Home » Articles » வெற்றி உங்கள் கையில்- 56

 
வெற்றி உங்கள் கையில்- 56


கவிநேசன் நெல்லை
Author:

வெற்றி ரகசியங்கள்

“வெற்றி பெறுவது எப்படி?” என்னும் ரகசியத்தைத் தெரிந்து கொள்வதற்கு பலரும் பல்வேறு வகைகளில் முயற்சிகளை மேற்கொண்டு வருகிறார்கள்.

“வெற்றிபெறும் ரகசியம் மட்டும் எனக்குத் தெரிந்துவிட்டால், நிச்சயம் நான் புகழ்பெற்றுவிடுவேன்” என்று நம்புபவர்களும் உண்டு.

“நேர்மையாக உழைத்தால் வெற்றி கிடைக்கும்” என்றும் சிலர் சொல்வார்கள்.

“குறுக்கு வழியில் முன்னேறுபவர்களுக்குத்தான் வெற்றி உடனே கிடைக்கும்” என அலுத்துக்கொள்பவர்களும் உண்டு.

“பதவியில் இருப்பவர்களும், அதிகாரத்தை சுவைப்பவர்களும்தான் வெற்றியோடு வாழ்கிறார்கள்” என்ற கருத்தை ஆழமாக மனதில் தேக்கி வருத்தப்படுபவர்களும் உண்டு.

“கொலை செய்பவர்களும், கொள்ளையடிப்பவர்களும், பிறரை மிரட்டி பணம் சம்பாதிப்பவர்களும்தான் வெற்றிகரமாக வாழ்க்கையை நடத்துகிறார்கள்” என்று ஏக்கப் பெருமூச்சோடு எண்ணி தவிப்பவர்களும் இருக்கிறார்கள்.

இந்தநிலையில், “வாழ்க்கையின் வெற்றியை ஒவ்வொருவரும் எப்படி பெறுகிறார்கள்?” என்பதை பெரும்பாலும் கணித்துச்சொல்வது சற்று கடினம்தான்.

பிளஸ் 2 தேர்வு முடிவு வெளிவந்தது.

அதிக மதிப்பெண்கள் பெற்று வகுப்பில் முதல் மாணவனாக தேர்ச்சிப் பெற்றான் சுரேஷ் வகுப்புத் தோழர்கள் அனைவரும் அந்த வெற்றியை ‘கேக்’ வெட்டி மகிழ்வோடு கொண்டாடினார்கள்.

“உன்னால் எப்படி முதல் மாணவனாக வெற்றி பெற முடிந்தது?” என்று பலரும் வெற்றியின் ரகசியத்தை சுரேஷ்யிடம் கேட்டார்கள்.

“நான் நன்றாகப் படித்தேன். அவ்வளவுதான்” – என்று தனது வெற்றியின் ரகசியத்தை வெளியிட்டான் சுரேஷ் சிலர் நம்ப மறுத்தார்கள்.

“எல்லோரும் நன்றாகத்தான் படிக்கிறார்கள். ஆனால், இவனால் மட்டும் எப்படி முதலிடம் பெற முடிந்தது?” என்று சிலர் ஆச்சரியத்தில் அதிர்ந்து போனார்கள்.

உண்மையில் ‘வெற்றி’ என்பது யாராலும் எளிதில் கணிக்க முடியாத ஒன்றாக அமைந்துவிடுகிறது.

புகழ்மிக்க முல்லாவைப் பார்க்க ஒருமுறை நண்பர் ஒருவர் வந்தார்.

“நீங்கள் நமது மன்னரிடம் நல்ல செல்வாக்குடன் இருக்கிறீர்கள். ஊரில் உங்களுக்கு நல்ல மதிப்பு இருக்கிறது. இப்படி சிறந்த புகழோடு நீங்கள் விளங்குவதற்கு காரணம் என்ன?. அந்தக் காரணத்தை என்னிடம் மட்டும் சொல்லுங்கள். வாழ்க்கையில் நீங்கள் பெற்ற வெற்றியின் ரகசியத்தை நான் தெரிந்துகொண்டால், எனக்கு மிகவும் உதவியாக இருக்கும். உங்கள் வெற்றியின் ரகசியத்தைச் சொல்வீர்களாக?” – என்றார் வந்த நண்பர்.

