Home » Articles » இடத்தை மாற்று வெற்றி நிச்சயம்

 
இடத்தை மாற்று வெற்றி நிச்சயம்


பன்னீர் செல்வம் Jc.S.M
Author:

இது என்ன புது செய்தியா இருக்குதே அப்டீனு பலர் நினைக்கலாம். எங்கே இடத்தை மாற்ற வேண்டும். பெரும்பாலானவர்களுக்கு இடமே இல்லையே ! இடத்தை மாற்றாவிட்டால் வெற்றிகிடைக்காதா ?
வீட்டை மாற்றுவதா ? வீட்டில் உள்ள பொருட்களின் இடத்தை மாற்றுவதா ?
பள்ளி, கல்லூரிகளை மாற்றுவதா ? அமர்ந்துள்ள இடத்தை மாற்றுவதா ?
பணிபுரியும் இடத்தை, நிறுவனத்தை மாற்றவதா ? அமர்ந்துள்ள திசையை மாற்றுவதா ?
இதுபோன்ற பல கேள்விகளைப் பலர் கேட்டார்கள்.
இடம் : பொதுவாக இடம் என்றால் PLACE என்ற ஆங்கிலச் சொல்லின்
விளக்கமே அனைவருக்கும் தெரியும்.
வாஸ்து என்று ஒருபக்கம் கட்டிய வீட்டில் அங்கங்கு இடித்து, சரிசெய்து எதையோ மாட்டி வைக்கிறார்கள். ஜாதகம் என்று ஒருபக்கம் பரிகார பூஜை என மக்கள் ஓடிக்கொண்டிருக்கிறார்கள்.
பெயர் மாற்றினால் வெற்றி நிச்சயம் என்ற விளம்பரம் பார்த்து சிலர் வேகமாக வெற்றி பெற முயல்கிறார்கள்.
வெற்றியை எப்படியாவது எந்த வழியிலாவது அடைந்தே தீருவது என்று ஒரு சாரார் முயற்சி செய்யும்போது வேறு சிலர் வாய்ப்பில்லை என எண்ணிக்கொண்டிருப்பவர்கள் நமக்கு வெற்றியே கிடைக்காதா என ஆழ்மனதில் ஏங்கிக் கொண்டுள்ளனர்.
ஓட்டப்பந்தயத்தில் இத்தனாவது வரிசையில் ஓடினால் வெற்றி, ஒரு குறிப்பிட்ட திசை பார்த்து பேசினால் வெற்றி என்பது போன்ற கருத்துக்கள் வரலாம்.
ஆனால் உண்மையில் இடத்துக்கும் வெற்றிக்கும் தொடர்பில்லை. என்பது தான் மொத்த முடிவு.
வெற்றி வகைகள் :
வெற்றியில் இரு வகை உண்டு. தான் வெற்றி பெறுவது ஒருவகை. மற்றவர்களை வெற்றி பெறச் செய்வது 2-வது வகை. உதாரணமாக விளையாட்டுப் போட்டிகளில் ஒருவருக்கும் அல்லது ஓர் அணிக்கு வெற்றி கிடைக்கும். மற்றவர்கள் வெற்றிக்காகக் காத்திருப்பார்கள்..
சமீபத்தில் நடந்த உலக கால்பந்து கோப்பைக்கான விளையாட்டுப் போட்டிகளைப் பலர் பார்த்திருக்கலாம். ஒவ்வொரு வீரருமே தனது அணி வெற்றி பெற வேண்டுமென்று மிக ஆக்ரோசமாக விளையாடினார்கள். ஆனால், கடைசியில் ஒரு நாடு மட்டுமே வெற்றி பெறமுடிந்தது.
கலந்து கொண்ட வீரர்கள் அடிக்கடி இடம் மாற்றியதால் வெற்றி பெற்றார்கள் என்றால் இல்லை என்று தான் கூற வேண்டும்.
இதேபோல கிரிக்கெட் விளையாட்டில் பீல்டிங் செய்யும்போது இடம் மாற்றி விளையாடி வெற்றி பெற முடியுமா ? என்றெல்லாம் கேள்விகள் தோன்றும்.
விளையாட்டு என்று வரும்போது பெரும்பாலும் ஒருவருக்கு அல்லது ஓர் அணிக்குத் தான் வெற்றி கிடைக்கும்.
ஆனால் நாம் விரும்பும் வெற்றி நாம் எல்லோருமே பெற வேண்டியது. இதை WIN-WIN-FORMULA என்றும் கூறுவார்கள். பிறரை வெற்றியடையச் செய்து அவர்கள் மகிழ்வதைப் பார்த்து, நாமும் வெற்றி பெற்றாற் போல் மகிழ்வது தான் இந்த வெற்றி.
