Home » Articles » சாதனை வாழ்வுக்கான சந்தோஷ வழிமுறைகள்

 
சாதனை வாழ்வுக்கான சந்தோஷ வழிமுறைகள்


மோகன்குமார் இரா
Author:

30. நானும் – நீயும் அணுகுமுறை
ஆமை முயல் கதையில் முயல் ஏமாற்ற மடைந்ததை எண்ணி மகிழ்ந்த சமுதாயத்தில் ஏற்பட்டுள்ள மாற்றத்தை எண்ணி மகிழ்ச்சி யடைந்தே ஆக வேண்டும். இன்று சமுதாயத் தில் ஏற்பட்டுள்ள மனோபாவ மாற்றத்தால், சமுதாயம் முயல் ஆமை கதையில் முயலும் ஆமையும் ஒன்றோடு ஒன்று அணி சேர்ந்து ஒரு அணுகுமுறை முடிவை எடுப்பதாகவும் கற்பனை செய்ய எத்தனித் திருக்கின்றது. அந்த அணுகுமுறை முடிவின் படி முதலில் முயல் தரைப் பகுதியில் ஆமையை தன் முதுகில் சுமந்து கொண்டு வேகமாக போட்டிக்கான தூரத்தின் இடையில் காணப்படும் ஆற்றின் கரை வரை சென்று சேர்க்கின்றது. தன் முதுகில் ஏற்றி ஆற்றில் தன்னால் இயன்ற அளவு வேகமாக நீந்தி மறுகரையை அடைகின்றது. இப்போது மீண்டும் முயல் ஆமையை முதுகில் ஏற்றி ஓடி பந்தயத்தின் வெற்றிக்கோட்டை மிக அதிகமான குறைந்த அளவு நேரத்தில் தாண்டி விடுகின்றது இந்த இருபத்தோராம் நூற்றாண்டு கற்பனைக் கதையில் முயலும் ஆமையும் ஒற்றுமையாக தங்கள் திறமையை ஒன்றோடு ஒன்று பகிர்ந்து செயல்பட்டு இருவரும் அதிக அளவு வெற்றியை ஈட்டியது. அவை தரும் படிப்பினை களைப் பாருங்களேன்.
அ) முயலின் அளவு கடந்த நம்பிக்கை என்ற எதிர்மறை குணத்தையே கதையிலிருந்து தூக்கியெறிந்து விட்டார்கள்.
ஆ) முயலின் அபார நம்பிக்கையினால் முயல் துவங்குவது என்ற அடுத்தவரின் குறை பாட்டினைப் பயன்படுத்தி நாம் வெற்றி பெறுவதனை விட நம் பலத்தில் நாம் அதிக கவனம் செலுத்த வேண்டும் என்ற நேர்மறை கருத்து பலமடைகின்றது.
இ) ஒன்றுபட்டால் உண்டு வாழ்வு என்ற அற்புதக்கருத்து எடுத்துச் சொல்லப் பட்டிருக்கின்றது.
ஈ) மேலும் ஒவ்வொருவரும் அவரவர் திறமைகளை அடுத்தவர் திறமைகளோடு இணைத்துச் செயல்பட்டால் செயல் படும் ஒவ்வொருவரின் வெற்றியும் பல மடங்காக அதிகரிக்கும் என்ற கருத்து விதைக்கப்பட்டிருக்கின்றது.
ஊ) அனைத்திற்கும் மேலாக இக்கதை நம் வெற்றி பல மடங்காக வேண்டுமானால், அடுத்தவர் வெற்றிக்காகவும் பாடு பட வேண்டும் என்ற மிகப் பெரிய தத்துவத் தினை உணர்த்துகின்றது. ஆக நானும் வெற்றி பெறவேண்டும் நீயும் வெற்றி பெறவேண்டும் என்ற உயரிய கருத்தினை, கருத்தின் முக்கியத்துவத்தினை அவசியத்தினை மேற்கண்ட மனித மனோ பாவ மாற்றத்தால் திருத்தியமைக்கப்பட்ட கதை நமக்கு உணர்த்துகிறது.
