Home » Articles » என்ன படிக்கலாம்? எங்கு படிக்கலாம்?

 
என்ன படிக்கலாம்? எங்கு படிக்கலாம்?


மூர்த்தி செல்வகுமாரன்
Author:

பொறியியல் சேர்க்கை 2011

தமிழ்நாடு பொறியியல் சேர்க்கை விபரங்களில் இந்த இதழில் நாம் அறிய இருப்பது கம்யூட்டர் சயின்ஸ் மற்றும் தகவல் தொடர்பு பொறியியல் துறைகள்.
கடந்த ஆண்டுகளில் அமெரிக்காவின் பொருளாதார வீழ்ச்சி மற்ற நாடுகளையும் விட்டு வைக்கவில்லை. அதன் விளைவாக ஏற்பட்ட பொருளாதார மந்த நிலை பலதரப்பட்ட தொழில்களையும், அதன் சார்ந்த பொறியாளர்களையும் மிகவும் பாதிப்படைய வைத்தது. அதன் தொடர்ச்சியாக பலர் தங்களின் மாத சம்பளத்தின் அளவு குறைக்கப்பட்டது. சிலர் தங்களுடைய வேலையை இழந்தனர். இதன் தாக்கம் அத்துறை சார்ந்த மாணவர்களின் சேர்க்கை விகிதத்தில் பெறும் விளைவுகளை ஏற்படுத்தியது. குறிப்பாக கம்யூட்டர் மற்றும் தகவல் தொடர்பு துறையின் வளர்ச்சி மிகவும் பாதிக்கப்பட்டது.
தகவல் தொடர்பு துறை மீண்டும் எழுச்சி பெற்று, கடந்த ஆண்டின் இறுதியில் மற்றும் இந்த ஆண்டின் தொடக்கத்தில் நடைபெற்ற கல்லூரி வளாகத் தேர்வின் மூலம் பல ஆயிரக்கணக்கான மாணவர்கள் தங்களின் வேலை வாய்ப்புக்கான கடிதங்களைப் பெற்றதன் மூலம் இத்துறை மீதான மாணவர்களின் நம்பிக்கை துளிர்கின்றது.
பெரும்பாலான மாணவர்களின் மத்தியில் உள்ள சந்தேகம் கம்யூட்டர் சயின்ஸ் பிரிவுக்கும் தகவல் தொடர்பு பொறியியலுக்கும் இடையே உள்ள வேறுபாடு.
கம்யூட்டர் சயின்ஸ் (CSE) என்பது தனிப்பட்ட கம்யூட்டர் மற்றும் புரோகிராமிங் பற்றிய அறிவை பெறுவதாகும். ஆனால் தகவல் தொடர்பு (IT) என்பது கம்யூட்டர் சயின்ஸ் மற்றும் எலக்ட்ரானிக்ஸ் சேர்ந்த பிரிவாகும்.
கம்யூட்டர் சயின்ஸ் (CSE)
உலகளவில் கம்யூட்டர் நுழையாத இடம் உண்டா என்றால் அதற்கு இல்லை என்றுதான் பதில். அந்த அளவிற்கு கம்யூட்டர் நமது வாழ்வில் ஓர் அங்கமாகி விட்டது. நமது பொறியாளர்கள் பலர் வளர்ந்த மற்றும் வளர்ந்து கொண்டிருக்கும் நாடுகளில் பல லட்சங்களை ஆண்டு வருமானமாகப் பெற்றுக்கொண்டு தங்களுடைய திறமைகளை வெளிப்படுத்தி வருகின்றனர். அமெரிக்கா உட்பட வளர்ந்த நாடுகள் இந்திய பொறியாளர்களின் திறமைகளை வாழ்த்துவதுடன் அவர்களின் வளர்ச்சி தங்களைப் பாதிக்கும் என்பதனையும் அவர்கள் அறிய மறக்கவில்லை.
கம்யூட்டர் துறையின் மீதான இளம் வயது ஆர்வம் சில மாணவர்கள் தங்களின் தேர்வை பிளஸ் டூ பாடப்பிரிவிலிருந்து வெளிப்படுத்துகின்றனர். கம்யூட்டர் புரோகிராமிங் ஆர்வம், குளிர்சாதன அறையில் வேலை செய்யும் வழிமுறை, பல இயக்க பணி ஊதியம் ஆகியவை இத்துறை பொறியாளர்களின் தனித்தன்மைகள்.
