Home » 2018 » February

 
  • Categories


  • Archives


    Follow us on

    கண்கள் காட்டும் கல்லீரல் காதல்

    கண்ணின் மணிக்கு இமைபோல் என்னின் அன்புக்கு நட்பாக விளங்கும் தோழ தோழியர்களே! நமது கண்களுக்கும் கல்லீரலுக்கும் உள்ள அற்புத நட்புறவை நாம் இங்கு காண இருக்கிறோம். நமது கண்கள், ஒளியின் நெருப்பு சக்தியை ஆகாசச் சக்தியாகத் தன்மாற்றம் செய்து மரமாக விளங்கும் கல்லீரலை வளப்படுத்துகிறது. என்னது கல்லீரல் மரமா? என்று வியப்பு காட்டுவது எனக்குப் புரிகிறது. மரம் என்றால் முழுமைத் தன்மையைக் கொண்ட வளர் குருத்தைக் (Totipotency) குறிப்பதாகும். நமது உடலுக்கு வேண்டிய அவசரத் தேவைக்கு வேண்டிய மாவுச்சத்தை கிளைக்கோஜனாக சேமித்து வைத்துள்ளதால் இதனை மரத்துக்கு சமமாக ஆயுர்வேதமும் அக்குபஞ்சரும் பாவிக்கிறது. ஆகவேதான் 90 விழுக்காடு சேதமடைந்தாலும் மீட்டெடுக்கக் கூடிய ஒரே உறுப்பு நமது கல்லீரலாக இருக்கிறது. இதனால்தான், குடியால் கல்லீரலைக் கெடுக்கும் குடிகாரனையும் வாழவைக்கிறது. இப்பொழுது புரிகிறதா ஆங்கிலத்தில் கல்லீரலை லிவர் (Liver) என்று, அதாவது வாழவைப்பவர் என்று சரியாக பெயரிடப்பட்டிருப்பது? சேமித்து வைத்துள்ளதால் இதனை மரத்துக்கு சமமாக ஆயுர்வேதமும் அக்குபஞ்சரும் பாவிக்கிறது. ஆகவேதான் 90 விழுக்காடு சேதமடைந்தாலும் மீட்டெடுக்கக் கூடிய ஒரே உறுப்பு நமது கல்லீரலாக இருக்கிறது. இதனால்தான், குடியால் கல்லீரலைக் கெடுக்கும் குடிகாரனையும் வாழவைக்கிறது. இப்பொழுது புரிகிறதா ஆங்கிலத்தில் கல்லீரலை லிவர் (Liver) என்று, அதாவது வாழவைப்பவர் என்று சரியாக பெயரிடப்பட்டிருப்பது?

    சரி, அன்பர்களே! கண்களில் விழும் ஒளியானது எப்படி ஆகாச சக்தியாக தன்மாற்றம் அடைகிறது என்று இனி பார்ப்போம். நமக்கெல்லாம் தெரிந்த ஒன்றிலிருந்து இதனைப் புரிந்து கொள்ளப் பார்ப்போம். நெருப்பானது எரியும் போது ஒளி மற்றும் வெப்பத் தன்மையோடு அலையியக்கமாக (Waves) வெளிப்படுகிறது. இந்த அலையியக்கமானது மின்காந்த அலை வரிசையைச் சார்ந்ததாகும். நம் அண்டசராசரம் வான் காந்தக் களமாகவும், அதன் வெளிப்பாடு காந்த அலைகளாகவும் (Electromagnetic Waves) விளங்குகின்றன. அதுபோலவே, கண் விழி வழித் தீண்டும் ஒளி நெருப்பானது ஆகாச காந்த அலைகளாக தன்மாற்றமடைந்து மரமாகிய கல்லீரலுக்குச் சக்தியளிக்கிறது. இது, சூரிய ஒளிக் கதிர்கள் மரத்திற்கு ஒளிச்சேர்க்கை (Photosynthesis) செய்ய உதவுதல் போல் இருக்கிறது. ஆக, நம்முள் இருக்கும் மரம் பட்டுவிடாமல் பார்த்துக்கொள்வது அதிமுக்கியம், காரணம் இந்த  மரத்தில்தான் நம் ஆயுளின் ஆதாரம் இருக்கிறது.

    காதல் வழியில் நமது கண்கள் பேசுவதை நாம் கண்டு, பார்த்து அனுபவித்து இருக்கிறோம். ஆனால் நமது கல்லீரல் வழியில் கண்கள் பேசுவதை கவனிக்காவிட்டால், காதலால் கனிந்த வாழ்க்கையும் வெந்து, வெம்பி, நொந்து போய்விடும். ஆகவே, நமது கண்ணை வைத்து கல்லீரல் தன்மையை எப்படி உணர்வது என்று இனி பார்ப்போம்.

    1. கண்களில் வெண்பொறி: அதீத மண்ணீரல் அழற்சியால், கல்லீரலுக்குச் சக்தி கிடைக்காமல் இருக்கிறது.
    2. கண்கள் வெளுத்திருத்தல்: மண்ணீரல் அழற்சியால், கல்லீரல் செரிமானம் முற்றிலும் நின்றுவிடுதல்.
    3. கண்கள் சிவந்திருத்தல்: அதிக உடல் உஷ்ணத்தால் கல்லீரல் இரணமாகியிருத்தல்.
    4. கண்ணீர் அதிகம் வெளிப்படுதல்: மண்ணீரல் தளர்ச்சியால் கல்லீரல் சக்திக்கு ஏங்குதல்.
    5. கண்ணெரிச்சல்: போதிய, ஆழ்ந்த தூக்கமின்மையால் கல்லீரல் புத்துணர்வு பெறாமல் இருக்கிறது.
    6. கண்கள் மஞ்சள் நிறத்தில்: மஞ்சள் காமாலையால் கல்லீரல் பாதிப்படைந்திருக்கிறது
    7. கண் இமை படபடப்பு: கல்லீரல் இரணத்தால் கண்களின் நரம்பு பாதிப்படைந்துள்ளதைக் குறிக்கிறது.
    8. மெட்ராஸ் ஐ: கல்லீரல் இரணமும், மலச்சிக்கலும் சிறுநீரகச் சோர்வும் கைகோர்ப்பதால் வருவது.
    9. கண்பார்வை குறைதல்: சத்துக்குறைவால் மண்ணீரல் தளர்வும், அதன் பொருட்டு கல்லீரல் தளர்வும் சேர்ந்து கண்பார்வையைப் படிப்படியாகப் பதம் பார்த்தல்.
    10. கண்புறை நோய்: நீண்டகால மண்ணீரல் மற்றும் கல்லீரல் அழற்சியால், கணையம் தளர்ந்து, நீரழிவு நோய் உண்டாவதல், கண் வெளிச் சவ்வில் கெட்டச் சர்க்கரை சேர்ந்துத் தடித்துப் போவது.
    11. குலுக்கோமா: நீரழிவு நோயின் தீவிரத்தால், கண்களில் கெட்டக் கொழுப்பு படிவதால் உண்டாகிறது.
    12. கண்களுக்கு கீழ் கரு வளையம்: கல்லீரலின் தளர்வால் உண்டான சிறுநீரகத் தளர்ச்சிக் குறிக்கிறது.

    கண்கள் காட்டும் கல்லீரல் மொழியை நாம்

    கண்டு கொண்டு திருத்தம் செய்தால்,

    கண்ணுக்கு கண்ணாக நம்மைக் கல்லீரல் காத்து

    நம்மை நீடுழி வாழ வைக்கும்.

    இந்த இதழை மேலும்

    மூன்று முடிச்சை அவிழுங்க, ஸார் !!

    “ஸார், டைம் மேனேஜ்மென்ட் டெக்னிக் எல்லாம் நம்ம நாட்டுல யூஸ் ஆகாது. இங்க எல்லாரும் அலங்காரத்துக்குத்தான் வாட்ச் கட்டி இருக்கான். “

    நேரே மேலாண்மை பற்றி நாம் யாரிடமாவது பேசினால் இப்படித்தான் பதில் சொல்வார்கள். மேலே ஏதாவது நாம் சொன்னால், ” ஸார், ஜப்பான்ல ஒரு தடவ என்ன ஆச்சு தெரியுமா ? ஒரு ட்ரெயின் மூணு மணி நேரம் லேட்டா வந்துது. அதாவது ஒரு பாஸன்ஜர் ட்ரெயின் எடுத்துகுற நேரம் ஆயிடுச்சி.  ரயில்வே டிபார்ட்மன்ட் என்ன செஞ்சாங்க தெரியுமா ? எக்ஸ்ப்ரஸ் ட்ரெயினுக்கு வாங்கின கூடுதல் காசை திரும்ப கொடுத்துட்டாங்க. அது நாடு ஸார்.” என்று உதாரணம் காட்டுவார்கள்.

    இந்த மனோபாவத்தில் பெரிதான தவறு ஏதும் இல்லை. இவர், உங்களையும் என்னையும் போல் ஏதாவது ஒரு தரமான “நேர மேலாண்மைப்” புத்தகத்தைப் படித்திருப்பார். அதில் சிபாரிசு செய்யப்பட்ட ஒரு சில நல்ல யுக்திகளை அன்றாட வாழ்க்கையில் பயன்படுத்தி இருப்பார். கொஞ்ச நாட்களில் அவை வலுவிழந்து போயிருக்கும். மேலும் இரண்டொரு முறை முயன்றிருப்பார். அப்பொழுதும் தோல்வியே கிட்டியிருக்கும். அதன் பிறகு நேர மேலாண்மை என்பதே நம் நாட்டுக்கு உகந்தது அல்ல என்ற முடிவிற்கு வந்திருப்பார்.

    பெரும்பாலான மக்கள் இப்படிப்பட்ட எண்ணத்தில்தான் இருக்கிறார்கள். ஆனாலும் மேலும் ஒரு முறை முயற்சி செய்வோமே ! அதற்கு முன், ஒரு சில காட்சிகளைப் பார்ப்போம்.

    ஒரு தம்பதியருக்கு இரண்டாம் வகுப்பு படிக்கும் குழந்தை ஒன்று இருக்கிறது. ஒரு உதாரணம்தான்.  இருவருமே அலுவலகத்தில் பணி புரிபவர்கள். எல்லாக் காலைப் பொழுதுமே உஷ்ல்ழ்ங்ள்ள்ர் இர்ச்ச்ங்ங் இயந்திரம் போல் சத்தமும் நீராவியுமாக … ஒரே பதட்டம்தான். பல நாட்கள், அந்தக் குழந்தையின் தாய் இட்டிலித் துண்டை அதன் வாயில் திணித்தபடியேதான் பள்ளிகூட வாகனத்தில் ஏற்றுவார்.

    இந்தக் குழந்தைக்கு “பதட்டம்” என்பது இயல்பான நிகழ்வு போலதான் கவனத்தில் பதியும். அதுவே மீண்டும் மீண்டும் நடக்கும் பொழுது அது ஒரு பலமான பதிவாகப் பொறிக்கப்படும். பின்னாளில் இதுவே ஒரு “படிமம்” என்பதாகவும் ஆகலாம். இதுதான் ஒரு மனதில் உருவாகும் “முதல் முடிச்சு”

    அந்தக் குழந்தை வளர்ந்து பெரியவனாகி ‘ 2 படிப்பதாக வைத்துக் கொள்வோம். ஏதோ ஒரு தேர்வு நாள். தந்தை மகனைப் பள்ளிக்கு அழைத்துச் செல்கிறார்.  வழியில் அவர்களது இரண்டு சக்கர வாகனம் “பங்க்சர்” ஆகி விடுகிறது. “இன்னமும் சீக்கிரம் நீ கிளம்பி இருக்க வேண்டும்” என்று தந்தை மகனை மிகவும் கடிந்து கொள்கிறார். பரிட்க்ஷை பயத்தோடு இந்தக் கடுஞ்சொல்லும் சேர்ந்து கொள்கிறது. உள்ளே ஒரு ஊமைக் காயம் உண்டாகிறது. இரண்டாம் முடிச்சு !

    காட்சி மாற்றம். அந்த மாணவன் பட்டதாரி ஆகி வெளியூரில்  ஒரு வேலையிலும் சேர்ந்து விடுகிறான்… ம் .. இல்லை இல்லை சேர்ந்து “விடுகிறார்” !!. வீட்டிலிருந்து விடுதலை.  பிறகென்ன … விரும்பிய நேரம் தூக்கம். நினைத்த நேரத்தில் விழிப்பு. கட்டுப்பாடு கொஞ்சமும் இல்லாத வாழ்க்கை !!

    சில வருடங்கள் செல்கின்றன. இவர் பல இடங்களுக்குக்   கால தாமதமாகச் சென்றதால் சில கசப்பான அனுபவங்கள் நிகழ்கின்றன. நல்ல வாய்ப்புகள் பலவற்றை இழக்கிறார். இவரது அலட்சிய மனோபாவத்தால் ஒரு முறை பதவி உயர்வு மறுக்கப்படுகிறது. தான் நேரத்தைச் சரியாக நிர்வகிக்கவில்லை. அதனால்தான் இது போன்ற தோல்விகள்  என்று நினைக்கிறார். அந்தக் குறையைச் சரி செய்ய வேண்டும் ஏதாவது செய்தே ஆக வேண்டும் எனத் தீர்மானிக்கிறார்.

    ஒரு நாள் எதேச்சையாக, நேர மேலாண்மை பற்றிய ஒரு புத்தகம் அவர் கண்ணில் படுகிறது. அதை வாங்குகிறார். ஆர்வத்தோடு படிக்கிறார். அதில் குறிப்பிடப்பட்டுள்ள சில யுக்திகளைப் பயன்படுத்தத் தொடங்குகிறார். தோல்வி அடைகிறார். மீண்டும் முயற்சி. மீண்டும் தோல்வி. மீண்டும் ஒரு முயற்சி. ஆனால் அதே முடிவு. பிறகு, அந்தப் புத்தகத்தை அலமாரியின் ஒரு ஓரத்தில் வைத்து விட்டு, அதைப் பற்றி  மறந்தே போகிறார்.

    யார் இவர் என்று கேட்கிறீர்களா ?  இவரைத்தான் இந்தக் கட்டுரையின் ஆரம்பத்தில் நாம் சந்தித்தோம். ஜப்பானை உதாரணம் காட்டியதும் இவரேதான். இதன் காரணம் என்ன ? அவர் பயன்படுத்திய யுக்திகள் குறையுள்ளவையா ? அல்லது இந்தியாவில் நேர மேலாண்மை என்பதே செல்லுபடியாகாதா ?

