Home » Online News » வெல்வோம் வென்று காட்டுவோம்

 
வெல்வோம் வென்று காட்டுவோம்


ஆசிரியர் குழு
Author:

‘பெண்கள் கோழைகளும் இல்லை, வலிமை குறைந்தவர்களும் இல்லை’ என்று பெரும் நம்பிக்கை, பல எதிர்பார்ப்புகள் பெரும் கனவோடு ஊலவரும் நம் நாட்டின் மாபெரும் சிலம்பு வீராங்கணை அலமேலுவோடு நமது சிறு பயணம் துவங்குகின்றது.

பலகலை வாழும் திருவள்ளூரில் கும்மிடிபூண்டியில் நடுத்தரவர்க்கத்தில் 1995 ல் பிறந்தேன் பழ வியாபாரம் செய்யும் நாகராஜ் மற்றும் இலட்சுமி தம்பதியனருக்கு பிறந்த நான் இன்று சிலம்பத்தில் புகழ் பெற்றேன். எனது குடும்பம் இது வரை எனக்கு உதவியாக மட்டுமே இருந்தனர். நான் எதனை செய்ய எண்ணினாலும் எனக்கு உறுதுணையாக இருந்தனர். அவர்கள் எனது விருப்பு வெறுப்புகளை மதித்து என்னை ஊக்குவித்தனர். பெண்கள் அவர்களின் பலவீனமாய் எண்ணும் வலிமை அவர்கள் மனம் மட்டுமே! அவர்கள் பெரும் வலிமை கொண்டவர்கள் நமது தமிழ்நாட்டு பாரம்பரிய கலைகளை கற்றவர்கள் அனைவருமே வலிமை படைத்தவர்கள் தான்.

பாரம்பரிய கலைகள் அழிந்து வருகின்றது. என் மனம் இதனை எண்ணும் கணம் வருந்துகின்றது. நான் ஒன்பதாம் படிக்கும் போது சிலம்பை கையில் எடுத்தேன். இன்று என் குடும்பத்தில் நான் மட்டுமே விளையாட்டு துறையில் இருகின்றேன். என் குடும்பத்தை தவிர எனது உறவினர்கள் அனைவரும் எனது விருப்பதிற்கு மதிப்பளிக்கவில்லை. எதற்கு பெண்களுக்கு விளையாட்டு என்ற வினாக்கள் பல என்னை நோக்கி பயணித்து கொண்டே இருந்தன. பலர் என்னை விமர்சித்தனர். ஆனால் முயன்று நான் வெல்ல நினைத்தேன். எனக்கு பல விதங்களில் உதவியது என் குருநாதர் ஹரிஹரன் மாஸ்டர் மட்டும் தான்.

என்னை இன்று அவினாசிலிங்கம் பல்துறை கழகத்தில் பகிழ உதவியது நான் பயிற்சி பெற்ற ஹரிஹரன் ஐயாவும், அவரும் சந்தியராஜ் நடத்தி வரும் சிலம்பு கிளப்பும் இணைந்து தான். இன்று என்னை அவினாசிலிங்கம் கல்லூரி பல போட்டிகளுக்கு அவர்கள் செலவில் அனுப்பியது. கடந்த 2014ஆம் ஆண்டில் மலேசியாவில் நடந்த விளையாட்டு விழாவில் இந்தியாவின் சார்பில், என்னை அவர்கள் மதித்தும், எனது திறனை மதித்தும் அனுப்பினர். இந்தியாவின் சார்ப்பில் அனைத்து சிலம்பு போட்டிகளிலும் நான் மட்டுமே பங்கு கொண்டேன்.. இருபது நாடுகள் பங்கேற்ற இந்த போட்டியில் நான் இந்தியாவிற்காக 2 தங்கம், 3 வெள்ளி மற்றும் 3 வெண்கலம் முதலிய பதக்கங்களை வென்றேன்.

