Home » Articles » நவீனஜீனோமிக்ஸ் (பகுதி -9)

 
நவீனஜீனோமிக்ஸ் (பகுதி -9)


முருகார்த்திக்
Author:

இதுவரை மரபுத் தொகையியலில் (Genomics) உள்ள பல்வேறு அடிப்படை கருத்தமைவுகளை (concepts) பார்த்தோம். இனி மனிதன் மற்றும் அவன் வாழ்வாதாரத்திற்கு தேவையான உணவு மற்றும் ஊட்டச்சத்துக்களை அளிக்கும் பல்வேறு உயிரினங்களின் அறிவியல் கட்டமைப்புகளை காண இருக்கிறோம். முதலில் நாம் மனிதனின் மரபுத்தொகை (Human Genome) பற்றி சற்று விரிவாக காணலாம்.

இந்த பூமியில் பிறக்கும் ஒவ்வொரு குழந்தையும் 99.9 சதவீதம் ஒத்த (identical) அல்லது ஒரே மாதிரியான மரபு பண்புகளை (Genetic) கொண்டிருக்கும். மிகச்சிறிய அளவில் (0.01%) மரபணுவில் வேற்றுமை இருக்கும். ஆனால் இந்த மரபணு வேற்றுமை மிகபெரிய அழுத்தத்தை மனிதரிகளில் உண்டாக்கும். உதாரணமாக மனித உயரம் (Height), நிறம் (Colors), புத்திசாலித்தனம் (Intelligence), மனப்போக்கு (Attitude மற்றும் நோய் எதிர்ப்பாற்றல் (Disease resistance) என காணத்தகு வேறுபாட்டுக்கு இந்தசிறிய அளவு மரபு மாறுபாடே காரணம். எனவே மனித டி.என்.எ.களை (DNA) முழுவது மாக வரிசைபடுத்துவதன் (Sequencing) மூலம் இத்தகைய வேறுபாடுகளை கண்டறியலாம்.

மேலும் இதன் மூலம் மனிதனின் உடலியல் சார்ந்த பல்வேறு நோய்களுக்கும், பிரச்சனைகளிலும் தீர்வுகாண இயலும். இதுவே மனித மரபாகராதி திட்டத்திற்கு வித்திட்டது. 1990-ஆம் ஆண்டு உலகில் உள்ள பல்வேறு நாடுகளில் உள்ள ஆராய்ச்சி மையங்கள் மற்றும் பல்கலைக்கழகங்களின் கூட்டு முயற்சியால் மனித மரபாகராதி  திட்டம் ஆரம்பிக்கப்பட்டது .இந்த திட்டம் முடிவடைய கிட்டதட்ட பதினைந்து ஆண்டு காலம் ஆகும் என கணிக்கப்பட்டது. ஏனென்றால் அப்போதைய காலகட்டத்தில் ஆராய்ச்சியாளர்கள் குறைந்தது பத்து வருடம் அல்லது தனது வாழ்க்கை முழுவதையும் செலவழித்தாலும் வெறும் கையளவு நீளம் கொண்ட டி.என்.எ.களை வரிசைபடுத்த முடிந்தது. ஒருநோய்க்கான டி. என். எ. வேறு பாட்டையும் அதை கொண்டுள்ள ஜீனையும் கண்டுபிடிக்க ஏறத்தாழ பதினைந்து முதல் இருபது ஆண்டுகள் தேவைப்பட்டன. ஆகவே, மனித மரபகராதி திட்ட முடிவுக்காக உலக ஆராய்ச்சியாளர்கள் மத்தியில் மிகுந்த எதிர்பார்ப்பு நிலவியது. இதுவே மரபு தொகையியல் (Genomics) தொடக்கத்திருக்கும் காரணமாக அமைந்தது. 

டி.என்.எ.களை வரிசைபடுத்தும் இயந்திரகள் (Automated sequencing machines) உருவாக்கப்பட்டன. அதன் மூலம் ஒவ்வொரு நொடிக்கும் கிட்டதட்ட ஆயிரம் நியூக்கிளியோடைடுகளை வரிசைபடுத்த முடிந்தது. ஏறத்தாழ பதிமூன்று ஆண்டுகள் கழித்து, 2003-ஆம் ஆண்டு முதல் மனித மரபாகராதி திட்ட ஆய்வறிக்கை வெளியிடப்பட்டது. இரண்டு (twoversion)அறிக்கைகள் வெளியிடப்பட்டன. ஒன்று உலக ஆராய்ச்சியாளர்களின் கூட்டமைப்பு வழியாகவும் மற்றொன்று செலிரா (Celera) எனும் உயிர் தொழில் நுட்ப நிறுவனமும் வெளியிட்டன. இந்த இரண்டு அறிக்கையும் சொல்லும்படியான முரண்பாடான தகவல்களை கொண்டிருக்கவில்லை. இந்த அறிக்கைகளில், மனிதன் 46 குரோமோ சோம்களையும், 30,000 – 35,000 ஜீன்களை கொண்டுள்ளான் எனவும் விளக்கப்பட்டது. மேலும், மனிதனின் மரபுத்தொகையின் அளவு (Human genome size) 3பில்லியன் (3 Gb) எனவும் அவற்றின் பெரும்பாலான பகுதிமீளல்களாக (Repeats) இருப்பதாகவும் விவரிக்கப்பட்டது. மனிதனின் பொதுவான முன்னோரான (Common ancestor) ஜிம்பான்சியிடமிருந்து (chimpanzees) கிட்டத்தட்ட6 மில்லியன் ஆண்டுகளுக்கு பிறகு மனிதனாக பரிணாம வளர்ச்சியடைந்துள்ளதாக விளக்கப்பட்டது. பிற்காலத்தில் வரிசைப்படுத்தும் தொழில்நுட்பத்தில் (Sequencing technologies) ஏற்பட்ட புரட்சி இந்த அறிக்கையில் சிறுமாற்றத்தை கொண்டுவந்தது.

