Home » Articles » பயணங்கள் வெறுப்பதில்லை

 
பயணங்கள் வெறுப்பதில்லை


அனுராதா கிருஷ்ணன்
Author:

நாம் ஊர்ப் பயணம் மேற்கொள்ளும் போது அனேகமாக நாம் இரண்டு விஷயங்களுக்குத்தான் சங்கடப்படுகிறோம். ஒன்று, பயணத்தின் போது செலவாகும் பணத்திற்கு. மற்றொன்று பயணத்தால் கெடுத்துக்கொண்ட உடல் ஆரோக்கியம். இந்த இரண்டுமே ஒன்றுக்கொன்று தொடர்புடையவையே. பயணங்களில் ஆரோக்கியமாக இருக்கத் தெரிந்துகொண்டால் நாம் அதற்காக அதிகப்படியான செலவைச் செய்ய வேண்டியதில்லை. அதேபோல், பயணங்களில் அனாவசியமாக மனதையும் உடலையும் கெடுக்கும் செலவுகளைச் செய்யாதிருந்தால் நம் ஆரோக்கியம் நிலைக்கும். ஆனந்தமான பயணத்திற்கு அடித்தளமாக விளங்கும் ஆரோக்கியத்தை எப்படி பயணத்தின்போது பார்த்துக்கொள்வது என்று தெரிந்து கொண்டால் பயணங்கள் வெறுப்பதில்லை. ஆகவே அது பற்றி விரிவாக இப்புத்தகத்தில் பார்ப்போம்.

நாம் மேற்கொள்ளும் பயணங்கள் சுமையாக அல்லாமல், சுகமாக அமைய நாம் எவற்றிலெல்லாம் கவனம் செலுத்த வேண்டும் என்றும் அவற்றை எப்படிக் கையாள வேண்டும் என்றும் தெரிந்துகொள்வது நல்லது. ஆக, அதற்கு பயண கால சங்கடங்களை நாம் இனங்காண வேண்டும். அவை முறையே

  1. பயணக் களைப்பு: பயணத்தின் போது ஏற்படும் களைப்பால் பயணங்களை முழுமையாக அனுபவிக்க முடியாமல் போகிறது. பயணம் முடித்த பின்பும் ஏற்படும் களைப்பால் நம் வேலை நேரம் கெடுகிறது.
  2. உணவுப் பிரச்சனைகள்: நம் வீட்டுச் சாப்பாடு போல் பயணச் சாப்பாடு இருக்காதுதான். ஆனால், அதனால் ஆரோக்கிய பிரச்சனைகள் ஏற்படுவது நல்லதல்லதானே?
  3. தண்ணீர் ஒவ்வாமை: புதிய இடத்து தண்ணீர் ஏற்படுத்தும் உடல் ஒவ்வாமை பிரச்சனைகளை சமாளிப்பது எப்படி? குடிப்பதற்கு மினரல் வாட்டர் பயன்படுத்தலாம், ஆனால், குளிப்பதற்கு?
  4. கிருமித் தொற்று பயம்: நீண்ட தூரப் பயணங்களில் நாம் கண்டிப்பாக வழியில் உடற்கழிவை வெளியேற்றியாக வேண்டும். அசுத்தமான சூழலின் கிருமித்தொற்று அபாயத்தைத் தவிர்ப்பது எப்படி?
  5. பயணகால உடைத் தெரிவு: பயணகாலத்தில் எவ்விதமான உடைகளைத் தெரிவு செய்வது?
  6. மலச்சிக்கல் பிரச்சனைகள்: பயணத்தில் ஏற்படும் காய்ச்ச லான மற்றும் வெப்பமான தன்மையால் ஏற்படும் மலச்சிக்கல் பிரச்சனைகளை தவிர்ப்பது எப்படி?
  7. தூக்கமின்மை: புதிய இடத்தில் புதிய சூழலில் நாம் எப்படி நிம்மதியாகத் தூங்குவது?
  8. அவசரநிலைச் சமாளிப்பு: எதிர்பாராத அவசரச் சூழலில் நம் ஆரோக்கியத்தை காப்பது எப்படி?
  9. சத்து பற்றாக்குறைகள்: ஹோட்டல் சாப்பாட்டின் சத்து பற்றாக்குறைகளை ஈடு செய்வது எப்படி?
  10. சக்தி பற்றாக்குறைகள்: பயண கால உடல் செயலாக்கத்தால் ஏற்படும் சக்தி பற்றாக்குறைகளை எப்படி ஈடு செய்வது?

