Home » Articles » உனக்குள்ளே உலகம்-24 படிப்பு – வேலை – சில விவரங்கள்

 
உனக்குள்ளே உலகம்-24 படிப்பு – வேலை – சில விவரங்கள்


கவிநேசன் நெல்லை
Author:

பிளஸ் – 2 தேர்வுகள் முடிந்துவிட்டது. தேர்வு முடிவுக்காக பல மாணவர்கள் காத்திருக்கிறார்கள். எந்தப் பாடம் எடுத்து மேற்படிப்பு படிப்பது? எந்தக் கல்லூரியில் சேர்வது? சேருகின்றகல்லூரியின் கல்வி கட்டணம் எப்படி அமையும்? விடுதியில் தங்கிப் படிக்க கட்டணம் எவ்வளவு? இந்தக் கல்வி கட்டணத்தை செலுத்துவதற்கு நம் பெற்றோர்களால் முடியுமா? என்றகேள்விக்குறிகளை மனதில் தாங்கி அந்த கேள்விகளுக்கு விடை காண முயலும் மாணவ – மாணவிகள் அதிகமாகி வருகிறார்கள்.
பொறியியல் கல்லூரியில் சேரவா? மருத்துவ கல்லூரியில் சேர்ந்து படிக்கவா? கலை அறிவியல் கல்லூரியில் படித்தால் போதுமா? – என்றெல்லாம் சிந்தித்து தெளிவான ஒரு முடிவை எடுப்பதற்கு தயாராக இருக்கும் நிலையில் மாணவ மாணவிகள் சில தகவல்களை மனதில் நிறுத்திக்கொள்ள வேண்டும்.
கடந்த 2011-ம் ஆண்டு விவரப்படி, தமிழ்நாட்டில் மொத்தம் 502 பொறியியல் கல்லூரிகள் உள்ளன. இந்தக் கல்லூரிகளல் பி.இ. (B.E) மற்றும் பி.டெக் (B.Tech) படிப்புகளல் அரசு ஒதுக்கீட்டு இடங்கள் சுமார் 1 லட்சத்து 38 ஆயிரத்து 234 இடங்கள் உள்ளன. இந்த இடங்களல் தகுதியான மாணவ – மாணவிகளை சேர்த்துக் கொள்வதற்காக “கவுன்சி|ங்” (Counselling) ஒன்றை சென்னை அண்ணா பல்கலைக்கழகம் நடத்துகிறது.
கடந்த ஆண்டு பொறியியல் மாணவர் சேர்க்கைக்கு 1,37,622 விண்ணப்பங்கள் விற்கப்பட்டன. இதனால் – “விண்ணப்பித்த அனைவருக்கும் பொறியியல் கல்லூரியில் இடம் கிடைக்கும்” என பல்கலைக்கழகம் சார்பில் அறிவிக்கப்பட்டது. இதி|ருந்து ஒன்றை நாம் தெரிந்துகொள்ளலாம். பொறியியல் கல்லூரியில் கவுன்சி|ங்மூலம் சேர விரும்புபவர்கள் குறைந்தபட்ச கல்வித்தகுதி இருந்தாலே சேர்ந்துவிடலாம்.
அரசு மற்றும் தனியார் பொறியியல் கல்லூரிகளைத் தவிர பல தனியார் பல்கலைக்கழகங்களும் பொறியியல் படிப்பை நடத்தி வருகின்றன. அங்கு ஏராளமான பாடப்பிரிவுகளல், மாணவ – மாணவிகளை பொறியியல் படிப்புகளல் சேர்த்துக் கொள்கிறார்கள்.
எம்.பி.பி.எஸ். (M.B.B.S.) எனப்படும் மருத்துவப் படிப்பை 17 அரசு மருத்துவ கல்லூரிகளல் நடத்தப்படுகின்றன. இந்தக் கல்லூரிகளல் மொத்தம் 1,653 எம்.பி.பி.எஸ். இடங்கள் உள்ளன. 8 சுயநிதி மருத்துவ கல்லூரிகளல் சுமார் 650க்கும் மேற்பட்ட அரசு ஒதுக்கீட்டு எம்.பி.பி.எஸ். இடங்கள் உள்ளன. இந்த அரசு மருத்துவ கல்லூரிகளல் சேர்ந்து எம்.பி.பி.எஸ். படிப்பதற்கு ஆண்டுக்கு 12,290 ரூபாய் மட்டும்தான். இதேபோல் பல் மருத்துவம் அரசு மருத்துவ கல்லூரியில் பி.டி.எஸ். (B.D.S.) படிப்பை படிக்க 10,290 ரூபாய் கல்வி கட்டணமாக செலுத்தினால் போதும். ஆனால் அதேவேளையில் சுயநிதி மருத்துவ கல்லூரிகளல் அரசு சுயநிதி ஒதுக்கீட்டு எம்.பி.பி.எஸ். இடத்திற்கு சுமார் 2டீ லட்சம் முதல் 2ணீ லட்சம் வரை ஆண்டு கட்டணம் நிர்ணயிக்கப்பட்டுள்ளது. இதேபோல் சுயநிதி பல் மருத்துவ கல்லூரிகளல் அரசு ஒதுக்கீட்டு பி.டி.எஸ். படிப்பிற்கு 85,000 ரூபாய் நிர்ணயிக்கப்பட்டுள்ளது.
