நீயும் இயற்கையின் ஓர் அங்கமே…

இந்த நூற்றாண்டு… அறிவையும் அறிவியலையும் கைகுலுக்கி கொள்ள வைத்த நூற்றாண்டு. மனிதன் தனிமைப்படுத்தப்பட்டு அறிவியல் உலகத்திற்குள் தேடலோடு தனித்தீவாய் நிற்பான். சிரிப்பு என்பது அந்நியப்படும்; சிந்தனையில் பூட்டுத் தொங்கும் காலமாய் அர்த்தமாக்கப்படும். காலம் தரும் படிப்பினையை ஏற்றுக்கொள்ளும் பக்குவத்தைப் பெற்றாலே, இந்த நூற்றாண்டில் வாழும் முறையை வசப்படுத்திக்கொள்ளலாம்.

புறா பூரிப்போடு அது தரும் செய்தியை அழகோடு, ஆராதிப்போம். இன்றைய செய்தியே நாளைய வரலாறு என்பதை நாமறிந்தாலும் பத்திரிக்கைகளுக்கு செய்தி தருவதற்கு பற்பல செய்தி நிறுவனங்கள் இருந்தாலும், எத்தனையானாலும் ஈடுசெய்ய முடியாத, மாபெரும் சக்தியாய் ராய்ட்டர் செய்தி நிறுவனம், தரமான முதல்தர நிறுவனமாய் விளங்குகிறது. ஒற்றைவரிச் செய்தியில் உலகமே வாய்பிளக்கும் அதிசயத்தை முதல் செய்தியாய்  முத்தான செய்தியாய் முந்திக் கொடுப்பதில்தான் இது அதன் முத்திரையை பதித்திருக்கிறது.

பால் ஜீலியஸ் ராய்ட்டர் என்றஜெர்மானிய மனிதருக்குள் தான் இந்த நிறுவனம் 1850ல் முகிழ்த்து எழுந்தது. தான் வேலை பார்க்கும் வங்கிக்கு “பாரீசின் ஸ்டாக் எக்ஸ்சேஞ்” விவரங்கள் தேவைப்பட “அக்ஸ்லா சாப்பெல்லா” என்னும் செய்தி தொகுப்பு நிறுவனமாய் வடிவம் பெற்று புதிய சவாலோடு வரவேற்பு வாசலில் காத்து நின்றது. வட்டமிடும் புறாக்களும் இதன் வளர்ச்சியில் தன் பங்களிப்பைச் செய்தது. ராய்ட்டர் ஜெர்மனியிலிருந்து பாரீசின் பிரஸ்சில் நகருக்கு செல்லும் ரயில் வண்டியில் புறாக்களை அனுப்பி விடுவார். அந்த இரயில் இரவு முழுவதும் பயணித்து விடியற்காலை பிரஸ்சில் நகருக்கு சென்று விடும். அங்கிருக்கும் ராய்ட்டரின் நண்பர் அங்குள்ள பங்கு மார்க்கெட் விவரம் விலை போன்றசரியான தகவல்களை எழுதி புறா காலில் கட்டி பறக்க விடுவார். புறப்பட்ட 7 மணி நேரத்திற்குள் இந்த புறாக்கள் ராய்ட்டரிடம் வந்து சேர்ந்து விடும். இது அந்த ரயில் செல்லும் வேகத்தை விட அதிகம். இந்த தொலைவை ரயில் கடக்க ஒன்பது மணி நேரம் எடுத்துக் கொள்ளும். என்ன ஆச்சரியம்…! 2 மணி நேரம் முன்பாக புறா வந்து சேர்ந்தது. விந்தையான செய்திதானே…! மணிக்கு 160 கி.மீ., வேகத்தில் புறாக்கள் அந்த செய்தியை கொண்டு வந்து சேர்க்கின்றன. இப்படி சுடச்சுட கிடைத்த பங்கு மார்க்கெட் (Share Market) நிலவரத்தை நல்ல விலைக்கு உடனே வியாபாரிகளுக்கு விற்றுவிடுவார் ராய்ட்டர்.

ஒரு முறைமாவீரன் நெப்போலியன் போர்பற்றி பார்லிமெண்டில் பேச இருக்கும் செய்தியை முன்கூட்டியே ராய்ட்டர் வெளியிட்டார். இது மக்களிடையே பெரும் பரபரப்பையும், மகிழ்ச்சியையும் அள்ளித் தெளித்தது. ராய்ட்டர் புகழின் உச்சத்திற்கு சென்றார். மேலும், ஒரு புதுமையைப் புகுத்தினார். செய்தி சேகரிப்பு ஒருபுறம் இருந்தாலும், நேரடியாக நிரூபர்களை போர் முனைக்கு அனுப்பி, அவர்கள் பார்த்தவற்றைஉள்ளது உள்ளபடி செய்தியாக எழுதி வரும்படி அனுப்பி வைத்தார்.  அதுவரை செய்தி சேகரிப்பில் சம்பவ இடத்திற்கு நிரூபர்கள் நேரில் சென்று நேரடியாக செய்தி சேகரிக்கும் முறைஇருந்ததில்லை. இன்று புதுமையின் புதுமையாக நிகழும் ராய்ட்டர் நிறுவனம், உலகெங்கும் 180 நாடுகளில் கிளை பரப்ப சிகரமே சிம்மாசனத்தில் நின்று கை அசைக்கும் அழகே அழகு. இங்கே புறா ஒரு போதிமரமாய் நின்று கூறுவது மனிதா… வேகங்கொள்….! தாகம்கொள்…! விடை கிடைக்கும்….!