அன்பு நண்பர்களே! இந்தக் கதை உணர்த்துவது போல நம் வாழ்வில் அனைத்து சந்தர்ப்பங்களையும் வெற்றி வெற்றி – நானும் வெற்றி பெறவேண்டும் நீயும் வெற்றி பெற வேண்டும் (win win Approach) அணுகுமுறையை பின்பற்றி முடிவுகளை எடுத்துச் செயல் படுவோமானால், பிரச்சனைகளுக்கு தீர்வு காண்போம். சந்தோஷம் மிகுந்த பிரச்சனை கள் அற்ற சாதனை வாழ்வு என்றென்றும் நம்மை சார்ந்ததாக மாறும்.
31. அடுத்தவர் என்ன நினைத்தால் என்ன !
ஒரு ஆற்றுப்படுத்துதல் அமர்வில் கிடைத்த அனுபவம் எனக்கு மிகுந்த சந்தோக்ஷத்தை வழங்கியது. அதன் செய்தி தேவைப்படுவோருக்கு அருமருந்தாக அமை யட்டும் என்பதற்காக இங்கே அந்த அனுபவத் தினை உங்களோடு பகிர்ந்து கொள்கிறேன்.
ஒரு நிறுவன பயிற்ச்சிக்குப் பின் நண்பர் ஒருவர் ஒரு பிரச்சனை இருக்கிறது சார் பேசலாமா? எனக் கேட்டார்.; மேலாளர் அனுமதியுடன் அவரோடு நடத்திய ஆற்றுப் படுத்துதல் அமர்வின் போது நடந்த உரையாடலின் முடிவில் கிடைத்த அனுபவ செய்தி இதோ பக்கத்து வீட்டார் என்ன நினைப்பார் ! அவர் என்ன நினைப்பார்! நண்பர் என்ன நினைப்பார்! உறவினர் என்ன நினைப் பார்! என ஊரார் உறவினர் அனைவரும் என்ன நினைப்பார்களோ? என்ற தவறான நினைப்பால் அவர் வீண் செலவுகளை செய்திருக்கின்றார், மனைவி குழந்தைகள் பெற்றோரிடம் சண்டை, சச்சரவுகளில் ஈடுபட்டிருக்கிறார், ஓவ்வொரு வரையும் திருப்திபடுத்தும் முயற்ச்சியில் ஈடுபட்டிருக்கின்றார்.
இறுதியில் கடன்கள், பிரச்சனைகளின் பிடியில் தவிப்பதுடன் தற்கொலை முயற்ச்சி யிலும் ஈடுபட துணிந்திருக்கின்றார்.
என்னுடைய ஆற்றுப்படுத்துதல் அமர்வின் காரணமாக அந்த நண்பர் தற்கொலை எண்ணங்களை விட்டு விட்டு பிரச்சனைகளை வாய்ப்புகளாக பயன்படுத்தி தோல்விகளை அனுபவ பாடங்களாக மாற்றி சந்தோஷ சாதனை வாழ்வு வாழ துவங்கி யிருக்கின்றார். ஆகவே – தான் அந்த ஆற்றுப் படுத்துதல் அமர்வு எனக்கு ஒரு மகிழ்வான நிகழ்வாக மாறியது என்று கூறினேன். ஆகவே அன்பு நண்பர்களே உங்கள் தனிப்பட்ட மற்றும்; குடும்ப முடிவுகளை எடுக்கும்போது அடுத்தவர்கள் என்ன நினைப்பார்களோ? சுற்றத்தார் எதிர்பார்ப்புகள் என்னவோ உடன் பணிபுரிவோர் ஏதேனும் எண்ணுவார்களோ? என எண்ணி நிம்மதியை இழந்து உங்களுக்கு உங்கள் குடும்ப சூழலுக்கு ஏற்பில்லாத முடிவுகளை எடுத்து உடல் ரீதியிலான மன ரீதியிலான பொருளாதார ரீதியிலான அவதிகளுக்கு உள்ளாவதை தவிர்ப்பீர்.
ஏனென்றால் “காக்கைக்கு தன் குஞ்சு பொன் குஞ்சு” அவர்களுக்கு அவர்கள் பிரச்சனை அல்லது வாழ்க்கைதான் பெரிது. உங்கள் பிரச்சனைகள் உங்கள் முடிவுகள் அவர்களுக்கு சிறிய விஷயமே.
