Home » Articles » பொதுவாச் சொல்றேன் புருஷோத்தமன்

 
பொதுவாச் சொல்றேன் புருஷோத்தமன்


புருஷோத்தமன்
Author:

”ஜனநாயகம்” அப்படீங்கற வார்த்தைக்கு இருக்கற அர்த்தத்தை யோசிச்சுப் பாருங்க. ” ஜனங்களே நாயகம்” அதாவது மக்களே தலைவர்கள்.

முடியாட்சி காலத்துலே ஒரு மன்னர் இருப்பார் – குடியாட்சி காலத்தில் மக்கள் எல்லாமே மன்னர். அதைத்தான் ” எல்லோரும் இந்நாட்டு மன்னர்” அப்படீன்னு சொல்றாங்க. ஆனா நடைமுறையிலே என நடக்குது?

நான் பொதுவாச் சொல்றேன், குடியாட்சி மன்னர் வர்ற பாதை சரியாக இருக்கணும், குப்பைகளைக் கூட்டணும், விளக்கு எரியணும்னு வேலை செய்யறது குறைஞ்சிருக்கு – ஆனா, மக்களுக்கு வேலை செய்வதற்காக பொறுப்புக்கு வர்றவங்க, அந்தப் பக்கமாவர்றாங்கன்னா தடபுடலா வரவேற்கிறாங்க. இரவோடு இரவா சாலை போடறாங்க! தெருவிளக்கு பளிச்னு எரியுது.

நான் பொதுவாச் சொல்கிறேன், ஜனங்களை முன்னிலைப் படுத்தாதவரைக்கும், இதை ‘ ஜனநாயகம்’ னு எப்படிச் சொல்ல முடியும்?

அதனாலதான், சமீபத்தில் ஆந்திரா போன ஜனாதிபதி அப்துல்கலாம், ஆந்திரா வெய்யிலை விட அதிகமா சூடாயிட்டாரு. ” 1200 பேர் செத்திருக்காங்க! அந்த அளவு வெய்யில் கொடுமையா இருக்கு. கம்யூட்டர் கொடுத்தாபோதுமா? காப்பாத்த வேணுமா” ன்னு கேட்டிருக்காரே.

மக்கள், மக்களை ஆட்சி பண்ண மக்களால் தேர்தெடுக்கப்பட்ட பிரதிநிதிகள், அந்தப் பிரதிநிதிகள் சேர்த்து அமைக்கிற ஆட்சி, அந்த ஆட்சியோட மேற்பார்வையிலே நிரவாகம். இதுதான் அடிப்படை அமைப்பு. ஆனா என்ன ஆனா என்ன நடந்தது?

” மக்கள்” அப்படீங்கற ஆரம்ப முனையை விட்டு, மக்கள் பிரதிநிதிகள், அரசு, நிர்வாகம், அனைத்துமே ரொம்ப நகர்ந்து போச்சு, நான் பொதுவாச் சொல்றேன், ” அரசியல்லே இதெல்லாம் சகஜம்” னு விட்டுடுவதாலேயே நம்ம சகஜ வாழ்க்கையே பாதிக்கப்பட்டிருக்கு.

யோசிச்சுப் பார்த்தா, மூணு முக்கிய இடைவெளிகள் இப்ப ஏற்பட்டிருக்கு, மக்களுக்கும் மக்கள் பிரதிநிதிகளுக்கும். நடுவில இருக்கிற இடைவெளி – மக்களுக்கும் அரசாங்கத்திற்கும் நடுவிலே இருக்கிற இடை வெளி மக்களுக்கும் நிர்வாக எந்திரத் துக்கும் நடுவில இருக்கிற இடைவெளி.

நான் பொதுவாச் சொல்றேன், நடக்கறது மக்களாட்சி, இதில் மக்கள்தான் முக்கியம்னு, அந்த மூன்று சக்திகளுக்கும் நினைவுபடுத்த மனித உரிமைகள் ஆணையம், இன்னும் வலிமையான அமைப்பா வளரணும். இன்னும் விரிவா உருவாகணும். அதுபற்றிய விழிப்புணர்வை மக்கள் மத்தியிலே ஏற்படுத்தனும்.

மக்கள் சார்பா இயங்கற மக்கள் பிரதிநிதிகள் மேலே நம்பிக்கை குறையறபோது, இதுமாதிரி சட்டப்பூர்வான அமைப்புகளால தான் நல்லது பண்ண முடியும்.

நான் பொதுவாச் சொல்கிறேன், ” நுகர்வோர் விழிப்புணர்வு ” வளர்ந்திருக்கு. அதுபோதாது. ” குடிமக்கள் விழிப்புணர்வு” கொடிகட்டிப் பறக்கணும். அதுதாங்க உண்மையான ஜனநாயகம்.

மக்களை உயர்த்தும் விழிப்புணர்வு மட்டும்!
உரிமைகள் காக்க உணர்ந்திடு சட்டம்.

 

No comments

Be the first one to leave a comment.

Post a Comment


 

 


July 2003

செயல்களைத் திரும்பிப் பாருங்கள்
HEALTH CORNER
ஈரோட்டில் ” சுதந்திரச் சுடர்கள்”
ஈரோட்டில் '' சுதந்திரச் சுடர்கள்''
மாணவர் பக்கம் பெற்றோர்
வெற்றிப் படிகள்
சிந்தனைத்துளி
உறவுகள்… உணர்வுகள் …
நோயின்றி வாழ்வது சுலபம்
சிந்தனைத்துளி
படிப்போம்! படிக்கவைப்போம்!!
கோவை தன்னம்பிக்கைப் பயிலரங்கம்
சிறந்த நண்பர்கள் வெற்றி தூண்கள்
பயிலரங்கம் கனவா? நனவா?
வெற்றிக்கு வழிகாட்டும் வெற்றியாளர்
தாத்தா சொன்ன தன்னம்பிக்கை கதை
வேர்கள் உள்ளவரை
எங்கும் வெற்றி எதிலும் வெற்றி
ஒரு முக்கிய அறிவிப்பு
பகிர்ந்து தருதல் பெரும் பேரின்பம்
இதோ! வெற்றிக்கு ஓர் முன் உதாரணம்
வாழ்க்கை ரொம்ப சுலபமுங்க
பொதுவாச் சொல்றேன் புருஷோத்தமன்
வெற்றி முகம்
உள்ளத்தோடு உள்ளம்