Home » Articles » வந்தோரை வாழவைக்கும் வாழ்வியல் பூங்கா

 
வந்தோரை வாழவைக்கும் வாழ்வியல் பூங்கா


சொக்கலிங்கம் சிவ
Author:

வாழ்க்கை மர்மங்களின் முடிச்சு. ரகசியங்களின் செல்லப்பிள்ளை. திரைவிலக்கப்படாத திரைப்படம். இயற்கை மட்டுமே இத்தனை பிரமாண்டங்களையும் தன்னுள் இறக்கி வைத்து அழகு பார்க்கும் அபூர்வம்.
கடல் — அலைகளின் தழுவல்
மலை — இயற்கையின் எழிலோவியம்
நட்சத்திரம் — வானின் கண்சிமிட்டல்
மழை — மேகத்தின் முத்தம்.

இப்படி, இயற்கைத் தன் மடிப்புக் கலையாத இதயமுடிச்சில் பல இரகசியங்களை அள்ளி வைத்திருக்கிறது. காலத்தின் கையில் தன் இதயத்தின் இராகங்களை ஓயாமல் ஒலித்துக் கொண்டே இருக்கிறது.

எல்லாம் இயற்கையின் அங்கம் என்றாலும், சில வேளைகளில் இயற்கைதான் தன் கெடுபிடியான எடுபிடி வேலைகளைச் செய்து விடுகிறாள். வாட்டத்தைப் போக்கியவள் வாள்வீச்சு நடத்துகிறாள். இயற்கை முத்தம் கொடுத்த நீயே ஏனிப்படி உதைத்து விட்டாய்….? பூமியிலே ஏன் போட்டுடைத்தாய் பொறுக்குமா இந்த பூமி…? அத்தனை நெருக்கமா மனிதனின் மேனி.

வான் பார்த்த மக்களின் இதயங்களை நனைத்தவளே, வாடிய முகங்களின் ஏக்கத்தை நீக்கினாயா…? தூக்கத்தைப் போக்கினாயா..? இயற்கை சதிவலையில் எத்தனைப் பின்னல்கள்…? இத்தனையும் பிரிக்க முடியாத கற்பனைக் கோடுகளாகவே காட்சியளிக்கின்றன. பின்னிப் பிணைக்கப்பட்டுள்ளன, தெருக்கள் ஆறாகவும், சென்னை முக்கடல் சங்கமிக்கும் முக்கூடலாகவும் காட்சியளிக்கின்றன. ஆற்றோரத்தில் வசித்தோரின் அவலங்களையும், காற்றாடியாய் அவர்கள் வீசி அடிக்கப்பட்டதையும் ஊடகத்தின் செய்திகள் கொடுத்தாலும், கண்களில் கரையிருந்தாலும் சென்னை வெள்ளம் போல் கண்ணீராய் ஓடியது.


Share
 

No comments

Be the first one to leave a comment.

Post a Comment


 

 


January 2016

என் பள்ளி
நம்மை நகர்த்தும் நம்பிக்கை
வந்தோரை வாழவைக்கும் வாழ்வியல் பூங்கா
இளமையின் அவசியம்
இள வயதில் உடல் பருமன்
ஆன்மீகம் அறிவோம்
பயன்பட வாழ உறுதி எடு! பாரதம் போற்றப் பெயர் எடு!!
பிரச்சனைகள் தரும் பாதிப்புகள்
பாரிஸ் பருவநிலை மாநாடு-2015
சின்னச் சின்ன விசயங்களில் நாம் கவனம் செலுத்துகிறோமா?
ஒரு பானை சோற்றுக்கு
மழை
தன்னம்பிக்கை மேடை
உள்ளத்தோடு உள்ளம்