Home » Articles » அறிவுப்பூர்வமான வீரமே அவசியம் தேவை…!

 
அறிவுப்பூர்வமான வீரமே அவசியம் தேவை…!


செல்வராஜ் P.S.K
Author:

இலட்சிய வீரர்களே

கடமை கசந்துவிட்டதா? செயல்பாட்டில் ஈடுபாடில்லையா? உலகில் எத்தனை கோடி போர் வந்தார்கள்? எத்தனை பேர் வரலாற்றில் உள்ளார்கள்?

வந்தவரெல்லாம் வரலாற்றில் நிலைத்து நின்றிருந்தால் இந்த வரலாறுதான் என்னாவது? இந்த சரித்திரத்திற்குச் சக்தி ஏது? மதிப்பேது?

வந்தவர் எல்லாம் வென்றிருந்தால் வெற்றிக்கு மதிப்பேது? உடனடியாக, விரைவில், எளிதில் கிடைத்துவிடுவது வெற்றியல்ல..

வெற்றி அவ்வளவு எளிதாக இதுவரை யாருக்கும் கிடைத்ததில்லை. அறிவும் தெளிவும், துணிவும், தெரிவும், வீரமும், விவேகமும், விழிப்பும், திறமையும் எந்த ஒரு இளைஞனிடம் ஸ்தம்பிக்கின்றதோ அந்த இளைஞனால் எதையும் சாதிக்க முடியும்.

அவனிடம் பல வெற்றிகள் காணப்படும். அந்த இளைஞனால் சாதிக்க முடியாதது எதுவும் உலகில் இல்லை.. இருக்காது இருக்கவும் முடியாது.

ஒவ்வொரு இளைஞனுக்குள்ளும் ஒவ்வொரு துறைக்கான படைப்பாற்றல் உள்ளது. அதை தெரிந்து கொண்டு, புரிந்து கொண்டு அதைச் சரியாக, முறையாகப் பயன்படுத்துபவர்களே முன்னேறுகின்றனர் வாழ்வில் சாதனை படைக்கின்றனர்; வரலாற்றில் இடம் பெறுகின்றனர்.

உன்னிடமும் ஒரு திறமை இருக்கின்றது. என்பதை நீ கண்டறி. இப்படிக் கண்டறிந்தால் போதும், உலக அரங்கில் உன் திறமை ஒரு நாள் கண்டிப்பாகப் பேசப்படும்.

கல்வெட்டாக வரலாற்றில் பதிந்து கிடக்கும் சாதித்தவர்களின் வரலாற்றை தெரிந்து கொள்ளாத எவனுக்கும் சாதிக்கின்ற அந்த நம்பிக்கை வராது சாதிக்கவும் முடியாது.

அன்பு மிக்கவனே

என் ஆருயிர்த் தோழனே

நீ எதையும் சாதிக்கப் பிறந்தவன்

நீ எதையும் சந்திக்கப் பிறந்தவன்

நீ எதையும் சிந்திக்கப் பிறந்தவன்

நீ எதையும் போதிக்கப் பிறந்தவன்

எதிலும்  வெற்றி வாகை சூட வந்தவன்

நீ, எதற்கும் நாதியற்றவன் அல்ல

இதுவரை, உலகில் தோன்றி மறைந்தோர் எத்தனையோ கோடி பேர், தோன்றிய எல்லோருக்கும் வரலாறு என்று ஒன்று இல்லை. இதில் சிலருக்கே உண்டு. 

இந்த சரித்திரப்பட்டியல் நீதி, அநீதி என இருவகைப்படும். இதில், எதில் நீ இடம்பெறப் போராடிக் கொண்டிருக்கிறாய்?  காந்தி இருக்கும்  பெயர் பட்டியலிலா? கோட்சே இருக்கும் பெயர்ப் பட்டியலிலா? 

உன்னைப் போன்றவர்களின் சாதனைகளைச் சேகரி. அதுவே உனக்கு மிகப்பெரிய நம்பிக்கையைக் கொடுக்கும். அந்த நம்பிக்கையே உனது முன்னேற்றதுக்குத் தேவையாகவும், வாழ்வுக்கு அவசியமானதாகவும் இருக்கும்.

முடியாது என்ற பேச்சுக்கே இடம் கிடையாது என்று எப்பொழுது உன் இதயம் சொல்கிறதோ அப்பொழுது தான் நீ நினைத்ததை முடிப்பவனாகத் திகழ முடியும், திகழ்வாய், அப்படித்திகழும் போது தான் உலகம் உன்னைப் புகழும்.

வீரன் என்பவன் யார்?

எதையும் அஞ்சாமல் தைரியத்துடன் எதையும் எதிர்கொள்பவன் வீரன். 

மாவீரன்  என்பவன் யார்? இப்பொழுது சாகிறோம் என்று தெரிந்தும் எவன் ஒருவன் போர்களத்தில் கண்ணீர் வடிக்காமல் தைரியத்துடன் செயல்படுகிறானோ அவனே மாவீரன்.

