பக்கவாதம் Stoke - தன்னம்பிக்கை | தன்னம்பிக்கை

Home » Articles » பக்கவாதம் Stoke

 
பக்கவாதம் Stoke


மீனாட்சி சங்கர்
Author:

பக்கவாதம் என்பதை Stroke என்று ஆங்கிலத்தில் கூறுவார்கள் பக்கவாதம் இரண்டு வகைப்படும். ஒன்று Ischemic Stoke அதாவது மூளைக்குச் செல்லும் இரத்தக்குழாய்களில் அடைப்பு ஏற்பட்டு அதன் காரணமாக மூளையின் நரம்பு செல்கள் செயல் இழந்து போவது. இரண்டாவது, Hemorrhagic Stoke இது முதல்வகைக்கு முற்றிலும் முரணானது. இதில் மூளைக்குச் செல்லும் இரத்தக் குழாய்களில் வெடிப்பு ஏற்பட்டு இரத்தக் கசிவு உண்டாகி, நரம்பு செல்கள் செயல்பாட்டை இழக்கின்றன. இவ்விரண்டு வகையான பக்கவாதத்திற்கும் சிகிச்சை முறைகள், காரணங்கள் அனைத்தும் வித்தியாசப்படும்.

உலகத்தில் மக்கள் இறப்பதற்குக் காரணமான முக்கிய நோய் மாரடைப்பு, இரண்டாவது முக்கிய நோய் பக்கவாதம். நெஞ்சுவ, மாரடைப்பு, புற்றுநோய் போன்றநோய்களுக்கு உள்ள விழிப்புணர்வு பக்கவாதத்திற்கு மக்களிடையே சென்றடையாததே இதற்குக் காரணம். தற்போது கணக்கெடுப்பின்படி, 6 நபர்களில் ஒருவருக்கு நிச்சயம் பக்கவாதம் வரும் என்கிற அபாயம் உள்ளது. மனிதனுக்கு வருகின்றநோயில் இதுவே ஊனத்திற்கு மிக முக்கியக் காரணம்.

பக்கவாதத்தை ஏற்படுத்தும் காரணிகள்:

மாரடைப்பிற்கும் பக்கவாதத்திற்கும் ஒரேமாதிரியான காரணங்கள்தான். இரத்த அழுத்தம் மற்றும் சர்க்கரை நோய் இரண்டும் மிக முக்கிய காரணங்கள் முந்தைய சூழல் படி அதிக வயதினரே வாதத்தினால் பாதிக்கப்பட்டு வந்தனர். தற்போதைய சூழல் குறிப்பாக இளம் வயதினர்களுக்குப் பக்கவாதம் அதிகமாக வருகிறது (35-45 வயது) அதற்கான முக்கியக் காரணங்கள் மதுபானம் மற்றும் புகைப்பிடிப்பது, மன அழுத்தம், அதிக உடற்பருமன், சரியான உடற்பயிற்சி இல்லாமை, சீரான உணவுப்பழக்கங்கள் இல்லாதது போன்ற வையே. பெற்றோர்களுக்கு மாரடைப்பு (அ) பக்கவாதம் உள்ள பட்சத்தில் இளைய (அ) அடுத்த தலைமுறைக்கும் பக்கவாதம் ஏற்படுவதற்கான வாய்ப்புகள் அதிகம்.

பக்கவாதத்திற்கான அறிகுறிகள்:

மூளையின் எந்தப் பகுதியில் உள்ள இரத்தக்குழாயில் அடைப்பு ஏற்படுகிறதோ அதனைச் சார்ந்தவாறு அறிகுறிகள் தென்படும். திடீரென்று கைகால்கள் செயல் இழப்பது, ஒரு புறம் வாய் கோணல், வாய் உளறல், பேச்சு இழப்பது, வலது (அ) இடது கை உணர்விழப்பது, மறத்துப் போவது, நடையில் திடீர் மாற்றம், கண்பார்வை இரண்டாகத் தெரிவது, தலைசுற்றல் போன்றபல்வேறு அறிகுறிகள் உள்ளன.

இந்த இதழை மேலும்


Share
 

No comments

Be the first one to leave a comment.

Post a Comment


 

 


August 2018

இலக்கை எட்டு… இமயம் தொட்டு.!
ஈர்ப்பும்.. ஈடுபாடும்
சக்தியும் நீள் ஆயுளும்
இங்கு… இவர்… இப்படி… தன்னம்பிக்கைத் தமிழர்
மனநிலை மாறிய மனிதர்களால் மக்கிப்போன விவசாயம்
சிந்திக்க வைக்கும் சீனா….
இளம்பருவத்தினரை வளர்க்கும் முறை (Parenting of Adolescents)
செல்போன் வரமா? சாபமா?
தமிழா உனக்காக எல்லாம் உனக்காக
அப்படியென்ன குறைந்து போகும்…
நீயின்றி அமையாது உலகு..!
பக்கவாதம் Stoke
“வாழ நினைத்தால் வாழலாம்” -19
திறமையே பெருமை தரும்
சிறுகதை சிறப்பு அம்சங்கள்
கிடைத்ததும்… படித்ததும்…. படைத்ததும்… பிடித்ததும்.
வெற்றி உங்கள் கையில்- 56
இனியொரு விதி செய்வோம்….
தன்னம்பிக்கை மேடை
கல்லூரிக் கனவுகள்…! களையாத நினைவுகள்…!
உள்ளத்தோடு உள்ளம்