Home » Articles » வெற்றி விடியல்

 
வெற்றி விடியல்


admin
Author:

விடியல் என்பது இரவு பகல் என மாறிவரும் பூமியின் காலமாற்றத்தின் ஒரு பகுதி. இரவின் முடிவில் பகலின் தொடக்கத்தில் முளைவிடும் காலவிதை தான் விடியல். பகலோ இரவோ சூரியனின் ஒளி அல்லது வெப்பம் உமிழ்வது நிற்கிறதா? மறைந்து போகிறதா? இல்லவே இல்லை. ஆனாலும் நமக்கு இரவு, பகல் என்ற அனுபவம் கிடைக்கிறது. அது நம் வாழ்க்கைக்கு நல்லது என்பதும் அவசியம் என்பதும் உண்மை தானே. சூரியனின் ஒளி தொடர்ந்து இருந்தும் இரவு என்றஒரு நாளின் ஓர் அங்கம் எப்படி ஏன் நமக்கு கிடைக்கிறது என்பதை அறிவியல் உலகம் எடுத்துரைக்கும் உண்மையில் பூமியின் சுழலும் தன்மை காரணமாக இருக்கிறது. நிரந்தரமாக ஒன்று கிடைத்தாலும் மற்றதன் செயல்பாட்டால் கிடைப்பதில் மற்றும் இருக்கிறது என்ற தத்துவார்த்தமான உண்மை நமக்குத் தெளிவாகிறது.
வாழ்க்கையில் வெற்றி என்பதுகூட இந்த சூரியன், சுழலும் பூமி தத்துவத்தில் உள்ளடங்கியுள்ளதை அறியலாம். வெற்றிக்கான பிரகாசம் சூரியனின் ஒளி உமிழும் தன்மையைப் போல என்றும் தொடர்ந்து இருப்பது மட்டுமல்லாமல் மறைந்தும் போய்விடுவதில்லை. சுழலும் பூமியைப்போல் நாம் இருக்கிறோம். நாம் வெற்றிப் பிரகாசத்தைப் பெறுவது போலவும் இழப்பது போலவும் அனுபவப்படுகிறோம். ஆனால் வெற்றியின் பிரகாசம் மட்டும் எப்போதும் நிரந்தரமாக இருக்கும். இங்கும் ஒரு விடியல் பகுதி உண்டு. அதுதான் வெற்றிக்கான வாய்ப்பு. அதுதான் வெற்றிக்கான ஆரம்பம். வெற்றியின் முகப்பு வாசல். வெற்றி விதையின் உயிர் முனைப்புக்கான முதல் செயல். வெற்றி என்ற திரைப்படத்தின் ஒரு டிரைலர். ஆமாம் வெற்றி விடியல் உங்களை வெற்றிப் பிரகாசத்திற்கு வரவேற்கும் அழைப்பிதழ். அழைப்பை ஏற்று செயல்படுபவர்களுக்கு வெற்றி என்றபிரகாசமான பகல் விரியத் தொடங்குகிறது. இயற்கையில் பூமியில் வாழும் நமக்கு எப்படி இரவு என்ற ஒரு நாளின் ஒரு பகுதியை அனுபவிக்கின்றோமோ அதேபோல் வெற்றி என்ற பிரகாசம் குறைவாகவும் இல்லவே இல்லை என்பது போன்ற அனுபவமும் ஏற்படலாம். கவலைப்படாதீர்கள் அது கால அளவு மட்டுமே. ஒருவர் உயிருடன் இருந்தால் எப்படி இரவு கடந்து பகலை அனுபவிக்கிறாரோ அதைப்போல் நிச்சயம் வெற்றிப் பிரகாசம் உங்களுக்கு கிடைத்தே தீரும். ஆனால் உயிருடன் இருப்பது போல் வெற்றிக்கான திட்டமும் உழைப்பும் உங்களிடம் இருந்து கொண்டே இருக்க வேண்டும். இரவு என்பது தோல்வியா என உங்களுக்குள் ஒரு கேள்வி எழலாம். அது பகலுக்கான காத்திருப்பு – தேவையான ஓய்வு. வெற்றி விடியலுக்கான முன்னுள்ள கால அளவு வெற்றிக்கான காத்திருப்பு காலம். திட்டமிடவும், அதில் சரி செய்திட கிடைக்கும் கால அவகாசமாக அதனைக் கருதிக்கொள்ள வேண்டும். மரம் வெட்டுவதற்கு முன் அதற்கான கருவியைத் தயார் செய்வது போலவும், மண்ணில் மறைந்து முளைக்க காத்திருக்கும் நல்ல விதையைப் போலவும் அதற்கான கால அளவினைப் போல் வெற்றிக்கான பிரகாசத்திற்குக் காத்திருக்கும் காலம். நம்மால், நம் செயல்பாடுகளின் விளைவுகளால் சில வேளை வெற்றி முழுமையாக அல்லது பகுதியாக மறைக்கப்பட்டிருப்பது போல உணருகிறோம். இரவு வந்தால் விடியல் கடந்து பகல் வருவது போல வெற்றி வாய்ப்பும் பிரகாசமான வெற்றியும் உங்களுக்கு நிச்சயம் உண்டு என்பதை புரிந்து கொள்ளுங்கள்.
உங்கள் உழைப்பும், அதற்கான திட்டமும் உங்களிடம் இருந்தால் வெற்றி விடியலுக்குக் காத்திருப்பதில் தவறில்லை. விடிந்த பின் விழித்திருங்கள். வெற்றிப் பிரகாசம் உங்களை உங்களாலும் மற்றவர்களாலும் கண்டுகொள்ள வைக்கும் என்ற தன்னம்பிக்கையுடன் வாழ்த்துகிறேன்.


Share
 

No comments

Be the first one to leave a comment.

Post a Comment


 

 


March 2011

மு. மேத்தா கவிதை….
கவிதைகள்
முயன்றேன் வென்றேன்
என்ன படிக்கலாம்? எங்கு படிக்கலாம்?
சாதனை வாழ்வுக்கான சந்தோஷ வழிமுறைகள் 50
உனக்குள்ளே உலகம்-10
வெற்றி விடியல்
நலந்தானா
பஞ்ச பூதங்கள் சொல்லும் பாடம்
வளமான சிந்தனை
மனதினை தெளிவு செய்
மதிப்பு, மரியாதை
தன்னம்பிக்கையுடன் வாழுங்கள்! வாழ்க்கையின் மகத்துவத்தை உணருங்கள்!
மருத்துவம் நோய்வாய்ப்படாது நூறாண்டுகள் வாழும் வழிமுறைகள்
விதைகளால் ஓவியம்
ஜெயிப்பது நிஜம்
உங்களால் எதையும் சாதிக்க முடியும்
உழைப்பு என்பது தவம்!! சாதனை என்பது வரம் !!
உடலினை உறுதிசெய்
உள்ளத்தோடு உள்ளம்