Home » Editorial » உள்ளத்தோடு உள்ளம்

 
உள்ளத்தோடு உள்ளம்


ஆசிரியர் குழு
Author:

பழைய ஆடையை விட்டுவிட்டு, நாம் புத்தாடையை அணிந்து கொள்வதைப் போல, பழைய உடலை விட்டு விட்டு, மனித ஆன்மா, புதிய உடலில் நுழைந்து கொள்வதைப் போல, காலமும் 2016 ஆம் ஆண்டை விட்டுவிட்டு, 2017 ஆம் ஆண்டாக உருமாறி ஒளிர்ந்து வருகிறது.

இந்த நேரத்தில், நாமும் பழைய எண்ணங்களை விட்டு விட்டு, புதிய எண்ணங்களை உயிர்ப்பித்துக் கொள்ள வேண்டும். தீதான எண்ணங்களை விட்டு நல்ல எண்ணங்களையும், தேவையற்ற எண்ணங்களை விட்டு, தன்னம்பிக்கை மிக்க எண்ணங்களையும், எண்ணக் கருவிலேயே உயிர்ப்பித்து சுயமுன்னேற்றத்தை எண்ணி எண்ணி அதை வளர்க்க வேண்டும்.

சென்ற ஆண்டை விட, இந்தாண்டு, நீங்களும், உங்கள் குடும்பமும் பண்புகளில், பணியில், பொறுப்பில் பொருளாதாரத்தில், சமூக மதிப்பில், மாண்புகளில் பன்மடங்கு படியேறி வளர்ந்து நிற்க வேண்டும். அதற்கான தன்முனைப்பு உங்கள் மனதில் இடம் பெற வேண்டும்.

நான் பலமானவன் என்று மனதார நீங்கள் நம்பினால், உங்களைத் தீண்டும் பாம்பின் விஷம் கூட பலனற்றுப் போகும், என்றார் சுவாமி விவேகானந்தர். அவர் வாக்குப் போல, எண்ணங்களும், தன்னம்பிக்கையும் இரும்பைப் போல இருக்குமாறு பார்த்துக் கொண்டால் போதும். காலம் உங்கள் வளர்ச்சியைப் பார்த்துக் கொள்ளும்.

அன்னையின் கைகளைப் பற்றிக் கொண்டு நடக்கும் குழந்தையைப் போல, காலத்தின் கைகளைப் பற்றிக் கொண்டு நடப்போம். காலம் பேய் வேகத்தில் ஓடிக் கொண்டிருக்கிறது, நாம் குட்டிச்சாத்தான் வேகத்திலாவது ஓடவேண்டாமா?

நிலத்தை நம்பினால் உணவைப் பெருக்கலாம், நீரை நம்பினால் கடலைக் கடக்கலாம், காற்றை நம்பினால் வானில் பறக்கலாம், உங்களை நம்பினால் உயர்ந்து வாழலாம்.

உங்கள் குறிக்கோள் ஈடேற தன்னம்பிக்கை தனது மனப்பூர்வமான புத்தாண்டு வாழ்த்துக்களைத் தெரிவித்துக் கொள்கிறது. இவ்வாண்டு தன்னம்பிக்கை இதழுக்கும் முக்கியக் குறிக்கோள்  இருக்கிறது, அது என்னவென்றால் , உங்கள் வீட்டுக்கு மட்டுமல்லாமல், உங்கள் உறவினர்கள், நண்பர்கள், சக பணியாளர்கள், அரசு அலுவலகங்கள், தொண்டு நிறுவனங்கள் என்று ஒவ்வொருவர் வீட்டுக்கும் வர வேண்டும், அவர்கள் மனதில் நம்பிக்கை வளர்க்க வேண்டும், என்பது தான். அதற்கு நீங்கள் உதவ வேண்டும். ஒவ்வொருவரும் குறைந்தது பத்துப் பேருக்காவது, இதைப்பற்றி எடுத்துச்சொல்லி, சந்தாதாரர் ஆக்க வேண்டும் என்று வேண்டுகிறோம்.

அன்னதானம் செய்வதைப் போல, ஆறுகுளம் வெட்டி குடி நீரைத் தேக்குவதைப் போல, மரம் நடுவதைப் போல, மக்களுக்கு தன்னம்பிக்கை தருவதும் சேதப் பணியே

புத்தாண்டு வாழ்த்துக்களுடன்

ஆசிரியர்

 

No comments

Be the first one to leave a comment.

Post a Comment


 

 


January 2017

இங்கு இவர் இப்படி
முன்பு எப்போது சொல்லப்படாத ஒரு கதை
படைப்பாற்றல்
ஸ்ரீலங்கா – சுற்றுலா
என் பள்ளி
சோதனைகளை, சோதனை செய்…
பூமிப்பந்து பூத்துக் குலுங்கட்டும்…
உணவு முறைகள்
வாழ நினைத்தால் வாழலாம்
வெற்றி உங்கள் கையில்…37
விரும்பிய தருணங்களைத் திரும்பிப் பார்க்கிறேன்
மெய்நிகர்
புத்தாண்டு சிந்தனைகள்
தன்னம்பிக்கை மேடை
நெஞ்சில் துணிவிருந்தால்! நிலவுக்கும் போய் வரலாம்!!
உள்ளத்தோடு உள்ளம்