Home » Articles » பெற்றோர் பக்கம்

 
பெற்றோர் பக்கம்


admin
Author:

பேசுவதும் பேசக்கூடாததும்

மகாபாரத்த்தில் குருசேத்திர போரில் ஒரு முக்கிய கட்டம்.

பாண்டவர்களுக்குத் துணையாக கண்ணபிரான் இருந்தபோதும் துரோணரை வெல்ல முடியாமால் திணறினார்கள்.

என்ன செய்யவதென்றுபுரியாத அனைவரும் கண்ணபிரானிடம் யோசனை கேட்டனர்.

“துரோணரை வெல்லனுமென்றால் சாதாரணமல்ல. அவருடைய மகன் அஸ்வத்தமா மீது அளவற்ற பிரியம் உள்ளதால்அ வன் இறந்த விட்டான் என்ற செய்தியைச்சொன்னால் மனம் கலங்கி தவிப்பார். அப்போது அவர்மீது அம்பை விட்டு வெல்ல்லாம்” என்றார் கண்ணபிரான்.

ஆனால், அந்த வார்த்தையை யார்சொன்னால்மு நம்ப மாட்டார். பொய்யே சொல்லாத தர்மர், அவர் வாயாலே அஸ்வத்தமா இறந்துட்டான்னு சொன்னால் நம்பிவிடுவார் என்றார்.

ஆனால், தர்ம்மோ அதை முற்றிலும் மறுத்தார். நான் செத்தாலும் சரி பொய்யே சொல்ல மாட்டேன் என்றார்.

கண்ணபிரான் வேறு வழியில்லாமல் அஸ்த்தாமா என்ற பெயருடைய யானையை கொன்று, “சரி, அஸ்த்தாமா இற்நுட்டான்னு சொல்லு” என்றார்.

அதற்கும் தர்மர் அஸ்வத்தாமாங்கற ஆனை இறந்துட்டான்னுதான் சொல்வேன்”னு சொன்னார்.

கண்ணபிரான் “சரி இறந்துட்டான் அஸ்வத்தாமா என்ற யானைன்னு சொல்ல வைத்து, யனைங்கற வார்த்தையை கடைசியா சொல்ல வைத்தார்.

அப்படியே தர்மரும் சொல்ல கண்ணபிரான் “இறந்துட்டான் அஸ்வத்தாமா” என்று சொல்லம்போதே சங்கை ஊதினார். தர்மர் சொன்ன “என்ற யானை”ங்கிற சத்தம் துரோணர் காதில் விழவில்லை. மகன் அஸ்த்தாமாதான் இறந்து விட்டான் என நினைத்துமனங்கலங்கினார். அர்ச்சசுன்ன் குறிபார்த்து அவரை வீழ்த்தினான். பாண்டவரின் வெற்றி தொடங்கியது.

பாண்டவரின் வெற்றிக்கும், பேசுவதில் கூட எப்படித் திறமையாகச் செய்ய வேண்டும் என்பதை சொல்ல கண்ணபிரான் இருந்தார்.

அதைப்போல பிள்ளைகளைப் பெற்றோர், அவர்களின் வெற்றிக்கு எப்படிப் பேச வேண்டும் என்ற அடிபடையை நன்கு அறிய வேண்டும்.

பெற்றோர்கள், பிள்ளைகளிடம் எப்படிப் பேச வேண்டும்? எப்படிப் பேசக்கூடாது என்பதை பார்ப்போம்.

எப்போதும் அன்பான வார்த்தைகளைப் பேச வேண்டும். அன்பும், பாசமும் நிறைந்த சொற்களே எப்போதும் வேண்டும். இகழ்ச்சியாகப் பேசுதல், தாழ்வாகப் பேசுதல் கூடாது.

குடும்பத்தினர் கூடியிருக்கும் போது எல்லோருக்கும் பிடித்த விஷயங்களைப் பேச வேண்டும். தன்னைப் பற்றியோ அல்லது தமக்கு பிடித்த விஷயத்தைய பற்றியோ பேசுவதைத் தவிர்க்க வேண்டும்.

பெற்றோர்களும், குழந்தைகளும் கலந்துரையாடலாக மனம் விட்டுப் பேசவேண்டும். குறிப்பாக அனைவரும் ஒன்றாக அமர்ந்து ஒரே நேரத்தில் சாப்பிடுதல், அதற்கு வாய்ப்பாக அமையும். எல்லோரையும் பங்கேற்கவிடாமல் ஒருவர் மட்டுமே நிறையபேசிக் கொண்டிக்கக் கூடாது.

சோர்வை அகற்றி உற்சாகமூட்டுவதாக பேச்சு இருக்கவேண்டும். மற்றவர்களைக் குறை கூறுதல், தாழ்வாகப் பேசுதல், கர்வத்துடன் பேசுதவல் போன்றவைகளைத் தவிர்க்க வேண்டும்.

