Home » Articles » கவிதைகள்

 
கவிதைகள்


admin
Author:

நீ உணர்வாய்

தோல்விகள் உன்னைத்
தழுவும்போது
எல்லாம் தலையெழுத்து
என்று நீ எண்ணி
தலைசாய்ந்து நிற்காதே!
நம்பிக்கையுடன்
நடந்து செல்
நீ உணர்வாய்
திசைகள் எட்டும்
உன்
வருகைக்காய் காத்திருப்பதை!
ப. நிகரன், ஈரோடு

உயர்ந்த எண்ணமே உன்னை உயர்த்தும்

நம்பிக்கையற்றவன்
காற்றுக்கே சாயும்
சல்லிவேர் கொண்ட புல்
நம்பிக்கையுள்ளவன்
புயலுக்கே நிமிர்ந்து நிற்கும்
ஆணிவேர் கொண்ட ஆலமரம்

நம்பிக்கையற்றவன்
சிறகொடிந்த கூட்டுப்பறவை
நம்பிக்கையுள்ளவன்
சிறகை விரித்து
வானில் வட்டமிடும் ராஜாளி

நம்பிக்கையற்றவன்
வெய்யிலில் புழுப்போல் காய்ந்து
வெந்ததை தின்று ஓய்ந்து
வேதனையில் தினமும் நொடிந்து
வேடிக்கை பார்த்தே மடிந்து போகிறான்

நம்பிக்கையுள்ளவன்
இரத்தத்தை வியர்வையாக்கி
இரவை பகலாக்கி
சோதனையை சாதனையாக்கி
சரித்திரம் படைக்கிறான்

தாழ்ந்த எண்ணம் உன்னை தாழ்த்தும்
உயர்ந்த எண்ணமே உன்னை உயர்த்தும்Ð
– கவிஞர் ஞானச்சித்தன்

உணர்வினை புரிந்து…
முடியற செயல்கள் எதுவெனத் தெரிந்து
முயற்சியைத் தொடங்கிட வேண்டும் நாம்
நடக்கிற பாதையில் தடைகளைக் கண்டு
களைகளை அகற்றிட வேண்டும்

வடிக்கிற வேர்வை நிலத்தினில் வீழ்ந்தால்
நினைக்கிற வெற்றிகள் தோன்றும் அதிலே
படிக்கிற பாடமும் முடிக்கிற வேகமும்
படிப்பினை ஆகிட வேண்டும்

எடுப்பதும் முடிப்பதும் எளிதென நினைத்தால்
நடிப்பென வாழ்க்கை மாறும் மனிதன்
உடுப்பதும் உண்பதும் உறங்கிடும் சுகமதும்
நொடிக்கொரு துன்பங்கள் சேரும்

படிக்கிற நூலில் பயன்களைத் தெரிந்தால்
வடிக்கிற பாதை தெரியும் மனிதன்
எடுக்கிற முயற்சியும் படிக்கிற பயிற்சியும்
கொடுத்திடும் வெற்றிகள் குவியும்

மனமெனும் குதிரை மலைகளைத் தாண்ட
தினமொரு வேகத்தைத் தூண்டும் அருகில்
கனமது நிறைந்திட தருகிற வாய்ப்பினை
மனமது புரிந்திட வேண்டும்

உணர்வினைப் புரிந்து உணர்ச்சியை அடக்கும்
விடைகளைத் தெரிந்தால் வெல்வோம் நாம்
கனவினில் காணும் காட்சியைப் புரிந்தால்
நினைவினில் வெற்றியைக் கொள்வோம்
– “கவிஞர் நம்பிக்கை நாகராஜன்,
கோவை.

மனதில் ஹைக்கூ

ஒரு வழிப்பாதை
ஏறும் இறங்காது
விலைவாசி!
– கவிஞர் இரா. இரவி,
மதுரை


Share
 

1 Comment

  1. p.vinothini says:

    மிகவும் அருமையாக உள்ளது இந்த கவிதைகள்,இதை படித்ததும் எனகே நம்பிக்கை வருகிறது வாழ்வதை நினைத்து,ரியலி சூப்பர் ……………………..

Post a Comment


 

 


March 2011

மு. மேத்தா கவிதை….
கவிதைகள்
முயன்றேன் வென்றேன்
என்ன படிக்கலாம்? எங்கு படிக்கலாம்?
சாதனை வாழ்வுக்கான சந்தோஷ வழிமுறைகள் 50
உனக்குள்ளே உலகம்-10
வெற்றி விடியல்
நலந்தானா
பஞ்ச பூதங்கள் சொல்லும் பாடம்
வளமான சிந்தனை
மனதினை தெளிவு செய்
மதிப்பு, மரியாதை
தன்னம்பிக்கையுடன் வாழுங்கள்! வாழ்க்கையின் மகத்துவத்தை உணருங்கள்!
மருத்துவம் நோய்வாய்ப்படாது நூறாண்டுகள் வாழும் வழிமுறைகள்
விதைகளால் ஓவியம்
ஜெயிப்பது நிஜம்
உங்களால் எதையும் சாதிக்க முடியும்
உழைப்பு என்பது தவம்!! சாதனை என்பது வரம் !!
உடலினை உறுதிசெய்
உள்ளத்தோடு உள்ளம்