Home » Articles » பூச்சரம்

 
பூச்சரம்


அனந்தகுமார் இரா
Author:

பூக்கள் எல்லா தேசங்களிலும் ஆராதிக்கப்படுகின்றன.

மலர்கள் மனம் முழுதும் மணம் வீச செய்கின்றன.

பூந்தோட்டங்கள் பாரெங்கிலும் பாராட்டப்படுகின்றன.

பூங்கொத்துக்கள் இல்லத்தோறும் ஆராதிக்கப்படுகின்றன.

அவசர உலகில்கூட அவ்வப்போது பூச்சரங்கள் குறுக்கிடுகின்றன.

சற்றே சில நிமிடம் நிதானித்தால் அவற்றின் அருமையை உணர முடிகின்றது. எழுதுவதும் படிப்பதும் போல பூக்களைப் பார்ப்பதே புண்ணியம் என்றுகூட சொல்லிவிடலாம். நிறைய மலர்கள் இறைவனுக்கு படைக்கப்படுகின்றன. சமீபத்தில் கதிரேசன் சென்னை புறநகரில் ஒரு பிரம்மாண்டமான திருமண விழாவிற்கு சென்றிருந்தார். விடிந்தால் திருமணம். உடன் விநாயகர் சதுர்த்தியும் கூட. மண்டபத்திற்கு வருகின்ற கார்களின் சரவரிசையில் சிக்கிக்கொள்ளாமல் இருக்க, ஆறுமணிக்கே மண்டபத்திற்கு சென்றுவிட்டார். ஆனால், பந்தியில் கை நனைத்துவிட்டு திரும்பும்போது மற்ற வாகனங்கள் நிறுத்தப்பட்டு இருந்ததால் அவர் வாகனத்தை எடுக்க சிரமப்பட்டது, தனி கதை. கொஞ்சம் நிதானமாக கதிரேசன் மண்டபத்தில் ஒரு ஓரமாக அமர்ந்தார். அப்பொழுது அந்த வழியாக மணமக்களின் மாலை கொண்டு வரப்பட்டது. அதை அருகே சென்று பார்க்கும் வாய்ப்பு ஏற்பட்டது.

அந்த பூச்சரம் மல்லிகை மொட்டுக்களால் கோர்க்கப்பட்டு இருந்தது. கொஞ்ச நேரம் அல்ல…. நிறைய நேரம் உற்று பார்க்கும் அளவு வேலைப்பாடு. அந்த மல்லிகை மலர் மொட்டுக்கள் இன்னும் மலராதவை. அவற்றின் தண்டுவழியே மிக மெல்லிய நைலான் இழை செலுத்தப்பட்டு ஒன்றுடன் ஒன்று இணைக்கப்பட்டு இடையே ரோஜா மலர்களை பொருத்தி பூச்சரம் பூமாலையாக மாற்றப்பட்டு இருந்தது. எவ்வளவு நேர்த்தியான பணி. அதற்கு தகுந்தவாறு பல ஆயிரம் ரூபாய் மதிப்புள்ள மாலையாம் அது. மணமக்களை பார்க்கவும், வாழ்த்தவும் வருபவர்கள், கதிரேசன் போல, சுமார் அரைமணி நேரம் மாலையை ஆராய்ந்திருக்க வாய்ப்பில்லை. அதற்கும் குறைவாக அந்த திருமணத்தில் இருந்த மலர் அலங்காரத்தை இரசிக்கும் வழியே இல்லை. அதற்குரிய மனப்பாங்கோடு மெல்லிய மலராய் மனதை பராமரிக்கும் கலை இன்றைய விமானப் பயண வேக உலகில் உள்ளதா? என்று பூச்சரம் வினவியது.

அதற்கான பதிலை அப்புறம் கேட்போம்.

உங்களுக்கு பிடித்த மலர் எது என்று கேட்டால்…

பதில் சொல்லுமுன்பு. பல மலர்கள் வரிசையில்

வந்து மனதில் அணி வகுக்கலாம்….

செங்காந்தள் மலர் தமிழகத்தின் மாநில மலர். தாமரை தேசிய  மலர். அதுதவிர ரோஜா முல்லை மல்லிகை என வாசனைகளில் மதுரமயமான மனநிலையை உருவாக்கும் பூக்களின் வரிசை தனி.

இவை தவிர கதிரேசனின் மனதில் வந்த மலர்கள் பப்பாளி மலர், மாங்கனி மலர், மக்காச்சோள மலர். மலர்களிலும், ஆண்கள் இருக்கிறார்கள் என்றும் கவிஞர் கதிரேசனுக்கு தெரிய வந்தது. விலங்கியலில் முதுகலை பெற்றவர்கள், தாவரவியலின் தனித்தன்மையோடு முதல்முறை ஸ்பரிசிக்கும் பொழுது ஒரு தினுசாகத்தான் இருக்கிறது.

 

No comments

Be the first one to leave a comment.

Post a Comment


 

 


December 2015

முயன்றேன் வென்றேன்
என் பள்ளி
ஒவ்வொருவரிடமும் ஒவ்வொன்று
அவன் தான் மனிதன்
சாதனையைச் சிந்தி… சோதனையைச் சந்தி…
ஆஸ்துமா
2016 புத்தாண்டை வரவேற்போம்
முடியாததை முடித்துக்காட்டு! வெற்றிக்கு நீயே எடுத்துக்காட்டு!!
வாய்ப்புகளை உணருவோம்!
நட்பின் நெருக்கத்தை பேணி காப்பது எப்படி? நட்பின் நெருக்கத்தை அதிகப்படுத்துவது எப்படி?
சனி வரமா? சாபமா?
ஞாலம் வரைந்த கவிதை ஓவியம் புத்தகமே!
பூச்சரம்
தன்னம்பிக்கை மேடை
உள்ளத்தோடு உள்ளம்