தீபாவளியன்று ஒரு வீட்டார் ஒன்று சேர்ந்து பட்டாசு கொளுத்துகின்றனர். தாத்தா டேய் பெரிய வெடிகளை கொளுத்தாதீர்கள். பக்கத்து வீட்டுக்காரர்களுக்குத் தொந்தர வாகும். அவங்க தப்பா நினைக்கப் போகின் றனர் என்று கூறிக் கொண்டிருக்கும் போதே பக்கத்து வீட்டில் அதிபயங்கர வெடிச்சத்தம் இடி இடி என கேட்டது. அத்தோடு இந்த பிரச்சனை முடிவுக்கு வந்தாலும், அடுத்தவர் களுக்காக வாழும் தாத்தவாக இருந்தால் அந்த தாத்தவிற்கு அடுத்தவர்கள் என்ன நினைப்பார்களோ என சிந்திக்க வைக்கும் பல புதிய பிரச்சனைகள் மற்றும் வாய்ப்புகள் மீண்டும் மீண்டும் கூடி வரும்.
“வீட்டுக்கு வீடு வாசப்படி”
ஓவ்வொருவருக்கும் அவர் அவர் எதிர்கொள்ளும் அளவுக்கு பிரச்சினைகள் காணப்படும்.
ஆகவே பலரும்
ஐய்யயோ. என் சிற்றுந்தை (car)ஐ பார்த்து அடுத்தவர், பக்கத்து வீட்டுகாரர் என்ன நினைப்பாரோ? என் முக அழகை பார்த்து உடன் பணிபுரிவோர் என்ன நினைப்பாரோ? என் உடையை பார்த்து அவர்கள் என்ன நினைப்பாரோ? நான் நடப்பதை பார்த்து அவர்கள் என்ன நினைப்பாரோ? என அடுத்தவர் என்ன நினைப்பாரோ? என்று எண்ணி தங்கள் நேரம் மற்றும் செல்வத்தின் பெரும் பகுதியை அடுத்தவரை திருப்தி படுத்துவதற்காகவே வீணடித்து வருகின்றார்கள்.
இப்படி வீணடிக்கும் நேரம் மற்றும் செல்வத்தை உங்கள் வாழ்வின் முன்னேற்றதுக் காக செலவு செய்ய துவங்குங்கள்.
குறுகிய காலத்தில் உங்கள் ஆளுமை, செல்வம், மனநலம், உடல்நலம், அந்தஸ்து என அனைத்தும் சிறப்படைவது உறுதி. அத்தகைய சிறப்பு உங்களுக்கு உங்கள் குடும்பத்தார், சுற்றத்தார், ஊரார், சமூகம், அது என்ன இந்த உலகம் மொத்தத்தினுடைய பாரட்டுகளைப் பெற்று தரும்.
32. உங்களோடு போட்டி போடுங்கள்
உலக வரலாற்றில் இடம் பெற்றுள்ள சாதனை யாளர்கள் (அவர்கள் எந்தத் துறையை சார்ந்தவர்களாக இருந்தாலும்) அனை வரிடமும் இருந்த பொதுவான ஒரு குணநலன் அவர்கள் அவர்களோடு போட்டி பொட்டு முன்னேறி சாதனை சிகரத்தை அடைந்தது தான். அதாவது நான் என்னுடைய நேற்றைய சாதனையை முறியடித்து இன்று ஒரு புதிய சாதனையை நிகழத்த வேண்டும்.
இதை விட்டு விட்டு நாம் நம் நண்பர் சக தொழில் நிறுவனங்கள் சக பணியாளர்கள் உடன் பயில்வோர் அண்டை வீட்டார் உறவினர் என ஒவ்வொருவருடைய வளர்ச்சி அல்லது முன்னேற்றத்தைப் பார்த்து பொறாமைப் பட்டோ, படாமலோ அவர்களை விட நான் வளர வேண்டுமென போட்டி போடுவது பல் வேறு துன்பங்கள் மற்றும் பிரச்சனைகளுக்குக் காரணமாக அமைந்து விட வாய்ப்பு அதிகம்.
இந்த உலகில் இறைவனால் படைக்கப் பட்டுள்ள ஒவ்வொரு மனிதனும் அவர் அவருக்கென்று ஒரு தனித்தன்மையோடு உருவாக்கப்பட்டுள்ளான்(ள்) .
ஆகவே நம் தனிதன்மையை பயன் படுத்தி நம் தனித்தன்மைக்கு ஏற்ற துறையில் நம் தனித்தன்மைக்கு ஏற்ப செயல்பட்டு வாழ் வில் வெற்றி பெறுவதுதான் புத்திசாலித்தனம்.