அரசு, பொறியியல் – மருத்துவக் கல்லூரிகளல் மிக நன்றாக படிக்கும் மாணவர்களுக்கு எளதில் இடம் கிடைக்கிறது. இதேபோல் அரசு மற்றும் அரசு உதவிபெறும் சுயநிதி கலை மற்றும் அறிவியல் கல்லூரிகளலும் அதிக மதிப்பெண் பெற்றவர்களுக்கு இடம் கிடைப்பதில் பிரச்சினையில்லை. இருந்தபோதும் அதிக மதிப்பெண்கள் என எத்தனை சதவீதம் மதிப்பெண்களை குறிப்பிடுகிறார்கள் என்பதில்தான் பிரச்சினையே உருவாகிறது.
முன்பெல்லாம் 60 சதவிகித மதிப்பெண் பெற்றாலே மிகச்சிறந்த மதிப்பெண்கள் என்றார்கள். பின்னர் 70 சதவிகித மதிப்பெண்களை சிறந்த மதிப்பெண் என்றார்கள். அதன்பின்னர் 90 சதவிகித மதிப்பெண்கள் பெற்றவர்களை அறிவாள என முத்திரை குத்தினார்கள். இப்போதெல்லாம் 100 சதவிகித மதிப்பெண்கள் பெற்றவர்களைத்தான் சிறந்த மதிப்பெண்கள் பெற்றவர்கள் என்கிறார்கள். கடந்த ஆண்டுகளல் பிளஸ் – 2 தேர்வில் 200க்கு 200 மதிப்பெண்கள் பெற்றவர்கள் அதிகமாகி விட்டார்கள்.
பிளஸ் 2 தேர்வு எழுதும் மாணவர்களல் பலர் மிகத் திறமையாக தேர்வு எழுதி 200க்கு 200 மதிப்பெண்களை தாங்கள் படிக்கும் பாடத்தில் பெற்று சாதனை புரிந்துவருகிறார்கள். கடந்து 3 ஆண்டுகளல் பிளஸ் 2 தேர்வில் இயற்பியல், வேதியியல், உயிரியல், தாவரவியல், விலங்கியல், கணிதவியல், கம்ப்யூட்டர் சயின்ஸ், வணிகவியல், அக்கவுண்டன்சி, வர்த்தக கணிதம் ஆகிய பாடங்களல் எத்தனை பேர் 200க்கு 200 மதிப்பெண்கள் பெற்றிருந்தார்கள் என்றவிவரத்தை தெரிந்துகொண்டால் ஒரு உண்மைத் தெளிவாக விளங்கும்.
கடந்த 2009-ம் ஆண்டில் அதிகபட்சமாக 4,060 பேர் கணிதவியல் பாடத்தில் 200க்கு 200 மதிப்பெண்கள் பெற்றிருக்கிறார்கள். 2011-ம் ஆண்டு 640 பேர் இயற்பியல் பாடத்தில் 200க்கு 200 மதிப்பெண்கள் பெற்றிருக்கிறார்கள். வேதியியல் பாடத்தில் 1,243 பேர் 200க்கு 200 மதிப்பெண்கள் பெற்றிருக்கிறார்கள். இதேபோல் உயிரியல் பாடத்திலும் 615 பேர் 200க்கு 200 மதிப்பெண்கள் பெற்றிருக்கிறார்கள். இப்படி அதிக மதிப்பெண்கள் (200க்கு 200) பெற்றவர்கள் தாங்கள் விரும்பிய படிப்பில் சேர்ந்துவிடுகிறார்கள். ஆனால் 50 சதவீதம் அல்லது அதற்கு குறைந்த மதிப்பெண்கள் பெற்றவர்கள் மேற்படிப்பில் சேருவதற்கு இயலாமல் திண்டாடித் தவிக்கிறார்கள். ஏதாவது ஒரு படிப்பை விருப்பமில்லாமல் தேர்ந்தெடுத்துக்கிறார்கள். மேற்படிப்பு படிக்க இடம் கிடைக்கிறது என்பதால் ஏதேனும் ஒரு கல்லூரியில் சேர்ந்து படிக்கிறார்கள். தோல்வியடைந்த பின்னும் தொடர்ந்து தேர்வு எழுதி எப்படியாவது ஒரு பட்டத்தை (Degree) பெறுகிறார்கள். பின்னர் வேலை கிடைக்கவில்லையே என்றஏக்கத்தில் நாட்களை நகர்த்துகிறார்கள்.
இனிவரும் காலங்களல் நன்றாக படிப்பவர்களுக்கு மட்டுமே நல்ல வேலை கிடைக்கும் என்பதை இளம்வயதினர் கண்டிப்பாக உணர்ந்துகொள்ள வேண்டும். எல்லோரும் பட்டதாரியாக மாறுவது நல்லதுதான். படித்தவர்கள் நிறைந்த மாநிலமாக தமிழகம் மாறுவதை எல்லோரும் வரவேற்கிறார்கள். ஆனால் பட்டம் பெற்றதால் கண்டிப்பாக வேலைபார்க்க வேண்டும் எண்ணி ஒரு குறிப்பிட்ட வேலைக்காக காத்திருந்து பொழுதை வீணாக கழிப்பது வேதனையான செயல் அல்லவா!