நாள்தோறும் புதிய புதிய கண்டுபிடிப்புகள், அதற்கு தகுந்தாற்போல் தங்களைத் தயார்படுத்திக்கொள்ளும் பக்குவம் செயல்பாடுகள். Software Engineering, Information Technology, Network Engineering and Computer and Communication போன்ற முதுகலை பொறியியல் படிப்புகளையும், TCS, Wipro, Infosis, CTS, IBM, HP, HCL போன்ற முன்னிலை பன்னாட்டு கம்பெனிகளில் (MNC) வேலை பெறும் வாய்ப்புகளுடன் இத்துறை மாணவர்கள் காத்திருக்கின்றனர்.
தமிழ்நாட்டில் அரசு பொறியியல் கல்லூரி சேர்க்கையில் ECE, Mechanical துறைக்கு அடுத்தபடியாக விளங்குவதுடன் பெண்களால் அதிகம் விரும்பப்படுவதும் இநஉ பொறியியல் துறையாகும்.
இநஉ துறையைத் தேர்வு செய்வதற்கு முன் சில விபரங்களை மாணவர்கள் கவனத்தில் கொள்ள வேண்டும். அதாவது அவர்கள் தொடர்ந்து கம்யூட்டர் முன் அமர்ந்து வேலையை தொடரவும், அதன் மூலம் ஏற்படும் முதுகு வலி, கண் பார்வை பாதிப்பு, தலைவலி மற்றும் மனநிலை சோர்வு போன்ற உடல் மற்றும் மனம் சார்ந்த பாதிப்புகளையும் கவனிக்க வேண்டியுள்ளது.
தமிழ்நாட்டில் அரசின் கட்டுப்பாட்டில் இயங்கும் 443 கல்லூரிகளில் சுமார் 39,000 இடங்கள் உள்ளன. பொருளாதார மந்த நிலை காரணமாக 2009ம் ஆண்டு நடந்து முடிந்த அரசின் சேர்க்கை கலந்தாய்வில் 58 சதவீதம் மாணவர்கள் மட்டுமே தங்களின் இடங்களைத் தேர்வு செய்தனர். கடந்த ஆண்டு ஏற்பட்ட வளர்ச்சி மாணவர்களின் மனதில் மாற்றத்தைக் கொண்டு வந்ததுடன், அதிகளவில் மாணவர்கள் தங்களின் வாய்ப்புக்களை CSE துறையில் பதிவு செய்தனர்.
தகவல் தொடர்பு பொறியியல் (IT)
சமீப காலங்களில் தொடங்கப்பட்ட பிரிவாக இருந்தாலும் தொடங்கப்பட்ட ஆண்டுகளில் மாணவர்கள் மத்தியில் மிக அதிக அளவிலான வரவேற்பைப் பெற்று, அசைக்க முடியாத துறையாக வலம் வந்து, அடுத்த சில ஆண்டுகளில் ஏற்பட்ட பொருளாதார வீழ்ச்சியினால் தன்னுடைய முழு பலத்தையும், இழந்து மாணவர்கள் மனதில் கடைசி இடத்தை பிடித்திருக்கின்றது. இதன் மூலம் இத்துறை பொருளாதாரம் என்ற இரக்கத்திற்கு ஏற்றாற்போல் மாறுவதால் இத்துறை மீது மாணவர்களின் தேர்வும் மாறிக்கொண்டே வருகின்றது.
மாணவர்களுக்கு எங்களுடைய அறிவுரை என்ன வென்றால் ஒருபோதும் தங்களின் சேர்க்கை பெறும் ஆண்டின் நிலையை வைத்துக்கொண்டு தங்களின் தேர்வை மேற்கொள்ளக்கூடாது. ஏன் என்றால் அவர்கள் வேலைபெற முயற்சிப்பது அடுத்த நான்கு ஆண்டிற்குப் பிறகு தான்.
