரும், எது தீமை தரும், எது உசிதமானது,  எது ஆபத்தானது,  எது வளர்ச்சியைத் தரும்,  எது இழப்பைத் தரும் என்று யோசித்து சரி என்று படுவதை தன்னம்பிக்கையோடும், தளராத துணிவோடும்  நடைமுறைப்படுத்த வேண்டும்,  கடுமையான முயற்சியும்,  ஓய்வில்லாத உழைப்பும், விடா முயற்சியும், உற்சாகமும்  உங்களுக்கு ஊக்கத்தையும், வெற்றியையும் தரும் என்பதில் எள் முனை  அளவு கூட சந்தேகம் இல்லை.

    15) பணியை நேசிக்க  வேண்டும்

    மேலாண்மைப் பயிற்சிலே ஒரு கதை உண்டு,

    ஒரு கட்டிடத்தைக் கட்டிக் கொண்டிருக்கிற 3 பேரிடம்  “நீங்கள் என்ன செய்து கொண்டிருக்கிறீர்கள்?”என்ற கேள்வி கேட்கப்பட்டது.

    முதலாமவன்  “நான் வயித்தைக் கழுவதற்காக வேலை செய்கிறேன்”  என்றார்,

    இரண்டாமவன் “இஞ்ஜினியர் என்ன சொன்னாரோ அதைச் செய்து கொண்டிருக்கிறேன்” என்றான்.

    மூன்றாமவன்  “நான் குழந்தைகள்  படிப்பிற்கான,  எதிர்கால விஞ்ஞானிகளும், மேதைகளும் உருவாகும் இடமான பள்ளிக்கூடம் கட்டிக் கொண்டிருக்கிறேன்” என்றான்.

    மூவரும் ஒரே வேலையைத் தான் செய்து கொண்டிருக்கிறார்கள்,ஆனால்  ஒருவர் மட்டும் உயர்ந்த நோக்கத்திற்காக தான் நேசித்து இந்தப் பணியைச் செய்கிறேன் என்றார்,

    ஓய்வில்லா உழைப்பும்

    பணியிலே  நேசமும்  இருந்தால்

    இமயமும்  கடுகாய் தெரியும்

    இரும்பும் பஞ்சாய்  தெரியும்

    சுமையும்  சுகமாய்  மாறும் —    இதனால்

    எல்லாமும்  ஜெயமாய் முடியும்.

    இந்த இதழை மேலும்

    சமயோசித புத்தி

    புத்தியை எப்படி கஷ்டமான சூழ்நிலைக்கு தகுந்தாற் போல் மாற்றி உபயோத்து,தப்பித்தல் என்பது தான் சமயோஜித புத்தி. இது நம் அனைவருக்கும் இருக்கும் உணர்வு தான். ஆனால் பதட்டத்திலும்,அவசரத்தனத்திலும் இந்த உணர்வு மறந்து விடுவதாலும் பயன்படுத்த தெரியாததாலும் பல சங்கடங்களில் மாட்டிக் கொள்கிறோம்.

    “சுய புத்திதான் இல்லை. சொல்புத்தியாவது இருக்கணும்? எப்படித்தான் பொழைக்கப் போறியோ?” என்று சொல்லக் கேட்டிருக்கிறோம். அதென்ன சொல்புத்தி, சுய புத்தி?

    நல்ல அனுபவம் வாய்ந்த பெரியவர்கள் சான்றோர்கள் மற்றும் ஞானிகளின் ஆலோசனைகளையும்,அறிவுரைகளையும்,ஞானத்தையும் கேட்டு அதன்படி நடப்பது சொல்புத்தி.

    நல்ல அறிவுரைகள் கேட்டாலும் சூழ்நிலைக்கு தகுந்தபடி பிரச்சனைகளை சாமாளித்து வாழ்வது சுயபுத்தியாகும்.

    ஒரு சமயம் இராமனுஜர் தன் சீடர்களுக்கு ஆன்மிக சொற்பொழிவு செய்யும் பொழுது சீடர்களிடம், “எல்லா உயிர்களிலும் நாராயணன் இருக்கிறார் .அதனால் எல்லா உயிர்களையும் நாராயணனைப் போல பார்க்க வேண்டும். அன்பு செலுத்த வேண்டும் என்றார்.

    சொற்பொழிவு முடிந்து சீடர்கள் சமையலுக்கு விறகு சேகரிக்க காட்டுக்கு சென்றனர். அப்பொழுது ஒரு காட்டு யானை மதம் கொண்டு சீடர்களை நோக்கி ஓடி வந்தது. எல்லா சீடர்களும் உயிர் பிழைக்க பயந்தோடினர். ஆனால் ஒரு சீடர் மட்டும் பயப்படாமல் அப்படியே நின்று கொண்டிருக்க உடன் வந்த மற்றொரு சீடர் “ஓடிவிடு” என எச்சரித்தார் அதற்கு நின்று கொண்டிருந்த சீடர் நம் குரு எல்லா உயர்களிலும் நாராயணனின் மறு உருவாக பார்க்க சொல்லியிருக்கிறார். அதனால் கோபமாக வரும் யானைக்குள் இருக்கும் நாராயணன் என்னை ஒன்றும் செய்ய மாட்டார் என சொல்லும் போதே மதம் கொண்ட யானை பலமாக சீடரை தாக்கியது.பலத்த காயமடைந்த சீடரை ராமனுஜரிடம் தூக்கி வந்து நடந்ததை சொன்னார்கள்.

    அதற்கு அடிப்பட்ட சீடர், “குருவே நீங்கள் தானே எல்லா உயிர்களிலும் நாராயணனின் இருக்கிறார் என்று சொன்னீர்கள் அதனால்தான் யானையை நாராயணன் என்றும் என்னை தாக்கமாட்டார் என் நினைத்து நின்று கொண்டேன் என்றார் .அதற்கு ராமானுஜர் யானை நாராயணன் தான் ஆனால் அது தாக்க வரும் போது பக்கத்தில் இருக்கும் இன்னொரு சீடரான நாராயணன் ஒடச் சொல்லி எச்சரித்ததை, அதை நீ கேட்டிருக்கலாமே” என்றாராம்.

    ஆக, சுயபுத்தியற்ற மனிதர்களுக்கு நல்லது,கெட்டதின் அர்த்தம் விளங்காது.இவர்கள் தான் குதர்க்கமாகப் பேசி மாட்டி கொள்ளும் ரகம்.

    இதே போல் தான் (நேரத்திற்கேற்ற அறிவு) சமயோசித புத்தியும்.  சமயோசித புத்தி என்றதும் நம் நினைவுக்கு வருபவர் தெனாலிராமன் தான் தனக்கு வரும் சோதனைகளை அறிவுப் பூர்வமாக சமாளிக்கும் திறனை தெனாலிராமன் காளியிடம் வரமாகப் பெற்றான். அதனால் அவனுக்கு மட்டும் தான் சமயோசிதமாக நடந்து கொள்ள தெரியும் என்று நினைத்து விடாதிர்கள்.

    சகல ஜிவராசிகளுக்கும் இது போன்ற இக்கட்டான சூழ்நிலைகளில் தன்னைக் காப்பாற்றிக் கொள்ள இறைவன் இந்தப் புத்தி உணர்வை வைத்துள்ளார். இந்த சமயோசித புத்தி உணர்வுக்கு என்று தனி மூளையோ. வரமோ இல்லை.நாம் பயன்படுத்தும் அறிவுடன் நிதானமாக சிந்திக்கும் திறன் இருந்தால் போதும்.

    சமீபத்தில் டி.வியின் டிஸ்கவரி சேனலில் ஒரு சிம்பன்ஸி குரங்கின் புத்தி கூர்மை வியக்க வைத்தது.

    ஒரு உளுத்து போன மரம். அதினுள்ளே புழுக்கள் உள்ளது. ஆனால் அதை தாராளமாக எடுக்க முடியாது. அங்கு வந்த ஒரு சிம்பன்ஸி குரங்கு அந்தப் புழுக்களை சாப்பிட பல வழிகளில் முயற்சித்தும் புழுக்களை சாப்பிட முடியவில்லை.ஒரு சிறிய துவாரம் மட்டும் தான் இருந்தது அதன் கையையும் நுழைக்க முடியவில்லை. கொஞ்சம் முயற்சிக்கு பின் சுற்றும் முற்றும் எதையோ தேடியது. ஒரு நீண்ட நாணல் குச்சி கிடைத்தது. அதை எடுத்து வந்து தன் வாய் எச்சிலை தடவி அந்த மர துவாரத்தினுள் விட்டு வெளியே எடுத்தது.

    என்ன ஆச்சரியம்! அந்த நீண்ட குச்சி முழுவதும் அந்த புழுக்கள் ஒட்டி கொண்டு வந்தது.அதை குரங்கு சாப்பிட தொடங்கியது.

    அதே போல் அந்தக் குச்சி உடைந்து போனதும் மீண்டும் வேறு குச்சியைத் தேடி கொண்டு வந்து முன்பு போலவே தன் எச்சில் பசையால் புழுக்களை சாப்பிட்டது.

    இது அந்த குரங்கிற்கு இறைவன் கொடுத்த ஞானம். அதை தக்க சமயத்தில் சமயோசிதமாகப் பயன்பட்டு அந்த ஐந்து அறிவு ஜிவனுக்கு சமயோசித புத்தியை பயன்படுத்தும் போது, நமக்கு ஏன் பயன்படுத்த தெரியவில்லை.?.

    அங்கே குரங்கின் வெற்றிக்கு காரணம்…பயமின்மை,பதற்றமின்மை, அவசரமின்மை மற்றும் நிதானம். இதில் இன்னொரு விசேஷ காட்சி என்னவென்றால், அதன் குட்டிகளும் இதே முறையை கையாள ஆரம்பித்ததுதான். ஆக.. சொல்புத்தி, சுயபுத்தி, சமயோசி புத்தி எல்லாமும் ஒரு சேர பயன்படுத்தும் குரங்கை விட ஆறறிவு படைத்த மனித இனம் மட்டும் முடிவுகளில் குழப்பிக் கொள்கிறோம்.

    இந்த சமயோசித புத்தி உணர்வை முடிவுகளுக்கு பயன்படுத்த வேண்டுமே தவிர ஒருவரை மட்டம் தட்ட பயன்னடுத்த கூடாது. இன்று நம்மில் பலர் புத்திசாலித் தனமாக பேசுவதாக நடந்து கொள்வதாக நினைத்து தன்னை புத்தியற்றவர்களாகவும், பிறர் மனம் நோகும்படியாகவும் நடந்து கொள்கிறார்கள்.

    சமயோசித புத்தி இல்லாவிட்டால் வாழ்க்கையில் எதையும் சாதிக்க முடியாது. இந்த சமயோசித புத்தியை வெளிக் கொண்டு வருவதற்கு பிறர் பேச்சை நன்றாக கவனித்து அதை உள்வாங்கி கொள்வதும் எல்லாம் சரியாக நடக்க வேண்டும் என்ற எண்ணத்திலிருந்து விடுபட வேண்டும்.

    பதட்டத்திற்கான காரணத்தை கண்டு பிடித்து,தீர்வு காண வேண்டும். காரியங்களில் ஒழுங்கு முறை தேவை. இவைகளை வைத்து நம் வாழ்க்கையில் சமயோசிதமாக எப்படி நடந்து கொள்வது.? என பார்ப்போம்.

    வாழ்க்கையில் ஒன்றை விரும்பி பெற நினைப்பது ஆசை. அதில் தவறில்லை. அந்த ஒன்றை பெற முடியவில்லையே என்று ஏங்குவது,துக்கப்படுவதும் தவறு. இந்த வித்தியாசங்களை புரிந்து கொண்டாலே போதும் பெரும்பான்மையான பிரச்சனைகள் தீர்ந்துவிடும்.