வெளிப்படையாக பேசுதல் வேண்டும்.மனதிற்குள் ஒன்றை வைத்துக் கொண்டு வெளியில் போலியாக பேசுதல் கூடாது.

பிள்ளைகள் பேசும்போது, ஊன்று கவனிக்க வேண்டும். அவர்களை மேலும் பேச உற்சாகப்படுத்த வேண்டும். பேசுவதை கவனிக்காமல், கவனிப்பதுபோல தலையாட்டுதல், நடித்தல் கூடாது.

மகிழ்ச்சி தரும் அம்சங்களையே பேச வேண்டும். வருத்தப்படும் சம்பவங்களைப் பற்றி பேசுவதை தவிர்க்க வேண்டும்.

பிள்ளைகளை தைரியமாக பேசும்படி செய்ய வேண்டும். துணிவாகப் பேசினால் பெற்றோருக்கு மரியாதையில்லை என நினைத்து அவர்களை அடக்கி வைக்க கூடாது.

பெற்றோர்களுகு புரியாத விஷயங்களை பிள்ளைகள்பேசினால்மு, அதைப்பற்றி என்ன?எப்படி? என்பது போல கேட்க வேண்டும். அதைவிட்டு விட்டு அவர்களை பேசவிடாமல் தடுக்கக்கூடாது.

மனமாரப் பாராட்ட வேண்டும். பிள்ளைகளின், அபிப்ராயங்களையும் ஆசைகளையும் கேட்க வேண்டும். தான் சொல்வதே சரி என்ற சர்வாதிகாரத்துடன் பேசக்கூடாது.

புதியவற்றைப் பேசினால், பரவாயில்லையே பெரிய விஷயங்களையும் பேசுகிறாயே எனப் பாராட்ட வேண்டும். என் அனுபவத்தில் சிலவற்றைச் சொல்கிறேன் என்பது போலநல்லவைகளையும் நாசுக்காக சொல்ல வேண்டுமே தவிர, உனக்கு ஒன்றும் தெரியாது என அவர்களின் ஆர்வத்தைத் தடுக்க கூடாது.

கண்களை நேராக பார்த்துப் பேச கற்றுத்தர வேண்டும். பிள்ளைகள் தலைகுனிந்து பேசுதல், வேறு இடத்தில் பார்வையை திருப்பிப் பேசுவதல் போன்றவைகளை மாற்ற வேண்டும். அது தைரியமின்மையயின் அடையாளம்.

விருந்தினர்களின் குழந்தைகளுடன் பேசும்போது,, தங்களுடைய பிள்ளைகளையும் உபசரிப்பாக பேச வேண்டும். தம் பிள்ளைகளை ஒதுக்கிவிட்டு பிறர் பிள்ளைகளை உபசரித்தல்கூடாது.

குழந்தைகளை தொட்டுப் பேசினால் அன்பு வளரும். தொடாமல் பேசப்பேச பெற்றோர். பிள்ளை இடைவெளி அதிகமாகிவிடும்.

பொதுவான விஷயங்களைப் பேசும் போது நல்லவைகளையே பேச வேண்டும். தீய நிகழ்ச்சிகள், அவதூறான பேச்சுக்களைத் தவிர்க்க வேண்டும்.

மேடைப் பேச்சை ஊக்குவிக்க வேண்டும். முரட்டுத்தனமான வார்த்தைகளைப் பேசும்போது அன்புடன் கண்டிக்க வேண்டும்.

பிள்ளைகளைப் பெற்றதில் பெருமையடைவதாக வார்த்தைகள் அமைதல் வேண்டும். எக்காரணத்தைக் கொண்டும் பெற்றதற்காக வருத்தப்படுவதாக சொல்லக்கூடாது.


Share
 

No comments

Be the first one to leave a comment.

Post a Comment


 

 


August 2001

மனசு விட்டுப் பேசுங்க….
வெற்றியின் மனமே
உறவுகள்… உணர்வுகள்
நான்கு பந்துகளுடன் நம்முடைய வாழ்க்கை!
கேள்வி – பதில்
வாசகர் கடிதம்
நீங்கள் எடுக்கும் முடிவான முடிவு என்ன?
தலைப்புச்செய்தி
மனித சக்தி மகத்தான சக்தி
உள்ளத்தோடு உள்ளம்
நிறுவனர் பக்கம்
சிரிப்போம் சிறப்போம்
பொதுவாச்சொல்றேன்
“ஆட்டோ சஜஷனின் ஆரம்ப நாயகன் யார்?”
"ஆட்டோ சஜஷனின் ஆரம்ப நாயகன் யார்?"
வணக்கம் தலைவரே
பெற்றோர் பக்கம்