Home » Articles » உற்சாக நீரூற்று

 
உற்சாக நீரூற்று


தயாநிதி
Author:

சோகம் மிஞ்சிய பாரத நாட்டின்
துக்கம் இன்றுடன் முடிகிறது
சோம்பித் திரிந்த சூரியன் கூட
சுகமாய் இன்று விடிகிறது.

விடியலை மறந்து துயிலில் கிடந்த
வீர இளைஞனே, விழி திறப்பாய்
வேண்டாம் தூக்கம் வேண்டாம் ஏக்கம்
வேண்டிய தெல்லாம் நீபடைப்பாய்

க்பனை விற்று கனவுகள் வாங்கி
கடமை மறந்தது போதுமடா
காரிய மாற்ற வீரிய மேற்று
களத்தில் இறங்கி புறப்படடா

கரைகள் காணாத் துயரில் மூழ்கி
கடலும் என்ன தூங்கியதா?
கால் ஓயாமல் நாளும் நடக்கும்
நதியும் என்ன ஏங்கியதா?

இறகு விரிக்கும் பறவைக் கூட்டம்
ஏங்கிக் கண்ணீர் வடிக்கின்றதா?
எல்லைகள் அற்ற விரிந்த வானம்
தூங்கிப் பொழுதை முடிக்கிறதா?

மூடிய உனது இமைகளன் மது
மடங்கிக் கிடப்பது எதிர்காலம்
முழுதும் அதனை உணார திருப்பது
முட்டாள் தனத்தின் பலவீனம்

இதுதான் செய்வேன் இதுதான் வேண்டும்
என்கிற எண்ணம் வேண்டாமே
எதுவும் செய்வேன் எல்லாம் செய்வேன்
என்றே நீயும் துணிவாயே

செய்தொழில் எதுவும் கேவலம் இல்லை
தெரிந்து நீயும் செயலாற்று
செய்யா தொழிலும் சோம்பல் ஒன்றே
கேவலம் என்று நீகாட்டு

முடியா தென்று இருக்கின் றாயே
முயன்றால் எதுவும் முடியாதா?
முடிக்க நினைத்து துடித்து எழுந்தால்
விடியாப் பொழுதும் விடியாதா?

நேர்மை நியாயம் சத்தியத் தோடு
நெஞ்சை உயர்த்திப் போராடு
நீதான் தலைவன் என்றே வாழ்த்தும்
நிலைத்து நிற்கும் வரலாறு

இந்திய நாட்டின் எழுச்சிப் புயலாய்
இருக்கும் எனது இளையவனே
ஏற்பாய் தலைமை எழுவாய் விரைவாய்
எல்லாம் உனது தோள்களிலே

இந்நாள் தொடங்குமுன் இனிய பணிகள்
எல்லா நாளும் தொடரட்டும்
இளையோர் கூட நிகழத்தும் செயலால்
இந்திய நாடும் வளரட்டும்

தயா நிதி, கோவை


Share
 

No comments

Be the first one to leave a comment.

Post a Comment


 

 


December 2001

நம்பிக்கையும் நானும்
மனசு விட்டுப் பேசுங்க!
வணக்கம் தலைவரே
மனித சக்தி மகத்தான சக்தி
ஆஸ்திரேலியாவில் சந்தித்த தன்னம்பிக்கை மிக்க தமிழ் இளைஞர்கள்
பெற்றோர் பக்கம்
பொதுவாச் சொல்றேன்
பார்க்க முடியாத போதும்.. படிப்பின் பலமே போதும்!
உள்ளத்தோடு உள்ளம்
சிரிப்போம் சிறப்போம்
வெற்றியின் மனமே
வாசகர் கடிதம்
உன் வாழ்வு மலரும்!
வாடிக்கையாளரே மன்னர்
உறவுகள் உணர்வுகள்…
உற்சாக நீரூற்று
நல்ல நண்பன் வாழ்வின் துணைவன்
நிறுவனர் பக்கம்
தொழில் முனைவோர்க்குத் தேவையான குணநலன்கள்