    ஒரு பிரச்சனையைத் தீர்க்க தவறான யுக்திகளைப் பயன்படுத்தினால் தோல்விதான் கிட்டும். அது போலவே, ஒருவருக்குப் பொருந்தும் ஒரு யுக்தி இன்னொருவருக்கு எந்தப் பயனையும் அளிக்காமலும் போகலாம். ஆனால், இவை தவிர வேறு ஒரு காரணமும் இருக்கலாம். அது என்ன ?

    இவரது வாழ்க்கையைக் கொஞ்சம் அலசுவோம். குழந்தைப் பருவத்தில் எந்த விதமான புரிதலும் இல்லாமல் “பதட்டம்” என்பது முதல் முடிச்சாக விழுந்தது. காரியங்களைச் செய்ய அதுவே சரியான முறை என்ற பதிவும் உண்டாகி உள்ளது.

    மாணவப் பருவத்தில், அந்த பரிட்க்ஷை நாளன்று … தந்தையின் சாடல்… அந்த நிகழ்வு ஒரு சாதாரண நாளில் ஏற்பட்டிருந்தால் பெரிய விஷயமாக இருந்திருக்காது. வண்டி பழுதடைந்ததில் மகனின் தவறு ஏதும் இல்லை. சொல்லப் போனால் தந்தையின் தவறும் கூட ஏதும் இல்லை. ஆனால், தேர்வு பயம் என்னும் உணர்ச்சி உச்சத்தில் இருந்த அந்த நாளில் தந்தையின் திட்டு மகனைப் பாதித்திருக்கிறது. உணர்ச்சியின் ஆக்ரமிப்பில் உள்ள மனமானது பழுக்கக் காய்ச்சிய இரும்பைப் போன்றது. சாடல் போன்ற சம்மட்டி அடியில் அவலட்சண உருவகங்களாக வார்ப்படம் ஆகும். அதுவே இங்கு விழுந்த    இரண்டாம் முடிச்சு !

    வேலை கிடைத்த பின், கட்டுப்பாடற்ற சுதந்திரம், எதிர்மறை விளைவுகளையே ஏற்படுத்தி இருக்கும். “காஞ்ச மாடு கம்பங் காட்டில் புகுதாற் போல்” சிந்தனை கட்டுப்பாடற்று ஓடியிருக்கும். விளைவு … குழப்பமான நடவடிக்கைகள்.   அதனால் நேர நிர்வாகம் என்னும் குணம் மேலும் சிடுக்காகி இருக்கும்.

    இந்தத் தருணத்தில்தான் இவர் ஒரு நேர மேலாண்மைப்  புத்தகத்தை வாங்குகிறார். அதில் படித்த விஷயத்தைப் பிரயோகம் செய்கிறார். என்ன நடக்கும் ?

    உதாரணமாக, மறுநாள் முதல், காலை நான்கு மணிக்கு எழுந்து கொள்ள வேண்டும் என்று அவர் தீர்மானிக்கிறார் என்று வைத்துக் கொள்வோம். கடிகாரத்தில் நாலு மணிக்கு ஒலி எழுப்ப அலாரத்தைப் பொருத்தி விட்டு தூங்கப் போவார்.

    கொண்டைச் சேவல் போல் கடிகாரம், தன் கடமையை வினாடி பிசகாமல் செய்யும். ஆனால், அலாரம் அடித்தவுடன், அவர் விழித்துக் கொள்ளும் முன்பே அவரது ஆழ் மனம் விழித்துக் கொள்ளும். அது தனது குரங்கு புத்தியைக் காட்டும்.

    மாணவப் பருவத்தில் அவருக்கு தந்தையோடு ஏற்பட்ட கசப்பை அந்த நொடியில் வெளியே துப்பும். உடனே, புதிய பழக்கத்திற்கு எதிரான ஒரு உணர்ச்சி பீறிட்டுக் கொண்டு பாயும். அவர் என்ன செய்வார் என்று நினைக்கிறீர்கள் ?

    நீங்கள் அனுமானித்தது சரியே ! கடிகாரத்தின் தலையில் ஓங்கி ஒரு தட்டு தட்டி விட்டு மீண்டும் தூங்கப் போய் விடுவார். அவரோடு அவரது ஆழ்மனமும் தூங்கப் போய்விடும். அதன் பின் “4 மணி” என்ற யுக்திக்குச் சங்கு ஊதப்படும் !!

    இப்படித்தான் ஒரு நல்ல வழிமுறையைப் பிரயோகம் செய்ய அவர் முனையும் பொழுதெல்லாம் இந்த மூன்று முடிச்சுகள் தனியாகவோ அல்லது கூட்டணி முறையிலோ கைகோர்த்துக் கொண்டு அவர் சிந்தனையைப் பலமிழக்கச் செய்யும். புதிய நல்ல பழக்க வழக்கங்கள் உருவாகாமல் “காவல் காக்கும் !”

    இதை எப்படிச் சரி செய்யலாம் ? விடையும் வழியும் மிக  மிகச் சுலபம். ஒரு நோட்டுப் புத்தகமும் சில மணி நேரத் தனிமையுமே போதுமானது.

    தனியாக அமர்ந்து கொண்டு “நேரம் மற்றும் அதன் நிர்வாகம்” சம்பந்தமான உங்கள் கடந்தகால முக்கியப் பதிவுகளை எல்லாம் அந்த நோட்டுப் புத்தகத்தில் குறியுங்கள். எந்த ஒரு நிகழ்வானாலும் சரி. எழுதுங்கள். எவ்வளவு முடியுமோ அவ்வளவு எழுதுங்கள். அது சம்பந்தமான உங்கள் உணர்வுகளையும் அதன் பக்கத்திலேயே எழுதுங்கள்.

    சிறு வயது, மாணவப் பருவம், வளர்ந்த பருவம் என்று எல்லா வகை நிகழ்வுகளையும் மீண்டும் மீண்டும் படியுங்கள். மொத்தத்தில் ஒரு டஅபபஉதச ( ஒரு தினுசு அமைவு) கிடைக்கும் கொஞ்சம் ஆழமாகச் சிந்தியுங்கள். ஒரு தெளிவு பிறக்கும்.  கீழே கொடுக்கப்பட்டுள்ள விஷயங்கள் அல்லது ஆச்சரியங்கள் உங்களுக்குத் தெரிய வரலாம் !

    • நிகழ்வுகள் சாதாரணமானவையாகவும் ஆனால் அவை உண்டாகிய தாக்கம் அதிகமானதாகவும் இருக்கும்.
    • யார் மீதோ உள்ள கோபம், நேரம் என்னும் ஒரு விஷயத்தின் மீது விழுந்திருக்கும்.
    • ஒருவர் நம் மீது செலுத்தும் அதிகாரத்தை மறைமுகமாக எதிர்க்க “நேர விரயத்தை” ஒரு சாதனமாக நாம் பயன்படுத்தி இருப்போம்.

    இப்படி பல விஷயங்கள் மற்றும் முரண்கள் நமக்குத் தெரியவரும். கொஞ்சம் சிந்தித்தால், இவை ஒரு கடந்தகாலச் சுமைகள் என்பதைப் புரிந்து கொள்வோம். கொஞ்சம் நம் மனதோடு இணக்கமாகப் பேசினால், இது போன்ற பழைய கசடுகள் மெல்ல மெல்ல நீங்கும். மூன்று முடிச்சுகளும் மெல்ல மெல்ல அவிழும். சிடுக்கு விலகும். மனத்திரை “பளிச்” என்று பிரகாசமாகும்.

    இப்பொழுது, காலையில் நம்மை எழுப்புவதற்குக் கடிகாரத்தில் அலாரம் பொருத்திப் பாருங்கள். அதன் ஒலி, உங்கள் காதுகளுக்கு “வெற்றி மணி” போல் இனிமையாகக் கேட்கும்.

    நீங்கள் ஒரு புதிய மனிதராக வலம் வருவீர்கள் !!

    இந்த இதழை மேலும்

    முயற்சியே முன்னேற்றம்

    முயற்சி திருவினை யாக்கும் முயற்றின்மை

    இன்மை புகுத்தி விடும்- குறள் 616

    ஆள்வினை உடைமை என்ற அதிகாரத்தில் 10 குறட்பாக்களில் திருவள்ளுர் கூறியவற்றின்  சாரம்; தனக்கும் பிறருக்கும் பாதிப்பில்லாத செயல்களை செய்தல்; அதற்காக சிந்தித்தல். இதன் விளைவு செல்வம் பெருக வேண்டும்.

    பொருள், புகழ், அதிகாரம் இந்த மூன்றும் ஒன்றுடன் ஒன்று தொடர்புடையது.

    பொருளிலார்க்கு இவ்வுலக மில்லை என்றே திருவள்ளுவரும் சொன்னார். பொருள் என்பது உழைப்பின் வெகுமதி () என்பார்  வேதாத்திரி மகரிஷி.

    இனிய வாசகர்களே!

    இதிலிருந்து நாம் தெரிந்து கொள்வது திட்டமிட்ட முயற்சியும், தொடர்ந்த செயல்பாடும் என்றும் இன்பம் தரும்.

    பிறந்து, வளர்ந்து, வாழ்ந்து கொண்டிருக்கும் மக்களின் எதிர்பார்ப்பு தான் என்ன? நோயில்லாமல், கஷ்டப்படாமல் வாழ வேண்டும் என்பது தான். இப்படித்தான் பெரும்பாலானவர்கள் சொல்கிறார்கள்.

    சட்டியில் இருப்பது தானே அகப்பையில் வரும். என்பது போல, அவர்கள் மனதில் நிறைந்துள்ள- நோய், கஷ்டம் போன்ற வார்த்தைகள் பேச்சாக வருகின்றன.

    முதல் முயற்சியாக ஒரு பயிற்சி-

    இன்று முதல் எதிர் மறையான சொற்களைப் பேசுவதில்லை என்ற திடமான முடிவை எடுப்போம், அதற்கு என்ன செய்வது?

    இல்லை என்ற பொருள் தரும் சொற்களை ஒரு தாளில் எழுதுங்கள், உதரணமாக

    வீட்டு வாடகை அதிகம்

    சம்பளம் போதுமானதாக இல்லை

    உடம்பெல்லாம் வலி

    சொன்னால் யாருமே கேட்பதில்லை

    ரோட்டில் சரியாகப் போவதில்லை

    பேப்பர் பையன் லேட்டாகவே வருகிறான்

    நினைச்ச மாதிரி படிக்க முடியலே

    அவங்களைப் பார்த்தாவே புடிக்கலை

    இந்தக் கீரை எனக்குப் புடிக்காது

    இது என்ன பஸ்ஸா? ஓட்டை வண்டி

    எல்லாமே திருடங்க

    யாருமே யோக்கியங்க இல்லே

    இது போல இன்னும் ஏராளமாய் எழுதலாம்.

    இந்தத் தொடரின் நோக்கம், படித்தவுடன் சிந்திப்பதும், உடனே செயல்பாட்டில் இறங்குவதும் தான்.

    இன்று உலக அளவில் இரண்டாவது பெரிய ஜனநாயக நாடு நம் இந்தியா என்று எல்லோருமே சொல்கின்றனர். ஆனால் இது தப்பு.

    ஜனத்தொகையில் தான் சீனாவுக்கு அடுத்த நிலையில், உலகில் நாம் இரண்டாமிடத்தில் இருக்கிறோம்.

    நேர்மையற்ற, தூய்மையற்ற, மக்கள் கருத்தைப் புறந்தள்ளும் கட்சி ஆட்சியே நம் நாட்டில் இன்று நடைபெற்று வருகிறது என்பது தான் உண்மை.

    முதலிடங்களில் கீழ்க்கண்டவற்றில் நம் நாடு பெருமை கொள்ளலாம்.

    பால் உற்பத்தி

    விண்வெளி சோதனை

    கணினி பயிற்சிகள்

    இயற்கை வளம்

    இளைஞர் சக்தி

    இத்துடன் இன்னும் சிலவற்றையும் கஷ்டப்படாமல் சேர்க்க வேண்டிய நிலையில் உள்ளோம்.

    லஞ்சம், ஊழல், சோம்பல் இது போன்ற பல.

    ஆறு அடி உயரமுள்ள ஒரு அடி அகலமுள்ள 10 அடி நீள முள்ள ஒரு சுவற்றைக் கட்டுவதற்கு ஒவ்வொரு கல்லாகத்தான் கீழே இருந்து,வரிசையாக, பொறுமையாக எடுத்து வைக்கிறோம்.

    வாகனத்தில் கொண்டு வந்து அப்படியே கொட்டிவிட்டால் சுவராகாது. இது நம் எல்லோருக்குமே தெரியும்.

    ஆனால், அவரவர் வாழ்க்கை என்று வருகிற போது மட்டும் உடனே கிடைக்க வேண்டும் என்று எதிர்பார்ப்பது தவறு தானே.

    இதற்கான காரணம்.

    சமுதாயத் தாக்கம் (SOCIAL IMPACT)  இதை கோயபல்ஸ் தத்துவம் என்றும் சொல்லலாம்.

    ஒன்றைத் திரும்பத் திரும்ப எல்லாருமே சொன்னால், அது செயலுக்கு வரும் வாய்ப்பு உள்ளது என்பது தான் கோயபல்ஸ் தத்துவம்.

    நாம் வாழும் இக்காலத்தில் வாழ்க்கை முறை எப்படி இருக்கிறது. ஆட்சி முறை எப்படி இருக்கிறது? என்று பார்க்கலாம்.

    நம் வீட்டிலுள்ள பெரியோர்கள் அவர்களது இளமைக்கால வாழ்க்கை எப்படி இருந்தது; அன்று ஆட்சி முறை எப்படி இருந்து என்று சொல்வதைக் கேட்டிருக்கலாம். அல்லது இப்போதாவது கேளுங்கள்.

    அன்று:

    எளிய வாழ்க்கை

    பொறாமைப்படாத வாழ்க்கை

    பிறருடன் ஒப்பிடாத வாழ்க்கை

    பிறர் வாழ்க்கையில் தலையிடாத வாழ்க்கை மக்கள் நலனில் அக்கரை செலுத்திய ஆட்சி சொத்து சேர்க்க மறுத்த ஆட்சியாளர்கள் சேவை உணர்வுடன் வேலை செய்த அதிகாரிகள் அரசுப் பணத்தை அளவுடன் மக்கள் உபயோகத்துக்கு மட்டுமே செலவு செய்தனர்.

