Home » Articles » தேர்வுக்கு தாயாரதல் II

 
தேர்வுக்கு தாயாரதல் II


இரத்தினசாமி ஆ
Author:

தேர்வுகள் இனி தேர்ச்சிகளே தொடர்..

சென்ற இதழில் தேர்வுகளுக்கு தயாராதல் Iல் அதிகாலை எழுந்து படிப்போருக்கு மாதிரி கால அட்டவணை தரப்பட்டது. இரவு 12 மணி வரை படித்துவிட்டு காலை 6 அல்லது 7 மணிக்கு எழுவோர்கள் அதற்கேற்ப கால அட்டவணையை மாற்றி அமைக்கவும், கல்லூரி மாணவர்கள் ஒரே பாட திட்டத்தில், உதாரணமாக இயற்பியல் முதன்மைபாடம், இருந்தாலும் வெவ்வேறு வகை தேர்வுத்தாள்கள் இருக்கும். அதற்கேற்ப ஒரு நாளில் குறைந்தது 3 தாள்கள் பாடத்திட்டம் படிப்பிற்கு கால அட்டவணை உருவாக்க வேண்டும்.

முழுமையான திருப்புதல் – மறு திருப்புதல்

ஒரு பாட புத்தகத்தை (Prescribed Text) முதல் பக்கத்திலிருந்து கடைசி பக்கம் வரை வரி வரியாக படிப்பதே முழுமையாக படித்தல் என்பது. நூற்றுக்கு நூறு மதிப்பெண்கள் எடுக்க நினைக்கின்றவர்கள் எதையும் ஒதுக்கி படிக்கக் கூடாது. Objective type section – A வினாக்களுக்கு எளிதில் விடையளிக்க முழுமையான திருப்புதலே உதவும்.

மேலும் ஒரு மாதத்திற்கான படிப்பு கால அட்டவணை தயாரிக்கும்போது மூன்று திருப்புதலுக்கு (ஒவ்வொரு தேர்வுத் தாளுக்கும் ) கால அவகாசம் தரும்படி இருக்க வேண்டும். முதல் திருப்புதல் – முழுமையான திருப்புதலுக்கு 20 மணி நேர கால அவகாசம் தேவையெனில் இரண்டாம் திருப்புதலுக்கு 10 மணி நேரம் இருந்தால் போதுமானது. இரண்டாம் மூன்றாம் திருப்புதல் மற்றும் விரைவு திருப்புதலுக்கு (Quick Revision) நினைவு வரைபடம் (Memory Maps) மிகவும் பயனுள்ளதாக இருக்கும்.

திருப்புதல் அதிகமாக அதிகமாக நிரந்தர நினைவாற்றல் அதிகமாகும். பதிலைப் பெறும் ஆற்றல் (Paver of Recalling) அதிகரிக்கும். புத்தகத்தை ஒரே ஒரு முறை மட்டும் படித்துவிட்டு தேர்வு எழுதுகிறவர்களைக் காட்டிலும் அதிக முறை திருப்புதல் செய்தவர்கள் பெறும் மதிப்பெணகள் மிகவும் அதிகமாக இருக்கும்.

பிறருக்கு விளக்குங்கள்

நாமே படித்து தெரிந்து, தெளிந்து கொள்வதை விட நாம் படித்ததை நமது நண்பர்களுக்கு விளக்கி (வகுப்பு எடுப்பது போல எடுத்துச் சொல்வது, கலந்துரையாடுவது தேர்வை சிறப்பாக எழுத உதவும்.

இரண்டு நாட்களுக்கு ஒரு முறை, உங்கள் நலனில் அக்கறைகொண்ட உங்களின் சிறந்த நண்பர்ளை ஒரு குறிப்பிட்ட நேரத்தில் சந்தித்து கலந்துரையாடுங்கள். அத்தகைய உங்கள் நண்பர்கள் உங்களை ஊக்கப்படுத்துபவர்களாகவும், நன்கு படிப்பவர்களாகவும், நற்குணங்கள் கொண்டவர்களாகவும் இருப்பது மிகவும் அவசியம்.

மூன்று ஆண்டுகளுக்கான வினாத்தாள்களிலிருந்து முக்கியமான கேள்விகளைத் தேர்ந்தெடுத்து உங்களுக்கு நீங்களே தேர்வு வைத்துக்கொள்ளுங்கள். எழுதிப் பாருங்கள். திருத்துங்கள். எங்கே பிழைகள் வருகின்றன என்பதை தெரிந்து கொண்டு அவைகள் மீண்டும் வராமல் இருக்க வேண்டிய நடவடிக்கைகளை மேற்கொள்ளுங்கள்.

வினாத்தாள் யாரை மனதில் வைத்து தயாரிக்கப்படுகிறது?

சாதாரணமாகப் படிக்கின்ற ஒரு சராசரி மாணவன் முதல் வகுப்பில் தேர்ச்சி பெறும் அளவிற்கு (60%) வினாத்தாள் இருக்கும். எதிர்பாரா வினாக்கள், இதுவரை கேட்டிராத வினாக்கள் என்று எப்போதாவது 10% அளவிற்கு வேண்டுமானால் வரலாம். எனவே நன்கு படிக்கின்ற மாணவன் மிக எளிதாக 90% வாங்கும் அளவிற்கு கேள்வித்தாள் அமைவது தான் இயற்கை.

எனவே படிப்பதற்கென்று திட்டங்கள் வகுத்து, நன்கு படித்து எழுதிப் பார்த்து, நினைவு வரைபடம் பார்த்து பழகி, சீராக, செம்மையாக வெற்றிப் படிகட்டுகளில் ஏறுகின்றவர்கள் உறுதியாக 98% லிருந்து 100% வரை வாங்க முடியும். அதற்கான மன உறுதி, உழைப்பு அவர்களிடம் மிகுந்துள்ளது.