    சரி..இது போன்ற கதைகளில் மடடும் தான் சமயோசித புத்தி பயன்படுத்தி பிரச்சனைகளுக்கு முடிவு கட்ட முடியும் என நினைக்க வேண்டாம்.

    நம் அன்றாட நிகழ்வுகளிலும் அதை கடைபிடிக்கலாம்.முதலில் சமயோசித புத்தி என்பது நம் அறிவை வெளிப்படுத்துதல் மட்டுமல்ல என்பதை புரிந்து கொள்ள வேண்டும். ஒருவருடன் மரியாதையாக பேசுவது, நடந்து காட்டுவது அவர்கள் நல்ல அபிப்ராயத்தை பெறுவதும் சமயோசித புத்தியின் அம்சங்கள்தான். அது எப்படி என்பதை பார்ப்போம்.

    வாழ்க்கையில் நாம் ஒன்றை பெற முடியவில்லையே என்று ஏக்கப்படுவதும், துக்கப்படுவதும் தவறு! இந்த வித்தியாசங்களை புரிந்து கொண்டாலே போதும் பெரும்பான்மையான பிரச்சனைகள் நமக்கு வராது. இதுவும் சநமயோசித புத்தியின் அம்சம் தான் மற்றொரு அம்சம்….மற்றவர்களுக்கு மரியாதை கொடுக்கும் முறை.

    உதாரணத்திற்கு..நடக்கும் போது நம்மும், இன்னொருவரும்; மோதி கொள்கிறோம் என்று வைத்துக் கொள்வோம்.அந்த சமயத்தில் அவர் யார்,எந்த ஊர் என்று அங்க அடையாளங்களை அளந்து விட்டு ஆற அமர முடிவெடுத்து கொண்ட பின்பு மோதலுக்கான தவறுக்கு மன்னிப்பு கேட்பதில்லை.

    மோதிய அடுத்த நிமிடம் “சாரி” என்று யார் மீது தப்பு இருந்தாலும் மன்னிப்பு கேட்கும் விதமாக நடந்து கொள்வதால் அங்கு எதிரில் மோதியவருக்கு எந்த விதத்தில் அடியே பட்டிருந்தாலும் நாம் அவரை தூக்கிவிட்டு ஆறுதலாக சிதறிய பொருட்கள் இருந்தால் எடுத்துக் கொடுத்து பாருங்கள்.இடித்த கோபமும்,அடிபட்ட வேதனையும் மறந்து விட வாய்ப்புண்டல்லவா? அதனால் அடுத்த கட்ட பிரச்சனைகள் தவிர்க்கப்படுகிறதல்லவா? இங்கு ஒருவர் மீது குறை கூறி பகை வளர்த்தால்,அறிமுகமில்லாதவர்கள் கூட உடனடி பகையாகி விடுவார்கள்.

    இதுவும் சமயோசிதமான புத்திசாலித் தனம்தான்.

    “முடிவெடுத்தல் இறையருள் பங்கு”

    ஒரு சில விஷயங்களில் எவ்வளவுதான் நாம் நம் அறிவைக் கொண்டு முடிவு எடுத்தாலும் உண்மையிலே சரியானதை தீர்மானம் செய்து முடிவு எடுக்க இறையருள் தேவை.

    எதிர் கால சூழ்நிலை அறிவியல் துணையோடு சரியாக சென்று கொண்டிருக்கும் நாம் சில சமயங்களில் முடிவுகள் மாறும் போது நம்பிக்கை இழந்து போவது இயல்பு தான். உதாரணத்திற்கு..

    எனது நண்பரின் சகோதரருக்கு உடல் நிலை பாதிப்பு ஏற்பட்டு மருத்துவ பரிசோதனை செய்தார்.ஒன்றுமில்லை சரியாகி விடும் உடலில் எந்த பிரச்சனையும் இல்லை என்றதும், அனைவருக்கும் திருப்தி தந்ததது. ஆனால் அடுத்த நாளே அவர் “ஹார்ட் அட்டாக்”கில் இறந்துவிட்டார்.

    “அறிவியலை மிஞ்சியது,ஆண்டவனின் முடிவு” என்பார்கள்.அதே போல் சமீபத்தில் அதிபுத்திசாலியான மாணவி அனிதா தனக்கு மருத்துவ துறையில் இடம் கிடைக்கவில்லை என்று உயிரை மாய்த்து கொண்டு பெரும் பரபரப்பை ஏற்படுத்திவிட்டு சென்றார் .அதைத் தொடர்ந்து கந்து வட்டி கொடுமைக்கு ஆளான குடும்பங்களின் முடிவுகள் எல்லாம் அறிவை சார்ந்து கூட மாறவில்லையே! இங்கே அவர்களுக்குள் ஏற்கனவே எடுத்து வைத்திருந்த முடிவுகள் என்னவானது? முடிவுகளின் மாற்றத்தின் மனித வாழ்க்கையே மாறி விடுகிறதல்லவா..?

    தடம்மாறும் மாற்றங்களுக்கு…தடும் மாறும் தன்னம்பிக்கைதான்..காரணம் என்பதை  புரிந்துகொண்டால்…எடுக்கும் எந்த முடிவுகளிலும்,; ஒரு நல்ல ஆரம்பம் நமக்குள் முடிவாகும்.

    இந்த இதழை மேலும்

    பஞ்சாங்கம் பார்ப்பது எப்படி

    ஒவ்வொரு வருடமும் தமிழ் புத்தாண்டை ஒட்டி சித்திரை 1 முதல் பங்குனி 31 வரை பன்னிரெண்டு மாதங்களுக்கும் தினசரி பஞ்சாங்கம் வெளியிடப்படுகின்றது. திருக்கணித முறை, வாக்கிய பஞ்சாங்கங்கள் என இரண்டு முறையில் பஞ்சாங்கங்கள் அச்சிடப்படுகின்றன. இவைகளில் நட்சத்திரங்கள், திதி சில நாழிகைகள் வேறுபடும். பொதுவாக எல்லா பஞ்சாங்கங்களிலும் தெலுங்கு, தமிழ், மலையாளம் ஆங்கிலம் தேதிகள் ,மாதங்கள், குறிப்பிட்டிருக்கும். வாரம், திதி, நட்சத்திரம்,யோகம்,கரணம் என ஐந்து அங்கங்களையும் தினசரி பார்த்து வருவது  படிப்பது ஆகும். இவை எவ்வளவு நாழிகை, மணி நிமிஷங்கள் என நட்சத்திர தியாஜ்யம் எவ்வளவு நாழிகை என குறிப்பிட்டிருக்கும். ஒவ்வொரு நாளிலும்  நேத்திரம், ஜீவன் விபரம் இருக்கும். அந்த நாளில் பார்வை, ஜீவன் இருந்தால் நல்லது என அறியலாம். அமிர்தாதி யோகம், ராசி இருப்பு, விவாக சக்கரம்,வார சூலை, யோகினி, திருக்கணித ஸ்ரார்த்த திதி,வாக்கிய சிரார்த்த திதி ஒவ்வொரு நாளுக்கும் குறிப்பிட்டு இருக்கும். அந்த நாளுக்கு வாரத்திற்கு உண்டான விரதாதி முக்கிய விஷேஷங்கள் குறிப்பிட்டிருக்கும். அந்த மாதத்திற்கு உண்டான ராசி சக்கரம், கோள்கள் நிலை, மாற்றம் ஆகும். ராசி தேதி விபரம் இருக்கும். எனவே ஒரு தேதி, நாளில்  தேவைபடும் விபரங்கள் ஒரே பக்கத்தில் இருக்கும். மாதம் தினம் வாரியாக ஒன்பது கோள்கள் இருக்கும் நட்சத்திரம் ஸ்புடம்,பாகை பரலுடன் இதை தொடரும்.

    ஒவ்வொரு நாளுக்கும் உண்டான ராசி சக்கரம். கிரக நிலை, லக்கினம் முடிவு நேரம் ,மாத வாரியாக தெரிவித்து இருப்பார்கள். இதை வைத்து குழந்தை பிறந்த நேரத்தை கொண்டு, ஜனன லக்கினம் அல்லது திருமணம், கிரஹப்பிரவேசம் போன்ற விஷேஷங்களுக்கு லக்கினம் நாமே தெரிந்து கொள்ள இயலும். பல ஊர்களுக்கும் உள்ள லக்கினத்தை அறிய கூட்டல், கழித்தல் செய்ய உள்ள நிமிட விபரமும் அட்டவணையில் தரப்பட்டிருக்கும். நட்சத்திர விபரங்கள், செவ்வாய் தோஷம் விபரங்கள், பத்து வித திருமண பொருத்தங்களும் விரிவாக சொல்லி இருப்பார்கள். நமது நட்சத்திரம், அந்த தேதியில் நட்சத்திரம், அதற்கேற்ப வரும் தார பலன் அட்டவணை இருக்கும். 2,4,6,8,9, ல் தார பலம் வந்தால் நல்லது. கடன் கொடுக்க கூடாத,பயணம், அறுவை சிகிச்சை  செய்ய கூடாத நட்சத்திரங்கள். விபரமும் இருக்கும்.

    ஒவ்வொரு நட்சத்திரம், திதி,லக்கினம் செய்யக்கூடிய சுப காரியம் இதர விஷயங்கள் பற்றிய அட்டவனை இருக்கும். 27 நட்சத்திரங்களில் செய்யக்கூடிய சுப காரியங்கள் விபரமும் தொகுத்து வழங்கி இருப்பர். இறந்தால் தோஷம் உள்ள நட்ச்த்திரங்கள், அவிட்டம், சதயம், பூரட்டாதி, உத்திரட்டாதி, ரேவதி, ரோகிணி, கிருத்திகை, உத்திரம், சித்திரை, புனர்பூசம், விசாகம், உத்திராடம் ஆகும். அந்த நட்சத்திரங்களில் யாரேனும் இறந்தால்,குறிப்பிட்ட காலம் தனிஷ்டாபஞ்சமி ஆகும். இறந்தவர்கள் இருந்த வீடு அறை அல்லது உடைமைகள் குறிப்பிட்ட காலம் மூடி இருக்க வேண்டும்.

    கோச்சார பலன்கள்  அறியும் விதம் கூறப்பட்டிருக்கும். ஒருவருடைய சாதகத்தில் சந்திரன் இருக்கும் ஜன்ம ராசியில் இருந்து கோச்சார கோள் இருக்கும் ராசி வரை எண்ணி கீழ்க்கண்டவாறு பலன் அறியலாம். சூரியன்-1. நோய்; 2. கவலை; 3. நன்மை; 4. விரோதம்; 5. நோய்; 6. பொருள் வரவு. ;7. அலைச்சல்; 8. சரீர பீடை; 9. அச்சம்; 10.11. சந்தோஷம். 12. விரயம். சந்திரன்-; 1.உடல் பலம் ;2.தன விரயம்; 3.திரவிய லாபம் ;4;வியாதி; 5.காரிய பங்கம்; 6.மகிழ்ச்சி; 7. சுகம்;8.  ரோகம்; 9.காரிய தாமதம் .10.சந்தோஷம் 11.காரிய வெற்றி. 12;தன விரயம்; செவ்வாய், சனி,ராகு,கேது; 1.மந்தம். 2.வியாதி; 3.தன லாபம்; 4.பந்து விரோதம் 5.பல சேதம்; 6.லக்ஷ்மி கடாட்சம்; 7.சிறை பயம், கலகம் 8.மரண பயம்; 9.காரிய நாசம்; 10.பயம், பண விரயம். 11.தன லாபம் 12.வியாதி-சிலவு. புதன்; 1.பயணம்; 2.நன்மை; 3.புத்தி குறைவு .4.பக்தி,சரீர பீடை.5.அவமானம், 6.திரவிய லாபம்.7. சுகம்ஸ்த்ரீ சேர்க்கை. 8.மரணபயம் 9.வஸ்திர லாபம் ;10.பயணம்,வீடு/பதவி மாற்றம். 11.பொன் சேர்க்கை 12.திரவிய நாசம்வியாதி குரு;1,மரண பயம்,பொருள் சேதம்; 2.பண வரவு;3.வியாதி,கஷ்டம். 4.சினேக விரதம்; 5.திரவிய லாபம். 6.துயரம். 7.ஸ்த்ரீ சங்கமம், சுகம் 8.மரண பயம்;9.வஸ்த்திர சம்பத்து ;10.இடப்பெயர்ச்சி ,பயணம். 11.பொன்/வஸ்த்திர லாபம்.12.வியாதி;திரவிய நாசம். சுக்கிரன்;1.தன லாபம்.2.லக்ஷ்மி கடாட்சம்.3.சௌக்கியம்.4,பந்து விஜயம். 5.திரவிய லாபம் ;6.மன கவலை,7.வியாதி.8.பிரியம்,உடல் சுகம் 9.திரவியம் வரவு .10.பொருல் அழிவு. 11.சுக போஜனம் 12.சுகம்.லாபம்.