ஆண்டுதோறும் லட்சக்கணக்கான மாணவ – மாணவிகள் கல்வியறிவு படைத்தவர்களாக மாறிவருவது மகிழ்ச்சியான தகவல்தான். ஆனால் கடந்த (2011) ஜூன் மாதம் வெளியிடப்பட்ட தகவ|ன்படி தமிழ்நாட்டில் 32 மாவட்டங்களல் இதுவரை 71 லட்சத்து 84 ஆயிரத்து 486 பேர் வேலைவாய்ப்பு அலுவலகத்தில் பதிவுசெய்து வேலைக்காக காத்திருக்கிறார்கள். இவர்களல் 33,84,109 பேர் பெண்கள் என்பது குறிப்பிடத்தக்கதாகும். மேலும் 1,41,264 பொறியியல் பட்டதாரிகளும் 18,909 எம்.பி.பி.எஸ். டாக்டர்களும், 1,87,399 இன்ஜினியரிங் டிப்ளமோ படித்தவர்களும் 1,06,316 முதுநிலை பட்டதாரி ஆசிரியர்களும் வேலைவாய்ப்பு அலுவலகங்களல் பதிவுசெய்து வேலைக்காக காத்திருக்கிறார்கள் என்பது அதிர்ச்சியூட்டும் தகவல் அல்லவா!
இந்த புள்ள விவரத்தை பார்த்த சிலர் படித்தால் இனி வேலை கிடைக்காதோ என்று எண்ணலாம். படித்தால் கண்டிப்பாக வேலை கிடைப்பதற்கு நல்ல வாய்ப்பு உண்டு. படித்து வெறும் பட்டத்தை மட்டும் கையில் வைத்துக்கொண்டு எனக்கு வேலை கிடைக்கவில்லையென்று கூச்சல் போடுவதை இனி நிறுத்திக்கொள்வது நல்லது.
இது ஒரு போட்டி உலகம். இங்கு தகுதியுள்ளவர்கள் வேலை தேடி காத்திருக்கிறார்கள். ஆனால் தகுதியுள்ளவர்கள் அத்தனை பேருக்கும் வேலை கிடைப்பதில்லை. ஏனென்றால் திறமையும், தகுதியும் உள்ளவர்களுக்கு வேலைவாய்ப்புகள் ஏராளம் காத்திருக்கின்றன. பள்ளயில் படிக்கும்போதே வேலை பெறுவதற்கு உதவியாக அமையும் நல்ல குணங்களை பெற்றுக்கொள்வது விவேகமான செயலாகும். குறிப்பாக தகவல் தொடர்பு திறன் (Communication Skill), பிறரோடு இணைந்து பழகும் திறன் (Interpersonal Skill), பகுத்தாய்வு திறன் (Analytical Skill), முடிவெடுக்கும் திறன் (Decision Making Skill), இணைந்து பணியாற்றும் திறன் (Team Work) – போன்றபல திறமைகளை படிக்கும்போது பெற்றுக்கொண்டவர்கள் மட்டுமே சிறந்த வேலைவாய்ப்பை பெறுகிறார்கள்.
எனவே பள்ள – கல்லூரிகளல் படிப்பது அறிவையும் நல்ல பண்பையும் வாழ்க்கைக்குத் தேவையான சிறந்த திறமைகளையும் வளர்ப்பதற்குத்தான் என்பதை இளம் பருவத்திலேயே புரிந்துகொள்ள வேண்டும். பள்ள – கல்லூரிகளல் படிக்கும்போதே வேலை பெறுவதற்கான தகுதிகளை வளர்த்துக் கொண்டால் மட்டுமே “வேலை உங்கள் கையில்” என்று நீங்கள் உறுதியாக சொல்ல இயலும்.
தொடரும்.

 

No comments

Be the first one to leave a comment.

Post a Comment


 

 


May 2012

உலக சிரிப்பு தினம்
மேடை மாலை கைத்தட்டல்
களவாடப்படும் நேரம்
சமூகப் பணி படிப்பு
பல இரசம் (பலரசம்)
திறமை தான் நமக்குச் செல்வம்
மாறிவரும் வேளாண்மை!
நோய்வாய்ப்படாது நூறாண்டுகள் வாழும் வழிமுறைகள்
நம் மதியே நிம்மதி
பாதை மாறிய பயணங்கள்
உனக்குள்ளே உலகம்-24 படிப்பு – வேலை – சில விவரங்கள்
வளமான வாழ்வின் அஸ்திவாரம்
சலிப்படைந்தால் சாதனை இல்லை!
உள்ளம் மாறாமல் எதுவும் மாறாது!
விதையென விழு! விருட்சமென எழு!!
இன்ஸ்டாகிராம்
மேலாண்மை மந்திரங்கள்
உள்ளத்தோடு உள்ளம்