இந்த இதழை மேலும்

• இணையதளத்தில் படிக்க

கருவுற்ற காலத்தில் பெண்கள் சத்தான உணவுப் பொருட்களை உண்ண வேண்டும். தன்னுள் மற்றொரு உயிரைச் சுமக்கின்ற காரணத்தினால் இருவருக்குமான உணவை உண்ண வேண்டும். அக்கால கட்டத்தில் உடல்நலத்துடன் மனநலத்தையும் பாதுகாக்க வேண்டும். மனத்தில் தேவையற்ற எண்ணங்களைச் சிந்தித்தல், கவலைப்படுதல் போன்றவை, கருவில் இருக்கும் குழந்தையின் மனநிலையைப் பாதிக்கும். எனவே கருவுற்ற காலத்தில் நல்ல எண்ணங்களையே சிந்திக்க வேண்டும். ஆன்மிக புத்தகங்களை வாசிக்கலாம். மனத்திற்குப் புத்துணர்வைத் தரக்கூடிய இசையைக் கேட்கலாம். கருவுற்ற காலத்தில் தாய் செய்யும் ஒவ்வொரு செயலும் குழந்தையைப் பாதிக்கும். எனவே எச்சரிக்கையாக இருக்க வேண்டும். குடும்பத்தில் உள்ளவர்களும் அப்பெண்ணின் மனநிலைக் கேற்ப நடந்துகொள்ள வேண்டும். அதிக ஓய்வு, சத்தான உணவு, அன்பான உபசரிப்பு போன்றவை கருவுற்ற பெண்களுக்கு அவசியமானவை ஆகும்.

அழிந்து வரும் பெண் இனம்

இன்னும் சில ஆண்டுகளில் அழிந்து வரும் உயிரினங்களின் பட்டியலில் மனித சமுதாயத்தின் அங்கமாக இருக்கக் கூடிய பெண் இனம் சேர்க்கப்பட்டு விடும் என்பதைப் புள்ளி விவரங்கள் தெரிவிக்கின்றன. அறியாமையால் மக்கள் வாழ்ந்த அந்தக் காலத்தில் தான் பெண்கள் கேவலமாக நடத்தப்பட்டார்கள். இன்று நாகரீகம் பேசும் ஐரோப்பிய அமெரிக்க நாடுகளில் வாழும் பெண்கள் அனுபவிக்கும் சுதந்திரம் கூட அவர்களாக அடைந்து கொண்டதல்ல, பல்வேறு போராட்டங்களுக்குப் பின்னால் கிடைத்த ஒன்றே!

நமது இந்திய தேசத்தின் மொத்த மக்கள் தொகை விகிதத்தில் ஆண் பெண் விகிதம் மிகவும் அபாய கட்டத்தில் உள்ளது. 1000 ஆண்களுக்கு 933 பெண்கள் இருக்கின்றார்கள். மேலும் 0-6 வயதுக்குட்பட்ட மக்கள் தொகை விகிதத்தில், 1000 ஆண் குழந்தைகளுக்கு 793 பெண் குழந்தைகளே உள்ளன.

இந்த நிலை நீடித்தால் கலாச்சார சீரழிவு போன்ற எண்ணற்ற விளைவுகள் ஏற்படும் அபாயம் உள்ளது. பெண்கள் மீதான வன்முறையும், வன்கொடுமையும் மேலும் அதிகரிக்கும். ஒரு பெண்ணைப் பலர் அடக்கியாள நினைப்பார்கள். இந்த அளவு பெண் குழந்தைகளின் பிறப்பு விகிதம் வீழ்ச்சியைச் சந்திப்பதற்கு காரணம் என்னவெனில், கருவிலேயே பெண் குழந்தைகள் கண்டறியப்பட்டு, அழிக்கப்படுவது தான் காரணம். இந்தியாவில் மட்டும் ஆண்டுக்கு 50 லட்சம் பெண் சிசுக்கள் கருவிலேயே அழிக்கப்படுவதாக ஆய்வு சொல்கிறது. படித்தவர்கள், பாமரர்கள் என்றில்லாமல் பெண் சிசுக்கொலைகள் நமது நாட்டில் நடந்து வருவது வருந்தத்தக்க விஷயம். இதிலிருந்து இந்த படித்த நவீன யுகத்திலும், 2020ல் உலக வல்லரசு என்று மார்தட்டிக் கொள்ளும் நம் நாட்டில் இப்படியெல்லாம் நிகழும் நிகழ்வுகள் நம்மைக் காட்டுமிராண்டிகளாகத் தான் காட்டுகின்றன.

பெண்களைச் சுமையாக நினைப்பது காலகாலமாக அவர்கள் மனதில் ஊறியிருக்கிறது. வரதட்சணை தரவேண்டுமே என்ற காரணத்துக்காகவே பெண் குழந்தையை மறுக்கிறார்கள். வேறு வீட்டுக்குப் போகிறவள் என்பதால் அவளுக்கு படிப்பு மறுக்கப்படுகிறது. கிராமங்களில் அதிக உடலுழைப்பு தேவைப்படுகிற வேலைகளுக்குப் பெண் லாயக்கற்றவள் என்பதாலேயே அவளது பிறப்பு நிராகரிக்கப்படுகிறது. அப்படியே மீறி பிறந்தாலும் கள்ளிப்பாலுக்கும் நெல்மணிக்கும் அவர்கள் தப்புவதில்லை.

படிக்காதவர்கள் என்றில்லை, இந்த விஷயத்தில் படித்தவர்களின் மனநிலையும் பாமரத்தனமாகத் தான் இருக்கிறது. ஸ்கேன் செய்யும் போது கருவில் இருக்கும் குழந்தையின் பாலினத்தைச் சொல்லக்கூடாது என்று அரசாங்கம் தடை விதித்தாலும் அதையும் மீறி கருக்கலைப்புகள் நடக்கத்தான் செய்கின்றன. ஆண்களை விட பெண்கள் தான் பெண் குழந்தை வேண்டாம் என்கின்றனர். பெண்ணுக்குப் பெண்ணே எதிரியாகிற நிலை இங்கு மட்டுமே நடக்கிறது. பெற்ற தாயே தன் பெண் குழந்தையைக் கொன்ற கொடூரத்தைச் செய்தியாக தினசரிகளில் படிக்கின்றோம். குழந்தையைப் பெற்றுக் கொள்வதும், பெற்றுக் கொல்வதும் தங்கள் தனிப்பட்ட உரிமை என்ற சிலரது நினைப்பு இன்று ஒட்டுமொத்த சமூகத்தையே பாதித்திருக்கிறது.