    21 மஹா தோஷங்கள், அவை நீங்க பரிகாரங்களும் விபரமாக இருக்கும். சொப்பன பலன் கள்,கோர்ட் விஷயங்களில் வெற்றி பெற, ருது கால பலன்,ருது நட்ச்த்திரம்/திதி பலங்கள்,கால சக்கிர திசை, தசா புக்தி ,அந்தரம் காலங்கள்,வாஸ்து சாஸ்திரம்,மனையடி சாஸ்திரம் என தெளிவாக எல்லா விபரங்களும் இருக்கும். வாஸ்து புருஷன் நித்திரை விடும் கால அளவு தெளிவாக குறிப்பிட்டு இருக்கும். சித்திரை 10 தேதி-5 நாழிகை; வைகாசி-21தேதி-8 நாழிகை ஆடி 11தேதி-2 நாழிகை;ஆவணி 6தேதி-21 நாழிகை;ஐப்பசி 11தேதி-2 நாழிகை;கார்த்திகை 8தேதி-10 நாழிகை;தை 12 தேதி-8 நாழிகை;மாசி-22 தேதி-8 நாழிகை;இந்த நாட்களில் 3 தீ நாழிகை கண் விழித்து இருப்பார். கடைசி 1 1/2 நாழிகையில் மனை கட்ட  ஈசானிய மூலையில் பாலக்கால் பூஜை போடுவது நல்லது. .வாஸ்த்து நாள் சனி,செவ்வாய்  என்றாலும், ராகு காலம் யமகண்டம் என்றாலும் பிற்பகல் என்றாலும் பாதகம் இல்லை. மனை கட்டும் பணி தங்கு தடையின்றி நடை பெற வாஸ்து பகவான் அருள் புரிவார். பல்லி விழும் பலன்,பத்து திக்கில் பல்லி சொல்லும் பலன்,சுப ஹோரை கௌரி பஞ்சாங்கம்,ராகு,எமகண்ட குளிர்காதி காலங்கள், கிரஹங்கள் உச்ச,நீச்ச,மித்த்ரு ராசிகளின் அட்டவனையும் இருக்கும்.

    பஞ்சாங்கம் ஆரம்பித்திலேயே  நவநாயகர்கள் பலன் கள்,மழை  அளவு,மழை தேதி விபரம்,தை அமாவாசை பலன் கள்,ராசி ஆதாய விபரம்,குரு,ராகு-கேது சனி பெயர்ச்சி விபரம்,வக்கிர அஸ்தமன  விபரம்,நட்சத்திர கந்தாய பலன் கள்,சூரிய,சந்திர கிரஹணம் விபரம் கிரஹண தோஷ பரிஹாரம்,தங்கம்,வெள்ளி எதிர்கால விலை நிலவரம் போட்டிருப்பார்கள்.நடப்பு தமிழ் ஆண்டிற்கான, அமாவாசை சந்திர தரிசனம்,பௌர்னமி,மாத சதுர்த்தி,சங்கடஹர சதுர்த்தி, சுக்கிலபட்சம் சதுர்த்தி, சஷ்டி, ஏகாதசி,, பிரதோஷம்,,சிவ ராத்திரி கிருத்திகை, ஸ்ரவண விரதங்கள் அட்டவனை இட்டிருப்பார்கள். மாத வாரியாக நடப்பு தமிழ் ஆண்டு பலன் கள் ராசி சக்கிர அட்டவனை படுத்தியிருப்பார்கள்.கிரஹ சஞ்சாரங்களின் படி சகல ராசிகளுக்கும் ராசி பலன் கள் வழங்கப்பட்டிருக்கும்.நடப்பு ஆண்டிற்கானசுப முகூர்த்தங்கள்,அடுத்த ஆண்டிற்கான சுப முகூர்த்தங்கள் விபர அட்டவனை இருக்கும்.

    மாடு வாங்க ,ஏர் உழவு செய்ய, எருவிட, விதை விதைக்க உள்ள நல்ல தேதிகளும் கொண்ட அட்டவனை இருக்கும். பொன் ஏர் கட்ட உள்ள சுப நாட்கள் விபரம் இருக்கும். நட்சத்திரங்களின் மேல் னோக்கு, கீழ் நோக்கு,சம நோக்கு நாள் விபரங்களும் இருக்கும்.. பஞ்சாங்கம் ஒரு பொக்கிஷம் ஆகும். அனைத்து விஷயங்களும் இதில் இருப்பதால் ஒவ்வொரு வீட்டிலும் பஞ்சாங்கம் அவசியம் வைத்து இருக்க வேண்டும்.

    இந்த இதழை மேலும்

    நாளும் விதையுங்கள் நம்பிக்கையை

    ஓ! இளைஞர்களே, நீங்கள் தன்னம்பிக்கையை நாளும் விதையுங்கள். அந்தத் தன்னம்பிக்கை உங்கள் வாழ்வில் புதுமையை மட்டுமல்ல, பசுமையான வாழ்க்கையை நல்கும்; ஒளிந்துகொண்டு வாழ்வதல்ல வாழ்க்கை, விழித்துக் கொண்டு வெல்வதே வாழ்க்கை.

    இளைஞர்களே, நீங்கள் ஒன்று நன்றாக தெரிந்து கொள்ள வேண்டும். தன்னம்பிக்கை என்பது உங்களிடம் வளர்ந்துள்ள களைகளைப் பிடுங்கி, தூக்கி எறியப்பட்டுவிடும்.

    அந்தக் களைகள் தான் இல்லாமை, இயலாமை, வெல்லாமை என்னும் ஆமைகள் மனந்தளராமையிடம் தோற்றுவிடுகின்றன.

    நல்வாய்ப்புகளைத் தவற விடுபவன் தன் வாழ்க்கையைப் புரிந்து கொள்ளாதவன். உன்னைத் தேடி வருகிற நல்வாய்ப்பை நாளும் பயன்படுத்திக் கொள்ள வேண்டும்.

    நம்பிக்கையே வாழ்வின் வழி. அவநம்பிக்கையே வாழ்வின் வலி! என்பதை அறிந்து புரிந்து கொள்ள வேண்டும்.

    இளைஞனே, மனம் ஆர்ப்பரித்தால், நிம்மதியைத் தொலைத்துவிடும். அமைதியான மனமே சாதிக்கும். இதனை என்றுமே நீ மறந்துவிடக் கூடாது.

    வரும் நல்ல வாய்ப்புக்களை வரவேற்கத் தெரியாதவன், தன் வாழ்க்கையில் தோல்விகளோடே தேங்கிப் போகிறான். இதற்கொரு நல்ல பழமொழி ஒன்று உண்டு. அதுதான்,

    “காற்றுள்ள போதே தூற்றிக் கொள்”

    என்பதாகும்.

    உங்களின் கனவுகள் எல்லாம் நனவுகள் ஆகும். எப்போது தெரியுமா?

    கனவுகள் கருகிவிடாது

    நம் நம்பிக்கைகள்

    நொறுங்கிடாத வரையில்…!

    நம்பிக்கையும், தன்னம்பிக்கையும் தான் வாழ்வில் ஏணிகள். அதுவே வாழ்க்கையின் தோணிகள் ஆகும்.

    வெற்றிக்கான காலத்தை யாராலும் எளிதில் முடிவு செய்ய முடியாது. ஏனென்றால் வெற்றியின் வடிவங்கள் மனிதருக்கு மனிதர் மாறுபடுகிறது. இந்த நேரத்தில் நாம் ஒன்றை மறந்துவிடக் கூடாது.

    “முழு ஈடுபாட்டோடு கூடிய முயற்சியே வாழ்வின் புதிய விடியலுக்கான துவக்கம்” என்பதை புரிந்து கொள்ள வேண்டும்.

    நம்மைப்பற்றி நாமே தாழ்வாக எண்ணிக்கொண்டால், நமது வாழ்க்கையின் வளர்ச்சியும், வளமும் குன்றும்.

    லட்சியத் தீப்பந்தம் கைக்கொண்டு ஓடுபவர்கள், பிரச்சனை சூறாவளிகளைக் கடந்த பின்னரே, வெற்றி எனும் ஒளிவிளக்கை ஏற்ற முடிகிறது.

    உங்கள் வாழ்க்கையில் தோன்றும் சறுக்கல், தோல்விகள், சோதனைகள் உங்களின் முன்னேற்றத்தைத் தடுத்துவிடாமல் பார்த்துக் கொள்ளுங்கள்.

    வெற்றிக்கும், குறிக்கோளுக்கும் உள்ள இடைவெளியை உழைப்பால் நிரப்ப, நாம் பழகிக் கொள்வோம்.

    வாழ்க்கையில், ஒவ்வொரு வெற்றியும், தோல்விகளைப் பின் தொடர்ந்து வந்தே, உழைப்பின் விலாசத்தைக் கண்டு கொள்கின்றன.

    எந்தவொரு பணியைச் செய்தாலும் ஆர்வத்தைக் காட்டி, ஆர்வத்தோடு அதை அரவணைத்திட வேண்டும்.

    ஆர்வம் வளர்ச்சியைத் தரும்

    கர்வம் வீழ்ச்சியைத் தரும்

    எனும் வைர வரிகளை மறந்துவிடக் கூடாது.

    உழைப்பால் உயர்ந்து செல்வம், பதவி இவைகள் தேடி வருகிறபோது, கர்வம் கொள்ளக் கூடாது. அது உடனே வீழ்ச்சியைத் தந்துவிடும். அதனால் இத்தனை நாள் ஈட்டிவைத்த நல்லவைகள் அத்தனையும் விரயமாகி, வீணாகிவிடும்.

    தன்னம்பிக்கை, விடாமுயற்சி, கடும் உழைப்பு இவைகளை எல்லாம் துடுப்பாக்கிக் கொண்டால், நம் வாழ்க்கை என்றென்றும் வசந்தம் தானே!

    இளைஞர்களே, நீங்கள் என்றுமே…

    “நிமிர்ந்து நில்லுங்கள்

    நிலவே உங்கள்

    நெற்றிப் பொட்டாகும்”

    கடந்த காலச் செருப்புகளைக் கழற்றி எரிந்துவிட்டு, எதிர்காலத்திற்கான இறகுகளைச் சேகரியுங்கள். உங்களின் வெற்றி உலாவிற்கென வானங்களின் விதானங்களே விரிவு அடையும்.