    இன்று:

    ஆடம்பர வாழ்க்கை

    பொறாமை படும் வாழ்க்கை

    பிறருடன் ஒப்பிடும் வாழ்க்கை

    உழைக்காமல் இலவசங்களுக்காக காத்திருக்கும் வாழ்க்கை

    தேவையின்றி தன் கருத்தைக் கூறும் முந்திரிக் கொட்டை வாழ்க்கை

    மக்களைப் பற்றியே அக்கரையில்லாத கட்சி ஆட்சி

    சொத்து சேர்க்கவே அலையும் ஆட்சியாளர்கள்

    சம்பளம் பெற்றும் ஏங்கும் அதிகாரிகள்

    அரசுப் பணத்தை திட்டமிட்டு அபகரிக்கும் திட்டங்கள்

    இது போல பட்டியலிடலாம். இதுவல்ல நமது நோக்கம்.

    சூழ்நிலை எப்படி இருந்தாலும் இன்றைய இளைஞர் சமுதாயம் குறிப்பாக, குறிக்கோள்களில் தெளிவாக உள்ளோர், தங்களது குறிக்கோளை அடைவதற்காக என்ன முயற்சி செய்ய வேண்டும் எனத் தெளிவு பெற்று, அதனை செயல்படுத்த வேண்டும்.

    பொதுவாக இன்றைக்கு நாம் எதிர் கொள்ளும் தடைகள் அன்றும் இருந்திருக்கலாம். அன்று மக்கள் மனம் அதிகமாக மாசு படாமல் இருந்ததால், தடைகளின் தாக்கம் குறைவாகவே இருந்திருக்கும்.

    இன்று விஞ்ஞான முன்னேற்றம் அறிவாட்சித்தர உயர்வு இவற்றால் திட்டமிட்டு குறுக்கு வழியில் ஆதாயமடைந்து வாழ்பவர் எண்ணிக்கை அதிகரித்துக் கொண்டிருப்பதால், நேர்மையானவர்கள் இந்தச் சமுதாயத்தில் புறக்கணிக்கப்படுகின்றனர் என்பதே நிதர்சனம்.

    முயற்சி என்பது என்ன?

    அது எப்படி நம்மை முன்னேற்றும்.

    காத்திருப்போம்

    வாழ்க வளமுடன்.

    இந்த இதழை மேலும்

    நவீன ஜீனோமிக்ஸ் (பகுதி – 10)

    கடந்த இதழில் மனித மரபாகராதி திட்டம் (Huma Genome Project) பற்றியும் அதனால் மருத்துவ துறையில் ஏற்பட்ட முன்னேற்றங்களையும் பார்த்தோம். இனி வரும் இதழில் மனிதன் சார்ந்து வாழும் மற்ற உயிரினங்களை பற்றிய மரபாகராதி திட்டங்களையும் அதனால் மனித அடைந்த பயன்களையும் காணலாம்.

    மனிதனின் வாழ்விற்கு மிகவும் அடிப்படையான கூறு உணவு. மனிதன் இந்த உணவை தாவரங்கள் மற்றும் விலங்குகளிடம் இருந்த பெற்று தன்னை பூர்த்தி செய்துகொள்கிறான். ஆனால், தற்போதைய சூழலில் பெருகிவரும் மக்கள்தொகையும், குறுகிவரும் வேளாண்  நிலப்பகுதியும் மனிதனுக்கு மிகப்பெரிய அச்சுறுத்தலாக இருந்து வருகிறது. இந்த நிலைமை 2050-இல் தீவிரமாக பெருகி குற்றங்களும், பஞ்சமும் மக்களின் அன்றாட வாழ்விற்கு மிகப்பெரும் இடையூறாக அமையலாம்.

    ஆகவே, குறைந்த விளை நிலத்தில் அதிக உற்பத்தியும், பயிர் பாதுகாப்பும் கொண்ட தானிய மற்றும் காய்கறி பயிர் ரகங்களை உருவாக்குவதில் தாவர விஞ்ஞானிகள் கடந்த பல ஆண்டுகளாக முனைப்புடன் செயல்பட்டு வருகின்றனர். தற்போது ஜீனோமிக்ஸ் வளர்ச்சியால் இத்தகைய ஆராய்ச்சிகள் துரிதப்படுத்தப்பட்டுள்ளன.

    பொதுவாக, பயிர் தாவரங்கள் (Crop plants) வெவ்வேறு வடிவங்களையும் (Phenotypes), வாழ்க்கை சுழற்சியும் (life span) கொண்டிருந்தாலும், அதில் உள்ள மூலக்கூறு கட்டமைப்பு (molecular structure) மற்றும் மரபு பண்புகள் (Genetics) அல்லது ஜீன்கள் (Genes) ஒரே மாதிரியாக இருக்கும். மிக சிறிய அளவில் ஒவ்வொரு தாவரத்திற்குமான தனிப்பட்ட டி.என்.எ. வேறுபாடுகள் மற்றும்  ஜீன்கள் இருக்கும். இவையே தாவரங்களை மூலக்கூறு அளவிலும், தோற்ற வகையிலும் வேறுபடுத்தி காட்டும்.

    ஆகவே, ஒரு தாவரத்தில் ஒரு ஜீனின் செயல்பாட்டை (function) கண்டறிவதன் மூலம், இதே செயல்பாடு தான் இந்த ஜீனை கொண்ட மற்ற தாவரத்தில் இருக்கும் என்பதை விவரிக்கலாம். சில சமயங்களில், பரிணாம வளர்ச்சியால் இந்த ஜீனின் செயல்பாடு மாறுபடலாம். ஆகவே, ஒரு தாவரத்தை மாதிரியாக (model) கொண்டு அதன் செயல்பாட்டை கண்டறிவதன் மூலம் மற்ற தாவரங்களின் ஆராய்ச்சியை எளிமைப்படுத்தலாம்.

    தாவரங்களில் அத்தகைய தேர்வு செய்யப்பட்ட மாதிரி தாவரம்தான் (Model plant) அரபிடோப்சிஸ் தாலியான (Arabidopsis thaliana). இதுவே  டி.என்.எ. வரிசையாக்கம் செய்யப்பட்ட முதல் தாவரமாகும் (First sequenced plant). இதைப்பற்றி சற்று விரிவாக இங்கு காணலாம். முந்தைய கால கட்டத்தில்,  தாவர வளர்ச்சியையும் (Plant development), சூழ்நிலை மாற்றத்தினால் தாவரங்களில் நிகழும் வினைகளையும் (Environmental responses), மிக நுட்பமாக புரிந்து கொள்ள தேவையான நிலைப்பண்புகள் (potential)  அரபிடோப்சிஸ் தாவரத்திற்கு இருப்பதாக வாதிட்டு, முதல் தாவர மரபாகராதி திட்டத்திற்கு (First plant genome project) எடுத்துக்கொள்ளப்பட்டது.

    இத்திட்டத்தின் முதல் ஆய்வறிக்கை 2000-ஆம் ஆண்டில் வெளியிடப்பட்டது. இதன் படி, இந்த ஜீனோம் கிட்டத்தட்ட 146 மில்லியன் நியூக்கிளியோடைடுகளையும் (146 Mb), 5  குரோமோசோம்களையும் உள்ளடக்கியது என விவரிக்கப்பட்டது. மேலும், ஏறத்தாழ 25,000 ஜீன்கள் இருப்பதாக கண்டறியப்பட்டது. இதுவே இந்த ஜீன்களின் செயல்பாட்டை கண்டறியும் மிக பெரிய அளவிலான எண்ணற்ற ஆராய்ச்சிக்கு உலக அளவில் பிற்காலத்தில் வித்திட்டது.

    இதில் மிக வியப்பிற்குரிய விஷயம் என்னவென்றால், பெரும்பாலான ஜீன்கள் மற்றோரு ஜீனின் நகல்களாகவே (gene duplication) இருந்தன. பின் சீறிய பகுப்பாய்விற்கு பிறகு, அரபிடோப்சிஸ்  தாவர பரிணாம வரலாற்றில் (lineage)  இரண்டு முறை இரட்டிப்பதால் நிகழ்முறை (whole genome duplication) நிகழ்வே இந்த ஜீன் நகல்களுக்கு காரணம் என விவரிக்கப்பட்டது. தற்பொழுது, ஜீனோம் ஒப்பீடு (Comparative genomics) மூலமாக 70 சதவீதத்திற்கும் அதிகமான நெற்பயிர் ஜீன்கள் அரபிடோப்சிஸ் ஜீனோமுடன் ஒத்தவையாக இருக்கிறது என கண்டறியப்பட்டுள்ளது. இதன்மூலம் செல்லின் உள்ளே நடக்கும் உயிர்வேதியல் செயல்பாடுகளும் (biochemical functions) ஒத்தவையாகவே இருக்கும். எனவே அரபிடோப்சிஸ் தாவரத்தை வைத்து நெற்பயிற்றில் நடக்கும் மூலக்கூறு செயல்பாடுகளை கண்டறியவும் அதன் உற்பத்தி பெருக்கத்திற்கும் இது வழிவகுக்கும்.

    தற்போதைய நிலவரப்படி, அரபிடோப்சிஸ் தாவரத்தின் மூலமாக ஆயிரத்திற்கும் மேற்பட்ட ஜீன்களின் செயல்பாடுகள் கண்டுபிடிக்கப்பட்டுள்ளன. இது தவிர, தாவர உயிரியலில் அதி நவீன தொழில்நுட்பங்கள் முதலில் அரபிடோப்சிஸ் தாவரத்தை வைத்து தான் சோதனை செய்யப்படுகிறது. இன்று தாவர அறிவியலில் ஏற்பட்ட எண்ணற்ற முன்னேற்றங்களுக்கு இந்த அரபிடோப்சிஸ் ஆராய்ச்சி மிகப்பெரிய பங்கு வகிக்கிறது. இன்று வரையில் அரபிடோப்சிஸ் தாவர ஜீனோம் மேம்படுத்தப்பட்டு (update) டி.என்.எ.-வானது மிகவும் துல்லிய அளவில் மெருகேற்றப்பட்டு வருகிறது.

    இதுவரை 10 முறை இந்த ஜீனோம் மெருகேற்றப்பட்டுள்ளது (10 versions). அரபிடோப்சிஸ் சம்பத்தப்பட்ட அனைத்து தரவுகளையும் TAIR (https://www.arabidopsis.org/) எனும் தரவு தளத்தில் பெற்றுக்கொள்ளலாம். ஒரு தாவரத்தின் விதை முதல் பூ, காய், கனி வரையிலான அனைத்து வளர்ச்சி பருவத்தில் நடக்கும் உயிர்வேதிய செயல்பாடுகளையும், கூட்டமைவுகளையும், அதற்கான ஜீன்களையும், இந்த அரபிடோப்சிஸ் மூலமே இந்த உலகிற்கு தெரியப்படுத்தப்பட்டுள்ளது. ஆக, அரபிடோப்சிஸ் நவீன தாவர உயிரியலின் தாய் என்று கருதினால் கூட அது மிகையாகாது !!!

    இந்த இதழை மேலும்

    சுயமுன்னேற்ற தத்துவ முத்துக்கள்

    மனிதனிடம் இருக்கும்  நேர்மறையான, அல்லது எதிர்மறையான மனப்போக்கை மாற்றுவதன் மூலம், அவனிடம் அதுவரை இல்லாத ஒரு நிலையை இயக்கிக் காட்ட முடியும்.

    உயர்ந்தவர்கள் அத்தனை பேருக்கும், ஒரு நிரந்தர அடையாளம் உண்டு என்பது வரலாறு நமக்கு உணர்தும் பாடமாகும். அந்த அடையாளத்திற்காக அவர்கள், எத்தனை, தியாகம், உழைப்பு மற்றும் காலத்தை அர்பணித்திருப்பார்கள். என்பது பிரமிக்கத் தக்கதாகும்.

    உங்களுக்கு கீழ், மேல் மற்றும் சுற்றியுள்ள அனைவரும், உங்களை பிரமிப்புடன் பார்ப்பதாக எண்ணிக் கொள்ளுங்கள்,நாளடைவில் நீங்கள் அப்படியே ஆகிப் போய் விடுவீர்கள். ஏனென்றால், உங்களின், சிந்தனை, செயல், பேச்சு, மூச்சு அனைத்தும் மெல்ல மெல்ல, அப்படியே மாறிப்போய் விடும் இது சத்தியம்.

    உங்கள் உலகத்தில் நீங்கள் எப்படி அடையாளம் காணப்படுகின்றீர்கள் என்பது மிக முக்கியம். ஆகையினால் உங்கள் அடையாளத்தை, நீங்கள் விரும்பியபடி வெளிப்படுத்துங்கள் அதன் பிரதிபலிப்பு உங்களை எப்போதும் சந்தோசப்படுத்தும்.

    யாரும் நம்மை கண்காணிக்கவில்லை என எண்ணுபவனைத்தத்தான் எல்லோரும் காண்காணிக்கின்றனர்.

    எல்லோரும் நம்மை காண்காணிக்கின்றனர். என எண்ணுபவனை எவனும் காண்காணிப்பதில்லை.

    உங்களை நீங்கள் கேட்டுக்  கொள்ளுங்கள், யாருக்காக நாம் இங்கு வாழ வேண்டும்? எதை நிறுபிப்பதற்காக நாம் இயங்க வேண்டும்.

    உங்களைப் பற்றி மற்றவரைக் காட்டிலும் நீங்கள் தெரிந்து கொண்டது எவ்வளவு?

    மரியாதையை எதிர்பார்க்காத நபரே கிடையாது. அதை எத்தனை பேருக்கு நீங்கள் கொடுத்திருக்கிறீர்கள்?

    செயல்படுத்தல் ஒன்றை அத்தனைக்கும் தீர்வு, என்பதை நீங்கள் அறிந்துள்ளீர்களா?

    இகழ்ச்சி என்றைக்கும் ஆபத்தானது என்பது தெரியுமா?

    தெரிந்தவருடனே உறவை வலுப்படுத்துகின்றோமா? தெரியாதவர்கள் உடன் ஏன் உறவு கொள்ள தயங்குகின்றோம்.

    இந்த உலகில் கீழ்த்தரமானவர்களுக்குள்ளும் தான் நாம் வாழ்ந்தாக வேண்டும் தெரியுமா?

    நாணப்படாது, நன்றி கூறுவதையும், தயவு செய்து என்ற வார்த்தையையும், பிரயோசிக்க தெரியுமா?

    நிச்சயம் கிடைக்கும் என்ற நம்பிக்கையுடன் உங்களுக்கு கேட்கத் தெரியுமா?

    இலட்சியத்தை எழுத்தில் இறக்கிவையுங்கள், உங்கள் கண்கள் அதை காணும் போதெல்லாம் அது உங்களை உந்தித் தள்ளும் தெரியுமா?

    முடிந்த அளவு, கடன் பட உடன்படாதீர்கள்.

