Home » Articles » இலட்சிய தீயே நீ!

 
இலட்சிய தீயே நீ!


நிலா
Author:

இலட்சியப் பார்வை
உன் மனதில்
பற்றவைக்க காத்திருக்கும்
சகோதரனே!!
நீ விழித்தெழும் நேரமே
வெற்றியின் இந்திரவிழா
உன் எழுச்சியின் குறியீடுகள்
உலக வளர்ச்சியின் முகவரிகள்!
எழுந்திடு
இலட்சிய நெருப்பை
இதயத்தில் பற்றவை!
இலட்சிய விதையை
மனமென்றநிலத்திலூன்று!
சவால் நீரையூற்று
சாதனை மணம்
சந்தனத் தென்றலாய் வருடும்!
துணிவுடன் இறங்காமல்
முன்னேற்றம் நீச்சலை
கற்க முடியவில்லை என
ஏன் புலம்புகிறாய்? விம்முகிறாய்?
உனது லட்சியம் என்ன?
சிந்தனைக் குதிரையை விரட்டு
தெளிவு ஒளியில்
இலட்சிய க(வி)தையை
இதயக் கல்வெட்டில் பதித்திடு!
இலட்சிய கலங்கரை விளக்கு
இமைகளின் தூரமே
ஒவ்வொரு நொடிப்பொழுதும்
உச்சரித்துக் கொண்டேயிரு!
– கவிநிலா அருணா,
ஜல்லிபட்டி.

 

No comments

Be the first one to leave a comment.

Post a Comment