Home » Articles » மாறிவரும் வேளாண்மை!

 
மாறிவரும் வேளாண்மை!


செந்தில் நடேசன்
Author:

உலகத்தின் மக்கள் தொகை நாளுக்கு நாள் அதிகரித்துக் கொண்டே வருகிறது. இந்த பூமியில் உள்ள உயிரினங்களில் மனிதனைத் தவிர மற்ற உயிரனங்களின் எண்ணிக்கை பலமடங்கு உயர்ந்ததாக இல்லை. மனித இனம் மட்டும் பெருகிக் கொண்டே செல்கிறது. இப்படி அதிக மக்கள் தொகை பெருக்கத்தின் விளைவால் உணவு உற்பத்தியில் பெரும் தாக்கம் ஏற்பட்டு வருகின்றது.
இந்திய சுதந்திரம் அடைந்த பொழுது, நமது மக்கள் தொகை 40 கோடி இருந்தது. அந்த மக்களுக்காக நாம் உற்பத்தி செய்த உணவு தானியங்கள் 50 மில்லியன் டன். அந்த கால கட்டத்தில் உலகத்தின் மக்கள் தொகை 200 கோடியாக இருந்தது. இந்த மக்களுக்குக் கிடைத்த உணவு 500 மில்லியன் டன்.
அந்தக் கால கட்டத்தில் ஒரு நாட்டில் இருந்து மற்றொரு நாட்டிற்கு உணவு பொருட்கள், கச்சா பொருட்கள், கனரக வாகனங்கள், எலக்ட்ரானிக் உபகரணங்களை எடுத்துச் செல்வதில் பல பொருளாதாரத் தடைகள் இருந்தது. இதனால் உணவுப் பொருட்கள் ஒரு நாட்டில் அதிகமாக விளைவித்தாலும், மற்ற நாட்டுக்கு எடுத்துச் சென்று விற்பது என்பது எளிதான காரியம் இல்லை. இதனால் அந்த நாட்டின் உணவு உற்பத்தியைக் கொண்டு தான் தங்கள் மக்கள் உணவு தேவைகளைப் பெரும்பாலான நாடுகள் பூர்த்தி செய்து கொண்டு இருந்தன.
ஆனால், தற்போது உலகமயமாக்கப்பட்ட பொருளாதாரத்தின் காரணமாக எந்த நாட்டில் விளைவித்த ஒரு பொருளையும் மற்றநாட்டுச் சந்தைக்கு எடுத்துச் சென்று விற்க முடியும். எனவே உணவுப்பொருள்களும் அதற்கு விதிவிலக்கல்ல. எனவே உலகத்தில் எந்த நாட்டில் அதிகமாக உணவுத் தேவை ஏற்பட்டாலோ அல்லது உணவு உற்பத்தி பாதிக்கப்பட்டாலோ, மற்றநாடுகளில் இருந்து வியாபாரத்திற்காக உணவுப் பொருள்கள் கொண்டு செல்லக்கூடிய நிலைமை உள்ளது.
எனவே உணவுப்பொருள்களை உற்பத்தி செய்யும்போது உள்நாட்டுத் தேவைகளை அறிந்து உற்பத்தி செய்வது மட்டும் அல்லாமல், மற்றநாடுகளில் உள்ள தேவைகளை அறிந்து உற்பத்தி செய்யும்போது உணவுப்பொருள் உற்பத்தியாளர்களுக்கு நல்ல விளைச்சல் கிடைக்கிறது.
இதனால் தற்போது இந்தியாவில் உள்ள 110 கோடி மக்களுக்கு உணவு உற்பத்தி செய்வது மட்டுமல்லாமல் உலகத்தில் உள்ள 500 கோடி மக்களுக்கும் உணவு உற்பத்தித் தேவை அறிய வேண்டிய கட்டாயத்தில் இந்திய விவசாயிகள் உள்ளார்கள்.
இந்தியாவின் உணவு உற்பத்தி தற்போது உள்ள 110 கோடி மக்களுக்குத் தேவையான 500 கோடியாக அல்லாமல் உலகத்தின் மக்கள் தேவைக்கும் 1000 டன் உற்பத்தி செய்ய வேண்டிய சூழ்நிலையில் உள்ளனர்.
