Home » Articles » வேளாண்மைப் படிப்புக்கு ஏன் இவ்வளவு போட்டி?

 
வேளாண்மைப் படிப்புக்கு ஏன் இவ்வளவு போட்டி?


செந்தில் நடேசன்
Author:

தமிழகத்தில் இந்த ஆண்டு எப்போதும் இல்லாத அளவுக்கு வேளாண்மைச் சார்ந்த படிப்புகளுக்கு அதிக ஆர்வம் மாணவர்களிடையே காணப்படுகிறது. வேளாண்மை கல்வி படிக்க வேண்டும் என்றஆர்வம் எதனால் இந்த அளவிற்கு ஏற்பட்டுள்ளது என்பதை வேளாண்மை வல்லுனர்கள் பல ஊகங்களை வகுத்துக்கொண்டு ஆராய்கிறார்கள்.

பல்வேறு ஊடகங்கள், கல்வியியல் வல்லுனர்கள், வேளாண்மை விஞ்ஞானிகள் ஆகிய அனைத்து தரப்பு வாதங்களையும் உற்றுநோக்கினால் சில உண்மைகள் தெளிவாக புலப்படும்.

தற்போதைய பொருளாதார மந்தநிலையின் காரணமாக IT எனப்படும் மென்பொருள் துறையில் போதிய அளவு வேலைவாய்ப்பு இல்லை என்று அனைத்து தரப்பு மக்களும் உணர ஆரம்பித்துவிட்டனர். இதனால் பொறியியல் துறையைப் பெரும்பாலும் நாடிச்சென்ற மாணவர்கள் பலர் இதில் பெருகி வரும் வேலைத் தட்டுப்பாடுகளைக் கண்டு மற்றதுறைகளில் தனது கவனங்களைத் திசைதிருப்பி வருகின்றனர்.

மாற்றுத் துறை என்று தேர்வு செய்யும் போது மருத்துவப் படிப்பு, அதுவும் தற்போது நிலவுகின்ற போட்டிகளில் மிகவும் குறைந்த மாணவர்களுக்கே மருத்துத் துறையில் இடம் கிடைக்கின்றது.

மருத்துவத்திற்கு அடுத்ததாக சிறந்த துறையாக வேளாண்மை உள்ளது. அதற்குக் காரணம், வேளாண்மைப் பட்டதாரிகள் தற்போது அதிக அளவில் IAS, IPS போன்ற ஆட்சிப் பணிக்கு பெருமளவில் தேர்ச்சி பெற்று, தமிழகத்தில் பெரும்பாலான துறைகளில் திறம்பட பணியாற்றி வருகிறார்கள். அது மட்டுமல்லாமல் 1980ம் ஆண்டுகளில் இந்திய ஆட்சிப் பணிக்குச் சேர்ந்த ஐஅந அதிகாரிகளான டாக்டர் இறையன்பு, டாக்டர் V.K. சுப்புராஜ், டாக்டர் அருள்மொழி, திரு. சண்முகம் போன்றஆட்சியாளர்கள் திறமையான IAS அதிகாரிகளாக தற்போது வலம்வந்து கொண்டு இருப்பது, தமிழக மாணவர்கள் மத்தியில் வேளாண்மைப் படிப்பின் மீது ஆர்வத்தைத் தூண்டியுள்ளது.

டாக்டர் சைலேந்திரபாபு ADGP போன்றமூத்த IPS அதிகாரிகள் பள்ளி மற்றும் கல்லூரி மாணவர்களிடம் IAS / IPS பற்றிய விழிப்புணர்ச்சியை ஏற்படுத்தி உள்ளனர். இந்த மாணவர்கள் தங்களை இந்திய ஆட்சி பணிக்கு தயார் செய்ய வேண்டும் என்றால் வேளாண்மைக் கல்லூரிகள் தான் சிறந்த இடம் என்று எண்ணுகிறார்கள்.

இந்திய ஆட்சி பணிக்கு ஒரு குறிப்பிட்ட சதம் தேர்வு பெற்றால் மட்டும் வேளாண்மைப் பட்டப்படிப்பு அதிக கவனத்தை ஈர்க்காது. இந்தத் துறையில் வேலை வாய்ப்புகள் மற்றமாணவர்களுக்கும் இருப்பதால் தான் நிறைய மாணவர்கள் இந்தத் துறையை நோக்கி வருகிறார்கள்.

தற்போது பெரும்பாலான தேசிய வங்கிகள், வங்கி மேலாளர்கள் ஆகியோரும் வேளாண்மைப் பட்டதாரிகளாக உள்ளனர். இன்றும் வங்கிப் பணிகளில் வேளாண்மை பட்டதாரிகளுக்கு பெரும் அளவில் வேலைவாய்ப்புகள் உள்ளன.