    இணையற்ற துணைக்கு ஈடு ஏதுமில்லை

    உங்கள் உயரத்தை, உச்சி முகர்ந்து கொண்டாடுபவரே உண்மையான நண்பன்.

    எப்போது ஒன்றை மட்டுமே நம்பி இருக்க வேண்டாம் மாற்றுவழியைத் தேர்ந்தெடுத்து வைத்திருங்கள்.

    சுற்றியுள்ளவதில் சுபிச்சத்தை தேர்ந்தெடுங்கள்.

    வெளிப்புறத்தை பார்த்து உடனடி முடிவுக்கு வராதீர்கள்.

    நீங்களே உங்களுக்காண விளம்பரம் என்பதை மறவாதீர்கள்.

    வெற்றி என்பது விடாமுயற்சியின் முடிவு.

    உடல் உறுதி உள்ள போதே உங்கள் உயர்வை இறுதி செய்து விடுங்கள்.

    இந்த இதழை மேலும்

    கானக சங்கமம்

    நாம் பிறந்த வீடு தான் காடுகள். ஆதி மனிதர்களாகிய நம் மூதாதையர்கள் பரிணாம மாற்றங்களுக்கு பின் மனித உருவெடுத்து மனித பிறவியாக தோன்றி வாழ்ந்ததும், வளர்ந்ததும், மடிந்ததும் எல்லாம் ஆதிகாலத்தில் கானகங்களில்தான் நடந்தது. சிறிது சிறிதாக சிந்திக்கும் ஆற்றலை வளர்த்துக் கொண்ட மனிதன் தான் அதுவரை வாழ்ந்து வந்த குகைகளையும், மரப்பொந்துகளையும் விட்டு வெளியே வந்த பிறகுதான் அவனுக்கு சூரியனுடைய கண்களை கூச வைக்கும் பிரகாசத்தையும், மனதுக்கு குளிர்ச்சியை ஊட்டுகிற நிலவின் ஒளியையும் ரசிக்கவும், அனுபவிக்கவும் முடிந்தது. இயற்கையன்னையின் படைப்பில் காடுகள்தான் உயிரின சங்கிலியில் பல்லுயிர்களின் தாயகமாக விளங்கி வந்தது. நாகரீகம் வளர வளர மனிதன் கொஞ்சம் கொஞ்சமாக தன் வாழ்க்கைமுறைகளையும், வசிப்பிடம், உணவுப்பழக்கங்களையும் எல்லாவற்றையும் மாற்றிக்கொண்டான். ஆனாலும் இன்னமும் உலகில் பல்வேறு பாகங்களில் ஆதிவாசிகள் எனப்படும் பழங்குடியின மக்கள் தங்கள் பாரம்பரியமான கலாச்சாரத்தையும், வாழ்கைமுறைகளையும் எதற்காகவும் விட்டுக்கொடுக்காமல் காத்து வருகின்றனர். உலகில் பல நாடுகளில் இந்தியா உட்பட காட்டுக்குள் வாழ்ந்த மனிதர்கள் காடுகளை விட்டு வெளியே வராமல் தங்கள் வாழ்வை மொத்தத்தையும் காட்டுக்குள்ளேயே முடித்துக்கொள்ளும் பண்புடையவர்களாகவும் இருந்து வருகிறார்கள். நீலகிரி மலைகளில் கூட சில இன பழங்குடி மக்கள் காடுகளை விட்டு இப்போதும் கூட வெளியே வராமல் வெளியுலக தொடர்புகள் எதுவுமே இல்லாமல் பிறந்து, வளர்ந்து தங்கள் தாய்வீடாக காடுகளையே கருதி அங்கேயே மடிந்தும் போகிறார்கள். சில இன மக்கள் நாகரீகம் ஆயிரம் மாறியிருந்தாலும் தங்கள் பழக்கவழக்கங்களையும். பண்பாட்டையும் விட்டுக்கொடுக்காமல் வெளியுலகத்தோடு தொடர்புடையவர்களாகவே வாழ்கிறார்கள். இத்தகைய மக்கள் காடுகளுக்குள்ளும், காடுகளை சுற்றிலும் இருக்கும் பகுதிகளிலும் வசித்துவருகிறார்கள்.

    ‘தெய்வத்தின் சொந்தமான நாடு’ என்று பெருமையுடன் திகழும் கேரள மாநிலத்தின் தலைநகரமான திருவனந்தபுரத்தில்தான் இந்த திருவிழா நடந்தது. கேரள வனத்துறையுடன் ஆதரவுடன் கேரளா உட்பட இந்தியாவின் பல்வேறு பாகங்களில் இருந்து 18 மாநிலங்களை சேர்ந்த காட்டின் மைந்தர்கள் இந்த விழாவில் பங்கு கொண்டார்கள். 4000 காட்டின் குழந்தைகள் ஒன்று கூடி ஒரே இடத்தில் இது போல ஒரு திருவிழா கொண்டாட்டத்தில் பங்கு பெறுவது இதுவே இந்தியாவின் வரலாற்றில் முதல் முறையாகும். பங்கு கொண்ட பழங்குடி மக்களும், பார்க்க வந்திருந்தவர்களான நாட்டுப்புறத்தவர்களுக்கும் ஒரு வித்தியாசமான அனுபவமாக இந்த திருவிழா திகழ்ந்தது. கடந்த 2015 ஏப்ரல் 17 முதல் 22 வரை திருவனந்தபுரத்தில் கோலாகலம் பூண்டிருந்த ஆதிவாசி மக்களின் கலைவடிவங்களும், அவர்கள் பகிர்ந்து கொண்ட பாரம்பரிய அறிவுசார்ந்த விஷயங்களும், அளித்த சுவை மிக்க உணவுவகைகளும், காடு அவர்களுக்கு கற்றுக் கொடுத்த பழமையான வனசிகிச்சை முறைகளும் எல்லா நகரவாசிகளுக்கு ஒரு அதிசய காட்சியாக விளங்கியது. இருளர் நடனம், பாலிக நடனம், மங்களம் களி, சார்த்து பாட்டு, கோத்ர மொழி எனப்படும் ஆதிவாசிகள் மொழிகள், தமிழ்நாட்டின் கலை வடிவங்களான கரகாட்டம், பொய்கால் ஆட்டம், கர்நாடகாவின் தொல்லு புலிக நடனம், ஆந்திராவின் லொம்பார்டி கலைவடிவம் போன்றவைகள் பல நூற்றாண்டுகால நம் பாரம்பரியத்தையும், காட்டின் கலாச்சாரத்தையும் பிரதிபலித்தது. மேள தாளங்களும், சுருதி லயங்களும் சங்கமமான இந்த காட்டின் கலாச்சாரத்தையும் பிரதிபலித்தது. மேள தாளங்களும், சுருதி லயங்களும் சங்கமமான இந்த காட்டின் திருவிழா என்றும் ஒரு மறக்க முடியாத அபூர்வமாகவே இருக்கபோகிறது.

    காடுகளுக்குள் மட்டுமே ஒதுங்கி வாழும் இந்த காட்டின் மக்கள் நாட்டுக்கும் ஒரு அரிய சொத்தாகும் என்பதை இந்த திருவிழா எடுத்துக்காட்டுவதாக அமைந்தது. அறியப்படாத பல அபூர்வமான தாவரங்களை பற்றியும், அவற்றை எவ்வாறு, எது, எதற்கெல்லாம் எப்படி பயன்படுத்த வேண்டும் என்பது பற்றிய அறிவும் இந்த காட்டின் மைந்தர்களுக்கு தான் தெரியும். பழமையான சித்த மருத்துவத்தையும், ஆயுர்வேதத்தையும் போல இயற்கையின் வழியில் வாழ்ந்து காட்டும் இவர்களுடைய அறிவு அளவிடமுடியாததாகும். 350 ஆதிவாசி கலைஞர்கள் பங்கு கொண்ட சூரியா கிருஷ்ணமூர்த்தி அவர்கள் தயாரித்து வழங்கிய ‘நாட்டறிவுகள்’ என்ற கலைநிகழ்சியுடன் தான் கானக சங்கமம் ஆரம்பமானது. காட்டுக்குள் வாழும் இந்த நல்ல மனித உள்ளங்களின் வாழ்கைமுறைகள், சடங்கு சம்பிரதாயங்கள், சிகிச்சை முறைகள் போன்றவை சாதாரண மனிதர்களுக்கு புரியும் வகையில் கானக சங்கமம் அமைந்திருந்தது. காட்டுக்குள் தானே இவர்கள் எல்லாம் ஒதுங்கி வாழ்கிறார்கள் என்று கருதாமல் இவர்களும் நம் நாட்டின் மதிப்புக்குரிய சொத்தாகும் என்ற வகையில் நாம் பிறந்த வீட்டை மறந்தும், துறந்தும், வெளியே நவநாகரீகம் என்ற பெயரில் நம்மை நாமே ஏமாற்றிக் கொண்டு வாழும் நாட்டுப்புறவாசிகளான நமக்கு இவர்களோடு பழக இந்த மக்களை அறிந்து கொள்ள இந்த விழா பேருதவியாக இருந்தது என்று பலரும் கருதினர்.

    காட்டின் செல்வங்களான இவர்கள் எதிர் கொள்ளும் பல விதமான சிரமங்களையும், கஷ்டங்களையும் முடிந்தவரை குறைக்க நம்மால் ஆனதை செய்ய வேண்டும் என்ற எண்ணத்தை பலருக்கும் இந்த விழா ஏற்படுத்தியது. இன்னும் இந்தியாவில் பல பாகங்களில் உள்ள அடர்ந்த காடுகளில் பல ஆதிவாசி மக்கள் வானமே கூரையாக, பூமியாக பாயாக படுத்துறங்கும் அவலத்தில்தான் வாழ்வை கழிக்கிறார்கள் என்பது நிதர்சனமான உண்மையாகும். கோடை காலங்களில் குடிப்பதற்கும் நீர் இல்லாமல், உண்பதற்கு சரியான உணவு கிடைக்காமலும் பல ஆதிவாசி மக்களின் குழந்தைகள் பலவித தொற்றுநோய்களால் பாதிக்கப்பட்டு அவதிப்படுகிறார்கள் என்பது வருத்தம் தரும் செய்தியாகும். தமக்கென்று சொந்தமாக வீடு என்று எதுவும் இல்லாத இவர்கள் இரவு நேரங்களில் வனவிலங்குகளின் தாக்குதலுக்கும் பல நேரங்களில் ஆளாகிறார்கள். காடுகளில் வாழும் இந்த மக்களின் அவதிகளுக்கெல்லாம் காரணம் காடுகள் அழிக்கப்படுவதும், அதன் சரிசமமான சூழல் நிலைநிறுத்தப்படாமல் போவதும் தான். இந்த மக்களோடு கானகங்களில் வாழும் வனவிலங்குளும், பறவைகளும் வாழ்கையை நரகமாக அனுபவிக்க மூலகாரணமாக இருப்பது நாட்டுப்புறத்தில் வசிக்கும் நாம்தான்.

    ஆதிவாசிகள் படும் கஷ்டங்களை நாட்டுப்புறத்தில் இருக்கும் சாதாரணமானவர்களும் புரிந்து கொள்ளும் விதத்தில் இந்த விழா பெரிதும் உதவியாக இருந்தது. இயற்கை எழில் கொஞ்சும் மேற்கு தொடர்ச்சி மலைதொடர்களும், கடலும், கடலோடு சேர்ந்துள்ள கழிமுகத்துவார கண்டல் காடுகளும், 44 ஆறுகளும் உடைய ஒரு மாநிலத்தில் இந்த திருவிழா நடப்பது பொருத்தமானதுதான்.. பல ஆபூர்வமான தாவரங்களும், விலங்குகளும், பறவைகளும் வாழும் உலக பாரம்பரிய சின்னங்களில் ஒன்றாக அறிவிக்கப்பட்டுள்ள மேற்கு தொடர்ச்சி மலை காடுகளில் உள்ள இயற்கை செல்வங்களும், அங்கு வாழும் ஆதிவாசி மக்களும்தான் மிகவும் விலைமதிக்க முடியாத சொத்து என்று கூறப்படுகிறது. திருவனந்தபுரத்தில் கனககுன்னு அரண்மனை வளாகத்தில்தான் இந்த திருவிழா நடந்தது. காடுகளை காப்பதற்காக அங்கு வாழும் மக்களாலேயே அமைக்கப்பட்டுள்ள சூழல் பாதுகாப்பு குழுக்களின் ( eco development committees ) ஒரு அரிய சங்கமம் இது. இந்த சங்கங்கள் ஒவ்வொரு வருடமும் அவரவர்களுடைய சங்க ஆண்டுவிழாக்களில் கலந்து கொள்கிறார்கள் என்றாலும், இந்த வருடம்தான் இந்தியா முழுவதிலும் இருந்து அத்தகைய எல்லா குழுக்களையும் ஒன்று சேர்த்து ஒரு விழாவாக சங்கமிக்க செய்யப்பட்டுள்ளது. இந்த திருவிழாவின் முக்கியமான குறிக்கோள் காட்டிலும், காடுகளுக்குள்ளேயும் வாழந்து வரும் மக்கள், அவர்களுடைய விவசாய பொருள்கள் மற்றும் அவர்கள் சூழலை பாதுகாக்கும் முறைகள் போன்றவை எல்லாம் நாட்டறிவுகளின் அடிப்படையில் புதிய தலைமுறைக்கு, இன்றுள்ள இளம் தலைமுறையினருக்கு முழுமையாக புரிந்து கொள்ள ஒரு வாய்ப்பு அளிப்பதே ஆகும். அதோடு வனமைந்தர்களான இந்த ஆதிவாசி மக்கள் உற்பத்தி செய்யும் மதிப்புமிக்க பொருள்களை கொண்டு சென்று சந்தைப்படுத்துவதற் உரிய திறனையும், அதற்கான ஒரு தளத்தை உருவாக்குவதும், அத்தகைய ஒரு விசயத்தில் அவர்களுக்கு ஒரு பங்களிப்பும் பண்பை வளர்பதும் ஆகும். 4000 ஆதிவாசி மக்கள் ஒன்று கூடும் ஒரு அபூர்வமான சங்கமமாக இது திகழ்ந்தது என்றால் அது ஒரு அற்புதமான செயலே ஆகும். நாட்டின் பல்வேறு பாகங்களில் இருந்து கடந்த ஏப்ரல் 16-ம் தேதி இரவு முதல் வந்து சேர்ந்த இந்த ஆதிவாசி மக்கள் திருவனந்தபுரத்தில் தேசீய விளையாட்டு போட்டிகளுக்காக செய்யப்பட்ட விளையாட்டு போட்டிகளுக்காக தயார் செய்யப்பட்ட விளையாட்டு கிராமத்தில் தங்க வைக்கப்பட்டு உபசரிக்கப்பட்டனர்.