எனக்குத் தெரிந்த அன்பர் ஒருவர் ஊரில் யார் புதிதாக சொத்து வாங்கினாலும் அவரை ஒரு போட்டியாளராக கருதி தானும் சொத்துக்களை வாங்கி குவிக்க ஆரம்பித்தார்.
இன்று அவர் உடல்நலம் பாதிப்பு அடைந்து விட்டது மனநலம் பாதிப்படைந்து விட்டது. குடும்ப குழப்பங்கள் உச்சமடைந்து விட்டது. குடும்பத்தினருக்கு அவர் கடன்கள் வேண்டாம் அவர் வேண்டாம் ஆனால் அவர் சம்பாதித்த சொத்துக்கள் மட்டும் வேண்டும்.
போட்டி போடுங்கள் அந்தப் போட்டி நலனான போட்டியாக இருக்கவேண்டும் அதுவும் உங்களுடைய நேற்றைய முன்னேற்றத்தை இன்று முறியடித்து முன்னேற வேண்டும் என்ற போட்டியாக இருக்கும்படி பார்த்துக் கொள்ளுங்கள்.
சந்தோஷம் நிச்சயம்.
சாதனைகள் சாத்தியம்.
33. கருத்தேற்றத்தில் கவனம் செலுத்துங்கள்
உளவியலில் கருத்தேற்றம் என்பது அடுத்தவர் மீண்டும் மீண்டும் நம் மனதிற்கு தரும் செய்திகள் மூலம், நம் மனோபாவத்தில், குறிக்கோளில்; குண நலனில், சுயகௌரவத் தில்; தன்னம்பிக்கையில் ஏற்படும் மாற்றத்தை குறிக்கின்றது.
கருத்தேற்றத்தை பொறுத்த அளவில் இருவித அணுகுமுறைகளைப் பின்பற்றுவது உங்களுக்கு சந்தோஷத்தையும் சாதனை களையும் நல்கும் என்பது அனுபவ பாடம்.
ஒன்று:யாரேனும் உங்களுக்கு, அதாவது உங்கள் மனதிற்கு குறிப்பாக ஆழ்மனதிற்கு ஏதேனும் எதிர்மறை கருத்தேற்றங்களை நல்குவார்களானால் தயவு செய்து அந்த கருத்தேற்றங்களை அதன் செய்திகளை தவிர்த்துவிடுங்கள் அல்லது சல்லடை செய்து விடுங்கள் அல்லது சென்சார் (தணிக்கை) செய்து விடுங்கள்.
எடுத்துக்காட்டாக, நண்பர் ஒருவர் என்ன இன்று கொஞ்சம் சோர்வாக (Dul) ஆக இருக்கறீர்களே என்று கூறினால், ஏதாவது உறுதியான வழிமுறையால் அந்தச் செய்தியை உங்கள் மனது ஏற்காமல் (அல்லது) அங்கீகரிக் காமல் செய்து விடுங்கள். உடனடியாக, இல்லை இல்லை நான் மிகவும் நன்றாக இருக்கிறேன் என்று அவருக்கு ஒரு பதிலடியை கொடுத்து விடுங்கள்.
இதே போன்று மாணவர்களிடம் பொற்றோரோ ஆசிரியரோ (அறியாமையால்) நீ வர வர மாமியார் வீட்டு கழுதையாகிறாய் அல்லது கழுதை தேய்ந்து கட்டெறும்பாகி விட்டது என்றோ அல்லது வர வர உன் படிப்பு சரியில்லை என்றோ சொன்னால்; உடனடியாக உங்கள் ஆழ் மனமும் நீங்களும் அவர்களிடம் சேர்த்து “இல்லை இல்லை நான் மேலும் சிறப்படைந்து வருகிறேன்” என்று உறுதியாக உணர்த்தி விடுங்கள்.
ஏனென்றால் இவர்கள் சில முறை தொடர்ந்து இப்படியே கூற நம் ஆழ் மனது கேட்டு வந்தால் அதை ஆழ் மனது நம்ப துவங்கிவிடும்; அதன் பின் உண்மையிலேயே கல்வியில், தொழிலில், வாழ்வில், சமூகத்தில் தோல்வியடையத் துவங்கிவிடுவீர்கள்; அதன் பின் உங்களை காப்பாற்றி வளர்ச்சிப் பாதையை நோக்கி திருப்பிவிடுவது சற்று கடினமான செயல் ஆகிவிடும்.
