Home » Articles » ஊனமுற்றோர் வாழ்வின் முன்னேற்றப்பாதையில்

 
ஊனமுற்றோர் வாழ்வின் முன்னேற்றப்பாதையில்


admin
Author:

கரூர் மாவட்டத்தில் உடல் ஊனமுற்றோர்க்கான உதவிகள் அனைத்தும் அவர்களது நலனை கருத்தில் கொண்டு சமூக பொருளாதார, மருத்துவ, மறுவாழ்வு மற்றும் கல்வி ரீதியாக திட்டமிடப்பட்டு பணிகள் மேற்கொள்ளப்பட்டு வருகின்றன.

கரூர் மாவட்டத்தில் சென்ற ஆண்டு அலிம்கோ தொண்டு நிறுவனத்தின் மூலம் 173 நபர்களுக்கு உதவி உபகரணங்களும், கும்பகோண் தூய இருதய ஆண்டவர் மருத்துவமனை மூலம் 20 நபர்களுக்கு காதொலிக்கருவிகளும, திருச்சி பல்நோக்கு சமூக சேவை மையம் மூலம் 85 நபர்களுக்கு உதவி உபகரணங்களும, கரூர் மாவட்ட ஊனமுற்றோர் அறக்கட்டளையின் மூலம் 52 நபர்களுக்கு உதவி உபகரணங்ளும், சென்னையில் உள்ள ஒன்றுக்கு மேற்பட்ட ஊனமுற்றோர்க்கான மேம்பாட்டு நிறுவனம் மூலமும் உதவி உபகரணங்களும் வழங்கப்பட்டுள்ளன.

இதன் மூலம் இவர்கள் தங்களது குறைபாட்டிலிருந்து வெளிவந்து சமூக ரீதியாக அந்தஸ்தை பெற உதவி உள்ளது.

கரூர் மாவட்ட ஆட்சித்தலைவர் அவர்களின் துயர் துடைப்பு நாள் கூட்டத்தில், ஊனமுற்றவர்களுக்கென தனி இருக்கை வசதி ஏற்பாடு செய்து கொடுக்கப்பட்டுள்ளது.

சென்னை மீனாட்சி மருத்துவமனை மூலம் 7 நபர்களுக்கும், மதுரை மீனாட்சி மருத்துவமனை மூலம் 30 நபர்களுக்கும் உதடு பிளவு மற்றும் மேலன்ன பிளவு அறுவை சிகிச்சை மேற்கொள்ளப்பட்டு நல்ல நிலையில் உள்ளனர்.

கரூர் மாவட்டத்தில் தாட்கோ அலுவலகம் மூலமாக மாவட்ட ஆட்சியர் அவர்களின் விருப்புரிமை நிதியிலிருந்து 74 ஊனமுற்ற நபர்களுக்கு ரூ. 7, 40,000-ம் இவ்வாண்டு 28 நபர்களுக்கு 2,80,000-ம் வழங்கப்பட்டுள்ளது.

SGSY திட்டத்தின் கீழ் தனியார் ஊனமுற்றோர்க்கான மான்ய கடனாக 24 நபர்களுக்கு ரூ. 2,37,250 -ம் இவ்வாண்டு 105 நபர்களுக்கு ரூ. 10,42,500-ம் வழங்கப்பட்டுள்ளது.

NHFDC திட்டத்தின் கீழ் 98 நபர்களுக்கு ரூ. 37,37,000-ம் பரிந்துரை செய்யப்பட்டு, தற்பொழுது ரூ 8,27,200-ம் வழங்க ஆவண செய்யப்பட்டுள்ளது.

கரூர் மாவட்ட கல்வி துறையிலும், சென்ற ஆண்டு 2 ஊனமுற்ற மாணவர்கள் மாநில அளவில் மதிப்பெணகள் பெற்றுள்ளனர். இம்மாவட்டத்தில் உள்ள அன்பாலயம் சிறப்புப் பள்ளியில் பயிலும் மாரியாயி என்ற பார்வையற்ற மாணவிக்கு மாநில அளவில் அதிக மதிப்பெண்ள் பெற்றதற்கு தேசிய விருது வழங்கப்பட்டுள்ளது. ஊனமுற்ற மக்களிடையே, திட்டங்கள் பற்றிய விழிப்புணர்வை ஏற்படுத்திட, ஒவ்வொரு முகாமிலும் திட்டங்கள் பற்றிய விபரங்கள் விளம்பரப்படுத்தப்பட்டு, துண்டு பிரசுரங்கள் விநியோகிக்கப்படுகின்றன.

மனவளர்ச்சி குன்றிய குழந்தைகளின் பெற்றோர்களுக்கு, கூட்டமைப்பு ஏற்படுத்தி, அவர்கள் குழந்தைகளை பராமரிக்க வேண்டிய நிலை குறித்தும் பயிற்சி பற்றியும் அறிவுரை வழங்கப்பட்டுள்ளது.

உடல் ஊனமுற்ற நபர்களுக்கு பணிபுரியும் நபர்களிடையே புத்துணர்ச்சியை ஏற்படுத்தும் பொருட்டு, புத்தாக்கப் பயிற்சியும் அவ்வப்போது நடத்தப்பட்டு வருகிறது. தொழுநோயால் பாதிக்கப்பட்டு குணமடைந்தோர்க்கு மறுவாழ்வுப் பணிகள் செய்திட முகாம்கள் நடத்தப்பட்டது. 32 நபர்களுக்கு சிறப்பு காலணிகள் வழங்கப்பட்டுள்ளது. ஆரம்ப நிலையில் ஊனத்தை கண்டறிந்து, ஊனத்தை தவிர்த்திட நடவடிக்கைகள் மேற்கொள்ளப்பட்டு வருகின்றன.