இந்த இதழை மேலும்

• இணையதளத்தில் படிக்க

ட. மூர்த்தி,

உறுப்பினர் ,

முகவர்களுக்கான தலைவர் மன்றம்,

லைப் இன்ஷ்யூரன்ஸ் கார்ப்பொரேஷன் ஆப் இந்தியா

ஈரோடு மாவட்டம் நசியனூர் பேரூராட்சி வேட்டுவபாளையம் என்றகிராமத்தில் வசித்து வருகிறேன். அப்பா பெரியசாமி, அம்மா சிந்தாமணி. எனக்கு திருமணம் ஆகி இரண்டு பெண் குழந்தைகள் உள்ளனர். மனைவி M. வனிதா அலுவலக உதவிகள் அனைத்தும் செய்து கொடுக்கிறார். மூத்த மகள் M. விகாசிதா, இளையமகள் M. பூஜா. LIC- யில் சாதனை புரிய வேண்டும் என்று துடிப்புடன் செயல்பட்டு வருகிறேன். TOT ஆவது எனது லட்சியமாக உள்ளது.

படிப்பு முடிந்தவுடன் தனியார் பஸ் நிறுவனத்தில் நடத்துனராக பணிபுரிந்து வந்தேன். அப்போது, நிறைய நேரம் எனக்கு மீதம் இருந்தது. எனவே, பகுதிநேர வேலை ஏதாவது செய்ய வேண்டிய எண்ணம் எனக்குள் வந்தது. அப்போதுதான் LIC-யில் முகவராக பணியில் சேர கடிதம் வந்தது. அதை செய்வது என முடிவு செய்தேன்.  LIC பயிற்சி முடித்து 2002ல் எனது LIC முகவாண்மைப் பணியை துவக்கினேன். 2006ம் ஆண்டுவரை இதே நிலை நீடித்தது. 2006ல் ஏதாவது ஒரு தொழிலை முழுமையாக செய்ய வேண்டும் என்றஎண்ணம் எனக்குள் ஏற்பட்டு LIC முகவாண்மைப் பணியை முழு நேரமும் செய்யத் துவங்கினேன்.

LIC திட்டங்கள் அனைத்தும் வாங்கப்படுகின்ற பொருட்களாக இல்லை. அனைத்தும் விற்கப்படுகின்ற பொருட்களாக உள்ளது. எனவே வாடிக்கையாளர்களுக்கு காப்பீடு மற்றும் சேமிப்பு இவற்றின் மகத்துவத்தை உணர்த்தி வாங்க செய்ய வேண்டும் என்பதே மிகப்பெரிய சவாலாக இருந்தது. ஒவ்வொரு வாடிக்கையாளரைச் சந்திக்கும் முன் அவர்கள் ஏன் LIC யில் ஒரு குறிப்பிட்ட திட்டத்தில் சேர வேண்டும் என்பதற்கான பதிலை தயார் செய்ய வேண்டும். அதன் பிறகு அவர்கள் பாலிசி எடுக்க விரும்பினால் ஏன் என்  முகவாண்மையின் கீழ் எடுக்க வேண்டும் என்பதற்கான விபரங்களை விளக்கமாக எடுத்துக்கூறி வாடிக்கையாளர்களின் தேவையை நிறைவு செய்தேன். மேலும், நாட்டில் நிகழும் பொருளாதார மாற்றங்கள் பற்றியும் வாடிக்கையாளர்களுக்கு உடனுக்குடன் தெரிவிப்பேன். நசியனூரில் வாடிக்கையாளர் சேவை மையம் என்றஅலுவலகத்தை நிறுவி அங்கு LIC பாலிசிதாரர்களுக்குத் தேவையான அனைத்து சேவைகளும் செய்து வருகிறோம்.

இந்த இதழை மேலும்

• இணையதளத்தில் படிக்க

“தோன்றின் புகழோடு தோன்றுக அஃதிலார்

தோன்றலின் தோன்றாமை நன்று”.

என்றவள்ளுவரின் வாக்கிற்கு ஏற்ப உலகம் முழுவதும் எல்லோர் மனதிலும் வாழ்ந்து கொண்டிருக்கும் நம் பாரதத்தின் தந்தை மகாத்மா காந்தியடிகள் ஒரு வழக்கறிஞர், அரசியல்வாதி, மறுமலர்ச்சியாளர், தியானி மட்டும் அல்ல அவர் ஒரு ஞானியும் ஆவார். அரசியல்வாதியாக இருந்து ஒரு ஞானியாக உருவெடுத்தார் என்றபெருமை அவர் ஒருவருக்கே உண்டு.

ஆன்மீகம் என்பது ஒரு தனி உலகம். அந்த உலகில் சஞ்சரிப்பதற்கு சில கடுமையான பயிற்சிகள் மிக அவசியம். காந்தியடிகள் தன்னுடைய ஆன்மீக வாழ்க்கையில் சில வழி நெறிகளை கடைப்பிடித்து அதில் வெற்றியும் கண்டார். அதனால் தான் “மகான்” என்றும் “மகாத்மா” என்றஅடை மொழிகளைப் பெற்றார். அவர் தம் அன்றாட வாழ்க்கையில் சூரிய உதயத்திற்கு முன் ஒரு மணிநேரமும், மாலை ஒரு மணி நேரமும் அமைதியாக தியானம் செய்வது வழக்கம்.  சுமார் 50 ஆண்டுகள், அவர் தினமும் ‘நங்ழ்ம்ர்ய் ர்ய் ற்ட்ங் ஙர்ன்ய்ற்’, குரான் மற்றும் பகவத் கீதை படிப்பார். பகவத்கீதையில் முக்கியமாக இரண்டாவது அத்தியாயம் படிப்பார்.

அந்த இரண்டாவது அத்தியாயத்தில் சுயநலத்தை விட்டு வெளிவருவதற்கான வழிகளும், கடவுளை நேருக்கு நேர் பார்த்து கடவுளின் விருப்பங்களை நிறைவேற்றுவதற்கான வழி காட்டுதல்களும், இருப்பதாக உணர்ந்தார். காந்தியடிகளின் தனித்தன்மை என்வென்றால் பகவத்கீதையில் கூறியுள்ள போதனைகளை தன் நிஜ வாழ்க்கையிலும் கடைப்பிடித்தார்.