    நடந்தவற்றையும், கடந்தவற்றையும் கட்டி மூட்டைகளாகப் போட்டுவிட்டு உங்கள் முகவரியை உலகிற்கு அறிவிக்கும் வழியினைத் தேடுங்கள்.

    ஒவ்வொருவருடைய வெற்றிக்கும் அடிப்படையானது அர்ப்பணிப்பு மற்றும் தன்னம்பிக்கை மட்டுமே.

    உண்மையாய் உழைப்போம்

    உழைத்து உயர்வோம்

    உயர்ந்து உயர்விப்போம்!

    இன்பமும், துன்பமும் தொடர்கதை. அனுபவங்கள் ஒவ்வொன்றும் ஒருவிதம். உழைப்புக்கும், விடாமுயற்சிக்கும் என்றுமே தோல்வி கிடையாது.

    தோல்வி என்பது வெற்றிக்கான படிக்கற்கள் பட்டுத் தெளிந்து, அறிந்து, புரிந்து, பலப்படிகள் கடந்து, பயனுள்ளவர்களாக வாழ்ந்து, வளர்ந்து, வழிகாட்டியாய் இருந்து வெற்றி வாகை சூடுங்கள் இளைஞர்களே…

    இந்த இதழை மேலும்

    பல் பராமரிப்பு

    பல் போனால் சொல் போகும் என்பார்கள். அப்படிப்பட்ட பற்களைக் குழந்தை பருவத்தில் இருந்தே  முறையாகப் பராமரிக்க வேண்டும்.

    குழந்தை பிறந்தவுடன், ஆறு மாதங்கள் கழிந்த நிலையில், பால் பற்கள் எனப்படும் தற்காலிக பற்கள் (Milk tooth or temporary tooth) வளர ஆரம்பிக்கும். இரண்டரை யிலிருந்து மூன்று வயதிற்குள் கிட்டத்தட்ட எல்லா பற்களுமே வளர்ந்திருக்கும். அந்த வயதில் தான் அம்மாக்கள் மிகவும் கவனமாக இருக்க வேண்டும்.

    பொதுவாக இந்தப் பருவத்தில் புட்டிப்பால் கொடுக்கும் அம்மாக்கள், பால் பாட்டிலைக் குழந்தையின் வாயில் வைத்தபடியே தூங்கச் செய்து விடுவார்கள். இதனால் குழந்தைகளின் பற்களில் அந்தப் பால் படிந்து விடும். எப்போதும் நம் வாயில் நிரந்தரமாக இருக்கும் ஸ்டிரெப்டோகாகாஸ் (Streptococcus) எனப்படும் பாக்டீரியாக்கள், பற்களில் படிந்திருக்கும் அந்தப் பாலோடு வினைபுரிந்து கேரிஸ் (Caries) எனப்படும் பற்சொத்தையை ஏற்படுத்தும். இதனை நர்சிங் பாட்டில் கேரீஸ் (Nursing bottle caries) என்று அழைக்கிறோம்.

    குழந்தைகளுக்கு இப்படிப்பட்ட தொந்தரவு ஏற்படாமல் இருக்க பால் குடித்த உடனே கொஞ்சம் தண்ணீர் கொடுத்து குடிக்க வைக்க வேண்டும்.

    பால் பற்களின் முக்கியத்துவம்

    • நிரந்தரப் பற்கள் முறையாக முளைக்க பால் பற்கள் முன்னோடியாக திகழ்கின்றன.
    • ஆரோக்கியமான பால் பற்களைக் கொண்ட குழந்தைகள் முறையாக உணவு உட்கொள்ளவும், வார்த்தைகளைச் சரியாக உச்சரிக்கவும் செய்கின்றனர்.
    • ஆரோக்கியமான பற்களை உடைய முகம் மற்றும் வாய் குழந்தைகளுக்கு உத்வேகம் கொடுக்கும்.
    • முறையான தடுப்பு முறைகளினால், பற்களின் பராமரிப்புக்கான மருத்துவ செலவுகள் குறையும்.

    பற்கள் முளைப்பதனால் வரும் பிரச்சனைகள்

    • 6000 குழந்தைகளில் ஒரு குழந்தைக்கு பிறப்பின் போதே பற்கள் இருக்க வாய்ப்புண்டு. இவற்றை (Natal tooth) என்று அழைக்கின்றனர். இவை உறுதியாக இல்லையென்றாலோ அல்லது தாய்ப்பால் ஊட்டுவதற்கு தொந்தரவாக இருந்தாலோ அவற்றை நீக்கி விடலாம்.
    • தைராய்டு சுரப்பி குறைபாடு மற்றும் (மந்த புத்தி நோய்) ஆகியவற்றில் பற்கள் முளைக்கக் கூடுதல் தாமதமாகலாம்.
    • பிறவிக் குறைபாட்டின் காரணமாக ஒரு சில பற்கள் முழுமையாக முளைக்காமல் போகலாம். இந்த வகையில் குடும்பத்தில் பலருக்கும் இப்பிரச்சனை இருக்கக் கூடும்.

    பற்சிதைவு ஏற்பட காரணம்

    • ஸ்ட்ரொப்டோகாகெஸ் மியுட்டன்ஸ் எனப்படும் கிருமிதொற்று நோய்
    • பற்சிதைவு ஏற்படுத்தும் உணவு பொருட்கள் – சர்க்கரையால் தயாரிக்கப்படும் உணவுகள் மற்றும் குளிர் பானங்கள்
    • தாதுப் பொருட்களின் அளவு வேகமாகக் குறைவ தாலும், மற்றும் எனாமல் எனப்படும் பற்களின் மேற்பரப்பில் துளை விழுவதாலும் பற்சிதைவு ஏற்படலாம்.

    பற்சிதைவைத் தடுக்க பெற்றோர்கள் செய்ய வேண்டியவை

    குழந்தைகளைப் பால் புட்டியை சப்பிக் கொண்டபடி தூங்க வைத்தல் கூடாது.

    குழந்தையின் ஒரு வயது முடிவதற்குள் டம்ளர் அல்லது உறிஞ்சான் (நண்ல்ல்ங்ழ்) மூலம் குடிக்கும் பழக்கத்தைக் கொண்டு வர வேண்டும்.

    பால் கொடுத்தவுடன் குழந்தையின் ஈறுகளைத் துடைத்து விட வேண்டும்.

    முதற் பால் பல் முளைத்தவுடன் குழந்தைக்கு பல் துலக்க ஆரம்பிக்க வேண்டும்.

    குழந்தைகளின் பற்களின் நலனை கண்காணிக்க வேண்டும்.

    இளம் குழந்தைகளுக்கு

    பற்கள் முளைக்கும் முன்பே தாய்ப்பால் கொடுத்த பின்பு ஈறுகளைத் துடைத்து விடவேண்டும்.

    முதற்பல் முளைத்தவுடன் பல் துலக்குவதைத் தொடங்க வேண்டும்.

    பற்பசை உபயோகப்படுத்தினால் ஃபுளுரைட் (fluoride) இல்லாத பற்பசையை உபயோகப்படுத்த வேண்டும்.

    II) குறுநடை குழந்தைகளுக்கு (Toddlers)

    குழந்தைகளின் பற்களை குறைந்தபட்சம் 30 வினாடிகளுக்கு துலக்க வேண்டும். தினம் இரண்டு முறை பல் துலக்குவது நன்று. ஃப்ளூரைட் உடைய பற்பசையை 2 அல்லது 3 வயதில் சிறிதளவு பல்துலக்க உபயோகிக்கலாம்.

    III) பாலகர்களுக்கு (Preschool Children)

    பெற்றோர்கள் பல் துலக்கும்போதே குழந்தைகளையும் பல்துலக்கப் பழக்கவேண்டும். பல் துலக்குவதின் நன்மைகளை எடுத்து கூறலாம். ஓவ்வொரு முறை குழந்தை பல் துலக்கியவுடன், பாராட்டி, ஊக்கமளிக்க வேண்டும்.

    IV) பள்ளி பருவத்தினர்க்கு (School Age)

    குழந்தை 7 வயதை அடையும்போது, தன்னால் சுயமாகப் பல்துலக்கப் பழகிவிடும். ஓவ்வொரு முறையும், இரண்டு நிமிடத்துக்குப் பல் துலக்கச் செய்ய வேண்டும்.

    பற்களில் பற்சிதைவு, உணவு பொருட்களின் மீதி ஏதாவது இருக்கிறதா என்று கண்காணிக்க வேண்டும்.

    பற்களுக்கு ஏற்படும் காயம்

    பற்களில் அடிபடுவதால், நீண்ட கால பிரச்சனைகள் வரலாம். பற்களின் நிறம் மாறுதல், தவறான முறையில் அமைதல் மற்றும் பற்களை இழத்தல் போன்றவை ஏற்படலாம். பற்களில் ஏற்படும் காயம் –

    பெற்றோர்கள் செய்ய வேண்டியவை

    வாயைச் சுத்தமான நீரினால் சுத்தம் செய்ய வேண்டும்.

    வாயினுள்ளே நாக்கிலோ, ஈறு அமைந்துள்ள பகுதியிலோ ஏதேனும் காயம் இருக்கிறதா என்று பார்க்க வேண்டும்.

    நிரந்தர பல் அடிபட்டு விழுந்துவிட்டால்-  அதைச் சுத்தம் செய்த பின் ஒரு டம்ளர் நீரிலோ அல்லது பாலிலோ வைத்து உடனடியாக பல் மருத்துவரை அணுகவும். மீண்டும் அப்பல்லைப் பொறுத்த வாய்ப்புகள் உண்டு.

    அமைதி காத்தல் மிகவும் முக்கியம்.

    பல் மருத்துவரை அணுக வேண்டிய சூழ்நிலைகள்

    முன் வரிசைப் பற்கள் வெளிப்புறம் நீண்டு இருத்தல்

    முன் வரிசைப் பற்கள் கீழ் வரிசை பற்களை அதிகமாக மறைத்து இருத்தல்

    முன் வரிசைப் பற்கள் கீழ் வரிசையின் பின் இருத்தல்

    மேல் வரிசை, மற்றும் கீழ் வரிசை பற்களுக்கிடையே நாக்கு இருத்தல்

    அதிகப் பற்கள் குழுமி இருத்தல்

    இவைகளில் ஏதேனும் அறிகுறி இருந்தால் பல் மருத்துவரை அணுகுவது நல்லது.

