Home » Post » வெற்றி தானாக உங்களைத் தேடி வர…

 
வெற்றி தானாக உங்களைத் தேடி வர…


ஆசிரியர் குழு
Author:

சங்கரன் பிள்ளை தன் இரண்டு நண்பர்களுடன் ரயில் நிலையம் வந்தார். மூவருக்கும் சேர்த்து ஒரே ஒரு பயணச்சீட்டு வாங்கினார்.

கிராமத்தில் இருந்து வந்திருந்த மூன்று பேர் இதைக் கவனித்தனர். ஒற்றை டிக்கெட்டில் எப்படி மூவர் பயணம் செல்ல முடியும் என்று அவர்களுக்கு பிரமிப்பு.

ரயில் ஒரு டிக்கெட் வாங்கியவர்களையே அவர்கள் கவனித்தனர்.

டிக்கெட் பரிசோதகர் வருவதைப் பார்த்ததும், சங்கரன் பிள்ளையும் அவர் நண்பரும் சேர்ந்து ஒரே டாய்லெட்டுக்குள் போய் ஒளிந்து கொண்டனர்.

மற்றவர்களுடைய பயணச்சீட்டுக்களைச் சரிபார்த்துவிட்டு, பரிசோதகர் டாய்லெட் கதவைத் தட்டி “உள்ளே யார்? டிக்கெட் ப்ளீஸ்” என்றார்.

வெளியில் ஒரு கை டிக்கெட்டுடன் நீண்டது. அவர் அதை சரிபார்த்துவிட்டுப் போய்விட்டார். அப்புறம் உள்ளே இருந்து மூவரும் வெளியில் வந்து உட்கார்ந்து கொண்டார்கள்.

கிராமவாசிகளுக்கு சங்கரன் பிள்ளையின் தந்திரம் புரிந்துவிட்டது. ‘ஆஹா பிரமாதமான ஐடியாவாக இருக்கிறதே’ என்று நினைத்தார்கள்.

ஊர் திரும்பும் நாள் வந்தது. அந்த மூவரும் சேர்ந்து ஒரே ஒரு டிக்கெட் வாங்கினர். பின்னாலேயே தன் இரு நண்பர்களுடன் சங்கரன்பிள்ளை வந்தார். ஆனால் இந்த முறை அவர்கள் ஒரு டிக்கெட் கூட வாங்காமல் ரயில் ஏறுவதை கிராமவாசிகள் பார்த்தனர். அவர்களுக்குக் குழப்பமாகிவிட்டது. பரிசோதகரை சங்கரன்பிள்ளை எப்படி சமாளிக்கப்போகிறார் என்று அவர்களுக்குப் புரியவே இல்லை.

டிக்கெட் பரிசோதகர் வருவதைப் பார்த்ததும், கிராமவாசிகள் மூவரும் ஒரு டாய்லெட்டில் ஒளிந்து கொண்டனர்.

சங்கரன் பிள்ளை தன் நண்பர்களுடன் எழுந்தார். எதிர்புறம் இருந்த மற்றொரு டாய்லெட்டுக்குள் நண்பர்கள் இருவரும் போய்விட்டார்கள்.

கிராமவாசிகள் ஒளிந்திருந்த டாய்லெட் கதவை சங்கரன்பிள்ளை தட்டி “யார் உள்ளே? டிக்கெட் ப்ளீஸ்” என்றார்.

பரிசோதகர் தட்டுகிறார் என்று நினைத்து, உள்ளேயிருந்து ஒரு கை டிக்கெட்டுடன் நீண்டது. வெளியே காத்திருந்த சங்கரன்பிள்ளை அந்த டிக்கெட்டை வாங்கிக்கொண்டு, எதிரில் இருந்த டாய்லெட்டுக்குள் புகுந்துகொண்டார்.

அடுத்தவர் போல் செய்து பார்க்க நினைத்தால், இருந்ததையும் இழந்து நிற்கும் கிராமவாசிகள் கதிதான் நமக்கும் வந்து சேரும்.

வெற்றி பெற்றவர்களின் வாழ்க்கை நமக்கு உந்துசக்தியாக மட்டுமே இருக்க முடியும். ஆனால் அதையே வெற்றியின் சூத்திரமாக எடுத்துக்கொள்ளப் பார்ப்பது முட்டாள்தனம்.

வேண்டுமானால் உங்கள் திறமை என்னவென்று அறிந்து அதைப் பட்டை தீட்டி, முழுமையாகப் பயன்படுத்திச் செயலாற்றுங்கள். வெற்றி தானாக உங்களைத் தேடி வரும்.

 

No comments

Be the first one to leave a comment.

Post a Comment


 

 


July 2012

ஏமாற்று வேலைகள்…..எச்சரிக்கை நடவடிக்கைகள்!
சாதிக்கலாம் வாங்க
நோய்வாய்ப்படாது நூறாண்டுகள் வாழும் வழிமுறைகள்
உங்கள் பிள்ளைகள் புத்திசாலிகளாக வேண்டுமா?
உலக மக்கள் தொகை தினம்
விவசாயத்தின் இப்போதைய தேவை
எங்கும் உயர்ந்தே நில்! எதிலும் தமிழே சொல்!!
விவசாயம் + தொழில்நுட்பம்
wifi வலையமைப்பு
அம்மாவின் கைகள்
பாதை மாறிய பயணங்கள்
அந்நிய முதலீடும் பண வீக்கமும்
உற்சாக ஊற்று உங்களுக்குளே
மாறுவேஷம்
உங்களால் முடியும்
எழவேண்டும் தன்னம்பிக்கை கலாச்சாரம் …