Home » Articles » வெற்றிப்படி 4

 
வெற்றிப்படி 4


இரத்தினசாமி ஆ
Author:

அது மட்டுமல்ல. சுற்றுச் சூழல்கள். பிரபஞ்ச இயக்கங்கள். கோள்களின் இடமாற்றங்கள். இவைகளும் நம் மனதை மாற்றுகின்றன.
எனவே…
எண்ணங்கள் மனதினின்று தோன்றி னாலும், மனம் பல்வேறு நிலைகளிலிருந்து தாக்குதல்களைப் பெறுகிறது. அதற்கேற்ப எண்ணங்கள் மாறுகின்றன.
மனதை அதன் வழியிலே விட்டுவிட்டால் அது தாவிக் கொண்டே இருக்கும். நம்மால் ஒன்றிலும் கவனம் செலுத்த முடியாமல் போகும். ஆனால் மனம் நல்ல சுவையான உணவு வகைகளை கேட்கும். குளிர்ச்சியான, வண்ணமயமான காட்சிகளைக் காண ஆசைப்படும். இனிமையான இசையைக் கேட்கத் தூண்டும். நறுமணங்களை விரும்பும். பரிச உணர்வுகளுக்காக ஏங்கும்.
உடல்நிலை பாதிக்கும்போது மனமும் பாதிக்கும்
டாக்டரிடம் முழு உடல் பரிசோதனைக் காகச் சென்றான் குப்புசாமி. நாள் முழுவதும் முழு உடல் பரிசோதனைகளை மேற்கொண்ட மருத்துவ நிபுணர்கள் இறுதியாக அவரிடம் கூறியவை.
உங்களுக்கு கொழுப்புச் சத்து அதிகமாக உள்ளது
இருதய இரத்தக் குழாயில் அடைப்பு உள்ளது
சர்க்கரையின் அளவு உயர்ந்துள்ளது
தகுந்த சிகிச்சைகளும், மருந்துகளும் மேற்கொண்டால் தான் பேராபத்திலிருந்து காப்பாற்றமுடியும்.
இச்செய்திகள் இடியென விழுந்தன குப்புசாமிமேல். அதிர்ச்சித் தகவல்களால் நிலை குலைந்து மனசோகத்திற்கு ஆளானான்.
அதே வீடு, மனைவி, மக்கள், நண்பர்கள் தான்.
குதூகலமாக இருந்த குடும்பம் தான்.
குப்புசாமியின் மனபாதிப்புகள் அவரது எண்ணங்களை பாதித்தன.
‘என்னடா வாழ்க்கை’ என சித்தாந்தம் பேச வைத்தது அவரை. மகிழ்வான மனம், மகிழ்வான அலைகளை பரவச் செய்கிறது. துக்கமான, சோர்வான மனம் சோக, சோர்வு அலைகளைப் பரப்பி அனைவரையும் வேதனைக்குள்ளாக்குகிறது.
ஐந்தறிவு பெற்றமிருகங்களுக்கு இன்பமோ, துன்பமோ ஐம்புலன்களால் வருவதே. அவை இயற்கையோடு இணைந்து வாழ்வதால் அதன்வாழ்வு முன்னரே வரையறைசெய்யப்பட்டு (Programme) அதன்படி செயலாக்கம் நடக்கிறது.
மனிதன் ஆறாவது அறிவாகிய பகுத்தறிவைப் பெற்றுள்ளதால் அவனது வாழ்வை அவனே அமைத்துக் கொள்கிறான்.
“எண்ணம் போல வாழ்வு”
“எதை எண்ணுகிறாயோ அதுவாக மாறுகிறாய்”
மனதை மாற்றி, அதன் மூலம்
எண்ணங்களை மாற்றமுடியுமா?
சிந்திப்போம்.
– வெற்றிப்படி 5ல் சந்திப்போம்….


Share
 

No comments

Be the first one to leave a comment.

Post a Comment


 

 


December 2010

வாழும்போதே நீ வானத்தைத் தொட்டுவிடு
கவலை தாங்கி மரம் – பவளமல்லி
சாதனை வாழ்வுக்கான சந்தோஷ வழிமுறைகள்
என்றும்…
வாழ்க்கை ஒரு வசந்தக் காடு
வெற்றிப்படி 4
திறந்த உள்ளம்
உன்னதமாய் வாழ்வோம் !
மானுடத்தை வளர்த்த மகாவீரர்
வருவது தானே வரும்!
கணினி தொழில்நுட்பம்
எது விளையாட்டு?
சிந்தனை செய் நண்பனே- என்னைத் தெரியுமா?
அதெல்லாம் ஒரு காலமுங்க!
விடாமல் முயலுங்கள் விரும்பியதை அடையுங்கள்
அர்த்தமற்ற இலக்குகள்
உடலினை உறுதி செய்
மனிதப்பிறவி பெரும்பேறு
வாழ்க்கைப் பயண வெற்றிக்கு…
தொழிலை நேசி! வெற்றியை சுவாசி!!
அன்பு
உள்ளத்தோடு உள்ளம்
நலந்தானா?
CBSE கல்வி உதவித்தொகை
முயன்றேன் வென்றேன்