பதினொரு ஆண்டுகள் நான் சிலம்பு சுழற்றிய நாட்களில் பலர் எனக்கு உதவினர். உதவி இருந்தால் தான் முன்னேற இயலும் என்பதல்ல, உதவி இருந்தால் பலவற்றை சாதிக்கலாம். தமிழ்நாட்டின் தற்காப்பு கலையான  சிலம்பம் தான் என்னுடைய பெரிய இலட்சியம்.

அன்று நடந்த அந்த போராட்டத்தில் நான் பெருமை கொண்டேன். இந்தியாவிற்காக எனது நாட்டின் பாரம்பாரிய கலையை கற்று இன்று பல நாடுகளுக்கு முன்பு வென்று காட்டி மனம் மகிழ்ந்தேன்.. என்றுமே நான் எனது குரு ஹரிஹரனிடம் வாழ்த்து பெற்றே சிலம்பத்தை தொடுவேன். ஆனால் மலேசியாவில் அவர் இன்றி மனம் வருந்தினேன்.

என்னுடைய சிலம்பு பணியை தொடர்ந்த அந்த நாட்களில் நான் ஏறிய முதல் மேடை, இந்திய அளவில் நடந்தது. அதில் முதல் முறையாக தோல்வி கண்டேன்.  முதல் முறை மட்டும் இல்லாது இறுதி முறையாக நான் கண்ட தோல்வியும் அதுவே. கடந்த பதினொரு வருடங்களில் என்னை வெற்றி பாதைக்கு அழைத்து சென்றது அந்த தோல்வியும் தான். அத்தோல்வி என்னை விமர்சிப்பவர்களுக்கு பெரும் எடுகோளாய் அமைந்தது. வீறுகொண்டு அடுத்தடுத்து நான் வென்றேன்.

சிலம்பு விளையாட்டு ஒலும்பிக்கில் இடம்  பெறாததால் இந்தியாவில் அதிக வாய்ப்பு கிடைப்பது இல்லை. அதற்காக அங்கிகாரத்தை தர மறுகின்றனர். இந்தியாவின் பாரம்பரிய வீரவிளையாட்டிற்கு அங்கிகாரம் கிடைக்காதது தான் பலருக்கு வேதனையாக உள்ளது. எனது வெற்றிக்கு முதல் காரணம் சிலம்பு விளையாட்டிற்காக துவங்கப்பட்ட கிளப் தான். எனது வீட்டிலிருந்து பயிற்சி மையத்திற்கு பதினைந்து நிமிட அவகாசம் உள்ளது. இந்த பயணத்தையும் கூட அவர்கள், கிளப் செலவில் ஏற்று கொண்டனர். எங்கு விளையாட்டு நடந்தாலும் என்னை அங்கு அனுப்ப இவர்கள் தயங்கியதே  இல்லை.

மலேசியாவில் நடந்த போட்டிக்கு பின் பலரும் நேரில் பாராட்டினர். தொலைகாட்சிகளிலும், பத்திரிக்கைகளிலும் நேர்கானலை நடத்தினர். இதனை தொடர்ந்து நான் பல வெற்றிகளை பெற்றேன். இதுவரை 15 தங்கம், 5 வெள்ளி மற்றும் 5 வெண்கல பதக்கங்களும் ஒரு விருதும் பெற்றுள்ளேன்.

என்னை ஊக்குவித்து என் திறனை கண்டறிந்து பலரின் விமர்சனங்களை தாண்டி முன்னேற்றிய என் தாயை என் வாழ்நாட்களில் என்றுமே மறக்க இயலாது. சில வேளைகளில் என் தந்தை என்னை திட்டியுள்ளார். பல இடங்களுக்கு செல்ல தடையும் விதித்துள்ளார். ஆனால் எனது தாய் எக்கணமும் இதற்காக திட்டியது இல்லை. நான் எடுக்கும் முடிவுகள் சரியானதாகவும், நல்பாதையில் பயணிப்பதாகவும் அமையும் என்று மீது நம்பிக்கை கொண்டவர். நேர்வழியில் அடிபிறலாது நடப்பேன் என்று என்னை நம்பி எங்கும் பயணிக்க அனுமதிப்பார்.

