கேட்டதுண்டா நீங்கள்?
‘மோனார்க்’ வண்ணத்துப் பூச்சி
பறக்குமாம் 2,000 மைல்கள் அசராது…!
கண்டதுண்டா நீங்கள்?
இமயமலை மேலே….
‘பார்தலைகீஸ்’ பறவை
பறக்குமாம் தன்னை மேலுயர்த்தி….
பார்த்ததுண்டா நீங்கள்?
‘ஆலிவ்ரெட்லி’ ஆமைகள்
ஓரிசா கடற்கரையில் முட்டையிட, வருமாம்
4,000 மைல்கள் கடலில் நீந்தி…
ஹிலாரியும், டென்சிங்கும்
எவரெஸ்டைத் தொட நினைத்தார்கள், முடித்தார்கள்
29,000 அடி உயரம் அவர்கள் காலடியில்….
தீயில் கருகினாலும், இதோ நிமிர்ந்து
மீண்டும் வானைத்தொட மூங்கில்களின் வளர்ச்சி
நினைவுகொள்! நீ மனது வைத்தால்
தூரமும், உயரமும் ஒரு பொருட்டே அல்ல…
வரலாற்று ஏடுகளில்
உன் பெயர் செதுக்க…!
– வெ. கணேசன், முதல்வர்,
சச்சிதானந்தா ஜோதி நிகேதன் மெட்ரிக் பள்ளி, கல்லார்