    இந்த இதழை மேலும்

    தன்னம்பிக்கையுடன் செயல்படும் மண்பாண்டத்தொழிலாளர்கள்

    தமிழகத்தில் அந்நிய நாட்டு கலாச்சாரம் நுழைந்தாலும் இன்றும் பாரம்பரியமிக்க சுவடுகளாக பல கிராம மக்கள் கடைப்பிடித்து வருகின்றனர். மாறிவரும் கலாச்சாரத்தால் மண்பாண்டத்தொழில் மண்ணோடு மண்ணாகி வருகிறது. தேனி மாவட்டத்தில் புல்லக்காபட்டி, கள்ளிப்பட்டி, ஜி.கல்லுப்பட்டி உள்பட பல இடங்களில் நூற்றுக்கணக்கான குடும்பங்கள் இந்தத்தொழிலை செய்து வந்தனர். மண்பானை, மண்ணால் ஆன குதிர், மண்சட்டி, மண்அடுப்பு, மண் கலயம், கார்த்திகை சுட்டி, கோயில்களில் மண்சுட்டிகளில் திரிஏற்றுதல், கோயில் திருவிழாக்களில் தீச்சட்டி எடுத்தல், முளைப்பாரி எடுத்தல்  என மண்ணால் செய்யப்பட்ட பொருள்களையே நமது முன்னோர்கள் பயன்படுத்தி வந்தார்கள். தற்பொழுது மனிதனுக்கு கேடுவிளைவிக்கும் பிளாஸ்டிக் பொருட்கள், சைனா களிமண்ணால் உருவாக்கப்பட்ட பொருட்கள், பிளாஸ் ஆப் பாரீஸ், செயற்கை மண்கள் வருகையால் பாரம்பரிய மண்பாண்டத்தொழில் நாளுக்கு நாள் நலிவடைந்து வருகிறது. இதனால் உபயோகப்படுத்துபவர்கள் எண்ணிக்கை குறைந்ததால் தங்களது வயிற்றுப்பிழைப்பிற்காக மாற்றுத்தொழிலுக்கு மாறிவிட்டனர். ஒரு சிலர் மட்டும் தங்களது பாரம்பரிய தொழிலை செய்துவருகின்றனர். இத்தொழில் அடுத்த தலைமுறைக்கு கற்றுக்கொடுக்கவோ அல்லது அதனைப்பற்றி தெரிந்து கொள்ளவோ தற்கால இளைஞர்களுக்கு ஆர்வம் இல்லை.  மண்பொருட்களை கையாளுவதில் பொறுமை மிகவும் அவசியம். தற்பொழுது விஞ்ஞான யுகத்தில் பொறுமை இல்லை. இதனால் மண்பானைக்கு வேலை இல்லை.

    குளங்களில் உள்ள மண்களை எடுத்து வந்து அதனைப் பக்குவதாக பிசைந்து இத்தொழிலை செய்கின்றனர். ஒரு சக்கரத்தை மட்டும் மூலதனமாக்கி தங்களுடைய நுண்ணிய பார்வையால் மண்பாண்டங்களை செய்கின்றனர். சக்கரம் சுற்றச் சுற்ற களிமண்ணைத் தடவிக்கொடுத்தபடியே அதே வேளையில் களிமண்ணின் மேல்பக்கம் லேசாக அழுத்தம் கொடுக்க, குழி விழுகிறது. அதை அப்படியே இன்னும் கொஞ்சம் பெரிதாக்கி அதனுள்ளேயே விரல்களால் தடவியபடியெ மண்பாண்டங்களை செய்கிறார்கள். இடையிடையே விரல்களில் சிறிது தண்ணீர் தொட்டுக்கொண்டு சிறிதும் கவனம்; மாறாமல் ஒரே சிந்தனையுடன் பானையை செய்கிறார்கள். அதன் பின்னர் கட்டை விரலால் அழுத்தம் கொடுத்து கழுத்துப்பகுதியை உருவாக்குகிறார்கள். விரல் நுனியால் லேசாகக் கீறி கழுத்துப்பகுதியின் கீழே கோடு வரைந்து பானையின் வாய்ப்பகுதியை உருவாக்குகிறார்கள். சாதாரண களிமண் நொடி நேரத்தில் சக்கரம் சுற்றி பானையாக எடுக்கிறார்கள். அதன் பின்பு அதனை வெயிலில் காயவைத்து எடுக்கிறார்கள். அதன் பின்னர் செம்மண் கரைத்துப் பசி மீண்டும் காயவைக்கிறார்கள். பானைகளின் மீது சொரசொரப்பான அட்டையால் தேய்த்து மிருதுத்தன்மையை உருவாக்கி அதன் பின்னர் சுட்டெடுக்கிறார்கள். இவ்வாறு கஷ்டப்பட்டு திருமணச்சடங்குகளுக்கும், கோயில் விழாக்களுக்கு மட்டுமே பயன்படுத்துகிறார்கள். இவ்வாறு தயார் செய்யப்பட்ட மண்பாண்டங்களை கூட்டுவண்டியில் கட்டி சந்தை சந்தையாக எடுத்துச்சென்று விற்பனை செய்துவந்தனர். தற்பொழுது கூட்டுவண்டியும் இல்லை.  சந்தையும் இல்லை.  அதன் பின்னர் கால ஓட்டத்தில் மண்பானையை பித்தளை, எவர்சில்வர் அதன் பின்னர் குக்கர் என பரிணாம வளர்ச்சி அடைந்த பின்னர் பொங்கலுக்கு மட்டுமே மண்பானையை தேடும் நிலை ஏற்பட்டுள்ளது.

    திருவிழாவும் மண்பாண்டத்தொழிலும்

    வயல்கள், ஓடைகள், சலசலக்கும் அருவிகள், பறவைகளின் ஒலிகள், வண்டுகளின் ரிங்காரங்கள், மண்சட்டிகள், மண்பானைகள் மட்டுமே சிற்றூர்களின் அடையாளப்பொருளாகிவிட்டன. ஆண்டுக்கு ஒருமுறை உறவினர்களுடன் கூடுதல், ஆடல், பாடல், கூடி உண்ணுதல் என்ற சமூக அசைவுகளில் ஒன்றான திருவிழா இன்றும் மறக்கடிக்கப்படாமல் வாழ்ந்து வருகிறது.

    விவசாயிகளின் ஆடிபட்டம் தேடி விதை என்ற பழமொழிக்கேற்ப ஆடிமாதத்தில் ஆரம்பிக்கப்படும் விவசாயப் பணிகள் தை மாதம் வரை தொடர்வதால் கிராமப்புறங்களில் பெரும் விழாக்கள் தவிர்க்கப்படுகின்றன. சிறிய கிராமங்களில் எத்தனையோ விழாக்கள் எடுத்தாலும் குறிப்பாக புரவி எடுக்கும் விழா இன்றும் பின்பற்றப்படுகிறது. பண்டைய காலத்தில் குறிஞ்சி, முல்லை, மருதம், நெய்தல், பாலை என ஐவகை நிலங்களைப் பிரித்துக்கொண்ட மனிதன் விவசாயத்தை கருத்தில்கொண்டு ஏரி,குளம், கண்மாய்கள் போன்றவற்றில் நீர்களைத்தேக்கி வைக்கும் முறையைக் கற்றுக்கொண்டான். இந்த நீர் நிலைகளுக்கு அருகாமையில் குளம், ஏரிக்கண்மாயில் சிறிய அளவில் கோவில் கட்டி வழிபடுகின்ற தெய்வமே அய்யனார். சில ஊர்களின் நுழைவு வாயிலிலும் அய்யனார் கோயில் இருக்கும்.

    அய்யனார் பவுத்த தெய்வம் என்றும், ஆசிவக மதத்தின் தெய்வமென்றும் ஐயப்பனே அய்யனார் என்றும் ஆய்வாளர்களால் கருதப்படுகின்றது. அய்யன்; என்ற சொல் தலைவனையும் குறிக்கும். ஒரு இனக்குழு அல்லது ஊரின் தலைவனுக்காக எடுக்கப்பட்ட கோயிலாகவும், மூதாதையர் வழிபாட்டு தலமாகவும் கருத வாய்ப்புண்டு. யானை மற்றும் குதிரைகளைக் களிமண்ணில் வடிவமைத்து சளையில் சுட்டு அய்யனாருக்கு நேர்த்திக்கடனாக வழங்கும் விழாவே புரவி எடுப்பு என்கிறார்கள்.

    அய்யனாருக்கு மற்ற கால்நடைகளான ஆடு, மாடு, குதிரை என விலங்குகளின் வடிவங்களை நேர்ச்சையாக வழங்கினாலும் பெரும்பாலான ஊர்களில் குதிரைகளையே வடிவமைக்கப்படுவதால் புரவி எடுப்பு விழா என்ற பெயர் நிலைத்துவிட்டது. இப்பொழுது பிளாஸ் ஆப் பாரிஸ் மற்றும் செயற்கையான பொருட்கள் வந்ததால் மண்ணினால் செய்யப்பட்ட குதிரைகளும் தங்களது வாழ்வை முடித்துக்கொண்டன. பிள்ளையார் சதுர்த்தி தினத்தன்று மண்ணால் ஆன பிள்ளையாரைப்பயன்படுத்தி வந்தனர். தற்பொழுது பிளாஸ்ஆப் பாரீஸ் வருகையால் களிமண் பிள்ளையாருக்கு மதிப்பில்லாமல் போய்விட்டது. அதே வேளையில் மண்பாண்டத்தில் தயார் செய்யப்பட்ட உணவுப்பொருட்கள் ஐந்து நட்சத்திர உணவகங்களில் பல மடங்கு விலை கொடுத்து வாங்கி உண்பது சற்று ஆறுதலான விடயமே. அந்நிய கலாச்சாரம் பிளாஸ்டிக் பொருட்கள் வருகை, பிளாஸ்ஆப் பாரிஸ் முற்றுகை என மண்தொழிலுக்கு எதிர்ப்பு இருந்தாலும் இன்றும் அனைத்துப்போட்டிகளை எதிர்கொண்டு மண்பாண்டத்தொழிலை ஒரு சிலர் செய்து வருவது அவர்களது தன்னம்பிக்கையை பாராட்டும் வகையில் உள்ளது. அரசு மண்பாண்டத்தொழிலை ஊக்குவிக்க நடவடிக்கை மேற்கொள்ளவேண்டும் இல்லையெனில் மண்குதிரையை நம்பி ஆற்றில் இறங்கிய பழமொழி உண்மையாகும் என்பதில் எள்ளவும் சந்தேகமில்லை. பொங்கல் சமயத்தில் மட்டும் வாங்கி பயன் பெறும் இத்தகைய மண்பானைகளை நம் அன்றாடம் பயன்படுத்தி வந்தால் இத்தகைய தொழில் நலிவின்றி வளர்ச்சி பெறும்.

    இந்த இதழை மேலும்

    சிந்திக்க வைக்கும் சீனா – 6

    நிறுத்தி இறங்கி ஒலிம்பிக் ஸ்டேடியம் தொலைவில் தெரிந்ததை பெயருக்குப் பார்த்து படமெடுத்தோம்.

    2008 ல் இங்கு ஒலிம்பிக் போட்டிகள் நடைபெற்றன. மீண்டும் 2022 ல் நடைபெற உள்ளது. 80000 பேர் அமரும் வசதி உள்ளதாம். 2008 ல் 91000 பேர் அமர்ந்து போட்டிகளைக் கண்டு களித்தனராம்.

    2003 முதல் 2007 முடிய 428 மில்லியன் அமெரிக்க டாலர் மதிப்பில் கட்டியுள்ளனர். தங்குவதற்கு 140 அறைகள் உள்ளதாம். மேற் புறத்தோற்றம் மட்டுமே தெரிந்தது.

    பீஜிங் நகரின் சிட்டி சென்டரில் இருந்து விமான நிலையம் 32 கி.மீ தொலைவில் 1480 ஹெக்டேர் நிலப் பரப்பில் அமைத்துள்ளனர். 2 மணி நேரம் காத்திருந்து 10.30 க்கு போர் டிங்பாஸ் வாங்க வரிசையில் நின்றோம்.

    செக் இன் பெட்டிக்குள் வைத்திருந்த எலக்ட்ரானிக் பொருட்கள்( பவர் பேங்க், செல் போன் முதலியன) கைப் பைக்கு மாற்றுமாறு கூறினர். போர்டிங் பாஸ் வாங்கவே 1.30 மணி நேரத்திற்கும் மேலானது.

    எல்லோரும் வாங்கிய பின் சிறிது தூரம் நடந்து சென்று, ரயிலில் ஏறி பயணித்து, இமிக்ரேசன் முடித்தோம். குழு விசா என்பதால் இங்கும் தாமதம். உலகின் மிகப் பெரிய விமான நிலையங்களில் இதுவும் ஒன்று என்பதால், ஒன்றுமே புரிபடவில்லை.