நம் இந்திய நாடு சுதந்திரம் அடைய காந்தியடிகள் எடுத்துக்கொண்ட இரண்டு கொள்கைகள் 1. அன்பே கடவுள், 2. சத்தியமே கடவுள் என்பனவாகும். இரண்டாம் உலகப்போரின் போது ஹிட்லர் , ரூஸ்வெல்ட் மற்றும் சர்ச்சில் போன்றஅரசியல்வாதிகள் கொடிய வன்முறைகளை கையாண்ட வேளையில் காந்தியடிகள், அஹிம்சை என்றயுக்தியைக் கையாண்டு உலகத்தலைவர்கள் அனைவரும் வியக்கும் விதத்தில் இந்தியாவிற்கு சுதந்திரம் என்றவெற்றிக்கனியை பறித்து தந்தார் என்பது எல்லோராலும் பாராட்டப்பட்ட வரலாற்றுச் செய்தியாகும். அந்த அஹிம்சை என்றயுக்தியை பெறுவதற்கு அவருக்கு முற்றிலும் உறுதுணையாக இருந்தது ஆன்மீக உலகமே ஆகும். ஒருவனுக்குள் இருக்கும் வலிமை உடல் வலிமையால் மட்டும் அல்ல. அதைவிட பெரிய சக்தி அவனுடைய மனவலிமையால் முடியும் என்பதை தன் வாழ்நாளில் எடுத்துக்காட்டியவர் காந்தியடிகள். தன்னைத்தானே வருத்திக்கொள்வதால், பயமின்மை என்றஆற்றலைப் பெறமுடியும் என்பதை தன்னுடைய சத்தியாக்கிரகப்போராட்டங்களில் வெளிப்படுத்தியுள்ளார்.

புறந்தூய்மை நீரான் அமையும் அகந்தூய்மை

வாய்மையால் காணப் படும்.

என்றகுறளின்படி வாழ்ந்து காட்டியவர் காந்தியடிகள். நம் நாட்டின் தந்தை என அழைக்கப்படும் தேசத்தலைவர். ஒரு தலைவனின் அம்சங்கள் என்னவென்று பட்டியல் இட்டுள்ளார்….

1. தலைவன் என்பவன் தன் மனச்சாட்சியின் குரலை செவி மடுக்க வேண்டும்.
2. தலைவன் என்பவன் சாதாரண மனிதன் அல்ல அவன் மற்றவர்களை வழி நடத்துபவன்.
3. தைரியம், பொருத்துக்கொள்ளும் தன்மை பயமின்மை மற்றும் தன்னைத்தானே தியாகம் செய்யும் குணம் வேண்டும்.
4. செய்யும் செயல்களில் உண்மை இருக்க வேண்டும். சரியான முறைகளை பின்பற்றவேண்டும். சரியான முடிவுகள் எடுக்கப்பட வேண்டும். செயலர் அல்ல என்று உணர வேண்டும்.
5. சமத்துவம், சகோதரத்துவம், தனக்கென எதையும் சேர்த்து வைக்காமை, சேவை, அஹிம்சை முதலியன பின்பற்றப்பட வேண்டும்.

இந்த இதழை மேலும்

• இணையதளத்தில் படிக்க

இருகைகளும், இருகால்களும்

இல்லாமல் அவர்கள் செய்யும்

சாகசங்கள், எல்லா

உறுப்புகளும் நன்றாக இருந்து

திடகாத்திரமாக இருக்கின்ற

ஒரு மனிதன் செய்யாத,

செய்ய முடியாத சாதனையை

ஊனமுற்ற அந்த வீரர்கள்

சாதனை செய்து வரலாற்றில்

தன் பெயரை பதிவு செய்த போது

அவர்களை மெய்மறந்து

பாராட்டத்

தோன்றுகிறது.

உலகே ஏறெடுத்துப் பார்க்க வைத்த பாரா ஒலிம்பிக் போட்டி கோலாகலமாக நடந்து முடிந்தது. இந்தியா இரண்டு பதக்கங்களை பெற்றிருக்கிறது. ஒரு கால் முடமாகிப் போன தமிழக வீரன் மாரியப்பன் பாரா ஒலிம்பிக்கிலேயே உயரம் தாண்டுதல் போட்டியில் முதலிடம் பிடித்து தங்கப்பதக்கம் பெற்றிருக்கிறார். வருண்சிங் வெங்கலப்பதக்கம் பெறுகிறார்.

ஒரு கை இல்லாத இந்திய வீரன் தேவேந்திர ஜஜாரியா ஈட்டி எறிதல் (Javelin Throw) போட்டியில் உலக சாதனையுடன் தங்கம் வென்றார். இதே போல, இந்தியப் பெண் தீபா மாலிக் பாரா ஒலிம்பிக் போட்டியில் வெள்ளிப்பதக்கம் வென்றிருக்கிறார். உடல் ஊனமுற்றோருக்கான போட்டியில் உலகமெங்கும் வீரர்கள் கலந்து கொள்கிறார்கள். தொலைகாட்சிப் பெட்டியில் இந்நிகழ்ச்சிகளை பார்க்கும் போது, நமக்கு உடம்பெல்லாம் புல்லரிக்கிறது. அவர்களின் சாதனையைப் பார்த்து, முயற்சியை வியந்து அவர்கள் பெற்றவெற்றிகளைப் பார்க்கும் போது அந்த வீரர்களுக்கு எழுந்து நின்று மரியாதை செலுத்த தோன்றுகிறது.

இருகைகளும், இருகால்களும் இல்லாமல் அவர்கள் செய்யும் சாகசங்கள், எல்லா உறுப்புகளும் நன்றாக இருந்து திடகாத்திரமாக இருக்கின்றஒரு மனிதன் செய்யாத, செய்ய முடியாத சாதனையை ஊனமுற்றஅந்த வீரர்கள் சாதனை செய்து வரலாற்றில் தன் பெயரை பதிவு செய்த போது அவர்களை மெய்மறந்து பாராட்டத் தோன்றுகிறது.