அன்புத் தோழ தோழியர்களே! மேலே குறிப்பிடப்பட்டுள்ள பயண கால பிரச்சனைகளுக்கு சாத்தியமாகக்கூடிய தீர்வுகள் உங்களுக்கு கிடைத்தால் மிகவும் சந்தோஷம்தானே? அது பற்றிய விரிவான புரிதலும், வழிகாட்டுதலும் அளிக்கவே யான் இப்புத்தகத்தை எழுதுகிறேன். அன்புத் தோழ தோழியர்களே நான் உங்களுக்குக் கொடுக்கப்போகும்  வழிகாட்டுதல் எல்லாம்  என் பயணங்களில் நான்  அனுபவபூர்வமாக  கைக்கொண்டு பலன்  கண்டவைதான். ஆகவே, அவை எல்லாம் உங்கள் பயணங்களுக்கும் பயனுள்ளதாகவே இருக்கும் என்று நான் உத்தரவாதம் தருகிறேன். உங்கள் பயணங்களில் பயன்படுத்தி அற்புதமான ஆரோக்கியமான பயணத்தை அனுபவியுங்கள். அன்பு நண்பர்களே! அதற்கான இரகசியங்களை அறிய என்னோடு இந்தப் புத்தகங்களின் பக்கங்களில் பயணிக்க வாருங்கள். பிரிதொரு தருணத்தில் நம் இருவரின் பயணப் பாதைகள் குறுக்கிடும்போது நேரில் சந்திப்போம். தங்கள் வாழ்க்கைப் பயணம் சிறக்க எல்லாம் வல்ல இறையாற்றல்  துணையாக இருக்கட்டும்.

நம் பயணங்கள் ஆனந்தமாக இருக்கவேபுறப்படுகிறோம். ஆனால், நம் பயணப் பிரச்சனைகள் தீராமையால் அல்லல்படுகிறோம்.

இந்த இதழை மேலும்


Share
 

No comments

Be the first one to leave a comment.

Post a Comment


 

 


November 2018

நோபல்பரிசு – 2018
சின்ன சின்ன மாற்றங்கள் பெரிய மாறுதல்கள்
வெற்றி உங்கள் கையில்-59
வாசியுங்கள்! வாகை சூடலாம்! – 2
இலட்சியத்தை நோக்கி
மண்ணின் மகத்துவம் மகாத்மா காந்தியடிகள்
எப்போதோ போட்ட விதை!
முயன்றேன் வென்றேன்…
தன்னம்பிக்கை மேடை
மற்றவர்களை வசீகரிப்பது எப்படி?
அற்ப சுகங்களுக்காக வாழ்வை மலிவு விலைக்கு விற்கலாமா?
காய்ச்சலால் வரும் வலிப்பு (Febrile Fits)
வாழ நினைத்தால் வாழலாம் – 22
வின்னர்ஸ் அகாடமியின்
அலங்கரித்துக் கொள்…
துணிந்தவருக்கில்லை துயர்-நீங்கள் துணிச்சல் மிக்கவரா?
பயணங்கள் வெறுப்பதில்லை
சிந்திக்க வைக்கும் சீனா- 4
எதிர்பார்ப்பைப் பூர்த்தி செய்… எதிர்காலத்தை நேர்த்தி செய்…
உள்ளத்தோடு உள்ளம்