    அடுத்து பாதுகாப்பு சோதனை. குடோன் போலிருந்த பகுதியில் பல குழுக்களாகப் பிரிந்து சென்றோம். வரிசை மெதுவாக நத்தை போல் ஊர்ந்து சென்றது, நேரம் பறந்து கொண்டிருந்தது.

    கைப்பையை ஸ்கேன் செய்தனர். என்னுடையதை மீண்டும் ஸ்கேன் செய்து, உள்ளே என்ன இருக்கிறது என சைகையால் கேட்டனர். பவர் பேங்  என எடுத்துக் காண்பித்தேன். நல்ல நேரம் அதை ஒரு டிரேயில் வைக்கச் சொல்லி ஸ்கேன் செய்து அனுப்பினர்.

    என்னுடன் சமையல் கலைஞர் இளைஞர் இளவரசன் வந்தார்.  நள்ளிரவு 1.15 மணியானது. விமானம் புறப்படும்  நேரம் 1.30 மணி E7 கேட்டை நோக்கி இருவரும் ஓடினோம்.

    அங்கு சென்று போர்டிங் பாஸ் காண்பித்தால் E 28 க்கு செல்லுமாறு கூறினர். மனம் பதைக்க, அது எங்குள்ளது என விசாரித்து ஓடினோம்.

    வழியில் உடன் வந்த இருவரை பார்த்த பின் பதட்டம் குறைந்தது. அவர்கள் கதை வேறு. குடிப்பதற்கு வைத்திருந்த பாட்டில் தண்ணீர், ஸ்பிரைட், கோக் போன்றவைகளைப் பிடுங்கி வீசி விட்டார்களாம். இன்னொருவர் பையில் இருந்த பவர் பேங்கை, தனி டிரேயில் வைக்கவில்லையென, தூக்கி வீசினராம்.

    அதை அவர் எடுக்கமுடில, கண்டிப்பான குரலில் வெளியே அனுப்பப் படுவீர்கள் என எச்சரித்தனராம். அதன் பின் திட்டிக் கொண்டே வந்ததாய் கூறினார்.

    ஒரு வழியாக விமானத்தில் ஏறி இருக்கையில் அமர்ந்தோம். விசாரித்தால் பலரது அனுபவமும் இதுபோல் தான் என்றனர். பாதுகாப்பு சோதனைப் பகுதியில் சிலர் மட்டும் அரை குறை ஆங்கிலம் பேசினர்.

    சீன மொழி தான் எல்லோருமே பேசுகின்றனர். பல நாட்டு விமான நிலையங்களுக்குச் சென்றிருக்கிறேன். இது போன்ற தவிர்க்க வேண்டிய அனுபவம் ஏற்பட்டதில்லை.

    மலேசியன் ஏர்லைன்ஸ் ஏர் பஸ் இருக்கை 2+4+2  என மூன்று வரிசைகளில் இருந்தது. குடும்பத்தினர் ஒன்றாக அமரக் கேட்டுக் கொண்டதால் எனது இருக்கை மாறி அமர்ந்தேன்.

    சீனா செல்லும் போது விமானத்தில் சைவம் என்றால் முன்பே பதிவு செய்ய வேண்டுமென்றதால், அதைக்கூறி, சைவம் எனச் சிலர் பதிவு செய்திருந்தோம்.

    ஒரு வழியாக விமானம் 45 நிமிடம் தாமதமாக அதிகாலை 2.15 க்கு புறப்பட்டது. தேடிப்பிடித்து வெஜ் சாண்ட்வீச் கொடுத்தனர். ஆப்பிள் ஜீஸ் வழங்கினர்.

    காலை 6 மணியளவில் வெஜ் உணவாக காளான், ராஜ்மா, கொள்ளு போன்ற பயறு, பழம், பன், வெண்ணெய், ஜாம், ஆப்பிள் ஜீஸ் வழங்கினர்.

    அசைவ உணவாக வேறு வழங்கினர். காலை சுமார் 4350 கி.மீ தூரத்தை 6 மணி நேரப் பயணித்து கோலாலம்பூர் விமான நிலையத்தில் 8.15 க்கு விமானம் இறங்கியது.

    இறங்கி, நடந்து விசாரித்து G10 என்ற கேட் சென்று, விமானம் ஏறு முன்பாக பாதுகாப்பு சோதனை முடித்து, விமானம் ஏறினோம். காலை 9.45 க்கு ( மலேசியா நேரம்) புறப்பட்ட விமானம் 3.45 மணி நேரம் பறந்து  சென்னை விமான நிலையத்தில் நம் நேரப்படி முற்பகல் 11 மணிக்கு தரையிறங்கியது. நேர வித்தியாசம் 2.30 மணியைக் கழித்து விட வேண்டும்.

    இமிக்ரேசன் சீல் அடித்து, வெளியே வந்து பெட்டிகளை எடுத்துக் கொண்டு எல்லோரும் பறந்து விட்டனர்.

    ஒன்று கூடி, நிறுவன உரிமையாளர், சமையல் கலைஞர்களுக்கு நன்றி சொல்ல வேண்டுமென்றேன். யாரும் காதிலேயே போட்டுக் கொள்ளவில்லை.

    நான் மட்டும் தனியே நன்றி சொல்லி சமையல் கலைஞர் இருவருக்கும் தலா ரூ 500 கொடுத்தேன்.

    சேலத்து நண்பர்களுடன் ரயில் ஏறி சென்ட்ரல் ரயில் நிலையம் வந்தோம். இட்லி சாப்பிட்டு ஏசி தங்கும் ஹாலில் நான் இருந்தேன். மற்றவர்கள் விடை பெற்றுச் சென்றனர்.

    நண்பர் யமுனா கிருஷ்ணன் வந்து பழங்கள் கொடுத்து உரையாடிச் சென்றார். அவரைச் சிறிது நேரம் பெட்டியைப் பார்க்குமாறு கூறி, குளித்து தயாரானேன்.

    2.30 மணிக்கு கோவை புறப்பட வேண்டிய இண்டர் சிட்டி ரயில் தாமதமாக 3.45 க்குத் தான் வந்தது. காத்திருந்து ரயில் ஏற, 4.15 க்கு புறப்பட்டது. இரவு 7 க்கு இட்லி சாப்பிட்டேன்.

    நள்ளிரவு 12 மணிக்கு கோவை வடக்கு ரயில் நிலையத்தில் இறங்கி ரெட் டாக்சியில் இல்லம் திரும்பினேன்.

    சீனா மக்கள் தொகையில் உலகின் முதல் நாடு வளர்ந்து வரும் நாடு ஒரே கட்சியான கம்யூனிஸ்ட் கட்சியின் ஆட்சி தொடர்வதால், சட்டங்களைக் கடுமையாகப் பின்பற்றுகின்றனர்.

    சாலை விதிகள் சரியாக கடைப்பிடிக்கப் படுகின்றன. மூன்று முக்கிய நகரங்களை மட்டுமே பார்த்தோம். கிராமங்களுக்குச் செல்லவில்லை.

    இருந்தாலும் ரயில் பயணத்தில் பல கிராமங்களைக் கடந்து சென்றோம். கிராமங்களும் தூய்மையாகத்தன் தெரிந்தன. ரயில் வசதி இல்லாத உட்புற கிராமங்களின் நிலை என்ன என்று தெரிய வாய்ப்பில்லை.

    சீனர்களிடமிருந்து நாம் கற்றுக் கொள்ள வேண்டியது. நாட்டுப்பற்று மற்றும் மொழிப்பற்று அற்புதமான கல்வி முறை. தாய் மொழிக்கல்விதான். மாணவர்கள் காதில் கிளிப் மாட்டியும், கைமீது பிரம்பால் அடித்தும் தண்டிக்கின்றனர். ஒரு நாள் ஆசிரியர் கூட வாழ்நாள் முழுவதும் தந்தையாக மதிக்கப்படுகிறார். இத்தோடு சிந்திக்க வைத்த சீனாவை நிறைவு செய்வோம்.

    இந்த இதழை மேலும்

    வின்னர்ஸ் அகாடமி மற்றும் அகம் அறக்கட்டளை

    இணைந்து நீட் பயிற்சி வகுப்புகள் துவக்க விழா– 2018

    கடந்த 19. 12.2018 ஞாயிற்றுக்கிழமை வின்னர்ஸ் அகாடமியின் இலவச மருத்துவ நீட் பயிற்சி வகுப்பிற்கான துவக்கவிழா ( வின்னர்ஸ் அகாடமி நாவாவூர் பிரிவில்) காலை 10 மணியளவில் சிறப்பாக நடைபெற்றது.

    இதில் கோவை மாவட்டத்திலுள்ள பல்வேறு பள்ளிகளில் இருந்து நீட் தேர்வினை எதிர்கொள்ளும் மாணவ மாணவிகள் கலந்து கொண்டார்கள்.அதில் பயிற்சி வகுப்பிற்கான 25 மாணவ மாணவிகள் கலந்தாய்வின் மூலம் தேர்வு செய்யப்பட்டன.

    இந்நிகழ்ச்சியில் நீட் தேர்வினை எதிர் கொள்ளும் விதம் குறித்தும், பயிற்சி மேம்பாட்டு வகுப்புகளும், ஊக்குவிப்பு வகுப்புகளும் மாணவ மாணவியருக்கு நீட் தேர்வு தொடர்பான ஆலோசனைகளும் வழங்கப்பட்டது.

    மேலும் இந்நிகழ்வில் நீர் தொடர்பான குறும்படங்களும், நாடக காட்சிகளும் மாணவ மாணவியருக்கு காண்பிக்கப்பட்டது. கலந்து கொண்ட அனைவருக்கும் இலவச கையேடுகள் மற்றும் நோட்டு புத்தகங்கள் வழங்கப்பட்டது.

    இவ்விழாவில் வின்னர்ஸ் அகாடமியின் இயக்குநர் திரு. A. பிரசாத் அவர்களும், அகம் அறக்கட்டளையின் செயலாளர் திரு. சசிக்குமார் அவர்களும், அகம் அறக்கட்டளையின் ஒருங்கிணைப்பாளர் திரு. வடிவேல் அவர்களும் கலந்து கொண்டர்.

    இவ்விழாவின் சிறப்பு விருந்தினரர்களாக பாஸ் நிறுவனத்தின் மேலாளர். திரு. ஜிவா அவர்கள் கலந்து கொண்டு மாணவ மாணவியர்களுக்கு நீட் தேர்வினை எதிர் கொள்ளும் விதத்தை விளக்கினார்.

    மாணவர்களுக்கு சிறப்புரை வழங்குவதற்காக வனவாசி சேவா சங்கத்தின் சார்பாக திரு. வினய சந்திரன் அவர்களும் கலந்து கொண்டு ஊக்கங்களை வழங்கினார்.

    இதில் நீட் தேர்வினை எதிர்கொள்ளும் மாணவ மாணவியர்களும், அவர்களின் பெற்றோர்களும், வின்னர்ஸ் அகாடமியின் நிர்வாகிகளும், ஆசிரியர்களும் பெருவாரியாக கலந்து கொண்டனர்.

    இந்த இதழை மேலும்

    “வாழ நினைத்தால் வாழலாம்” – 24

    வாக்குவாதம்

    வாழ்வில் வெற்றிக்காற்றை மட்டுமே சுவாசிக்கும் வாசக நண்பர்களே !