பாரத ஸ்டேட் வங்கி, கனரா வங்கி, இந்தியன் வங்கி போன்ற முன்னணி வங்கிகளில் மூத்த மேலாளர்களாக நிறைய வேளாண்மை பட்டதாரிகள் திறம்பட நிர்வாகம் செய்து வருகிறார்கள். பெரும்பாலான வேளாண்மை சார்ந்த துறைகளில் முதலீட்டுகளை ஊக்குவிக்கும் வகைகளில் வேளாண்மை பட்டதாரிகள் பணிபுரிகிறார்கள்.

தமிழ்நாடு வேளாண்மைப் பல்கலைக்கழகம் இந்தியாவில் உள்ள வேளாண்மைப் பல்கûலைக் கழகங்களுக்கு முன்னோடியாக திகழ்வதும், இதில் உள்ள விஞ்ஞானிகள் உலக வேளாண்மை விஞ்ஞானிகளுக்கு நிகராக ஆராய்ச்சிகள் செய்வதும் மாணவர்களை ஆராய்ச்சிப் பணிக்கு வரத் தூண்டுகிறது.

மேலும் வேளாண்மை சார்ந்த தொழில்கள் தற்போது அதிக அளவில் வளர்ந்து வருவதும், வேளாண்மையை ஒரு தொழிலாக தற்போது பெரும் முதலீட்டாளர்கள் பார்க்கத் தொடங்கி இருப்பதும் இந்தத் துறையில் வல்லுனர்களுக்கு தேவை அதிகரித்துள்ளது என்று கூறலாம்.

பண்டைய கால வேளாண்மை முறைகள் தொன்றுதொட்டு பாரம்பரிய முறையில் விவசாயம் என்பதாக இருந்தது.. தற்போது Corporate Forming, Hi-Tech Agriculture அதிக தொழில்நுட்பங்களுடன் கூடிய வேளாண்மை என்று லாபகரமாக இருப்பதால், அதற்குத் தேவையான வல்லுனர்கள், தனியார் மற்றும் அரசாங்கப் பணிகளுக்கு பெருமளவில் தேவைப்படுவதும் வேளாண்மைப் படிப்பின் மீது அதிக ஆர்வத்தை மாணவர்களிடமும், பெற்றோர்களிடம் ஏற்படுத்தியிருக்கிறது.

இந்த ஆண்டு மதிப்பெண் பட்டியல் (Rank List) தமிழ்நாடு வேளாண்மைப் பல்கலைக்கழகத்தின் இணையதளத்தில் (www.tnau.ac.in) வெளியிடப்பட்டுள்ளது. இதில் வரலாறு காணாத அளவு மிகவும் அதிக கட்-ஆப் இருந்தால் தான் வேளாண்மை படிப்புக்கு வாய்ப்பு இருக்கும் என்றசூழ்நிலை உருவாகிஉள்ளது. முந்தைய ஆண்டுகளில் 195.00 கட்-ஆப் மதிப்பெண்களில் தான் மாணவர் சேர்க்கை ஆரம்பமாகும். ஆனால் தற்போது 195.00 கட்-ஆப் மதிப்பெண்ணிற்கு கோவை வேளாண்மை கல்லூரியில் இடம் கிடைக்குமா என்ற கேள்விக்குறி உள்ளது. ஏனெனில் 195.00 கட்-ஆப் மதிப்பெண்ணிற்கு மேல் நான்காயிரம் மாணவர்கள் உள்ளனர். இவர்களின் பார்வை வேளாண்மைப் படிப்பின் மேல் உள்ளது. இந்த ஆண்டின் பெரும்பாலானவர்களின் தேர்வு வேளாண்மைக் கல்வியாக தான் இருக்கும் என்பதை திடமாக சொல்லலாம்.

இந்த இதழை மேலும்

 

No comments

Be the first one to leave a comment.

Post a Comment


 

 


July 2014

என் பள்ளி
சிசு பராமரிப்பு
வெற்றிக்கு யார் பொறுப்பு?
துணை மருத்துவப் படிப்புகள்
எண்ணித் துணிக
வாழ்க்கை விளையாட்டு
நிழலா? நிஜமா? நினைவுகள்!!
துடிப்பு கவலையை அகற்றும்
உலகில் ஒருமுறை தான் நீ பிறக்கிறாய்
ஏன் ? தோல்வி வருகிறது
பிரச்னைகளுக்கான LSD தீர்வுகள்
விதி என்று மயங்காதே! மதி உண்டு தயங்காதே!!
தன்னம்பிக்கை மேடை
உள்ளத்தோடு உள்ளம்
வேளாண்மைப் படிப்புக்கு ஏன் இவ்வளவு போட்டி?