    ‘ஊரு மித்ரா’, (ஊருக்கு நண்பன்), ‘ஊரின் உறவு, காட்டின் உணர்வு போல பல விதமான பிரிவுகளில் கானக சங்கமம் நடந்தேறியது. இதோடு கண்காட்சிகள், பல விஷயங்கள் பற்றிய கருத்தரங்குகள், பல விதமான போட்டிகளும் நடந்தன. பல மாநிலங்களில் இருந்து உயர் அதிகாரிகள், முக்கிய பிரதிநிதிகள் போன்றவர்கள் விழாவின் அங்கமாக நடந்த கருத்தரங்குகளிலும், மாநாடுகளிலும் பங்கேற்றனர். கண்காட்சியின் பாகமாக நடந்தது. நடந்த விவாதங்களில் கேரள மாநில அரசின் வனதுறை அமைச்சரும் கூட பங்கேற்றார். மாநிலத்தின் உள்புறங்களில் இருந்தும், மாநிலத்தின் வெளியிலிருந்தும் தாங்கள் உருவாக்கிய பொருள்களுடன், தங்கள் கலைவடிவங்களோடு விழாவில் பங்குகொள்ள வந்திருந்த ஆதிவாசி மக்கள் அவற்றை மற்றவர்களுக்கு முன்னால் காட்சிப்படுத்தவும், அதன் மூலம் தங்களுக்கு ஒரு அங்கீகாரம் தேடவும் செய்த இந்த மக்களின் தன்னம்பிக்கையை வளர்க்க இந்த திருவிழா பெரிதும் உதவியது. வனங்களுக்குள்ளேயே வாழ்ந்து வாழ்வை முடிக்காமல் வெளியுலகத்திற்கும் தங்கள் திறமைகளை வெளியுலகத்திற்கும் தங்கள் திறமைகளை வெளிகாட்டி, தங்களை  அங்கீகரிக்கவும் நல்ல உள்ளங்கள் நகரங்களிலும் இருக்கிறார்கள் என்ற நல்லெண்ணத்தை வளர்த்துக்கொள்வதற்கும் காட்டின் குழந்தைகளான இந்த மக்களுக்கு இந்த விழாவின் மூலம் முடிந்தது. அதனால் அவர்களின் தன்னம்பிக்கை அதிகமாகியது. விழா முடிந்து சென்ற அனைவருமே தங்களுடைய திறமைகளுக்கு ஒரு மறக்க முடியாத சிறந்த அங்கீகாரம் கிடைத்திருக்கிறது என்கிற உறுதியான நல்ல நம்பிக்கையுடன்தான் சென்றிருக்கிறார்கள். ஆயிரமாயிரம் நகரவாசிகள் வந்து பார்த்துவிட்டு சென்ற கண்காட்சியை பற்றி பார்த்தவர்கள் அனைவருமே தங்கள் கருத்துகளை பதிவு செய்து சென்றிருக்கிறார்கள். அவை எல்லாமே ஆதிவாசி மக்களின் செயல்திறன்களை வாழ்த்தி போற்றவே செய்திருக்கிறார்கள் என்பது ஒரு மகிழ்சி தரும் செய்தியாகும். காட்டின் குழந்தைகளுக்கும், தாய் வீட்டை விட்டு வெளியே வந்து வாழும் நாட்டுப்புற மக்களுக்கும் இடையே ஒரு உறவு பாலமாக  இந்த வன பெருவிழா அமைந்திருந்தது என்றால் மிகையில்லை. பழங்குடியினர் கலாச்சாரம் (tribal culture) என்ற பிரிவில் ஏற்படுத்தப்பட்டிருந்த பழங்குடிமக்களின் குடில்கள், அவற்றுக்குள் அவர்கள் அன்றாடம் பயன்படுத்தும் வீட்டு சாமானகள், விவசாய கருவிகள் இவைகள் எல்லாம் முடிந்தவரை சேகரிக்கப்பட்டு லேபிள் ஒட்டி காட்சிக்கு வைக்கப்பட்டிருந்தது. பழங்குடி மக்களின் பாரம்பரியமான மருத்துவ சிகிச்சை முறைகள் பற்றியும் விளக்கங்கள் கொடுக்கப்பட்டன. இந்த மருத்துவமுறைகள் பற்றி சொல்வதற்காக 26 பாரம்பரிய மருத்துவர்கள் விழாவுக்கு வந்திருந்தார்கள். அவர்கள் தயாரித்த மருந்துகளை வந்திருந்தவர்களுக்கு அவர்கள் அறிமுகப்படுத்தினார்கள். நோய்களை எவ்வாறு கண்டறியவேண்டும், அதற்கு எவ்வாறு மருந்துகளை இயற்கை பொருள்களில் இருந்தே உருவாக்க வேண்டும் என்பது போன்ற விஷயங்களை அவர்கள் வந்திருந்தவர்களுக்கு தெரிவித்தார்கள்.

    ரங்கிலுக்காக ஒரு தனி பிரிவையே ஏற்படுத்தியிருந்தார்கள். மூங்கிலை வைத்து ஆதிவாசிகள் வீடுகள் அமைக்கும் முறைகள், பல விதமான வீடுகள், பழமையான குடில்கள், நவீன மூங்கில் குடிகள், இயந்திரங்களை கொண்டு உருவாக்கப்பட்ட மூங்கில் வீடுகள் போன்றவை எல்லாம் இந்த பிரிவில் வைக்கப்பட்டிருந்தன. மூங்கிலால் செய்யப்பட்ட விதவிதமான கலைபொருள்கள் 12 அரங்குகளில் காட்சிப்படுத்தப்பட்டு விற்பனையும் செய்யப்பட்டது. இது போல பாரம்பரியமான வன உணவுவகைகள் (ethimic food shed) கானகங்களில் சேகரிக்கும் பொருள்களை கொண்டு தயாரிக்கபட்ட பல வித உணவுகள் ஆகியவை இங்கு வைக்கப்பட்டு வந்தவர்களுக்கு வழங்கப்பட்டது. இதில் கேரளாவில் உள்ள வயநாடு வனப்பகுதியில் அங்குள்ள பழங்குடியினர் விலைவித்து எடுக்கும் இருவகை ‘வீரகெச்சலா’, ‘கந்தச்சாலா’ ஆகிய இருவகை அரிசி இனங்களை கொண்டு தயார் செய்யப்பட்ட உணபொருள்கள் காட்சிப்படுத்தப்பட்டு விற்பனை செய்யப்பட்டது. இந்த இருவகை அரிசி ரகங்களும் மிகவும் அபூர்வமாகவே வனங்களை விட்டு வெளியுலகுக்கு கொண்டு வந்து விற்கப்படுகிறது என்பது குறிப்பிடத்தக்கது ஆகும். இந்த இருவகை அரிசிரகங்களும் விற்கப்பட்டன. கேரளாவின் 18 பாகங்களில் இருந்து வனங்களில் சேகரிக்கப்பட்ட வெவ்வேறு சுவையும், மணமும் உடைய காட்டு தேன் விற்பனை செய்த ஒரு பெரிய தேன் திருவிழாவும் இந்த சங்கமத்தின் ஒரு சிறப்பு அம்சமாக விளங்கியது. காடுகளுக்குள் வாழும் இந்த மக்களின் திறன்களையும், அவர்கள் உருவாக்கும் அற்புதமான கலை பொருள்களை வெளியுலகுக்கு காட்சிப்படுத்தி விற்பனை செய்வதற்கும், அதன் மூலம் அவர்களின் பொருளாதாரத்தை மேம்படுத்துவதற்கும், அதன் மூலம் அவர்களுடைய வாழ்க்கை தரத்தை முன்னேற்றிக்கொள்வதற்கும், அவர்களுடைய தன்னம்பிக்கையை அதிகப்படுத்துவதற்கும் அவர்களுக்கு அவர்களை வெளிப்படுத்துவதற்கான ஒரு வழியை திறந்துவிடுவதற்கும் இந்த வனவிழா பெரிதும் உதவி செய்துள்ளது.

    இந்த வகையில் இந்த கானக சங்கமம் ஒரு வெற்றியாக அமைந்தது. உள்ளத்தில் உறவை ஏற்படுத்துவதற்காக காடுகளை விட்டு வெளியே வந்த காடுகளின் உணர்வை நாட்டுப்புறத்தில் இருந்தவர்களுக்கு வழங்கினார்கள். காண வந்திருந்தவர்களை அறிவும், ஆனந்தமும் அடைய செய்தார்கள். ஒவ்வொரு வனப்பகுதியின் தலைமை பொறுப்பு வகிக்கும் தலைவர்களும் இந்த திருவிழாவில் வனத்தின் குழந்தைகளோடு பங்கு கொண்டனர் என்பது குறிப்பிடத்தக்கது. பழமையும், புதுமையும் கை கோர்த்து முகம் பார்த்து நாமெல்லாம் ஒரே மனித இனம்தான் என்பதில் வெளிப்படுத்தும் வகையில் அனந்தபுரி என்ற நகரத்தில் வனத்தின் மைந்தர்கள்க்கும், நகர மக்களுக்கும் இந்த திருவிழா ஒரு புத்துணர்ச்சியையும், புதிய உறவையும் ஏற்படுத்தியுள்ளது. வாழ்க்கையை இயந்திரங்களோடு இயந்திரமாக வாழ்ந்து கொண்டிருக்கும் நகர மக்களுக்கு இயற்கையின் குழந்தைகளாக சொல்லிகொடுத்து ஏராளமான விஷயங்கள் என்பதை யாராலும் மறுக்க முடியாது. எது நடந்ததோ இல்லையோ காண வந்திருந்தவர்களில் சிலராவது இனிமேல் வனத்தை அழிக்க கூடாது, சூழலை மாசுபடுத்த கூடாது, தேவைகளை குறைத்து, அவசியத்துக்கு மட்டுமே வாழ்ந்து, ஆடம்பரங்களை அடியோடு விட்டுவிட்டால் அதுவே இந்த சங்கமத்தின் பெரும் வெற்றியாக அமையும். இந்த அற்புதமான கானக சங்கமத்தை பற்றி கேள்விப்படும், அறிந்துகொள்ளும் நமக்கு இதுபோன்ற ஒரு நல்லுணர்வு ஏற்பட்டால் அதுவே நாம் இந்த அன்னை பூமிக்கு செலுத்தும் மிகப்பெரிய நன்றிக்கடனாக அமையும்..

    இந்த இதழை மேலும்

    பழைய – புதிய நினைவுகள்

    புதியவனே! புதுமை செய்ய புன்னகையுடன் புயலாய்ப் புறப்படு!

    கடந்தகால நினைவுகள் நடப்புக் காலத்தின் காலத்தினை விழுங்குபவை. நடப்புக்கால நினைவுகள்தான் நாளைய நாட்களை மலரச் செய்பவை என்பதை இன்றே இனிதே அறிந்துகொள்.

    இது உனக்கு இனிமையான வாழ்க்கையைக் கொடுக்கும்.

    பழையதையே நினைப்பவன் பின்னுக்கு முன்னேறுகிறான். புதியதையே நினைப்பவன் முன்னுக்கு முன்னேறுகிறான்.

    நினைவுகளில் பழையது என்பது இறங்குவரிசை; புதியது என்பது ஏறு வரிசை.

    உன் இலட்சியம் ஜனாதிபதியாக வேண்டும், கவிஞன் ஆக வேண்டும், தலைசிறந்த எழுத்தாளனாக வேண்டும், விஞ்ஞானியாக வேண்டும் என எதுவாகவும், எவ்வளவு பெரியதாக வேண்டுமானாலும் இருக்கலாம். அது நியாயமானது. ஆனால் அதன் மீது உனக்கு ஆழ்ந்த தன்னம்பிக்கை இருக்கவேண்டும். அந்த தன்னம்பிக்கை உன் இலக்கிற்கான மனிதர்கள், இடங்கள், விசயங்கள் எங்கெங்கிருக்கின்றதோ அங்கெல்லாம் பறந்து சென்று துடிப்புடன் செயலாற்ற வேண்டும். அப்பொழுதுதான் அது இறுதியில் ஒரு குறிப்பிட்ட காலகட்டத்தில் கண்டிப்பாக நிறைவேறும்-கைகூடும். அதுவரை அதற்காக பொறுமையுடனும், விழிப்புடனும், அறிவுடனும், துணிவுடனும், தெளிவுடனும் ஓயாமல் பாடுபட்டுக்கொண்டே இருக்க வேண்டும்.

    மண்ணின் மைந்தனே!

    வீழ்ந்தாலும், சாய்ந்தாலும், விழுந்தாலும் துடிப்புடன் நொடியில் கம்பீரமாக உடனே எழுந்து நிற்கும் தஞ்சாவூர் பொம்மையைப் போன்ற உடல் அமைப்பினைப் பெறு. மன அமைப்பினைப் பெறு.

    தன்னை நம்புகிறவன் வீழ்ந்தாலும் தானே எழுந்து நின்று பழைய நிலைக்கு வந்து  விடுவான். நம்பாதவன் வீழ்ந்தவுடன் தாழ்ந்து, ஒழிந்து புதைந்து விடுகிறான்.

    தேளுக்கு வாலிலுள்ள கொடுக்கில் பலம்; பாம்புக்கு பல்லில் பலம்; ஜல்லிக்கட்டுக் காளைக்கு கொம்பில் பலம்; நாய்க்கு பல்லில் பலம்; யானைக்கு தும்பிக்கையில் பலம். இவைகளுக்கும் இவை போன்றுள்ள உயிரினங்கள் ஒவ்வொன்றிற்கும் ஒவ்வொன்றில் பலம் உள்ளதைப்போல் மனிதனுக்கு தன்னம்பிக்கையில் தான் அவனது பலம் முழுவதுமாக உள்ளது. உடல் வலு உள்ளவர்களுக்கு இது இல்லையென்றால் அவ்வாறு வலுவற்றதாகிவிடும்.

    ஒவ்வொரு உயிரினங்களும் தம்மை அழிவிலிருந்து காத்துக்கொள்ள அது அதற்குள்ள பலத்தை தற்காப்பாக வைத்துக் காத்து வருவதைப்போல் மனிதனுக்கும் அழிவில் இருந்து காத்துக்கொள்ள தற்காப்பாக இந்நம்பிக்கையே பயன்படுகிறது.

    தன்னை நம்புகிறவனுக்குத்தான் நம்பிக்கையான சிந்தனைகள் வரும். அவனுக்கே அவனது சிந்தனையில் நம்பிக்கை இருக்கும்.