தமிழ்நாட்டில் கடந்த 2007ம் ஆண்டு 95% மாணவர்களால் தேர்வு செய்யப்பட்ட துறையானது, 2009ம் ஆண்டில் வெறும் 44% மாணவர்கள் மட்டுமே தங்களின் தேர்வைப் பதிவு செய்தனர். இது போன்ற நிலையற்றதன்மை காரணமாக பெரும்பாலான தனியார் கல்லூரிகள் இத்துறையில் உள்ள தங்களின் இடங்களின் எண்ணிக்கையைக் குறைத்தும், சில கல்லூரிகள் முழுவதுமாக நிறுத்தியும் உள்ளன. Information Technology, System Engineering and Communication & Networking போன்ற புதுமையான முதுகலை பொறியியல் படிப்புகளும், படிப்பு முடிவதற்குள் ஏதேனும் ஒரு தகவல் தொடர்பு துறையில் வேலை வாய்ப்புகளும் இத்துறை மாணவர்களின் அசையாத நம்பிக்கைகளாக உள்ளன.
ஆசிரியர் பணி என்பது ஒரு புனிதமான தன்னை முழுவதும் மாணவர்களின் நலனுக்காக அர்ப்பணிக்கும் தொண்டாகும். அந்த அர்ப்பணிப்புக்குத் தற்பொழுது அதிக அளவிலான வாய்ப்புக்கள் உருவாகி உள்ளது. தனியார் பொறியியல் கல்லூரிகளின் எண்ணிக்கை பெருமளவில் அதிகரித்து (497) இருப்பதன் மூலம், முதுகலை பட்டம் பெற்ற பொறியாளர்களின் தட்டுப்பாடு அதிகளவில் காணப்படுகின்றது. ஒரு மாணவர் ங.உ. படிப்பை முடிப்பதற்கு 6 மாதத்திற்கு முன்பே மாதம் சுமார் ரூ.20,000 சம்பளத்தில் ஆசிரியர் பணிகள் காத்திருக்கின்றன. குறிப்பாக இநஉ மற்றும் ஐப சார்ந்த துறைகளில் அதிக அளவிலான ஆசிரியர்கள் தட்டுப்பாடு தனியார் கல்லூரிகளில் நிலவுகின்றது.
கடந்த இதழ்களில் அதிகம் அறியப்பட்ட துறைகளின் விபரங்களைத் தொடர்ந்து, அடுத்த இதழில் அதிகம் அறியப்படாத, அதே நேரம் அதிக அளவிலான வேலை வாய்ப்புக்களைக் கொண்டிருக்கும் சில பொறியியல் துறைகளின் விபரங்களை அறிய இருக்கின்றோம்.


Share
 

No comments

Be the first one to leave a comment.

Post a Comment


 

 


March 2011

மு. மேத்தா கவிதை….
கவிதைகள்
முயன்றேன் வென்றேன்
என்ன படிக்கலாம்? எங்கு படிக்கலாம்?
சாதனை வாழ்வுக்கான சந்தோஷ வழிமுறைகள் 50
உனக்குள்ளே உலகம்-10
வெற்றி விடியல்
நலந்தானா
பஞ்ச பூதங்கள் சொல்லும் பாடம்
வளமான சிந்தனை
மனதினை தெளிவு செய்
மதிப்பு, மரியாதை
தன்னம்பிக்கையுடன் வாழுங்கள்! வாழ்க்கையின் மகத்துவத்தை உணருங்கள்!
மருத்துவம் நோய்வாய்ப்படாது நூறாண்டுகள் வாழும் வழிமுறைகள்
விதைகளால் ஓவியம்
ஜெயிப்பது நிஜம்
உங்களால் எதையும் சாதிக்க முடியும்
உழைப்பு என்பது தவம்!! சாதனை என்பது வரம் !!
உடலினை உறுதிசெய்
உள்ளத்தோடு உள்ளம்