இதன் மூலம் தற்போது மனிதனில் 20,000-கும் குறைவான ஜீன்களே உள்ளன எனவும், முதல் அறிக்கையில் வெளியிடப்பட பெரும்பாலான ஜீன்கள் நீண்ட செய்தியற்ற ஆர்.என்.எ. (long noncoding RNAs)-என பிற்காலத்தில் உறுதிப்படுத்தப்பட்டது. தற்போதைய நிலவரப்படி, மனிதனின் முழு டி.என்.எ.-வும் சிறுஇடைவெளியின் (gaps) முழுவதுமாக வரிசை படுத்தப்பட்டுள்ளது. மனித ஜீனோம் சம்பத்தப்பட்ட அனைத்து தரவுகளையும் இணையத்தில் எளிதில் பதவியிறக்கம் செய்யும் வகையில் நெறிப்படுத்தப்பட்டுள்ளனர். இதுவரையில் எந்ததன்னார் வலருடைய (volunteers) டி.என்.எ. இந்த மரபகராதி திட்டத்தில் எடுத்துக்கொண்டு, முழுமையாக வரிசைப்படுத்தப்பட்டுள்ளது என்பது வேண்டுமென்றே தெரியப்படுத்தப்படாமல் பாதுகாக்கப்படுகிறது. மனித மரபகராதி திட்டத்திற்கான மொத்த செலவு 2.7 பில்லியன் அமெரிக்கன் டாலர் என மதிப்பு வெளியிடப்பட்டுள்ளது.

இத்திட்டத்தின் முடிவு, மனிதன் சம்பத்தப்பட்ட பல்வேறு மருத்துவ ஆராய்ச்சிகளுக்குக்கான தொடக்கமாக அமைந்தது. ஆம் மனித மரபுத் தொகை என்பது மனிதனை உருவாக்கும் கையேடு என வருணிக்கலாம். இதுதான் தற்போதைய மருத்துவ அறிவியலின் வியத்தகு முன்னேற்றங்களுக்கு வித்திட்டது என்றால் அது மிகையாகாது. ஏனென்றால் மனித நோய்களுக்கான அடிப்படை மரபு காரணைகளையும், துல்லியமாக கண்டறியும் கருவிகளையும், அதிநவீன சிகிச்சை முறைகளையும் இதன் மூலமே நிர்ணயிக்கப்பட்டது.

மேலும், வெவ்வேறு மனிதர்களின் டி.என்.எ.களை முறையாக பகுப்பாய்வு செய்வது சக்தி வாய்ந்த நோய் தடுப்பு மருந்துகளை கண்டுபிடிக்க வழிவகுக்கும். தனி ஒரு மனிதனுக்கு ஏற்படக்கூடிய நோய்களை முன்கூட்டிய கண்டறிய முடியும். இத்தகைய மருத்துவ முறைக்கான சாத்தியக் கூறுகள் வெகுவிரைவில் நடைமுறைக்கு வரும் என்பதை இன்றே பதிவிடுவதில் பெருமகிழ்ச்சி!!!. மீண்டும் அடுத்த இதழில் நாம்வாழ்வியலில் பெரும் பங்கு வகிக்கும் காய்,கனிகள் மற்றும் தானியங்களின் வியத்தகு மரபு பண்புகளையும் அவற்றின் பரிணாம வரலாற்றையும் காணலாம். நன்றி !!!

இந்த இதழை மேலும்


Share
 

No comments

Be the first one to leave a comment.

Post a Comment


 

 


January 2018

மனமே நலம்! மாற்றமே வளம்!!
ஆறும் நீரும்
ஒன்பது வயதிற்குள் முதல் நூல் வெளியிட்ட முதல் சிறுவன்
இளம் பருவ நிலையில் ஏற்படும் மனநிலை மாற்றம்
உள்ளத்தோடு உள்ளம்
“வாழ நினைத்தால் வாழலாம்” – 12
புதிய வருடமே புகழைச் சேர்…
தன்னம்பிக்கை மேடை
நம்பிக்கைக்கு… உயிர் கொடுப்போம்!
சத்துச் சேமிப்புக் கூடங்கள்
நவீனஜீனோமிக்ஸ் (பகுதி -9)
திருவள்ளுவர் தினமும் உழவர் திருநாளும்…
தமிழர் வீரத்தின் அடையாளம் கபாடி…
மேம்படட்டும் மனிதவளம்
அறிவுப்பூர்வமான வீரமே அவசியம் தேவை…!
சிறுகதைகளின் சிறப்பு அம்சங்கள்
கோபப்படுவதில் நீங்கள் எந்த வகை?
வெற்றி உங்கள் கையில் – 49
ஒத்திப் போடும் குணம் நன்மை தருமா? தீமை தருமா?
துபாய் வாங்க!