    எந்த சிந்தனையானாலும் அது முதலில் உன்னால் நம்பப்படவேண்டும். அப்பொழுதுதான் அது சாதனையாகும்-வெற்றியாக மாறும்.

    உந்துதலும் உளப்பாங்கும்

    உள்ளே இருக்கும் உந்துதல்தான் புறத்தினிலேயும் ஒரு உந்துதலாக இருக்கும். அந்த ஒரு உந்துதல்களும் சரியாக இயக்கினால் வாழ்வில் முந்துதலும் இருக்கும்.

    உள் உந்துதல்தான் உன் இலட்சிய உந்துதல். வெளியுந்துதல் உன் புறத்தாக்கம்.

    இதயம் எதையும் தாங்கும் சக்தி படைத்தது.

    தனக்கு துயரம் நேர்ந்த பொழுது தம் மனதே எதையும் தாங்கும் ஆற்றல் படைத்தது என்பதை உணர்ந்தவனுக்குத்தான் அந்த உள்ளம் பள்ளமாகப் பயன்படாமல் உள்ளமாகப் பயன்படுகிறது.

    மனித மனம் உலக அதியங்களில் ஒன்று. ஞாபக மறதியுள்ளதை பெரிதாக நினைத்தால் அது இன்னும் கொதித்து பெரிதாகும்.

    எய்ட்ஸ் நோயில் அகப்பட்டவன், தான் இறந்துவிடுவோம் என்பதையே நினைத்தால் என்றோ ஒருநாள் ஒருமுறை இறப்பவன் சாகும்வரை தினம் தினம் பலமுறை இறக்க நேரிடும்.

    மாரடைப்பு முன்பே இரண்டு, மூன்று முறை வந்துள்ளது; தப்பிவிட்டோம். மாரடைப்பு இன்றோ, நாளையோ, இப்பவோ, அப்புறமோ வரலாம் என்று தனக்கு மாரடைப்பு உள்ளவன் நினைத்தால் என்ன ஆகும்? உடனே வரும். பின்பு வருவது முன்பே வரும். சற்று முன்பாகவே மரணமடைவான். இதே மாதிரிதான் நமக்கு வரும் இடர்களையும், துன்பங்களையும், நஷ்டங்களையும், தீமைகளையும், அந்நேரங்களில் நாம் எப்படி எண்ணுகிறோமோ, நம் மனது அதை எப்படி எந்த வகையில் எடுத்துக்கொள்கிறதோ அதைப் பொறுத்துத்தான் அப்பிரச்சனைகளும், அவ்விசயங்களும், இன்னும் பெரிதாவதும், இன்னும் சிறிதாவதும், இன்னும் அதிகமாவதும், இன்னும் குறைவதும், ஒன்றுமாகாமல் அப்படியே இருப்பதும் ஆகும்.

    நம் மனது எதையும் தாங்கும் ஆற்றல் படைத்தது என்பது நாம் அறிந்து உணர்ந்து கொள்ளக்கூடிய ஒரு விசயம்.

    ஆகையால் அது அங்கு மனதையும் மனதைப்போல் ஒன்றையும் அறிந்து உணர்ந்தவனுக்கு மட்டுமே அது அப்படிப் பயன்படுகிறது.

    நம்மைத் தாக்கும் பிரச்சனைகள் என்பது அறியாமையாலும் வரும். அறிந்த ஒன்று பிரச்சனையாக வரும் பொழுது அதை சரியாக அனுகத் தெரியாததனாலும் வருகிறது. வாழ்வின் உண்மைகளை உணர்ந்து கொள்ளாதவனுக்கு அதிகப்படியான பிரச்சனைகள் தோன்றுகின்றன.

    இப்படிப்பட்டவர்களுக்கு வாழ்வில் பிரச்சனையென்று இல்லாமல் பிரச்சனையே வாழ்வு என்றாகிவிடும்.

    இந்த இதழை மேலும்

    ஒரு தீக்காடு; உள்ளே சிறு பூச்சிகளும் வெளிச்சமும்

    ஒரு சிறு தீ பரவி காடொன்று அழிவதுபோல்; ஒரு சின்ன சிரிப்போ, உயிர் மீதானோ கருணையோ, மனிதம் மிக்கதொரு உணர்விலெழுந்த சிறு அறிவின் பொருட்டோ நம் மொத்த மனிதர்களின் மன இருளும் ஒருசேர அகன்றுபோகாதா? எவ்வளோ முகங் கருக்கும் எண்ணங்களால் சூழும் அசிங்க வாழ்க்கைதான் நாமின்று வாழ்வதில்லையா..? இதலாம் நீங்கி இந்தச் சண்டைகளெல்லாம் விட்டு விலகி நாமெல்லோரும் ஒருவரையொருவர் அன்பு வழியவழிய ஆரத் தழுவிக்கொள்ளமாட்டோமே…?!!

    உயிர்தானே ? எல்லாம் ஈரமுள்ள இதயம் தானே ? கொஞ்சம் இரக்கமோ மானுட அன்போ எல்லோருக்கும் பொதுவாய் சுரப்பின் மனிதரை மனிதரிப்படி சாதியென்றும் மதமென்றும் மேலோரென்றும் கீழோரென்றும் பிரித்து மேல்கீழ் வகுத்து ஒருவரை ஒருவரிப்படி வருத்தப்பட வைப்போமா?

    தண்ணிக்குச் சண்டை, மண்ணுக்குச் சண்டை, சாதிக்குச் சண்டை, சாமிக்கும் சண்டை; மொத்தத்தில் மடிவது யார்? மனிதரில்லையா? மனிதர் மடிந்து மனிதன் யாருக்காகப் போராடுகிறான்? இன்னும் எத்தனை பேருந்து எரித்து’ எவ்வளவு மனிதர்களைக் கொன்று எவரொருவர் சிரித்துகொண்டே வாழ்ந்தோ செத்தோப் போய்விட முடியும்?

    யாருக்கு நாம் துன்பம் இழைக்கிறோம்? எவரை நாம் கொல்கிறோம்? எது என் விருப்பம்? எதற்கானது எனது போராட்டம்? கேள்விகளை சுமந்து சுமந்து ஓடாது சற்று நின்றுச் சிந்திப்போமே..?!!

    சமநிலையை விட ஒரு பெரிய எரிச்சல், சமநிலையை விட ஒரு கோழைத்தனம், சமநிலையை விட ஒரு சார்பு நில்லல், ஒருவன் செத்துக்கொண்டிருக்கும்போது பேசும் சமநிலையை விட வேறு பெருங்கொடுமை இல்லை தான். ஆனால் இயல்பாக எல்லோருக்கும் ஏற்படும் உள்ளச் சமநிலையால் மட்டுமே நீயும் நானும் பக்கத்தில் பக்கத்தில் அமர்ந்து அடுத்தவேளைச் சோற்றை நிம்மதியாய் உண்ணவும், உள்ளச் சிரிப்பால் நாம் வாழ்க்கையை மகிழ்வோடு நகர்த்திடவும் இயலும்.

    மனதின் ரணம், அழுத்தம், வெறி, கோபம் எல்லாவற்றையும் எடுத்ததும் போட்டு உடைத்திடவோ அல்லது வீரியம் பொங்குமளவிற்கு உடனேக் காட்டிடவோ மனிதப்பண்பு அனுமதிப்பதேயில்லை. மனதை அமைதியாக்கிப் பார்த்தால் மட்டுமே அடுத்தவரின் கோபத்தைக் கூட கருணையால் அணுகிட முடிகிறது. கொதிக்கும் நீரில் நீரள்ளி ஊற்றினால் அந்த நீர் கூட சுடவேச் செய்யும். சற்று நிதானித்தால் இரண்டுமே ஆறிப்போகும். காரணம் காலம் ஒரு அருமருந்து. அனைத்தையும் காலம் ஆற்றித் தருகிறது. அதற்கு பொறுக்கும் மனப்பக்குவம் நமக்குத் தேவை. ஒருவனின் நிதானமற்ற இடத்தில மீண்டும் அவனே விழுவதை நம் வரலாறு நமக்குக் காட்டுகிறது.

    இங்கே எவர் விழுவதும் பிறருக்கு வலிப்பதுவுமல்ல நமது ஆய்வு. தீங்கு விளைவிப்பவர் தீங்கையே அறுப்பர். எனவே தீங்கினைவிட்டு விட்டு விலகு என்றுக் கேட்கிறேன். விதைப்பதே விளைகிறது எனில், நாம் நன்மையையே விதைப்போம் என்கிறேன். நாம் நல்லதை நோக்கி நடப்போம், நாளை உலகம் நம் பின்னால் வந்தே தீரும், வரட்டுமே என்கிறேன். அதற்காக பிறர் நமை அடிக்கும்போது நாம் நம் கன்னத்தையெல்லம் காட்டவேண்டாம், அடிக்க நினைக்கும் முன்னரே நாம் எத்தனை வலிமையுள்ளவர் என்பதை அடிப்பவர் முன்அறிய நம் வாழ்வுதனை நெறிபடுத்தி வைப்போம்.

    உண்மை நெருப்புப் போன்றது. எடுத்து வீட்டினை கொளுத்துபவர் கொளுத்தட்டும். நாமெடுத்து நம் வீட்டு விளக்குகளில் அடைப்போம். வாழ்க்கைக்குள் திணிப்போம். மொத்த உலகமும் நம்மால் வெளிச்சம் பெறட்டும். உண்மையும் நேர்மையும் கண்ணியமும் வழுவாத அறம் சார்ந்த வாழ்க்கை தமிழரது வாழ்க்கை என்பதற்கு நம் பாட்டன் திருவள்ளுவரின் திருக்குறள்கள் சான்றாக நிற்கிறதே, அதை மறந்து எப்போது வாழத் துணிந்தோமோ அங்கேதான் நாம் நம் வாழ்க்கையையும் தொலைக்கத் துவங்கினோம்.

    நடந்தது போகட்டும். மீண்டும் எழுங்கள். அன்பிலிருந்து நேர்மையிலிருந்து உண்மையின் வழியே கண்ணியத்தோடு பயணப்படுங்கள். அறம் நமது உயிருக்கு இணை இல்லை, அறத்தோடு வாழ்வது தான் நாம் உயிரோடு வாழ்வது என்பதை உணருங்கள். ஒரு செயல் தீதெனில் செய்ய மறுங்கள். தீத் தொட்டு கையுதறும் வலிபோல, ஒவ்வொரு சிறு தவற்றின்போதும் அச்சப் படுங்கள். இயல்பு தடுமாறி எந்தக் கோட்டையை எழுப்பினாலும் அதனுள் இயல்பின் நன்மையும் சாபமும் ஒருங்கே இருக்கும் என்பதை உணருங்கள்.

    வாழ்க்கையை வள்ளுவம் போதிப்பது போல் வேறொன்றும் போதிப்பதில்லை. ஆனால் நம்மில் எத்தனைப் பேருக்கு திருக்குறள் விளக்கத்தோடு புரியும்? இருக்கும் திருக்குறளை விட்டுவிட்டு எங்கெங்கோ அறிவு தேடி அலைவதே ஒரு அறிவீனமில்லையா? எனவே திருக்குறள்களை வாசிக்கப் பழகுங்கள். அதன்வழி வாழ முற்படுங்கள்.  குழந்தைகளுக்கு திருக்குறள் புரியட்டும். திருக்குறள் புரிகையில் அன்பு புரியும், பண்பு புரியும், வீரம் எதுவென்று தெரியவரும், வெற்றி தோல்வி கடந்து வாழ்க்கை அறத்தோடானதாக அமையும்.

    இனி எல்லாம் மறக்கட்டும். துன்பம் மறக்கட்டும். எல்லாம் மாறும், நல்லதாய் மாறட்டும். விடுதலை’ அமைதி’ அன்பு’ மானிட இன்பம்’ அனைத்து உயிர்களுக்குமானது என்பதை எல்லோரும் ஒரே நேரத்தில் உணர்ந்திட முடியாதுதான். ஆயினும், ஒவ்வொருவராய் அதை உணர ஆரம்பித்தால் போதும் எங்கேனும் ஓரிடத்தில் மெல்ல மெல்ல நாமெல்லோருமே அதை முழுமையாய் உணர்ந்திருப்போம். மாற்றங்கள் நிகழவே நிகழும். இனி அது எல்லோருக்குமானதாக நிகழட்டும்.

    எதிரியைக் கூட ஒரு மனிதராய்க் காண்போம். போ வாழ்ந்து போ.. என்று விட்டுவிட்டு மனிதத்தோடு நாம் நடப்போம். எவரும் இந்த மண்ணின் மீது யாருக்கும் எதிரியில்லை. இடைவெளி அகன்றால்; இயல்பது புரிந்தால்; பேசி யுணர்ந்தால்; எல்லோருமே நாம் நண்பர்கள் தான். எல்லோருக்கும் அன்பு. எல்லோருக்கும் வணக்கம்.

    நண்பர்கள் வாழ்க..

    இந்த இதழை மேலும்

    பிப்ரவரி மாத உலக தினங்கள்

    1. உலக காதலர் தினம் (World Valentine’s Day) (பிப்ரவரி – 14)

    ‘காதலர் தினம்’ அல்லது ‘புனித வாலண்டைன் தினம்’ உலகம் முழுவதும் பிப்ரவரி 14 அன்று  கொண்டாடப்படுகிறது. காதலர்கள் ஒருவருக்கொருவர் வாலண்டைன் வாழ்த்து அட்டைகளை வழங்கியும், பூங்கொத்து வழங்கியும் தங்கள் காதலை வெளிப்படுத்திக் கொள்கின்ற தினமாக இருக்கிறது. ‘ஆட்டின்’ எனப்படும் இதய வடிவிலான உருவம், புறாக்கள் மற்றும் சிறகுகளோடு பறந்து செல்லும் தேவதை போன்ற உருவங்கள் நவீன காலத்து காதலர் தினக் குறியீடுகளில் அடங்கும்.

    கி.பி. நான்காம் நூற்றாண்டில் ‘வேலண்டைன்’ என்னும் பெயர் கொண்ட ரோமன் கத்தோலிக்க கிறித்தவப் பாதிரியார் ஒருவர் ரோம் அரசாங்கத்தின் தடை உத்தரவை மீறி ஏராளமான காதலர்களுக்கு ரகசியமான முறையில் திருமணம் செய்து வைத்து காதலை அங்கீகரித்த காரணத்தால் அவர் இறந்த பிப்ரவரி 14-ம்  தேதி ‘காதலர் தினம்’ என கிறித்துவ தேவாலயங்களில் கொண்டாடப்பட்டு வந்தது.  துவக்கத்தில் இது கிறித்துவ மதப் பண்டிகைகளில் ஒன்றாகவே கருதப்பட்டு வந்தது.  பின்பு படிப்படியாக இந்த தினம் எல்லா நாடுகளுக்கும் பரவி விட்டது.