தேர்வுக்கு ஒரு வாரமே உள்ள வேளையில்

தேர்வுகள் நெருங்க, நெருங்க தன்னம்பிக்கை மிக வேண்டும். மன அமைதி பெற வேண்டும்.

தினசரி காலை, மாலை 15 நிமிட ஆசனப் பயிற்சிகள், மூச்சுப் பயிற்சிகள், தியானப் பயிற்சிகள் தொடர வேண்டும். ஆவலோடு தேர்வுகளை எதிர்கொள்ள வேண்டும். இரண்டாவது மூன்றாவது திருப்புதல்கள் தொடர வேண்டும். மன அழுத்தம், மன இறுக்கம் இவைகளுக்கு எந்தவித இடமும் கொடுக்கக்கூடாது. ஏதேனும் வீட்டுப் பிரச்சனைகள் இருந்தாலும் அவைகளுக்கு இடம் தரக் கூடாது. 6 மணி நேர உறக்கம் இப்போதும் அவசியம்.

புதிதாக எதையும் படிக்கக்கூடாது. படித்ததனை திருப்புதல் செய்ய மட்டுமே நேரத்தைப் பயன்படுத்த வேண்டும்.

‘என்னால் முடியும்’ என்ற எண்ணம் மேலோங்க வேண்டும்.

‘எதிர்கால கற்பனை உருவம், தொழில் மனத்திரையில் வந்து வந்து செல்ல வேண்டும்.

‘நான் சக்தி மிக்கவன், நான் தன்னம்பிக்கை மிக்கவன், நான் ஆர்வம் மிக்கவன், நான் நினைவாற்றல் மிக்கவன், நான் அறிவாற்றல் மிக்கவன்,

ஒவ்வொரு நாளும், ஒவ்வொரு வகையிலும் நான் முன்னேறிக் கொண்டே இருக்கிறேன்’ போன்ற நேர்மறை எண்ணங்களால் உங்கள் மனது நிரப்பப்பட்டிருக்க வேண்டும்.

‘நான் தேர்வுகளை ஆவலோடு எதிர்நோக்குகிறேன்.

நான்தேர்வுகளை சிறப்பாக எழுதுவேன்.

நான் தேர்வுகளில் சிறந்த மதிப்பெண்களைப் பெறுவேன்’

போன்ற எழுச்சி எண்ணங்கள் மேலோங்கித் தழைக்க வேண்டும்.

விரிந்து , திசை மாறிப்போகும் எண்ணங்களை படிப்பின் மீது குவியச் செய்ய வேண்டும்.

மிகச்சிறப்பாக மதிப்பெண்கள் பெற்று தரும் தேர்வுகளைச் சார்ந்தே அடி மன நெருப்பு, மேல் நோக்கிய ஒளிச் சுடரைச் செலுத்த வேண்டும்.

‘எதிர்கால இலட்சியம், திட்டம், கனவுகள் போன்றவைகளே அந்நெருப்பிற்கு சக்தியூட்டும் எரிபொருட்கள்.

படிக்கும் அறை, படுக்கும் அறை இவைகளில் உங்கள் கண்களில் படும் படியான மேற்காணும் ஆழ்மனக் கட்டளைகள் தாங்கிய அட்டைகள், உங்களை வழிநடத்தும் உங்கள் இலட்சிய மனிதரின் (Anchor) படம், உங்கள் பெற்றோரின் படம் இருக்கவேண்டும். உங்கள் கனவுகள் நனவாகும் நேரம் நெருங்கிக் கொண்டுள்ளது. தேர்வுகள் எழுதும்போது நீங்கள் மேற்கொள்ள வேண்டியவைகள் யாவை?

(அடுத்த இதழில் பார்ப்போம்)


Share
 

No comments

Be the first one to leave a comment.

Post a Comment


 

 


December 2007

30,000 தொழிலாளர்களுக்கு வேலைவாய்ப்பு வழங்கும் நேதாஜி ஆயத்த ஆடை பூங்கா உருவான வரலாறு
அதிக மரணத்தை உண்டாக்குவது எது? அதிர்ச்சி! உண்மை!!
தேர்வுக்கு தாயாரதல் II
மரங்கள் நடுவோம்! அது நம் சமுதாயக் கடமை!!
ஈடுபாடு
சிந்தனைத் துளி
விழுவது எழுவதற்கே!
சக்ஸஸ் உங்கள் சாய்ஸ்
நாம் மனிதர்களாக வாழ்வோம்
உயிரியல் தொழில்நுட்பம் (Biotechnology)
பிடல் காஸ்ட்ரோ
மதிக்கும் நேசம்
அகற்றுவோம் அடிமைத்தனத்தை! அதிகரிப்போம் தன்னம்பிக்கையை!
உண்மையை அறிய உதவும் ‘தகவல் உரிமைச் சட்டம்’
உண்மையை அறிய உதவும் 'தகவல் உரிமைச் சட்டம்'
கேள்வி பதில்
அரிய செயல்
மனிதன் எவ்வாறு தோன்றினான்? – டார்வின் பார்வையில் ஆதாரங்கள்
எங்கே நிம்மதி
இதுதான் வாழ்க்கை
உள்ளத்தோடு உள்ளம்
உயர்வுக்கு அடித்தளம் உழைப்பு
மனம் மருந்து மனிதநேயம்
குளிர்காலத்தில் தோல் பாதிப்பு
வேரில் பழுத்த பலா
முதல் சந்திப்பு