இவர்களெல்லாம் தமது பலவீனங்களைஎண்ணி சோர்ந்து போகவில்லை. பலவீனங்களை அவர்கள் பாரமாக கருதவில்லை. அந்த பலவீனங்களை மறந்து சாதிக்கத்துடித்து தன்னம்பிக்கையின் சிகரமாக வாழ்ந்து சாதித்து மகிழ்கிறார்கள்.

கிரேக்க நாட்டிலே சோலான் என்றமிகச்சிறந்த தத்துவஞானி இருந்தார். ஒருநாள் மக்கள் கூடும் சாலையின் நடுவே நின்று கொண்டு, அங்கு கூடியிருந்த மக்கள் கூட்டத்தைப் பார்த்து ஒரு கேள்வி கேட்டார். என் கையில் இருப்பது ஒரு அழுகிப்போன ஆப்பிள். இந்த அழுகிப்போன ஆப்பிளை, புதிய ஆப்பிளாக மாற்றிக்காட்ட முடியுமா….? அதை மாற்றவழி சொல்ல முடியுமா….? என்று கேட்கிறார்.

கூடியிருந்த மக்கள் அழுகிப்போன ஆப்பிளை வைத்துக்கொண்டு என்ன செய்வது, தூக்கி எறிவதுதான்  உத்தமம் என்று சொன்னார்கள். சோலான் அந்த அழுகிப்போன ஆப்பிளை நான்கு துண்டுகளாக  அறுத்தார். அதிலிருந்த ஆப்பிள் விதைகளை சேகரித்தார்.. இந்த அழுகிப்போன ஆப்பிளை ஒரு புதிய நல்ல ஆப்பிளாக மாற்றவதற்கு ஒரே வழி இந்த விதைகளை விதைத்து அதில் வரும் செடியில் இருந்து புதிய நல்ல ஆப்பிளை பெறலாம் என்று சொன்னார். கூடி இருந்த மக்கள் அந்தப்பதிலை கேட்டு ஆராவாரம் செய்தார்கள். இந்த அறிஞர்கள் சொல்வதைப்போல சிந்தித்துப் பார்த்தால் எந்த செயலுக்கும் ஒரு மாற்றுவழி உண்டு என்பது புலனாகிறது.

அழுகிப்போன ஆப்பிளை ஒரு புதிய ஆப்பிளாக மாற்றிக் காட்டும் ‘அதிசயம் மாற்றத்தின் ரகசியம்’ அனைவருக்கும் தெரிந்தால் ஆனந்தமே.

இறைவன் இவர்களுக்கு உறுப்பு இழப்பினை கொடுத்திருந்தாலும், மாற்றுத்திறனாளிகள் மாற்றி யோசித்து சாதனை செய்து சரித்திரத்தில் இடம் பெற்றனர். அழுகிப்போன ஆப்பிள் புதிய நல்ல ஆப்பிளாக மாறமுடிந்தது போல புதிய வாழ்வு அவர்களுக்கு கிடைத்தது.

ஒரு மேலைநாட்டு கதை ஒன்று உண்டு. மலை போன்ற ராட்சத உருவம் கொண்ட கோலியாத் என்றவீரன் இஸ்ரவேலருக்கு எதிராக வருகிறான். தன்னை எதிர்க்க இங்கே யாருக்காவது தைரியம் உண்டா…? என்று கேலி பேசி தன்னைத் தானே மார்தட்டிக் கொள்கிறான்.

இந்த இதழை மேலும்

• இணையதளத்தில் படிக்க

அன்பு நண்பர்களே! நம்மை இளமையாக்கும் உணவுகளை ஒரு பக்கம் தெரிவு செய்து எடுத்துக்கொண்டு, மறு பக்கம் நம்மை முதுமையாக்கும் உணவுகள் எது என்று தெரியாமல் அதையும் எடுக்குபோது முடிவாக எந்தப் பலனும் கிடைக்காது. ஆகையால், நம்மை முதுமையாக்கும் உணவுகள் எவை என இனம் கண்டு தவிர்க்க அவற்றைப் பற்றி இனிப் பார்ப்போம். நம்மை முதுமையாக்கும் உணவுகள் இளமையாக்கும் உணவுத் தன்மைகளுக்கு எதிர்மறையாக இருக்கும் என்று சொல்லித் தெரிய வேண்டியதில்லை. நம்மை விரைவாக முதுமையாக்கும் உணவுகள் சத்தும் சக்தியும் மிகக் குறைவாகவும், கழிவுகள் மிகுதியாகவும் அதே சமயம் நம் நாக்கைச் சுண்டியிழுப்பதாகவும் இருக்கும். அவைகளிடம் நாம் உஷாராக இல்லாவிட்டால், நாம் உயிர்ச் சாரம் குறைந்த அளவில் வாழ வேண்டியிருக்கும். சக்தி குறைவான இவ்வித உணவுகளின் கழிவுகளை வெளியேற்ற அதீதமான உயிர்ச் சக்தி விரயம் ஏற்படும்.