மனநோயால் பாதிக்கப்பட்ட நபர்களுக்கு சௌமான்சியா மருத்துவமனை மூலம், ஒவ்வொரு மாதமும் நான்காம் சனிக்கிழமை மனநல மருத்துவரைக் கொண்டு, பரிசோதனை செய்யப்பட்டு, மருந்துகள் வழங்கப்பட்டு வருகின்றன. உடல் ஊனமுற்ற நபர்களுக்கு மன அளவில் சோர்ந்து போகாதிருக்கும் வகையில் உன்னால் முடியும் நிகழ்ச்சி அவர்களாலேயே அவர்களுக்காக வழங்கப்பட்டுள்ளது.

அனைவருக்கும் கல்வித்திட்டத்தின் கீழ் எட்டு ஊராட்சி ஒன்றியங்களில் முகாம்கள் நடத்தப்பட்டு 741 நபர்கள் கண்டறியப்பட்டு 112 நபர்களுக்கு வழங்கப்படவுள்ளது.

கடும் ஊனமுற்ற நபர்களுக்கு அதாவது மனவளர்ச்சி குன்றிய நபர்களில் 452 நபர்களுக்கு மாதம் ரூ.500/- சிறப்பு திட்டமாக செப்டம்பர் 07 முதல் வழங்கப்பட்டு வருகிறது.

இதுவரை இம்மாவட்டத்தில் 6776 நபர்களுக்கு தேசிய அடையாள அட்டை வழங்கப்பட்டுள்ளது. இப்பணிகள் யாவும், உடல் ஊனமுற்றோர், கண்பார்வையற்றோர், மனவளர்ச்சி குன்றியோர், காதுகேளாதோர் ஆகியோருக்கு சிறப்பாக செய்தமைக்காக மத்திய அரசின் தேசிய விருது கரூர் மாவட்டத்திறகு வழங்கப்பட்டுள்ளது.

இந்திய அரசின் சமூக நீதி மற்றும் அதிகாரம் வழங்களுக்கான அமைச்சகம, கரூர் மாவட்டத்தில் உடல் ஊனமுற்றோர், கண்பார்வையற்றோர், மனவளர்ச்சி குன்றியோர், காது கேளாதோர்களுக்கு வருவாய்த்துறை, வளர்ச்சித்துறை, கல்வித்துறை, மருத்துவத்துறை மற்றும் இதர துறைகளில் உள்ள மத்திய, மாநில அரசு திட்டங்களை ஒருசேர கொண்டு சென்றமைக்காக ஊனமுற்றோர் திறன் மேம்பாட்டில் இந்தியாவிலேயே தமிழகத்தில் கரூர் மாவட்டம் தேர்வு செய்யப்பட்டுள்ளது.

கரூர் மாவட்டத்திற்கான விருதினை, கரூர் மாவட்ட ஆட்சித்தலைவர் திரு. தி.ந. வெங்கடேஷ் அவர்கள் மேதகு இந்திய குடியரசுத்தலைவர் பிரதீபாபாட்டீல் அவர்களது பொற்கரத்தால் டெல்லியில் பெற்றார்.

எடுத்துக்கொண்ட காரியத்தில் திறமை முழுவதையும் பயன்படுத்தி மிகச் சிறப்பாகச் செய்து காட்டுவதில் குறிப்பாக இருக்கக்கூடிய கரூர் மாவட்ட ஆட்சித்தலைவர் மற்றும் பல்வேறு துறை அதிகாரிகள், தன்னார்வத் தொண்டு நிறுவனர்கள், அன்பர்கள் என அனைவரையும் “தன்னம்பிக்கை” இந்நேரத்தில் வாழத்தி மகிழ்கிறது.


Share
 

No comments

Be the first one to leave a comment.

Post a Comment


 

 


January 2008

மேலே மேலே…..
வேண்டும் வேண்டும் அறிவியல் மனப்பான்மை அவசியம் வேண்டும்!
வேரில் பழுத்த பலா
திறந்த உள்ளம்
சக்ஸஸ் உங்கள் சாய்ஸ்
சுதந்திர சிந்தனை
2008ல்….
மகிழ்ந்து குலாவிய மாமனிதர்
தேர்வு அரங்கில் நீங்கள்
ஊனமுற்றோர் வாழ்வின் முன்னேற்றப்பாதையில்
தன்னாளுமை என்னும் மண்ணாளும் தத்துவம்
உள்ளத்தோடு உள்ளம்
இது வேண்டாம் இது வேண்டும்
வணக்கம்… புத்தாண்டு நல்வாழ்த்துக்கள்….!
கேள்வி – பதில்
எல்லாமுமே முடியும்
உடல் நலம் பேணுவோம்
மனித தோற்றத்தை விளக்கும்
விவேகானந்தர் சிந்தனை
சிந்தனைத்துளி
திருப்பம் வெற்றியின் விருப்பம்
புற்று நோயைக் குணப்படுத்த வல்ல
இதயம் சொல்லும் நன்றி!
தேசிய இளைஞர் தின சிந்தனைகள்
தன்னார்வத் தொண்டாற்ற தமிழர் திருநாளில் சூளுரைப்போம்!
தியானிப்போம்! அதிகரிப்போம் தன்னம்பிக்கையை!
சாதிப்புகளே சந்திப்புகளாகட்டும்