என்னை எவ்வித போட்டிகளையும் தோல்வி காணாதவாறும், போட்டிகளை தவறவிடாதவாறும் காத்த என்  சகோதரன் கனேஷ். அவன் மட்டுமே என்னை எக்களத்திற்கும் அழைத்து சென்றவன். என்னை என் தாயுடன் இணைந்து ஊக்கமளித்தவன் என் சகோதரன் மட்டுமே! எனது செலவுகளை ஏற்று எனக்கு உதவி, என்னை ஊக்குவித்து நடைபகிலவைத்தவன். எனக்கு ஒரு துணையாய், என் உணர்வுகளை மதிக்கும் சகோதரனாய் வாழந்தவன். அவனை ஒரு கணம் கூட மறவ மாட்டேன்.

எனக்கு ஆசிரியராய், என் குருவாய், என் நலம்விரும்பியாய் இருந்தவர் மாஸ்டர் ஹரிஹரன் ஐயா மட்டுமே என் வாழ்நாட்களில் மட்டும் இல்லை என் பெயர் நிலைக்கும் வரை அவரை நான் மறக்கவே மாட்டேன். நான் இன்று அவினாசிலிங்கம் பல்துறை கழகத்திற்கு உடற்கல்வி துறை படிக்க வந்தபின்பும் கூட என் குருவிடம் தொடர்பு கொண்டு எங்கு சென்றாலும் ஆலோசனை கேட்பேன்.  நான் எவ்வெற்றி பெற்றாலும் வராத மகிழ்வு அவர் கூறும் ‘வாழ்த்துக்கள்’ என்ற மொழியில் வரும். அவரின் அந்த வார்த்தைகாக நான் தவமிருப்பேன்.

பலதடைகளை தாண்டி பலதரப்பட்ட மக்களை சந்தித்து பலவேறுப்பட்ட சூழல்களை கடந்து தான் வெற்றியை பறிக்க இயலும். பெண்களுக்கு எதற்கு விளையாட்டு படிப்பு மட்டும் போதும் என்று எண்ணுதல் கூடாது. விளையாட்டில் சாதிப்பவர்கள் மட்டும் தான் படிப்பிலும் பல படிகளை  தாண்டுகின்றனர். எவருக்கு எத்துறையில் திறமை உள்ளதோ அவர்களை அத்துறையில் செயல்படுத்த விடுங்கள். அவர்கள் முன்னேறுவர். சிலம்பம், இல்லை எந்த விளையாட்டில் அவர்களுக்கு ஆர்வம் உள்ளதோ அவர்களை அதில் ஈடுபடுத்துங்கள். அப்பொழுது தான் அவர்கள் முன்னேறுவர். பல படிகளை தாண்டி சாதணை புரிவர்.

 


Share
 

No comments

Be the first one to leave a comment.

Post a Comment


 

 


May 2018

தகுதியை அறிந்து கொள்
பேசும் தெய்வம் உலக அன்னையர் தினம் – மே 13
சவால்களை வெல்வது எப்படி?
நரையும் திரையும்
நம்பிக்கை இழக்காமல் இருப்போம்
தொடர்ச்சியான வயிற்றுப்போக்கு
வெற்றியை நோக்கிப் பயணம் செய்யுங்கள்!
உலகில்லை உழவனின்றி
சிறுநீரக கற்களுக்கு உணவு பழக்கம் காரணமா?
சாதுர்யம்
வெற்றி உங்கள் கையில் – 53
வாழ நினைத்தால் வாழலாம் அறிவின் அர்த்தம்
முசோலினியின் செயல்பாடு
முயற்சியே முன்னேற்றம் – 4
சிறுகதைகளின் சிறப்பு அம்சங்கள் -5
சாதனைகளைச் சாதிப்போம்
தன்னம்பிக்கை மேடை
உழைப்பின் ஏற்றம் உயர்வின் முன்னேற்றம்