1. துரித உணவுகள் (ஊஹள்ற் ச்ர்ர்க்ள்): இவ்வகை உணவுகள் அதீதத் தீயில் அதிவிரைவான முறையில் தயாரிக்கப்படுவதால் அவற்றில் உள்ள உயிர்ச் சத்துக்கள் யாவும் அழிந்துவிடுகின்றன. துரித உணவுகளைச் சூடு ஆறியபின்னர் சாப்பிட்டுப் பாருங்கள். வாயில் வைக்கச் சகிக்காது. நாம் எவ்வளவு ஏமாளியாக இருக்கிறோம் என்று அப்போதுதான் தெரியும்.
2. நொறுக்குத் தீனிகள்: இவ்வித உணவுகளிலும் குறிப்பிடும் படியான சக்தி மற்றும் சத்துக்கள் எதுவும் கிடையாது. அதோடு இவைகள் மொறுமொறுப்பாக இருப்பதால், நாக்கில் வைத்தவுடன் உமிழ்நீர் அதிகம் உறிஞ்சப்பட்டு நாக்கின் சுவைத் தூண்டல் அதிகரிக்கப்படுவதால் நாம் இவற்றை அதிகம் விரும்புகிறோம். அதே சமையம் இவ்வித உணவுகள் நம் வயிற்றின் ஈரப்பதத்தை பதம் பார்ப்பதால் மண்ணீரல் செரிமானம் கெடுகிறது.
3. குறை உணவுகள்: வெள்ளை இரவை, மைதா, நூடுல்ஸ், எண்ணெய்யில் வதக்கிய உணவுகள், ஆகியன உயிர்ச் சத்துக்கள் முற்றிலுமாக அழிக்கப்பட்ட அல்லது நீக்கப்பட்ட உணவுகளாகும். இவைகள் யாவும் தரமற்ற மாவுச் சத்துக்களாகச் செரித்து சக்தியளிக்க முடியாமல் கழிவாகத் தேங்கும்.
4. ஐஸ்கிரீம் மற்றும் சாக்லேட் வகைகள்: ஐஸ்கிரீமில் மற்றும் சாக்லேட்களில் ஆரோக்கியத்திற்கு என்று எந்த ஒரு சத்தும் கிடையாது. கெட்ட குளுக்கோஸ் மற்றும் கெட்ட கொழுப்பை மட்டுமே கொண்டுள்ளன. ஐஸ்கிரீமின் குளிர்ச்சியானது மண்ணீரல் செரிமானத்தை அதிக அளவு குறைக்கிறது. சாக்லேட்டுகளும் செரிமான சக்தியைக் கெடுக்கும்.

இந்த இதழை மேலும்

• இணையதளத்தில் படிக்க

நல்லவன், கெட்டவன், இல்லாதவன், இருப்பவன், வல்லவன், நோஞ்சான்…. என ஆள்பார்த்து, பிரச்சனை, சிறியதும், பெரியதுமாய் வருவதில்லை. இங்கே, எல்லோரும் பிரச்சனையுடன்தான் பிழைப்பு நடத்திக் கொண்டு இருக்கிறோம்.

நாம் இப்போது செய்து கொண்டிருக்கும் செயலோ அல்லது எப்போதோ செய்த செய்யத்தவறிய செயலாலோ வருவதுதான் பிரச்சனை.

பிரச்சனையுடன் பேச்சுவார்த்தை நடத்தத் தெரியாதவர்கள், அதனுடன் சண்டைக்குப்போய், மண்டையை உடைத்து மனம் வருந்துவதுதான் மிச்சம்.

பிரச்சனை வந்துவிட்டால், அதற்கான விலையை நிச்சயம் கொடுத்துதான் ஆக வேண்டும் என்றதெளிவு இருந்தால் அதை சமாளிப்பது சங்கடமாய் இருக்காது.

பிரச்சனை தோன்றிய உடன் கொஞ்ச நேரம் பேசாமல் இருங்கள். அதுவே, அதை தீர்ப்பதற்கான முதல்படி. அடுத்து மெதுவாக அதையே உற்றுக் கவனியுங்கள் உங்கள் முன்னே வந்து நிற்கும் பிரச்சனையின் வழியை மெல்ல, மெல்ல அதன் பின்நோக்கி சென்று பாருங்கள். சில இடங்களில் ஒன்றும் புரியாமல், அந்த இடத்தை கடக்க கொஞ்சம் நேரம் எடுக்கத்தான் செய்யும். பொறுமையாக இருங்கள். தடை தானே விலகும்.

தொடர்ந்து அடுத்த கட்டத்திற்கு செல்லுங்கள். அப்படியே சென்று கொண்டே இருப்பீர்கள் என்றால் நிச்சயம் அதன் மூலத்தை கண்டுபிடித்து விட முடியும்.

இந்த இதழை மேலும்

• இணையதளத்தில் படிக்க

உடலும் ஊனமும் ஒருவனுக்குத் தடையில்லை

துன்பமும் துயரமும் தான் ஒருவனுக்குத் தடை என்று சொல்லுவார்கள்,

அந்த சொல்லின் உண்மையை உலகிற்கு உணர்த்தியவர் தான்  இந்த மாரியப்பன். சேலம் மாவட்டத்திலுள்ள பெரிய வடகம் பட்டி என்னும் குக்கிராமத்தில் பிறந்த இவர், இந்த ஆண்டு பிரேசிலில் நடை பெற்ற பாரா ஒலிம்பிக் போட்டியில் தங்கம் வென்று இந்தியாவின் பெருமையைப் பறைசாற்றியுள்ளார்.

ஒலிம்பிக்கில் இந்தியா இந்த முறை ஒரு தங்கம் கூட வெல்லவில்லை என்ற நிலைக்கு தள்ளப்பட்டது. 100 கோடிக்கும் மேலுள்ள மக்கள் கொண்ட நம் நாட்டில் ஒரு தங்கம் கூட வாங்க முடியவில்லை என்று வருந்தாதவர்கள் எவருமே இருக்க மாட்டார்கள். அவ்வருத்தத்தை ஒரே தாவலில் தலை நிமிர செய்தவர் தான் இந்த மாரியப்பன்.

ஒரு சாதாரண குக்கிராமத்தில் மிகவும் ஏழ்மையான குடும்பத்தில் பிறந்தவர். அப்பா தங்கவேலு அருகிலுள்ள செங்கல் சூளையில் வேலை செய்பவர். அம்மா சரோஜா மிதிவண்டியில் வீடுவீட்டிற்கு சென்று காய்கறி வியபாரம் செய்பவர். சின்ன வயதிலிருந்தே விளையாட்டின் மீது அதிக ஆர்வம் கொண்டவர். எல்லா பிள்ளைகளையும் போல நன்கு ஓடியாடி விளையாடிய இவருக்கு ஒரு பேருந்து விபத்தில் கால் உடைந்து விடுகிறது. ஓடிய கால்களும் ஆடிய பாதமும் அடியோடு சாய்ந்து விட்டது போல் நினைத்தார்கள் பெற்றோர்கள். வலியும் வேதனையும் இவரையும் மிகுந்த துன்பத்திற்கு தள்ளியது. சேர்ந்து விளையாடிய மற்ற பிள்ளைகளுக்கு இணையாக இவரால் விளையாட முடியவில்லை. மற்ற மாணவர்களும் இவரது ஊனத்தை ஊதாசினப்படுத்தினார்கள். மன உருகிய மாரியப்பனுக்கு அப்போது தான்  என்னாலும் எதையும் சாதிக்க முடியும் என்ற உத்வேகம் பிறந்தது.