ஆகவே எதிர்மறை கருத்தேற்றங்களை அவ்வப்போது அடித்து நொறுக்கி தோல்வி யடையச் செய்துவிடுங்கள்.
இரண்டு
நண்பர்களே! உங்கள் வெற்றி என்பது உங்களை சுற்றிலும் வாழ்ந்தும், செயல் புரிந்தும்; வருபவருடைய வெற்றியையும் சார்ந்தது என்பதை புரிந்து கொள்ளுங்கள். ஆகவே, தெரிந்தோ தெரியாமலோ அவர்கள் தோல்வியடையும் விதமாக அவர்களுக்கு எத்தகைய எதிர்மறை கருத்தேற்றங்களையும் வழங்கிவிடாதீர்கள்
உங்கள் பேச்சு, செயல் மற்றும் நடவடிக்கைகள் மூலமாக எந்தவொரு நண்பர், உறவினர், சுற்றத்தாரையும் எதிர்மறையாக கருத்தேற்றம் (கருத்து கூறுதல் அறிவுரை கூறுதல் மற்றும் குறை கூறுதல்) செய்திருப் பீர்களானால் உங்கள் எதிர்மறை கருத் தேற்றத்தை அவர்கள் ஆழ்மனது ஏற்று செயல்புரிய வாய்ப்புகள் அதிகம். அப்படி அவர்கள் பின்நோக்கி செயல் புரிந்தால் தோல்வியைத் தழுவ வாய்ப்பு உள்ளது.
நம்முடன் செயலாற்றுவோர் தோல்வி யடைந்து நாம் வெற்றி பெறுவதற்கான வாய்ப்புகள் மிக மிக குறைவு.
ஆக எதிர்மறை கருத்தேற்றம் வழங்கு வதையும் ஏற்பதையும் தவிர்த்துவிடுங்கள். வாழ்வில் வசந்தம் வீசுவது நிச்சயம்.
34. நம்பிக்கையை விதையுங்கள்
எந்தவொரு மனிதனும் வாழ்வில் சாதனையை நிகழ்த்த வேண்டுமானால் சந்தோஷம் நிலவ வேண்டுமானால் அவரை சார்ந்த பலருடைய (சிலராவது) ஆதரவு மற்றும் உதவிகள் அவரை தொடர்ந்து கொண்டிருக்க வேண்டும்.
ஆனால் வாழ்க்கைத் துணைவர் குழந்தைகள், வீட்டு உரிமையாளர், பால்காரர், மளிகைக்கடைக்காரர், தொழில் கூட்டாளி என அனைவருடைய அன்பும் அரவணைப்பும் அவர்களிடம் நாம் நம்மை பற்றி உருவாக்கிய நம்பிக்கையின் அடிப்படையில் தான் நமக்கு தொடர்ந்து கிடைத்து வரும்
வாழ்க்கைத் துணைவர் அல்லது தொழில் கூட்டாளிக்கு நம்பிக்கை துரோகம் செய்தாலோ, குழந்தைக்கு வழங்கிய உறுதி மொழியை பெற்றோர் மீறினாலோ கடன் காரர்களுக்குத் தொடர்ந்து தவணை பணத்தைக் கட்டத் தவறினாலோ, அவர்கள் நம்மிடம் வைக்கும் நம்பிக்கை குறைய துவங்கி விடும். அப்படி நம்மைப் பற்றிய நம்பிக்கையை அவர்கள் இழக்க நேரிட்டால், அவர்களிடம் தொடர்ந்து எப்படி உதவிகளை எதிர் பார்க்கலாம் அல்லது அவர்கள் எப்படி தொடர்ந்து ஆதரவு கரம் நீட்டுவார்கள்.
ஆகவே, சந்தோஷத்துடன் சாதனையை நோக்கி பயணம் மேற்கொண்டு வரும் அன்பு தன்னம்பிக்கையாளர்களே தொடர்ந்து ஒத்துக்கொண்ட ஒப்பந்தங்களையும் அளித்த வாக்குறுதிகளையும் மீறாமல் நிறைவேற்றி வாருங்கள். உங்கள் மீது உங்களை சூழ்ந்த அனைவருக்கும் அபரிதமான நம்பிக்கை ஏற்படும். அந்த நம்பிக்கை உங்களை சாதனை யின் உச்சிக்கே அழைத்துச் சென்றுவிடும் வாழ்த்துக்கள்!