    காதலும் வீரமும் பாரதப் பண்பாட்டின் அடையாளங்கள்.  அகவாழ்வில் காதல் சிறப்பிக்கப்பட்டுள்ளது என்பதை அகநானூற்றுப் பாடல்களின் வாயிலாகவும்  புறவாழ்வில் வீரம் போற்றப்பட்டுள்ளது என்பதைப் புறநானூற்றுப் பாடல்களின் வாயிலாகவும் தெரிந்து கொள்ளலாம்.  காதல் புனிதமானது, காதல் தெய்வீகமானது, ஒவ்வொருவர் வாழ்விலும் தவிர்க்க முடியாதது.  எனவேதான் மகாகவி பாரதி ‘ஆதலினால் காதல் செய்வீர்’ உலகத்தீரே எனக் காதலைப் போற்றியுள்ளார்.

    காதல் இறை வழிபாட்டிலும் போற்றப்படுகிறது. பார்வதி-பரமசிவன் காதலும், ராமர்-சீதை காதலும், கண்ணன்-ராதை காதலும், முருகன்-வள்ளி காதலும் புராணங்களில் சிறப்பிக்கப்பட்டுள்ளன.  காதல் தெய்வங்களாக மன்மதனும் ரதிதேவியும் வணங்கப்படுகின்றனர்.

    அறம், பொருள், இன்பம், வீடு என வாழ்வின் நெறிமுறைகளை நம் முன்னோர்கள் வகுத்தளித்தனர். முப்பால் நூலாகிய திருக்குறளில் காமத்துப்பால் என ஓர் அதிகாரமே படைக்கப்பட்டுள்ளது. தமிழர் நாகரிகத்தில் காதல் மிகப் புனிதமானதாகக் கருதப்பட்டுள்ளது என்பதற்கு இவையெல்லாம் எடுத்துக்காட்டுகள்,

    வகைவகையான காதல் இன்றைய இளைஞர்களின் வாழ்க்கையை வீணடிக்கிறது.  யாரும் பார்த்து விடக்கூடாது, யாருக்கும் தெரிந்து விடக்கூடாது என்றெல்லாம் பயந்து பயந்து மனதிற்குள் பொத்திப் பொத்திக் காதலை மலர வைத்தது நேற்றைய காதல்.  கண்டதும் காதல், பார்த்ததும் உருகல் என்பதே இன்றைய காதல்,  எது காதல் என்று தெரியாமலேயே அதன் மாய வலைக்குள் இளைஞர்கள் சிக்கித் தவிக்கின்றனர்.

    ‘காதலுக்குக் கண் இல்லை’ என்பதை தங்களுக்குச் சாதகமாகப் புரிந்து கொண்டு இளம் உள்ளங்கள் காதலில் திளைப்பதாக எண்ணி மகிழ்கிறார்கள்.  கனவு உலகத்திற்குள் உலா வரும் வரை இவர்களின் காதலுக்குக் கண் இல்லைதான்.  ஆனால் கனவு உலகைக் கடந்து நடைமுறை வாழ்க்கைக்குள் அடியெடுத்து வைத்துக் கல்யாணப் பேச்சை ஆரம்பிக்கும் போது காதலுக்குக் கண் வந்துவிடும்.

    காதல் அரும்பும்போது சாதி, மதம், அந்தஸ்து, படிப்பு எல்லாம் தடையாக இருப்பதில்லை,  ஆனால் அது கல்யாணத்தில் நிறைவேறத் துடிக்கும்போதுதான் காதலுக்கு சாதி மதம் உள்ளிட்ட அனைத்தும் தடையாக நிற்பது தெரிய வரும்,  குடும்பத்திற்குள் தீர்க்க முடியாத குழப்பங்கள், சச்சரவுகள் ஏற்படும்.  காதல் வயப்பட்ட இருவர் காதலன்-காதலியாக இருக்கும்வரை காதல் சந்தனக் கட்டையாக மணம் வீசும்,  கணவன்-மனைவி என்று ஆகிவிட்டால் எரிந்து போன விறகுக் கட்டையாகப் புகை வீசும்.

    வாழ்க்கை மொட்டவிழும் பருவம் இளமைப் பருவம்.  இந்தப் பருவம் லட்சியங்களைத் தேடிப்பிடிப்பதற்கான பருவம்.  காதலுக்கு ஒருவரைத் தேடிப்பிடிக்கும் பருவம் அல்ல,  இப்பருவத்தில் கொஞ்சம் கவனக்குறைவாக இருந்தாலும் கண்ணாடி கைநழுவிக் கீழே விழுந்து சுக்குநூறாக நொறுங்கி விடுவது போல் வாழ்க்கையும் நொறுங்கி விடும்,

    இளமைப் பருவம் ஒற்றைக் கண் சிமிட்டலில் முடிந்து போய் விடும்,  அதற்குள் நம் சுய அடையாளத்தை அமைத்துக் கொள்வது மிகமிக முக்கியம், காதல் நங்கூரம் சரியான இடத்தில், சரியான பருவத்தில் பாய்ச்சப்பட வேண்டும்,  காதலில் புறப்பாதுகாப்பை விட மனக்கட்டுப்பாடாகிய அகப்பாதுகாப்புதான் உன்னதமானது.

    லட்சியங்களுக்காகக் காதலைக் கொஞ்ச காலம் காக்க வைக்கலாம், தவறில்லை,  காத்திருக்கும் காதலுக்கே வலிமையும், மதிப்பும் அதிகம்,  காதல் வெறும் பொழுதுபோக்கல்ல, வாழ்க்கை சம்பந்தப்பட்டது,  கண்ணியமும் கட்டுப்பாடும் காதலுக்கும் உரியது.

    1. சர்வதேச தாய்மொழி தினம் (International Mother Language Day) பிப்ரவரி – 21

    ஆண்டுதோறும் பிப்ரவரி 21-ஆம் நாள்  ‘தாய்மொழி தினம்’ உலகம் முழுவதும் கொண்டாடப்படுகிறது.  1952 ஆம் ஆண்டு தங்கள் தாய்மொழியைக் காப்பதற்கான போராட்டத்தில் உயிர் நீத்த வங்கதேச மொழியுரிமைப் போராளிகளின் நினைவாக, 2000-மாவது ஆண்டு முதல் இந்த தினம் கொண்டாடப்படுகிறது.

    தாய்மொழியே பயிற்று மொழியாக இருக்க வேண்டும் என ஐ.நா.வின் யுனெஸ்கோ 1953ம் ஆண்டிலேயே அறிவித்தது, அந்நிய மொழிகளின் மூலம் கற்பதைக் காட்டிலும் மிக விரைவாகக் கல்வி பெற உதவும் மொழி  தாய்மொழிதான் என கூறியுள்ளது.

    மொழிகள் அழிந்தால் அது ஒட்டு மொத்த மனித குலத்துக்கே ஆபத்தாகும்.  மொழிகளின் எண்ணிக்கை குறைந்தால், சிந்தனைகள் குறையும்.  மொழிகளின் அழிவைத் தடுக்க, விரைந்து நடவடிக்கை எடுக்க வேண்டியதன் அவசியத்தை வலியுறுத்தி அதற்கான ஒரு திட்டத்தையும் வகுத்துள்ளது யுனெஸ்கோ நிறுவனம்.  ஒவ்வொரு மொழியைச் சேர்ந்தவர்களும் தத்தமது மொழியைத் தங்குதடையின்றி எல்லாத் துறைகளிலும் புகுத்த வேண்டும் என்பதே அந்தத் திட்டத்தின் நோக்கமாகும்.

    சீர்திருத்தம் முதலில் சொந்த வீட்டில் தொடங்கப்பட வேண்டும் என்பார்கள். அதற்கிணங்க ஐ.நா.சபை தாம் ஏற்றுக் கொண்ட ஆறு மொழிகளுக்குள்ளும் (ஆங்கிலம், பிரெஞ்சு, சீனம், ஸ்பானிஷ், ரஷியன், அராபிக்) வேறுபாடு எதுவும் காட்டாமல், அனைத்தையும் சமமாகக் கருதிச் செயல்பட்டு, தம் அறிக்கைகள், ஆவணங்கள் அனைத்தையும் ஆறு மொழிகளிலும் வௌல்யிட்டு வருகிறது.

    நமது சமுதாயம் தாயை முதன்மையாகக் கொண்டது,  மொழிகளிலும் தாய்மொழிக்கே முதலிடம். தனிமனிதனை சிறந்த குடிமகனாக மாற்றுவதே தாய்மொழிக் கல்வியின் உயர்ந்த நோக்கமாகும்.   தாய்மொழி  வாயிலாகப் பெறப்படும் கல்வியறிவே மக்கள் மனங்களைப் பண்படுத்தி, பண்பாட்டை வளர்த்து, நாட்டுப்பற்றை ஊட்டி எந்தத் தியாகத்துக்கும் அவர்களைத் தயார்படுத்துகிறது.

    தாய்மொழியோடு கூட தேசிய மொழி ஒன்றையும்/ பன்னாட்டு மொழி ஒன்றையும் கற்றுக் கொள்வது நல்லது,  உலகமயமாகும் இக்காலச் சூழலில்/ பல மொழிகளை ஒருவர் தெரிந்து வைத்திருந்தால் அவருக்கு வேலைவாய்ப்புச் சிறப்பாக அமையும்.

    உலக மொழிகள் என்று எடுத்துக் கொண்டால் எண்ணிக்கையில் அது அறுநூறு.  அவற்றுள் இலக்கியம் மற்றும் இலக்கணம் உடையவை என்று பார்த்தால் வெறும் முன்னூறு,  இரண்டாயிரம் ஆண்டுகளுக்கு முற்பட்ட வரலாறு உடைய மொழிகள் எத்தனை என்று பார்த்தால் எண்ணிக்கை ஒற்றை இலக்கில்தான் உள்ளது. அதாவது ஆறு மொழிகள் மட்டுமே அத்தகைய சிறப்பு கொண்டவை,  1. தமிழ், 2.சீனம், 3.சமஸ்கிருதம், 4.இலத்தீன், 5.ஹீப்ரு, 6.கீரிக்.இந்த ஆறு மொழிகளில் முதலிடம் வகிப்பது தமிழ்.  தமிழ் மொழி மட்டுமே மனித சிந்தனைகளை நுண்ணிய உணர்வுகளை மிகத் தெளிவாக உணர்த்தும் ஆற்றல் கொண்ட மொழி என்று மொழியியல் தந்தை எமினோ கூறியிருக்கின்றார்.

    ‘என்றுமுள தென்றமிழ்’ என்று கம்பன் தமிழின் இனிமையைத் தன் படைப்புக் காப்பியங்களில் உணர்த்தியிருக்கிறார்.  எம்மொழியும் பெறாத முச்சங்கம் அதாவது தலைச்சங்கம், இடைச்சங்கம், கடைச்சங்கம் என்று சங்கம் வைத்து வளர்ந்த செம்மையான மொழி தமிழ்ச் செம்மொழி.

    “ஆங்கில மொழியில் எழுதுவதை விட, பேசுவதைவிட என் தாய்மொழி குஜராத்தில் எழுதினால், பேசினால் எளிமையாக என்னால் கருத்துகளை வெளிப்படுத்த முடியும்” என்றார் மகாத்மா காந்தியடிகள்.

    குறிப்பிட்ட ஒரு மொழியில் பேசும்போது, எழுதும் போது மொழிப் புலமை வளரலாமே ஒழிய அறிவு வளரும் என்று சொல்ல முடியாது,  அப்படி இருந்தால் ஆங்கிலம் பேசும் அனைவரும் அறிவாளிகளாக அல்லவா இருக்க வேண்டும்,  அறிவு என்பது குறிப்பிட்ட துறையில் ஒருவருக்கு இருக்கும் சிந்தனைத் தெளிவு, அறிவுக் கூர்மை, படைப்பாற்றல் போன்றவற்றின் உள்ளடக்கமே ஆகும்,  மொழியறிவு இதற்கு உதவியாக இருக்கலாமே ஒழிய அதுவே அடிப்படை அறிவாகாது.

    ‘அனைத்து மொழிகளையும் கற்று வை, ஆனால் அன்னை மொழியிடம் பற்று வை’  என்ற வைர வரிகளை சிந்தையில் கொள்ள வேண்டும்,.

    3.உலக சாரணியர் தினம் (World Scout Day) பிப்ரவரி – 22

    ‘ஸ்கவுட்’ (Scout) எனப்படும் சாரணியர் இயக்கம் உலகளவில் செயற்படும் மிகப்பெரும் ஓர் இளைஞர் இயக்கமாகும்,   1907 ஆம் ஆண்டு சாரண இயக்கத்தின் தந்தை என்று போற்றப்படும்;  – ராபர்ட் பேடன் பவல் (Robert Baden Powell),   அவர்களால் 20 இளைஞர்களுடன் சாரணர் இயக்கம் ஆரம்பிக்கப்பட்டது.

    மனித சமூகத்தின் மேம்பாட்டிற்காகத் தன்னை முழுமையாக அர்ப்பணித்தக் கொண்ட ராபர்ட் பேடன் பவல் 1857 பிப்ரவரி 22ஆம் தேதி பிறந்தார்,  அவர் பிறந்த தினத்தை ‘உலக சாரணியர் தினம்’ என்றும், ‘பேடன் பவல் தினம்’ என்றும் சாரணிய உலகம் அழைக்கிறது.