ஏளனத்தையும் கேலிப் பேசுவதையும் தடுக்க மற்ற மாணவர்கள் விளையாடி சென்ற பின்னர் தனியாக மாலை நேரத்தில் விளையாடினார். ஒருநாள் பள்ளியில் வாலிபால்  விளையாடிக் கொண்டிருந்த மாரியப்பனை உடற்கல்வி ஆசிரியர் ராஜேந்திரன் பார்த்து வியந்து போகிறார். காரணம் அவர் பந்தை அடிக்கும் போது பாய்ந்த உயரம் தான் அவர் வியந்ததற்கான காரணம். அப்போது மாரியப்பனிடம்  உடற்கல்வி ஆசிரியர் உன்னுடைய களம் இதுவல்ல உன்னுடைய திறமைக்கு ஏற்ற துறை உயரம் தாண்டுதல் தான்  என்று ஆலோசனை வழங்குகிறார். இந்த ஆலோசனை ஏற்ற மாரியப்பனுக்கு உயரம் தாண்டுதலில் பயிற்சி அளிக்க ஆரம்பித்து விட்டார்.

இந்த இதழை மேலும்

• இணையதளத்தில் படிக்க

வறுமையால் நான் தவறவிட்ட சந்தோஷங்கள் நிறைய இருக்கிறது. ஒன்றை இழந்தால் தான் மற்றொன்றை பெற முடியும் என்பது நான் நன்கு அறிந்து கொண்ட உண்மை. பள்ளியில் நன்றாக பொறுப்பு உணர்ந்து படித்தேன். படிப்பில் வெற்றியும் பெற்றேன்.

ஒல்லும் வகையான் அறவினை ஓவாதே

செல்லும்வா யெல்லாம் செயல்

என்பார் வள்ளுவர். ஒருவன் தன் சக்திக்கேற்றபடி இயன்ற அளவு வாய்ப்புகள் வரும்போது எல்லாம் தவறாமல் மற்றவர்களுக்கு உதவி செய்ய வேண்டும். இதுதான் ஒருவன் அறசெயல்களை சரியாக செய்து வருகிறார் என்பதற்கு அடையாளம் .அவ்வாறு வள்ளுவரின் வாக்கை வாழ்க்கையாக வாழ்ந்து வரும் திரு. இராஜமாணிக்கம் அவர்கள் தன் வாழ்க்கை அனுபவ பகிர்வை நம்மோடு பகிர்ந்து கொண்டதிலிருந்து..

நான் சேலம் மாவட்டம் பச்சைமலை அடிவாரம் அருகிலுள்ள செந்தாரப்பட்டி என்னும் சிறிய கிராமத்தில் 1952 ஆம் ஆண்டு மருதமுத்து அழகம்மாள் தம்பதியனருக்கு மகனாகப் பிறந்தேன். என்னுடன் பிறந்தவர்கள் மொத்தம் 5 பேர். என்னுடைய தந்தை எங்களுக்கு சொந்தமான நிலத்தில் விவசாயம்  பார்த்து வந்தார். சின்ன வயதிலிருந்தே வறுமையின் வாசனையை நன்கு புரிந்து கொண்டவன். அனைவரையும் எங்கள் பெற்றோர்களால் படிக்க வைக்க முடியவில்லை இதனால் எங்கள் மூத்த இரண்டு சகோதரர்கள் விவசாயமும் நானும் என்  அண்ணனும் கல்வியும் பயின்றோம்.

இப்போதிருப்பது போல் அப்பொழுதெல்லாம் இவ்வளவு கல்விக் கூடங்கள் இல்லை. பல கிராமத்திற்கு ஒரு கல்விக் கூடம் என்று தான் இருந்தது. இதனால் நாங்கள் பள்ளிக்கு செல்ல வேண்டுமென்றால் 6 கி.மீ நடந்து சென்று தான் பள்ளிக்குச் செல்வோம். நிறைய பேர் ஒன்றாக செல்வோம் என்பதால் தினமும் சந்தோஷமாக செல்வோம். ஆனாலும் வறுமையின்  பிரதிபலிப்பு சாப்பிடும் போது, ஆடை அணியும் போது, பாட புத்தகம், எழுது பொருள் வாங்கும் பொழுது என்ற எல்லா இடத்திலும் தென்பட்டது. என் பெற்றோர் எங்களை  வளர்க்க மிகவும் சிரமப்பட்டார்கள். ஆனாலும் எங்கள் கல்வியின் மீது மிகுந்த அக்கறை காட்டினார்கள் . எனது தாயார் விவசாய கூலி வேலைக்கு சென்று அதில் வரும் வருமானத்தைக் கொண்டு கல்வி பயின்றேன். இப்படியே பள்ளி நாட்கள் நகர்ந்தது.

வறுமையால் நான் தவறவிட்ட சந்தோஷங்கள் நிறைய இருக்கிறது. ஒன்றை இழந்தால் தான் மற்றொன்றை பெற முடியும் என்பது நான் நன்கு அறிந்து கொண்ட  உண்மை. பள்ளியில் நன்றாக பொறுப்பு உணர்ந்து படித்தேன். படிப்பில் வெற்றியும் பெற்றேன்.

இந்த இதழை மேலும்

• இணையதளத்தில் படிக்க

யாரை ஏமாற்றலாம்…?

சில நேரங்களில் இளைய உள்ளங்களில் சிலர் வருத்தப்படுவது உண்டு.

“எனது சூழ்நிலை இப்போதுசரியில்லை. என் சூழ்நிலை மட்டும் சரியாக இருந்தால், இப்போது என் நிலைமையே வேறு”  – என்று சில இளைய வயதினர் கவலையின் விளிம்பிள் நின்று கண்ணீர் வடிப்பதுண்டு.