(சந்தோஷ சாதனை பயணம் தொடரும்…….)


Share
 

No comments

Be the first one to leave a comment.

Post a Comment


 

 


December 2010

வாழும்போதே நீ வானத்தைத் தொட்டுவிடு
கவலை தாங்கி மரம் – பவளமல்லி
சாதனை வாழ்வுக்கான சந்தோஷ வழிமுறைகள்
என்றும்…
வாழ்க்கை ஒரு வசந்தக் காடு
வெற்றிப்படி 4
திறந்த உள்ளம்
உன்னதமாய் வாழ்வோம் !
மானுடத்தை வளர்த்த மகாவீரர்
வருவது தானே வரும்!
கணினி தொழில்நுட்பம்
எது விளையாட்டு?
சிந்தனை செய் நண்பனே- என்னைத் தெரியுமா?
அதெல்லாம் ஒரு காலமுங்க!
விடாமல் முயலுங்கள் விரும்பியதை அடையுங்கள்
அர்த்தமற்ற இலக்குகள்
உடலினை உறுதி செய்
மனிதப்பிறவி பெரும்பேறு
வாழ்க்கைப் பயண வெற்றிக்கு…
தொழிலை நேசி! வெற்றியை சுவாசி!!
அன்பு
உள்ளத்தோடு உள்ளம்
நலந்தானா?
CBSE கல்வி உதவித்தொகை
முயன்றேன் வென்றேன்