    கடந்த கால புத்தாண்டு தீர்மானங்களை காதில் போட்டு கெட்டவர்களுக்கும், காலில் போட்டு மிதித்தவர்களுக்கும்கருத்தில் போட்டு ஜெயித்தவர்களுக்கும் இறைவன் அளித்திருக்கும் இன்னுமொரு சந்தர்பம் தான் 2019.  ஐயா அப்துல் கலாம் கண்ட கனவை நனவாக்க இன்றைய இளைஞர்களின் முன்னால் இருப்பது இன்னும் 365 நாட்கள் தான். வரலாறு உங்கள் அனைவரின் கனவையும், வெற்றியையும் வரவு வைக்கஎன் வாழ்த்துக்கள்.

    பெரும்பாலும் புதுவருட தீர்மானங்கள் நல்ல ஒரு நகைச்சுவை உணர்வை தான் நமக்குள் தூண்டும்.  கேட்பவனை மட்டுமல்ல, எடுப்பவனையுமே ஏளனமாகவே எண்ணத் தோன்றும்.

    இந்த வருடம் முதல் புகை பிடிக்கமாட்டேன், இந்த வருடம் முதல் மது அருந்த மாட்டேன், இந்த வருடம் முதல் தினமும் காலை நடை பயிற்சி போவேன்” – என்பன போன்ற தீர்மானங்கள் எல்லாம் நாகேஷை மிஞ்சும் நகைச்சுவை தானே?

    நமக்கே நகைச்சுவையாக தோன்றுவதுமற்றவர் நம்மை சொல்லிக் காட்டும்போது மன சங்கடமாக மாறுகின்றது.  சங்கடங்கள் சண்டையாக மாறுவதும் சகஜமே!

    சரி!  இந்தப் புத்தாண்டு முதல்சக மனிதர்களோடு சண்டையில்லாமல் ஜீவிப்பதுஎன்பதை தீர்மானமான ஒரு தீர்மானமாக எடுத்துவிடுங்கள்.

    சம்பாஷனைகள் தான் சங்கடங்களாகதீர்க்கப்படாத நேரத்தில் சண்டைகளாக, மாறுகின்றது.  ஒருவர் சொல்லுகின்ற விஷயம்சொல்லப்படுகின்ற அர்த்தத்திலேயே அறிந்து கொள்ளப்படுவதே சரியான Communication.  கூட்டியும், குறைத்தும் புரிந்து கொள்ளப்பட்டால்இருவரின் நோக்கமும் பாழ் பட்டுவிடும்.  அதையே Mis-Communication என்கிறோம்.

    Communication Techniques சொல்லும் சில நுணுக்கங்களைஇந்தப் புத்தாண்டு முதல் தொடங்குங்கள்.  உங்களை வழி நடத்தசில வழி முறைகள்உங்கள் சிந்தனைக்கு, செயலுக்கு.“வேலை செய்ய பிடிக்கவில்லை” – என்பதற்கும்வேலையே செய்ய பிடிக்கவில்லைஎன்பதற்கும் ஆழமான வித்தியாசம் இருக்கின்றது.“GOD IS  NO WHERE” – என்பது கடவுள் எங்குமே இல்லை என்ற அர்த்தத்தை கொடுக்கின்றது.  ஆனால், சுவாமி விவேகானந்தரின் பார்வையில் “GOD IS NOW HERE” – என்பதுகடவுள் இல்லாத இடம் எங்குமே இல்லைஎன்று ஆனது.

    இது Communication Technique ன் ஒரு சமயோசித யுக்தி. இரண்டு பள்ளி மாணவர்களின் சாமர்த்திய யுக்திசிலிர்க்க வைத்தது.  பரீட்சை விடைத்தாளில் ஒருவன் தி.மு.க துணைஎன்று எழுதி இருப்பது கண்டு கோபம் கொண்ட ஆசிரியர் விளக்கம் கேட்க, அவன் சொன்னான்ஐயா!  நான் ஒரு முருக பக்தன்.  திருச்செந்தூர் முருக கடவுள் துணைஎன்பதை தான் சுருக்கி தி.மு.க துணை என்று எழுதினேன்.  இது தவறா? என்று கேட்டான்.

    இன்னொருவன் விடைத்தாளில் அ.தி.மு.க துணைஎன்பதை பார்க்கஅவன் சாமர்த்தியமாகநானும் முருக பக்தன் தான் சார். அருள்மிகு திருத்தணி முருக கடவுள் துணை” – என்பதையே அப்படி எழுதி இருக்கின்றேன்என்றான்.

    மனம் நொந்த ஆசிரியர் உங்களை கேள்வி கேட்டது என் தவறு தான்.  இனி எனக்கு ம.தி.மு.க தான் துணை என்றார்.  இது என்ன சார் புதுசா? என்று மாணவர்கள் கேட்கமனம் திருந்திய எனக்கு முருகனே கடைசிவரை துணை” – என்றார்.

    இந்தக் கதையின் நகைச்சுவை ஒருபுறம் இருக்கட்டும்.  எந்தவொரு சம்பாஷனைகளையும் அடுத்த கட்டத்துக்கு அழைத்துச் செல்ல COMMUNICATION மிகவும் முக்கியம்.  அதற்கு மிகவும் தேவை வாதமும், பிரதி வாதமும்.  தேவையற்றவை விதண்டா வாதமும், வாக்கு வாதமும்.

    வாழ்வின் வெற்றியை நோக்கிய பயணத்தில் நீங்கள் அன்றாடம் பல பேரிடம் பேச வேண்டி இருக்கின்றது.  அவர்கள் ஒவ்வொருவரும் பல்வேறு தரப்பட்ட கல்வி, மொழி, சூழ்நிழலை, தரம், தராதரம் கொண்டவர்களாக இருக்கக் காணலாம்.  உங்கள் கருத்துக்களை சரியான விதத்தில் இவர்கள் ஒவ்வொருவருக்கும் புரியும் விதத்தில் நீங்கள் சொல்வதில் தான் உங்களின் வெற்றியும், சாதனையும் இருக்கின்றது.

    உங்களை எப்படி மற்றவருக்கு புரிய வைப்பது முக்கியமோஅதே போல் மற்றவர்களை நீங்களும் புரிந்து கொள்ள வேண்டும்.  புதிய மனிதர்களை நீங்கள் பார்க்கும்போதுநினைவு கொள்ளுங்கள்உங்கள் கேள்விகள்யார், எது, எப்போது, எங்கு, ஏன்? – என்று இருக்க வேண்டும்.

    அதாவது, அவர்கள் ஒற்றை வார்த்தையில் அல்லாமல்உங்களுக்கு விரிவான பதிலையே தரும்படி இருக்க வேண்டும்.  அப்போது அவர்கள் சொல்லும் பதில்களை, செய்திகளை, உண்மையான அக்கறையோடு கேளுங்கள்.  அது அவர்களுக்கு மிகவும் பிடிக்கும்.  உங்கள்மீது ஒரு நல்ல அபிப்ராயம் ஏற்பட உதவும்.  உங்களது நட்பை அவர்கள் விரும்புவார்கள்.

    பலரும் செய்யும் தவறு என்னவென்றால்ஒருவர் பேசிக்கொண்டிருக்கும் போது, அவரை ஒரு கோர்வையாக பேச விடாமல் குறுக்கே பேசி, திசை திருப்பி, அவர்கள் பேசி முடிக்கும் முன்பே அந்த இடத்தினின்று நகர்ந்து சென்று மற்றவருடன் பேசுதல் போன்ற செய்கைகள் செய்யும்போது, அந்த COMMUNICATION முழுமை அடையாமல் முடங்கிவிடும்.  இது தவறு!

    Smart Phone யுகத்தில் இப்போதுள்ள எதார்த்தம் நீளமான Text Message களை பெரும்பாலும் யாரும் படிப்பதில்லை.  நல்ல COMMUNICATION க்கு ஒரு Emotional Attachment இருக்க வேண்டும்.  எனவே, MESSAGE அனுப்புவதை விட்டு நேரில் பேசுங்கள்.  உங்கள் அன்பும், பரிவும் வெளிப்படும் விதத்தில் அது இருக்கட்டும்

    மற்றுமொரு முக்கியமான யுக்திபாராட்டுதல்”.  மற்றவர்களின் செயல்களை, வெற்றிகளை, சாதனைகளை மனம் திறந்து பாராட்டுங்கள்.  பாராட்டின் பெரும் சக்தி என்னவெனில்உங்கள் நட்பை அது ஈர்க்கும்.

    இத்துனையும் மொத்தமாக சேரும்போதுநீங்கள் சொல்ல விரும்புவதை சரியாக சொல்லவும் முடியும், கேட்டு தெளிய வேண்டியவைகளை சரியாக கேட்டு தெளியவும் முடியும்.

    இந்தப் புத்தாண்டின் உங்கள் புதிய தீர்மானத்திற்குஇவை ஒரு தெளிவான திசை காட்டியாக இருக்கும்.

    சரி!  என்னதான் அறிந்து செயல்பட்டாலும், புரிந்து செயல்பட்டாலும்எதிரே இருப்பவர்களின் மன ஓட்டம் எதிர் திசையில் இருந்தால்?  வாதங்கள் சிலநேரம்வாக்கு வாதமாக  மாறினால்?

    வாக்குவாதம்” – அறிவாளிகள் தவிர்க்கும் ஆபத்தான வீதி 

    வாக்குவாதம்” – புத்திசாலிகள்அகராதியில்இல்லாதஒருஎழுத்து

    வாக்குவாதம்” – முட்டாள்கள்பயன்படுத்தும்முதல்யுக்தி

    வாக்குவாதம்” – சிந்திக்கதெரியாதவனின்சிறப்புபுகலிடம்

    வாக்குவாதம்” – தோல்விக்குஅழைத்துச்செல்லும்தொலைதூரபயணம்

    சுருங்கச்சொன்னால் – “வாக்குவாதம்வாழ்க்கையே சேதம்

    எப்படி தவிர்ப்பது என்பது ஒன்றும் இராணுவ இரகசியம் இல்லை.  சில சூட்சுமங்களை கையாளும்போது, நெளிவு சுளிவாக அணுகும்போதுவாக்குவாதம் உங்கள் நட்பு பயணத்தில் தடைக்கல்லாக இருக்கவே இருக்காது.

    வாக்குவாதத்தை தவிர்க்கின்றேன் என்று சொல்லி பேசாமலேயே இருந்துவிடுவது புத்திசாலித்தனம் அன்று.  பலர் செய்யும் தவறு இங்குதான்.  வாதம் செய்யும் மனிதரிடமிருந்து முற்றிலும் விலகி விடுவார்கள்.  சிக்கல்களுக்கு சிறந்த ஒரு தீர்வை கண்டுதன் வரையில் முடிவெடுத்துஅதை எதிராளியிடமும் விளக்கிவிட்டுவிலகுவது தான் சரியான  அணுகுமுறை.

    சிக்கல்களுக்கு முற்றுப்புள்ளி வைக்காமல் ஆறப்போடுவது, அப்புறம் பார்த்துக் கொள்ளலாம் என்று தள்ளிப் போடுவது நல்லதல்ல.  ஆகவே, உங்களுக்கும் பெரிய பாதிப்பு ஆகாமல் பார்த்துக்கொள்வது என்பதை முதன்மையாக்கிஅந்த நபரை அணுகுங்கள்.  இறுதி விளைவுகள் உங்கள் இதயத்தை ரணமாக்காமல் இருக்கும்

    சில நேரங்களில் உங்களுக்குள் ஏற்படும் குற்ற உணர்ச்சியை வெற்றி கொள்ள கீழ்காணும் இந்த வழிமுறைகள் மிகுந்த பயன் தரும்.