எல்லோருக்கும் வெற்றி :
இதற்கு நாம் செய்ய வேண்டியது சுலபமான வேலைதான்.
 அடங்கியிருப்பது
 பிறர் மனம் புண்படாமல் பேசுவது ?
 சுயபச்சாதாபம் தவிர்ப்பது
 எண்ணத்திலும் பேச்சிலும் செயல்களிலும் தெளிவாக இருப்பது.
இதை நம்மால் செய்ய முடியாதா ? நிச்சயமாக நம் எல்லேராலும் செய்ய முடியும்.
இன்று வன்முறை நாளும் நடந்து கொண்டிருக்கும்போது, எல்லோரும் அடங்கித்தான் இருக்கிறோம்.
சமீபத்தில் காஷ்மீர் பயணம் சென்றிருந்தேன். பஸ் கண்ணாடியை கல்வீசி உடைத்தனர். எனது இருக்கைக்கு அருகில் முன்புறம் ஜன்னல் கண்ணாடி உடைந்தது. பின் இருக்கையில் அமர்ந்திருந்த பெரியவர். நொடிப்பொழுதில் இருக்கையில் இருந்து கீழே இறங்கி பாதுகாப்பாக அமர்ந்து கொண்டார். இடத்தை மாற்றியதால் அவரைப் பொருத்தவரை பாதிப்பில்லை என்ற நிம்மதி.
பிறர் மனம் புண்படாமல் பேசுவது என்பது எல்லோருக்குமே தெரியும்; இருந்தாலும் ஏதாவது ஒரு காரணத்தை நமக்கு சாதகமாய் பிடித்துக் கொண்டு, பிறரை வருத்தம் கொள்ளுமாறு பேசுவதில் நாம் கில்லாடிகள்.
சுயபச்சாதாபம் என்பது – எல்லோருமே தெரிந்தோ, தெரியாமலே செய்வதுதான். மற்றவர்களுடன் ஒப்பிட வேண்டியது “என்னைவிட மோசமானவர்கள் எல்லாம் எங்கோ உயரத்தில் இருக்க நான் இந்த அவல நிலையில் இருக்கிறேனே” என்று வருத்தப்பட்டு வாய்ப்புக்களை இழந்து வருந்திக் கொண்டே வாழ்வது.
எண்ணம், பேச்சு, செயலில் மாற்றம், இதை நம் தேவைக்கேற்றாற் போல் செய்யும் தகுதியும் திறமையும் நம் எல்லோரிடமுமே ஏராளமாக உள்ளது.
உறவுகள்:
தனிமரம் தோப்பாகாது: என்னதான் வசதி இருந்தாலும் தனி மனிதனாய் வாழமுடியாது. மற்றவர்களோடு, உறவினர்களோடு, நண்பர்களோடு சமுதாயத்தோடு இணைந்து தான் வாழ வேண்டும். எனவே உறவு முறைகள் என்பதை நம் வாழ்க்கையிலிருந்து பிரிக்கவே முடியாது.
இந்த உறவுகள் பிறை போன்றவை. அதாவது நம் மனநிலையைப் பொறுத்து வளரும் அல்லது தேயும். இந்த உறவுகளைச் சரியான முறையில் பராமரிக்க நாம் செய்ய வேண்டியது உறவை நட்பாக மாற்றுவதே!
ஓர் அறிஞர் கூறியுள்ளார்,
MAINTAIN, LIFE IN RELATIONSHIP உறவுகளில் வாழ்க்கையைப் பராமரி/ வாழ்ந்துபார் வெற்றகரமான உறவு புரிந்து கொள்வதிலா உள்ளது. என்றால் இல்லை! தவறாகப் புரிந்து கொள்வதைத் தவிர்ப்பதில் தான் உள்ளது.
இந்த அடிப்படை விதியை அறிந்து கொண்டால், வெற்றி நம் அனைவருக்குமே சொந்தமாகி விடும்.
கண்களைத் திற:
சில இடங்களில் கண்களை மூடிவிட்டால் சுலபமாக வெற்றி பெற்றுவிடலாம். ஆனால் நம்மால் அது முடியாதே எனப் பலரும் கூறுகின்றனர்.
மற்றவர்களது குறைகளைக் காணுமிடத்து கண்களை மூடிக்கொள்வதும், கண் திறந்தவுடனே, அது போன்ற குறைகள் நம்மிடம் உள்ளதா எனப்பார்ப்பதும் முதல் மாற்றமாகும்.