முல்லாவுக்கு நண்பரின் பேச்சு வித்தியாசமாகத் தெரிந்தது. இருந்தாலும் சமாளித்துக்கொண்டே, “சரி… எனது வெற்றியின் ரகசியத்தை உங்களுக்குச் சொல்லுகிறேன். ஆனால், நீங்கள் இந்த ரகசியத்தை வேறு யாரிடமும் சொல்லக்கூடாது” என்றார் முல்லா.

“நீங்கள் கவலைப்படத் தேவையில்லை. நான் யாரிடமும் நீங்கள் சொல்லும் வெற்றியின் ரகசியத்தை சொல்லவேமாட்டேன்” என்று உறுதியளித்தார் நண்பர்.

முல்லா விடவில்லை.

“எந்தச் சூழலிலும் யாரிடமும், நான் சொல்லப்போகும் வெற்றியின் ரகசியத்தை சொல்லமாட்டீர்கள் அல்லவா?” – என்று மீண்டும் கேட்க ஆரம்பித்தார் முல்லா.

“நீங்கள் சந்தேகப்பட தேவையில்லை. நீங்கள் சொல்லும் வெற்றியின் ரகசியத்தின் ஒரு வார்த்தையைக்கூட யாருக்கும் சொல்லமாட்டேன்” – என்று உறுதியளித்தார் நண்பர்.

“இந்த வெற்றியின் ரகசியத்தை வெளியே சொன்னால் உமக்கு அதன்மூலம் நல்ல இலாபம் கிடைக்கும் என்றாலும்கூட, இந்த ரகசியத்தை வேறு யாரிடமும் சொல்லமாட்டீர்கள் அல்லவா?” என்று சந்தேகக் கண்கொண்டு மீண்டும் கேட்டார்.

முல்லாவின் நண்பர் “சத்தியம்” செய்தார். “எனக்கு இலாபம் கிடைத்தாலும் யாரிடமும் சொல்லமாட்டேன். கண்டிப்பாக சொல்லவேமாட்டேன். என்னை நம்புங்கள்” – என்று உறுதிபட அழுத்தமாய்ச் சொன்னார் நண்பர்.

இந்த இதழை மேலும்

 

No comments

Be the first one to leave a comment.

Post a Comment


 

 


August 2018

இலக்கை எட்டு… இமயம் தொட்டு.!
ஈர்ப்பும்.. ஈடுபாடும்
சக்தியும் நீள் ஆயுளும்
இங்கு… இவர்… இப்படி… தன்னம்பிக்கைத் தமிழர்
மனநிலை மாறிய மனிதர்களால் மக்கிப்போன விவசாயம்
சிந்திக்க வைக்கும் சீனா….
இளம்பருவத்தினரை வளர்க்கும் முறை (Parenting of Adolescents)
செல்போன் வரமா? சாபமா?
தமிழா உனக்காக எல்லாம் உனக்காக
அப்படியென்ன குறைந்து போகும்…
நீயின்றி அமையாது உலகு..!
பக்கவாதம் Stoke
“வாழ நினைத்தால் வாழலாம்” -19
திறமையே பெருமை தரும்
சிறுகதை சிறப்பு அம்சங்கள்
கிடைத்ததும்… படித்ததும்…. படைத்ததும்… பிடித்ததும்.
வெற்றி உங்கள் கையில்- 56
இனியொரு விதி செய்வோம்….
தன்னம்பிக்கை மேடை
கல்லூரிக் கனவுகள்…! களையாத நினைவுகள்…!
உள்ளத்தோடு உள்ளம்