    1. பதட்டத்தை தவிர்க்கவும்  மன்னிப்பு கேட்பது என்பது உங்கள் முதல் செயலாக இருக்கக் கூடாது,  அதுவும் குறிப்பாக, மனதளவில் நீங்கள் அதற்கு தயாராக இல்லாதபோது.  நேரம் எடுத்துக்கொள்ளுங்கள்.  தேவைப்பட்டால் மன்னிப்பு கேளுங்கள்.  மன்னிப்பு கேட்டு விட்டோமே என்று மறுகும் நிலைக்கு உங்கள் மனதை கொண்டு வராதீர்கள்.
    2. நடந்த சம்பவங்களை அப்படியே ஏற்றுக்கொள்ளுங்கள்  சிக்கல்களுக்கு தீர்வு காணாமல், அந்த நபருடனும் பேச்சுவார்த்தை நின்றுவிட்ட பிறகுஎன்றேனும் ஒரு நாள் அவருடன் நீங்கள் மீண்டும் பேச வேண்டிய சூழல் ஏற்படின்இருவருக்குமே ஒரு தயக்கம் இருக்கும்.  அது அந்த நேரத்தில் உங்கள் முன்னேற்றத்துக்கு தடையாக இருக்கும்.  எனவே, திறந்த மனதுடன் உங்கள் கருத்தை சொல்லி புரிய வைக்கும் முயற்சியில் அப்போது நீங்கள் தோற்றாலும்பின்னாளில் அந்த நபரை நீங்கள் சந்திக்கும், பேசும், பழகும் நிலை வந்தால்தைரியமாகவும், தன்னம்பிக்கையுடனும் நீங்கள் அவரை அணுகலாம்.  அவர்தான் குற்ற உணர்ச்சியில் குனிந்தபடி நிற்க வேண்டும்.
    3. மனசுக்குள் புதைக்காதீர்கள் வாக்குவாதத்தில் நீங்கள் வென்றாலும் சரி , தோற்றாலும் சரிஅந்த நிகழ்வு மனதுக்குள் ஒரு புதையலாக புதைந்திருக்கும் என்பதை அறியுங்கள்.  வென்றவருக்கு வெற்றிக்கனி யாகவும், தோற்றவருக்கு ஆறாத தழும்பாகவும்அடிமனதில் பதிந்திருக்கும்.  உங்கள் மனதில் அவை பணிக்கட்டிபோல உறைந்துபோக விடாதீர்கள்.  குறிப்பாககோப எண்ணங்கள்உங்கள் உடல், மற்றும் மன செயல்பாடுகளை மிகவும் பாதிக்கும் என்பதையே மனநல ஆலோசகர்கள் அறிவுறுத்துகின்றனர்.
    4. ஆராயுங்கள்  இறுதியாக, வாக்குவாதம் வர உண்மையான காரணத்தை ஆராய்ந்து கண்டுபிடியுங்கள்.  வாக்குவாத எண்ணங்களை உங்கள் மனதிலிருந்து வேரோடு தூர எறியுங்கள்.  தேவைப்பட்டால் மன்னிப்பு கேளுங்கள்.  அல்லாத நிலையில் அவரை மன்னித்து விடுங்கள்.  அந்த மன்னிப்புக்கு மிகப்பெரிய மரியாதை உண்டு. MIS COMMUNICATION என்பது பலமான நட்பையும், உறவுகளையும் பலவீனப்படுத்தும் வல்லமை கொண்டது.  வாக்கு வாதம்என்பது அதன் இன்னொரு ரூபம் தான்.  உங்களை உங்கள் வாழ்க்கையை உங்கள் வெற்றியைவாக்குவாதங்கள்பலவீனப்படுத்தாமல் வாழ்வது ஒரு கலை.  அந்தக்கலையில் நீங்கள் தேர்ந்து, தெளிந்து ஜெயிக்கவே இத்துனை வழிகளும், முறைகளும்.

    இந்தப் புதுவருடம் உங்களுக்கு புதுவருடமாக இருக்கட்டும்.

    கண்ணிலே அன்பிருந்தால் கல்லிலே தெய்வம் வரும்” – என்பது வாக்குவாதத்தை தவிர்க்க முதல் அணுகுமுறை.

    சொந்தமோ புரியவில்லை, சொல்லவோ மொழியுமில்லை, எல்லாமும் நீயறிந்தால் இந்நேரம் கேள்வியில்லை” – என்பது உங்கள் நிலையை புரியவைக்கும் யுக்தி.

    கண்ணிலே என்ன உண்டு கண்கள் தான் அறியும், என் மனம் என்னவென்று என்னை அன்றி யாருக்கு தெரியும்” – என்ற தற்சிந்தனைஉங்களை நீங்களே உணரும் உயர்ந்த நிலை.

    கோடையில் ஒரு நாள் மழை வரக்கூடும், கோயில் சிலைக்கும் உயிர்வரக் கூடும், காலங்களாலே காரியம் பிறக்கும், காரியம் பிறந்தால் காரணம் விளங்கும்” – என்ற தெளிவோடு வாழ்வை செலுத்தவாக்குவாதங்களால்பாதிக்கப்படாத பக்குவப்பட்ட பயணத்தில் நீங்கள்.

    வாக்கு வாதத்தை நோக்கவும் முடியும், எதிர் நோக்கவும் முடியும்என்ற உற்சாகத் தென்றல் உள்ளம் முழுவதும்உங்கள் பயணத்தின் பக்கத் துணையாய்.  வெற்றி உங்களை விரைவில் சந்திக்கும்.

    அதுமட்டுமல்ல,

    வையகம் யாவும் உன் புகழ் பேசும் கைவசமாகும் எதிர்காலம்

    வாழ நினைத்தால் வாழலாம், வழியா இல்லை பூமியில்

    இந்த இதழை மேலும்

    பேச்சும் மூச்சும்

    அதிகம் பேசுபவர்களை கவனித்தால், இரண்டு விஷயங்களில் குறைவாக இருப்பர். ஒன்று செயல் குறைவு, மற்றொன்று ஆரோக்கிய குறைவு. சதா லொட லொட வென்று பேசுபவர்கள் தன்னுள் சேமிக்க வேண்டிய உயிர்ச் சக்தியை செலவு செய்து ஆயுளைக் குறைத்துக்கொள்வர். அப்படிப்பட்டவர்களிடம் நாம் அப்படிச் சொன்னால், உடனே அவர்கள்குறைந்தால் குறைந்து போகட்டும், அதைப் பற்றி நான் கவலைப்படவில்லை” என்று அதைப் பற்றியே அரை மணி நேரம் பேசுவார். சாமானியர்கள் தாங்கள் பேசுவதைக் காது கொடுத்து கேட்கச் சொல்வர். ஞானிகளோ பேச்சைக் குறைத்து மூச்சை கவனிக்கச் சொல்வர். நாம் பேச்சைக் குறைத்து நம் மூச்சை கவனித்தால் ஆயுள் நீட்டிப்பு நிச்சயம். ஆனால் வெறும் பேச்சு  வேலைக்கு ஆகாது. எது வேண்டும் என்று நாம்தான் முடிவு செய்ய வேண்டும்.

    ஆக, தேவையில்லாமல் வழ வழ பேச்சு நம் உயிராற்றலைக் குறைத்து நம் ஆரோக்கியத்தை பதம் பார்க்கும். பயணங்களில் நமக்கு அதிகமான சக்தி தேவைப்படும் நிலைமையில் நாம் அதிகம் பேசிக்கொண்டிருந்தால் நமக்கு சக்தியிழப்பு நிகழும். அதற்கு பதிலாக நம் வாழ்க்கைக்கு மிக மிகப் பயனுள்ள  சில அற்புதமான விஷயங்களைச் செய்ய முடியும். அது பற்றி இனிப் பார்ப்போம்.

    1. மௌனம் அனுஷ்டித்தல்: நாம் எப்பொழுதும் பிஸியாக இருக்கும் நிலையில் பிரயாணம் செய்யும் போதாவது நாம் மௌனம் அனுஷ்டிக்க நேரமும் வாய்ப்பும் கிடைத்ததே என்று நினைத்து, கிடைக்கும் ஒவ்வொரு பயண வாய்ப்பிலும் மௌனத்தை அனுஷ்டித்து ஆழ்மன அபரித சக்தியை பயணத்திற்கு பயன்படுத்தலாம். இந்த மௌன நேரத்திலும் நாம் சாந்தி தியான நிலையில் இருந்தால் இன்னும் அதிகமான சக்தி கிடைக்கப் பெறுவோம்.

    2. நம் கனவுகளைக் காட்சிப்படுத்தல்: பிரயாணத்தில் கிடைக்கும் நேர வாய்ப்பில் நம் கனவுகளை எண்ணி அவை நிறைவேறிவிட்டதாக காட்சிப்படுத்தலாம். இப்படி நாம்  ஒவ்வொரு முறையும் காட்சிப்படுத்துவதால் அவை சாத்தியமாகும் வாய்ப்பு அதிகரிக்கிறது.

    3. திட்டமிட அரிய வாய்ப்பு: நம் கனவுகளுக்கு உருவம் கொடுக்க பிரயாண நேரங்களில் திட்டமிடலாம். அதேபோல், பல நாட்களாக தொங்கலில் இருக்கும் பிரச்சனைக்கு நாம் மௌனத்தில் ஆழ்மனச் சிந்தனை செய்யும்போது அதற்கான ஆச்சரியப்படத் தக்க தீர்வு நமக்குக் கிடைக்கலாம்.

    4. சுய பரிசோதனைக்கு அரிய வாய்ப்பு:  நம் குணம் மேம்பாடடைய நம்மைப் பற்றிய சுய மதிப்பீடு மற்றும் சுய பரிசோதனைச் செய்ய பிரயாண நேரம் நல்ல வாய்ப்பாக அமையும். மற்ற நேரங்களில் நாம் வெளியே உள்ளவற்றோடு அதிகம் பதிலளிப்பதில் நாம் கவனம் செலுத்தியிருப்போம். ஆனால், பிரயாண நேரத்தில் நாம் நம் உள்ளே பார்க்க நமக்கு வாய்ப்பு கிடைக்கும். நம்மைப் பற்றிய புதிய புரிதலும் புதிய சிந்தனையும் கிடைக்கப் பெறுவோம்.

    5. வாழ்த்துதல்: நமக்கு வேண்டியவர்கள் மற்றும் நமக்குப் பிரச்சினை செய்பவர்களை வாழ்த்துவதற்கு பிரயாண நேரம் வசதியாக இருக்கும். சரி, வாழ்த்திடலாம். ஆனால், நான் வேண்டியவர்கள் மற்றும் பிரச்சனை செய்பவர்கள் என்று கூறியிருப்பது உங்களுக்கு நெருடலாக இருக்கலாம்.

    ஆனால், உண்மை என்னவென்றால், நாம் நமக்கு வேண்டாதவர்களை மனதார வாழ்த்தினால், அவர்களுக்குள்ளும் நல்ல சக்தி மாற்றம் நிகழ்ந்து, நமக்குப் பிரச்சினை செய்வதிலிருந்து மாறுவார்கள். என்ன கதை விடுகிறேன் என்று நீங்கள் நினைக்கலாம். ஆனால், இந்த ஞானத்தை நான் சொல்லவில்லை அருட்தந்தை வேதாத்திரி அவர்கள் கூறியுள்ளார்கள். நம்பிக்கையோடு செய்துதான் பாருங்களேன்.

    பலன் கிடைத்தால் எனக்கு எதுவும் தரவேண்டாம். ஆனால், பலன் எதுவும் கிடைக்காவிட்டால் நஷ்டம் ஏதுமில்லை. நான் சொல்வது முடியைக் கொண்டு மலையைப் புரட்டலாம் என்று கூறுவதுபோல் இருக்கலாம். அப்படியே இருந்தாலும் வெற்றி கிடைத்தால் நம் வசம் மலை. அப்படியில்லா விட்டால், முடிதானே போகும்.

    இந்த இதழை மேலும்