“தன்னுடைய வாழ்க்கையின் வெற்றிக்கு தடையாக இருப்பவர்கள் தன்னைச் சுற்றி இருப்பவர்கள்தான்” என்று வருத்தப்படுபவர்களும் உண்டு.

ஒருவரின் முன்னேற்றத்திற்கும், புகழுக்கும், வெற்றிக்கும் அடிப்படையாக அமைவது தனது குடும்ப உறுப்பினர்கள், ஊர் மக்கள், நண்பர்கள், உறவினர்கள், ஆசிரியர்கள், பெற்றோர்கள் என்று இளம் வளதிலேயே பலரும் நம்புவதால் ஒருவரின் வெற்றிக்கு உண்மையான அடிப்படை தேவை எது…?  என்பதை கண்டுபிடிப்பதில் சிக்கல்கள் உருவாகிறது.

தான் பிறந்த குடும்பத்தை தாழ்வாக நினைத்து, ஏழ்மை நிலையை எண்ணி மனம் வெறுத்து சோகத்தைச் சுமப்பவர்களும் உண்டு. தனது குடும்ப உறுப்பினர்களின் குறைந்த கல்வி அறிவு தங்கள் வெற்றிக்கு தடையாக இருக்கிறது என நினைப்பவர்களும் உண்டு. “நல்ல முறையில் உதவி செய்ய எனக்கு நல்ல  நண்பர்கள் யாருமில்லையே…!” என்றஏக்கத்தின் உச்சியில் நின்று திணறுபவர்களும் இருக்கிறார்கள்.

இவர்களெல்லாம் மற்றவர்கள்தான் தங்களின் வெற்றிக்கு முழு காரணமாக அமைகிறார்கள் என்று தீர்மானித்து செயல்படுகிறார்கள். சொந்தக்காலில் நிற்பதற்குப் பதில் இரவல் காலில் எவ்வளவு நேரம் தனியாக நிற்க முடியும்…? என்பதை அறியாமல், அடுத்தவர்களின்  உதவியை நம்பி வாழ்க்கையை நகர்த்தவும் விரும்புகிறார்கள். இங்குதான் சிக்கல் உருவாகிறது.

ஒரு மனிதனின் வெற்றிக்கு அவரது குறிக்கோள், நம்பிக்கை, எண்ணங்கள், நட்பு மனப்பான்மைகள், வெற்றிச் சிந்தனைகள், உழைப்பு, மனக்கட்டுப்பாடு, மகிழ்ச்சியான மனநிலை, நல்ல அறிவு, மன முதிர்ச்சி, உணர்வுகளை கட்டுப்படுத்தும் தன்மை போன்றவைகளெல்லாம் மிக முக்கியமாக கருதப்படுகிறது.

இந்த சிறப்பு குணங்கள்தான் ஒருவரை சிறந்தவராகவும், வெற்றியாளராகவும் மாற்றுகிறது.

புத்தர், இயேசு, அல்லா போன்றவர்கள் தங்களின் தனிப்பட்ட சிறந்த அன்பு கலந்த உணர்வுகளை தங்கள் உபதேசங்களின் மூலம் வெளிப்படுத்தினார்கள். காந்தி, நேரு, பெரியார், அண்ணா போன்றவர்களும் தங்களின் சிறந்த பேச்சுத் திறமையால் தங்களின் நிலையை உயர்த்திக் கொண்டார்கள். போர்க்களத்தில் தங்கள் வீரர்களுக்கு முசோலினி, ஹிட்லர் போன்றவர்கள் வீர உரையாற்றி வெற்றிக்கொடி நாட்டினார்கள். மற்றவர்களோடு இணைந்து பழகும் தன்மைக்கு பேச்சுத்திறன் மிக முக்கியமாக அமைகிறது. “தனித்திறமைகளால் வெற்றிகளை குவிக்க முடியும்” என்ற நல்ல நம்பிக்கையோடு விடாமுயற்சியுடன் ஒருவர் உழைத்தால் எந்தத் தோல்வியும் அவரை நெருங்காது.

“எத்தனையோ தோல்விகள் வரலாம். நான் செய்யும் ஆராய்ச்சிகளில் நூற்றுக்கு 99 முறைமுடிவுகள் தவறாக அமையலாம். இருந்த போதும் நான் என்னுடைய தொடர் முயற்சியை கைவிடாமல் தொடர்ந்து ஆராய்ச்சியில் ஈடுபடும்போது நூறாவது தடவை அந்த ஆராய்ச்சி நல்ல முடிவை எனக்குத் தரும்” –  என்று நல்ல நம்பிக்கையோடு தனது வெற்றியின் ரகசியத்தைப் பகிர்ந்து கொள்கிறார் ஆர்பர்ட் ஐன்ஸ்டீன்.

எனவே, “வெற்றி என்பது வெளிப்புறத்தில் இல்லை. அது நம் மனதிற்குள்தான் இருக்கிறது”. என்பதை கூர்ந்து கவனித்து வெற்றி படிகளில் தொடர்ந்து முன்னேறுவதற்குப் பழக வேண்டும். மிகப்பெரிய பணக்காரர் ஒருவருக்கு தீராத தலைவலி உருவானது. தலைவலியால் துடிதுடித்துப்போன அந்த பெரும் பணக்காரர், பல்வேறு ஊர்களில் இருந்து மிகச்சிறந்த மருத்துவ வல்லுநர்களை தனது வீட்டிற்கே வரவழைத்தார். மருத்துவர்கள் பலரும் ஏராளமான மருந்துகளை கொடுத்தபின்பும், அந்தப் பெரும் பணக்காரரின் தலைவலி குறையவே இல்லை.

ஒருநாள் – அந்த பெரும் பணக்காரர்  வசித்த ஊருக்கு சன்னியாசி ஒருவர் வந்தார். பெரும் பணக்காரரின் பிரச்சனையை அறிந்து கொண்ட அவர், அவருக்கு மருத்துவம் பார்க்க அனுமதி கேட்டார். பின்னர், பணக்காரருக்கு மருத்துவ சோதனை செய்தார். இப்போது அவரது தலைவலிக்கான காரணத்தை கண்டுபிடித்தார்.

இந்த இதழை மேலும்

• இணையதளத்தில் படிக்க