பிரச்சனைகள்:
பிரச்சனை இல்லாமல் ஒருவருமே இல்லை; அவரவர் தகுதிக்கேற்ப பலவிதமான பிரச்சனைகளுடன் வாழ்ந்து கொண்டிருக்கிறோம். இப்பிரச்சனைகளை இனம்கண்டு கொண்டால் வெற்றி நிச்சயம். எப்படி?
இரண்டு வகையாகப் பிரிப்பதன் மூலம்.
முதல் வகை:
நமது கட்டுப்பாட்டுக்கு அப்பாற்பட்டவை.
(உ.ம்) சிங்களர் – தமிழர் பிரச்சனை; காஷ்மீர் பிரச்சனை; கல்வி கட்டண உயர்வு பிரச்சனை; நதிகள் இணைப்பு பிரச்சனை போன்றவை.
இரண்டாம் வகை:
நம் கட்டுப்பாட்டில் உள்ளவை.
(உ.ம்) தலைவி, குடும்பத்தில் உறுப்பினர்களுடன் சண்டை, படித்து அதிக மதிப்பெண் பெறுவது. குழந்தை வளர்ப்பு போன்றவை.
மக்கள் வகை மூன்று :
நம்முடன் வாழும் மக்களை மூன்று வகையாகப் பிரிக்கலாம்.
1. பிரச்சனைகளுடன் வாழ்பவர்கள்
2. பிரச்சனைகளை உண்டாக்குபவர்கள்
3. பிரச்சனைகளைத் தீர்ப்பவர்கள்
இந்த மூன்றில் நீங்கள் எந்த நிலையில் குடும்பத்தில் மற்றவர்கள் எந்த நிலையில் உள்ளார்கள் என்று கண்டு பிடியுங்கள்.
பெரும்பாலும் பிரச்சனைகளை உண்டாக்காமலிருப்பது. பிறகு பிரச்சனைகளை ஏற்றுக் கொள்வது. இறுதியில் அவைகளைத் தீர்ப்பது என்பது வெற்றி தரும் செயல்களாகும்.
செய்யக்கூடாதவை :
வெற்றி பெறுவதற்கு சிலவற்றை மறந்தும் செய்து விடக்கூடாது. அவற்றில் முதலில் வருவது.
1. கோபத்தில் முடிவெடுப்பது
2. மகிழ்ச்சியாக இருக்கும்போது வாக்களிப்பது (PROMISE)
பொதுவான இடமாற்றம்
நமது வாழ்க்கையில் நாம் எல்லோருமே ஏதாவதொரு இலக்கை நோக்கி செயல்பட்டுக் கொண்டிருக்கிறோம். பெரும்பாலான நேரங்களில் ஏதாவதொரு காரணத்தால் ஏதோ செய்து விடுவோம். இது செயல். (ACTION)
அதன் விளைவுகள் நாம் எதிர்பார்த்தற்கு மாறாகவோ, வேறு விதமாகவோ, வரலாம். அப்போது நினைத்துப்பார்போம். “அடடா ! அப்பவும் மனதுக்குள் சிறு சந்தேகம் வந்தது. அதைக் கண்டு கொள்ளாமல் செய்தால் முடிவு வேறு மாதிரியாகி விட்டது.” என நினைப்போம். இது சிந்தனை (THINK)
முடிவில் இந்த அனுபவத்தை அடிப்படையாகக் கொண்டு, இனிமேல் எந்தக்காரியம் செய்தாலும் சரியாகத் திட்டமிட்டே செயல்பட வேண்டும் என்ற முடிவுக்கு வருவோம். இது திட்டமிடல் (PLAN)
இப்போது நமது வழி (ACTION, THINK, PLAN)

 

No comments

Be the first one to leave a comment.

Post a Comment


 

 


October 2010

கிராமம் என முடங்காதே சிகரம் உண்டு மறக்காதே!!
சாதிப்பதற்கு வயது ஒரு தடையல்ல
வரி சில வரிகளில்
உடலினை உறுதி செய்
விதை
தன் வினை தன்னை சுடும்
பயத்திற்கு குட்பை
ஊழலையும் லஞ்சத்தையும் ஒழிக்க ஆலோசனைகள்
கதையும் கருத்தும்
உனக்குள்ளே உலகம்-5
கோபத்தை அகற்றுங்கள்
ஜெயித்தவர்களிடம் அப்படி என்னதான் இருக்கிறது?
சாதனை வாழ்விற்கான சந்தோஷ வழிமுறைகள் 50
இடத்தை மாற்று வெற்றி நிச்சயம்
சோம்பலை சாம்பலாக்கி வெற்றி பெறு!
வெற்றி விலாஸ்
உங்கள் வாழ்க்கை உங்கள் கையில்
வல்லமை தாரோயோ
உள்ளத்தோடு உள்ளம்