மண்ணில் இப்பொழுது மடிகிறோம் என்று தெரிந்தும் மரணத்தை முகமலர்ந்து ஏற்று உயிரை இழந்தாலும் கொள்கையை இழக்கக்கூடாது என்ற போர்களத்தில் எதிரி என்கிற எமனுடன் இறுதிவரை படுபயங்கர துணிச்சலுடன் எதிர்கொண்டு எழுந்து நின்று எவன் போரிடுகிறானோ அவனும் மாவீரன் தான்.

துப்பாக்கியை வைத்துக் கொண்டு எதிரே இருப்பவர்களை சுட்டு வீழ்த்துவது வீரமாகிவிடுமா? ஆகிவிடாது.

ஒரு கோழையின் கையில் துப்பாக்கி கிடைத்தாலும், துப்பாக்கியைக் கொடுத்து சுடச் சொன்னால் கூட தன் எதிரே நிற்கும் பல வீரர்களை நொடியில் சுட்டு வீழ்த்தி விடுவான். அதற்காக அவனை வீரன் என்று சொல்லிவிட முடியுமா? சொல்வது சரியா? இதனால் அவன் வீரன் ஆகிவிட முடியுமா? முடியாது. அதே சமயம் இவனால் , இந்தக் கோழையால் சுட்டு வீழ்த்தப்பட்ட இந்த வீரர்களை இந்தக் கோழையுடன் போரிட முடியாமல், எதிர்த்துத் தாக்க இயலாமல் கடும் தோல்வியுற்ற கோழைகள் என்று சொல்லிவிட முடியுமா? முடியாது.

குதிரை, வில், அம்பு, வாள், கேடயம் என்ற அந்தக்கால போர்முறை இதற்குச் சான்றாகும்.

முறைப்படி  சொன்னால், ஒற்றைக்கு ஒற்றை மோதுவது தான் வீரம் என்பது. மற்றபடி, துப்பாக்கி என்பதெல்லாம் இயந்திர வீரம். வில், அம்பு என்பது தான் மனிதனது வீரம்.

திரன் சின்னமலையும், வீரபாண்டிய கட்டபொம்மனும், நேதாஜியும், திப்பு சுல்தானும் இவர் போன்றுள்ளவர்களும் எதனால் மடிந்தனர்? இவர்கள் வீரம் இல்லாததனால் தான் எதிரியிடம் வீழ்ச்சியுற்றனரா? இல்லை இல்லை இயந்திரம் இல்லாததினால் தான் வீழ்ச்சி அடைந்தனர்.

ஆங்கிலேயன் துப்பாக்கி முனையில் பயமுறுத்தி 200 ஆண்டுகள் நம்மை அடிமைப்படுத்தி ஆண்டான். அதற்காக அதை வீரம் என்று சொல்லிவிட முடியுமா?

வெள்ளையன் வீரத்தைக் கொண்டா நம்மை ஆண்டான்? 200 ஆண்டுகள் வரை ஆங்கிலேயனை எதிர்த்து அழித்தொழிக்க முடியாத இந்தியர்களிடம் அன்று வீரம் இல்லை என்று சொல்வது நியாயம் இல்லை. துப்பாக்கி இல்லை என்று சொல்வதே நியாயம்.

அறிவுபூர்வமான வீரனாக இரு; உன்னை யாரும் அவ்வளவு எளிதில் வெல்ல முடியாது. ஒரு வீரனை வென்று விடலாம். ஏனென்றால் இன்னொரு வீரன் இருக்கிறான்.

அறிவு பூர்வமான வீரனை யாராலும் அசைக்க இயலாது

[/hide]

இந்த இதழை மேலும்


Share
 

No comments

Be the first one to leave a comment.

Post a Comment


 

 


January 2018

மனமே நலம்! மாற்றமே வளம்!!
ஆறும் நீரும்
ஒன்பது வயதிற்குள் முதல் நூல் வெளியிட்ட முதல் சிறுவன்
இளம் பருவ நிலையில் ஏற்படும் மனநிலை மாற்றம்
உள்ளத்தோடு உள்ளம்
“வாழ நினைத்தால் வாழலாம்” – 12
புதிய வருடமே புகழைச் சேர்…
தன்னம்பிக்கை மேடை
நம்பிக்கைக்கு… உயிர் கொடுப்போம்!
சத்துச் சேமிப்புக் கூடங்கள்
நவீனஜீனோமிக்ஸ் (பகுதி -9)
திருவள்ளுவர் தினமும் உழவர் திருநாளும்…
தமிழர் வீரத்தின் அடையாளம் கபாடி…
மேம்படட்டும் மனிதவளம்
அறிவுப்பூர்வமான வீரமே அவசியம் தேவை…!
சிறுகதைகளின் சிறப்பு அம்சங்கள்
கோபப்படுவதில் நீங்கள் எந்த வகை?
வெற்றி உங்கள் கையில் – 49
ஒத்திப் போடும் குணம் நன்மை தருமா? தீமை தருமா?
துபாய் வாங்க!