    முதலாவது சாரணிய இயக்க மாநாடு  ஆகஸ்டு 1ம் தேதி தொடங்கியது.  சாரணியத்தின் இலட்சியங்களையும், நோக்கங்களையும் நினைவுகூறும் தினமாக  இவை கடைப்பிடிக்கப்படுகிறது.  வாய்மை, நேர்மை, நம்பகத்தன்மை, தேசப்பற்று, நேசம், ஜீவகாருண்யம் போன்ற ஆளுமைப் பண்புகளை இளைஞர்களிடையே வளர்ப்பது இந்த அமைப்பின் முக்கிய குறிக்கோளாகும்.  ‘எதற்கும் தயாராக இரு’  (To Always Be Ready) என்பது சாரணர் இயக்கத்தின் தாரக மந்திரம். தற்போது இந்த இயக்கம் 216 நாடுகளில் செயல்படுகின்றது, உலகம் முழுவதும் சுமார் 38 மில்லியன் சாரணர்கள் உள்ளனர்,

    மாணவ மாணவியர் சமூகத்தில் தங்களை இணைத்துக் கொண்டு மேம்படவும், சமூகத்தைப் புரிந்து கொள்வதற்கும் சாரணர் இயக்கம் கல்விச் சாலைகளில் ஒரு பயிற்சிக்களமாக விளங்குகிறது.  சாதி, மத வேற்றுமை கடந்து சகோதர மனப்பான்மையுடன் சமூகத்தை அணுகுவதற்கான நல்ல பண்பாட்டினை மாணவர்களுக்குக் கற்றுத் தருகிறது,  வயது வந்தோர் கல்வி, சுற்றுச்சூழல் பாதுகாப்பு, துயர்துடைப்பு போன்ற சமுதாயப்பணிகளைச் சாரணர் இயக்கத்தினர் செய்து வருகின்றனர்,

    முழுமையாக ஒரு மனிதனை உருவாக்கும் நற்காரியத்தை இன்று சாரண இயக்கம் பாடசாலையிலிருந்தே வளர்த்து வந்துள்ளது, சாரணியத்தின் செயற்பாடுகள் இன, மத, மொழி, சாதி வேறுபாடுகளுக்கப்பால் நல்ல பல பண்புகளை இளம் வயதிலிருந்தே வளர்த்துக் கொள்ள சாரணர் பாசறைகளும், ஒன்றுகூடல்களும் வழிகாட்டுகின்றன.

    சாரணிய இயக்கத்தில் இருந்த பலர் உலகில் பலதுறைகளிலும் பெயர் பதித்துள்ளனர்,  சந்திரனில் காலடியெடுத்து வைத்த நீல் ஆம்ஸ்ரோங் ஒரு சாரணியரே, நிலவில் இதுவரை காலடி பதித்தவர்களில் 12 பேர்; சாரணர்கள்.      உலகப் புகழ் பெற்ற அமெரிக்க ஜனாதிபதி ஜான் எப்.கென்னடி ஒரு சாரணர், அமெரிக்க ஜனாதிபதிகள் வரிசையில் பில் கிளிண்டன், ஜார்ஜ் புஷ் போன்றோரும் சாரணர்களே.  இவ்வாறான பல சாரணியர்கள் உலகளவில் புகழ்பெற்றவர்களாக விளங்கி இருக்கின்றனர், விளங்கி வருகின்றனர்.

    இந்த இதழை மேலும்

    இளம் பருவ நிலையில் ஏற்படும் மனநிலை மாற்றம்

    எதிர்மறைமனநிலை (Oppositional deficient disorder)

    வாலிப வயதில் மனதில் ஏற்படும் பல எதிர்மறைஎண்ணங்களால் தனக்குள் சுயகழிவிரக்கம், துக்கமான மனநிலை, தாழ்வு மனப்பான்மை இதனால் ஏற்படும் மனமாற்றம் இது.

    போதையால் ஏற்படும் மனநிலை (Substance abuse disorder)

    போதைப்பொருள் உபயோகப்படுத்தும் இளை ஞர்கள் மனச்சோர்வுடன் உள்ளனர். மனஅழுத்தம் உள்ள இளம்பருவத்தினர், போதைப் பொருட்களுக்கு எளிதில் அடிமையாகின்றனர். இதன் விளைவு குறுகிய காலத் திற்கே இருப்பதால், மீண்டும் மீண்டும் போதையைத் தேடிச் செல்கின்றனர். சிகிச்சை முறை

    மருத்துவமனை

    தற்கொலை எண்ணம் மற்றும் நோக்கம் இருக்கும் சூழ்நிலையில் உள்ள முதிர்ந்த வயதுள்ளவர்களை மருத்துவமனையில் அனுமதித்து சிகிச்சை அளிப்பது உறுதியான காரணமாகும்.

    நோக்கம்

    • அவர்களைப் பாதுகாப்பதற்காக,
    • தற்கொலை செய்யும் எண்ணத்திலிருந்து வெளி வரவும், மருத்துவமனையில் இருப்பது உதவியாக உள்ளது.
    • ஒருவேளை, போதைப் பொருள்களுக்கு உட்பட் டிருப்பின் மறுவாழ்விற்கும் மருத்துவமனையில் இருப்பது உதவி புரிகிறது.

    மருத்துவ சிகிச்சை மற்றும் மனநோய் சிகிச்சை

    சிந்திக்கத் தூண்டும் சிகிச்சை மற்றும் செலக்டிவ் செரடோனின் ரிஅப்டேக் இன்கிபிட்டார், மருந்துகள் இணைந்து தரும் மருத்துவம் சக்தி வாய்ந்ததாக இருக்கும்.

    சிந்திக்கத் தூண்டும் சிகிச்சையின் அவசியம்

    • நம்பிக்கை அளித்தல்
    • பிரச்சனைகளைத் தீர்க்கும் திறனை அதிகரித்தல்
    • சமுதாயத்துடன் ஒன்றிப் போகுதல்

    குழந்தைப் பருவத்திற்கும் விடலைப் பருவத்திற்கும் உபயோகிக்கப்படும் மருந்துகள்

    1. புளுஹெக்சிடின் (10 mg)
    2. செட்ராலின் (25 mg)
    3. சிட்லபிரம் (10 mg)
    4. புளுஹெக்சமின் (25-50 mg)

    சிகிச்சைக்கான காலம்

    சோர்வுற்ற நிலையை எதிர்க்கும் மருந்துகளை ஆரம்பத்தில் கொடுப்பதினால் பலன் நன்றாக இருப்பின், தொடர்நிலையில் கொடுத்து அவர்களின் பிரச்சனைகள் குறையும் நிலையில் நிறுத்தி விடலாம்.

    மன அழுத்த நோய் (Dysthymic Disorder)

    குழந்தைகள் மற்றும் பெரியவர்களுக்கு மனநிலையில் அழுத்தமும், கோபஉணர்ச்சியும் அதிகநேரம் மற்றும் பலநாட்கள் அல்லது வருடங்களாக இருக்கும்பொழுது மனஅழுத்த நோய் என்றழைக்கிறோம்.

    DSM-ஐயன் முறைப்படி கீழ்க்காணும் அறிகுறிகளில் குறைந்தபட்சம் நோயாளிக்கு மூன்று அறிகுறியாவது இருக்க வேண்டும்.

    • தாழ்வு மனப்பான்மை
    • நம்பிக்கையின்மை
    • ஆர்வமின்மை
    • சமூகத்திலிருந்து விலகி இருத்தல்
    • நீண்டநாள் சோர்வு
    • குற்றஉணர்வு
    • இறந்தகாலச் சிந்தனை
    • அதிகபட்ச கோபம்
    • குறைந்தபட்ச செயல்பாடு
    • ஞாபகமறதி (or) கவனமின்மை

    மேற்காணும் அறிகுறிகள் குறையாமல் இரண்டு மாதத்திற்கு மேல் இருந்து கொண்டே இருக்கும். மேலும் இம்மனஅழுத்தம் பெரிய அளவில் மன அழுத்தத்தை உருவாக்கும்.

    சிறிய அளவில் மன அழுத்தம் ஏற்படும்பொழுது குறைந்தபட்சம் மூன்று மாதம் இருக்கும். இது ஒருவகையான அனுசரிப்புத்தன்மை இல்லாத குறைபாடு ஆகும். படபடப்பு நோய் பிரச்சனை (Anxiety disorder)

    வலி போன்றே, மனிதன் உயிர் வாழ படபடப்பும் ஒரு பாதுகாப்புக்கான உடலின் செயல்பாடு ஆகும். சுற்றுப்புறத்தில் ஏதாவது ஆபத்து நேரிட்டால் ஒரு மனிதனுக்குப் படபடப்பு நேரிடும். இது சாதாரணமான ஒரு செயல்தான். ஆனால் அந்த படபடப்பு அதிகமானாலோ, படபடப்பு ஏற்படாமல் இருந்தாலோ இதுவே நோயின் அறிகுறி ஆகும்.

    படபடப்பு ஏற்படுவது சாதாரணமாக ஒரு பாதுகாப்பு முறையாகும். ஆனால் அளவுக்கு அதிகமான படபடப்பு தொடர்ந்து இருந்தால், சமூக வாழ்வு, உடல்நலம் மற்றும் கல்வித்திறனைக் கூட பாதிக்க நேரிடும். தேர்வு நேரங்களில் படபடப்பு ஏற்படுவதும், காதலர்கள் தினத்தன்று எதிர்பார்ப்புகள் அதிகமாவதும் ஒத்துக்கொள்ளக்கூடிய விஷயம் தான். ஆனால், அதுவே அதிகமானால், கல்லூரிக்கு செல்வதும் தொடர்ந்து உடல்நலனைக்கூட பாதிக்க நேரிடும். பொதுவாக இளைஞர் அதிகமாகப் பாதிக்கப்படுகின்றனர்.

    பொதுவாக அதிகமான படபடப்பு வகைகள் உள்ளன. ஒவ்வொரு படபடப்பு பிரச்சனையும் ஒரு குறிப்பிட்ட நிகழ்வினாலோ, அல்லது பல பிரச்சனைகளினாலோ நேரிடலாம். சில படபடப்பிற்கான காரணம் என்ன என்று அறிய முடியவில்லை.

    சமூக பயம்

    இன்றைய இளைஞர்களில் அதிக அளவில் படபடப்பு பிரச்சனை ஏற்படக் காரணம் சமுதாயச் சூழ்நிலைகள். அதனால் அவ்வாறு பயப்படும் இளைஞர்கள் சமுதாயத்தில் நடக்கக்கூடிய நிகழ்வுகளில் பங்கேற்க முடிவதில்லை. அவர்கள் மனஅழுத்தம் மற்றும் பலவிதமான தொந்தரவுகளினாலும் எண்ணங்களாலும் பாதிக்கப்படுகின்றனர்.

    மேற்கூறிய காரணங்களினால், தேவையில்லாத பயத்துக்கு ஆளாகின்றனர். ஆனால் அவர்கள் பயத்தை வெளியே காட்டமாட்டார்கள். அவர்களின் செயல்களின் மூலம் பயம் வெளிப்படுத்தப்படும். அவர்கள் பள்ளிக்குச் செல்ல மறுப்பார்கள். அவர்களால் குழுவில் இணைந்து செயல்படமுடியாது. தனிமையை ஏற்படுத்திக் கொள்வார்கள்.

    தூக்கமின்மை, கனவு போன்ற பிரச்சனைகள் ஏற்படும். இதனால் உடல் மற்றும் மனரீதியான தொல்லைகள் நேரிடலாம். வயிற்றுப்போக்கு, வாந்தி, வயிற்றுவலி தேவையற்றசொல்ல முடியாத வலி போன்றபிரச்சனைகள் நேரிடும்.

    • எந்த பரிசோதனை மூலமும் இதன் தன்மையை அறிய முடியாது.
    • தொடர்ந்து அவர்கள் முறையான வாழ்க்கை மேற்கொண்டு சாதகமான வாழ்க்கை முறையை மேற்கொள்வதால் மட்டுமே இவ்விதமான பயத்தை சரிபடுத்த முடியும்
    • குடும்பக் கல்வி முறை, மனம் மற்றும் சமுதாய தேவைகளைச் சரிபடுத்துதல் மற்றும் மருத்துவமுறையினால் கட்டுப்படுத்த முடியும்.

    கட்டாயப்படுத்தும் மனஉளைச்சல் நோய்

    (Obsessive Compulsive Disorder)

    ஒரு குறிப்பிட்ட பொருள் பற்றி மிகைப்படியாக எண்ணிக் கொண்டிருக்கிற மற்றும் அதற்காக ஒன்றைச் செய்யுமாறு தன்னைத்தானே கட்டாயப்படுத்தக்கூடிய ஒழுங்கற்றநிலை

    தேவையற்ற ஒன்றைப் பற்றி அடிக்கடி நினைப்பதால் கவலை மற்றும் அச்ச உணர்வு உண்டாகும். அந்த எண்ணத்தை நிறைவேற்றுவதால் மனநிலை மற்றும் உடல்நிலையில் இருக்கக்கூடிய கவலை மற்றும் அச்ச உணர்வு விடுபடும். இந்த நிலை குழந்தை பருவத்தில் மற்றும் வாலிப பருவத்தில் உண்டாகும். இந்த எண்ணம் தேவையற்றது என்பதை இந்த எண்ணத்தைக் கொண்டவர் அறியவில்லை.

    பொதுவாக, தேவையற்ற எண்ணங்களாக அழுக்கு, கிருமி மற்றும் வியாதி இருப்பதாக இவர்களுக்குத் தோன்றும். இதனால் இந்நோய் உள்ளவர்கள் திரும்பத் திரும்ப கவனிப்பது, சுத்தம் செய்தல் மற்றும் நேராகப் பொருளை வைப்பது என்று செய்து கொண்டே இருப்பார்கள்.

    இதற்கான சிகிச்சை மருந்துகள் மற்றும் பழக்கத்தை மாற்றக்கூடிய பயிற்சி.

    மனநிலையினால் மற்றும் உடல்நிலையில்

    ஏற்படக்கூடிய ஒழுங்கற்றநிலை (Psychosomatic disorder)

    எப்பொழுதும் நம்முடைய வியாதி நம்முடைய உடல்நிலையைச் சார்ந்ததாக இருக்கும். எப்பொழுது நம்முடைய வியாதிக்கு நம்முடைய உடலில் பிரச்சினைகள் தோன்றுவதில்லையோ அப்போது மனநிலைக்கான சிகிச்சையை ஆராய வேண்டும்.

    சில எடுத்துக்காட்டுகள் தொண்டை அடைத்துக் கொள்ளுதல், சுவாசம் எடுப்பதற்குக் கஷ்டம், எழுதுவதற்குக் கஷ்டம், உடலின் பகுதி இயங்காமல் இருப்பது ஆகியவை எந்தக் காரணமும் இன்றி இருந்தால் மனநோய்க் காரணங்களை ஆராய வேண்டும்.

    முடிவுரை

    மனநிலை பாதிப்பை வாலிப வயதில் கண்டுபிடிப்ப தற்குக் குழந்தைப் பருவத்திலே அறிந்து அதற்கான சிகிச்சை எடுக்க வேண்டும். மருந்துகள் 6 முதல் 9 மாதம் வரை எடுக்க வேண்டியிருக்கும். குடும்பத்திற்குக் கல்வி மற்றும் அவர்களுக்கு உறுதுணையாக இருப்பதால் இந்த ஒழுங்கற்ற நிலையைக் குணப்படுத்த முடியும்.

    இந்த இதழை மேலும்