இந்திய விவசாயிகள் இந்திய உணவுத் தேவையை மட்டும் உற்பத்தி செய்யவில்லை என்றால், மற்றநாட்டிலிருந்து இந்தியா உணவுப்பொருட்களை இறக்குமதி செய்ய வேண்டிய நிலைக்குத் தள்ளப்படும். தற்போது, வளைகுடாவில் இருந்து கச்சா எண்ணெய் இறக்குமதி செய்வதால் ஏற்படும் பணவீக்கத்தைப் பற்றி சொல்லத் தேவையில்லை. இதற்காக பல மில்லியன் டாலர் அந்நிய செலாவணி தேவைப்படுகிறது. உணவுப் பொருள்களையும் இறக்குமதி செய்தால் மேலும் பல மில்லியன் டாலர் தேவைப்படும். அதனால் இந்தியப் பொருளாதாரம் பெரும் பாதிப்பைச் சந்திக்க நேரிடும்.
எனவே இந்திய விவசாயிகள் தங்கள் மக்களுக்காகத் தொடர்ந்து தேவையான உணவுகளை உற்பத்தி செய்தே ஆக வேண்டிய கட்டாயத்தில் உள்ளனர்.
இது மட்டுமல்லாமல், ஆப்ரிக்க கண்டத்தில் ஏற்படும் வறட்சி, ஆஸ்திரேலியா போன்றநாடுகளில் ஏற்படும் பருவ நிலை மாற்றம், மடகாஸ்கர், இந்தோனேசியா போன்ற நாடுகளில் மழையினால் ஏற்படும் பாதிப்புகள் போன்ற காரணங்களினால் உலகத்தில் குறிப்பிட்ட உணவுப்பொருட்களுக்கு உடனடித் தேவை அதிகரிக்கிறது. இதற்கும் இந்திய விவசாயிகள் தாங்கள் விளைவித்த பொருட்களை வெளிநாட்டு சந்தையில் அதிக விலை கிடைப்பதால், அதற்காக உற்பத்தி செய்ய வேண்டிய சூழ்நிலையிலும் உள்ளனர்.
ஐந்து ஆண்டுகளுக்கு முன்பு, மடகாஸ்கர் என்ற தீவில் அதிக வெள்ளப்பெருக்கு காரணமாக அங்கு பயிரிடப்பட்ட வெண்ணிலா பயிர்கள் அனைத்தும் சேதம் அடைந்துவிட்டது. எனவே உலக சந்தையில் வெண்ணிலா விலை 100 மடங்கு உயர்ந்து விட்டது.
விவசாயிகள் உணவுப் பொருட்களைப் பயிரிடும்போது விளைச்சல் கண்ணோட்டத்தில் மட்டுமே பார்ப்பதை விட்டுவிட்டு, விளைபொருட்களுக்கு அடுத்த வருடம் என்ன விலை கிடைக்கும் என்று பொருளாதார நோக்கில் கணக்கிட்டு பயிர் செய்வது நல்லது.
இதற்கு பதிலாக இந்த வருடம் வெங்காயம் குறைந்த விலைக்கு விற்றது. எனவே அடுத்த வருடம் அதிக விலைக்கு போகும். கடந்த நான்கு ஆண்டுகளாக மஞ்சள் விலை குறைந்து கொண்டு வருகிறது. எனவே அடுத்த வருடம் அதிக விளைச்சல் போகும் என்று தன்னிடம் உள்ள அனைத்து நிலங்களிலும் ஒரே பயிரை சாகுபடி செய்வது போன்றகுருட்டு விவசாயம் பார்ப்பதை விட்டுவிட்டு, சந்தையை எண்ணி விவசாயம் செய்தால், விவசாயம் நல்லதொரு தொழிலாக இருக்கும்.

 

No comments

Be the first one to leave a comment.

Post a Comment


 

 


May 2012

உலக சிரிப்பு தினம்
மேடை மாலை கைத்தட்டல்
களவாடப்படும் நேரம்
சமூகப் பணி படிப்பு
பல இரசம் (பலரசம்)
திறமை தான் நமக்குச் செல்வம்
மாறிவரும் வேளாண்மை!
நோய்வாய்ப்படாது நூறாண்டுகள் வாழும் வழிமுறைகள்
நம் மதியே நிம்மதி
பாதை மாறிய பயணங்கள்
உனக்குள்ளே உலகம்-24 படிப்பு – வேலை – சில விவரங்கள்
வளமான வாழ்வின் அஸ்திவாரம்
சலிப்படைந்தால் சாதனை இல்லை!
உள்ளம் மாறாமல் எதுவும் மாறாது!
விதையென விழு! விருட்சமென எழு!!
இன்ஸ்டாகிராம்
மேலாண்மை மந்திரங்கள்
உள்ளத்தோடு உள்ளம்