Home » Cover Story » நினைவில் நிற்பவை – தொடர் 7

 
நினைவில் நிற்பவை – தொடர் 7


இராமசாமி K.K
Author:

ஷார்ப்பான சாதனைகள்

உற்பத்தித் திறன்

உற்பத்தித்திறன் என்றால் என்ன?

ஒரு தொழிற்சாலையில் பத்துத் தொழிலாளர்கள் தினமும் பத்து ரேடியோக்களை உற்பத்தி செய்கிறார்கள். அங்கே மேலும் ஐந்து தொழிலாளர்களை அமர்த்தி தினமும் பதினைந்து ரேடியோக்கள் உற்பத்தி செய்கிறார்கள். இதை உற்பத்தி அதிகரிப்பு என்று சொல்கிறோம். அப்படி இல்லாமல் அதே பத்துத் தொழிலாளர்களைக் கொண்டு ஒரு நாளைக்கு பன்னிரண்டு ரேடியோக்கள உற்பத்தி செய்ய முடிந்தால் அதை உற்பத்தித்திறன் உயர்வு என்று கூறுகிறோம்.

சுருக்கமாக சொன்னால் உற்பத்தித்திறன் என்பது முதலீட்டிற்கும் உற்பத்திக்கும் உள்ள விகிதாச்சாரம் என்று கூறலாம்

உற்பத்தத்திறன் – உற்பத்தி
முதலீடு (செலவு)

ஒரே அளவு முதலீட்டிறகு உற்பத்தி அதிகரிப்பதையோ அல்லது ஒரே அளவு உற்பத்திக்கு முதலீடு குறைவதையோ உற்பத்தித்திறன் அதிகரிப்பு என்று கூறுகிறோம்.

உற்பத்தித்திறன் உயர்வு ஏன் தேவை

உற்பத்தித்திறன் உயர்வு நம் வாழ்க்கைத்தரம் உயர உதவுகிறது. வாழ்க்கைத்தரம் என்பது, குறைந்த செலவில், உழைப்பில், அதிக வசதிகளை பெறுவது என்று கூறலாம்.

மேல்நாட்டு மக்களின் வாழ்க்கைத்தரம் உயர்வாக உள்ளது என்று கூறுகிறோம். கீழே உள்ள பட்டியல் ஒவ்வொரு நாட்டினரும் சில பொருட்களைப்பெற எவ்வளவு நேரம் உழைக்கிறார்கள் என்பதை காட்டுகிறது.

உழைக்கும் நேரம் ( நிமிடங்கள்)

பொருள்/நாடு அமெரிக்கா ரஷ்யா இங்கிலாந்து இந்தியா
1 கிலோ வெண்ணை 200 400 300 480
10 முட்டைகள் 60 150 90 120

வாழ்க்கைத் தரம் உயரவேண்டுமானால்

1. அதே வருமானம் – பொருள்களின் விலை குறையவேண்டும்.
2. வருமானம் – உயர்வு பொருள்களின் விலை உயர்வு இல்லை.
3. பொருள்களின் விலை உயர்வைவிட வருமான உயர்வு அதிகம்.

உறபத்தித்திறன் உயர்வில்லையெனில் ஊதிய உயர்வல் வாழ்க்கைத் தரம் உயராது என்பதை கீழ்காணும் உதாரணம் விளக்குகிறது.

ஒருதொழில்சலையில் பத்துத் தொழிலாளர் வேலை செய்கின்றனர். ஒரு மாத்த்திற்கு நூறு ரேடியோக்கள் செய்கின்றனர். அவர்கள் மாத ஊதியம் ரூ.2000/-.

தற்போது அவர்கள் செய்யும் ரேடியோவின் விற்பனை விலை ரூ.1000/- தொழிலாளர் நிர்வாகத்திடம் போராடி மாத சம்பளத்தை ரூ.2500/ – ஆக உயர்த்துகிறார்கள் என்று வைத்துக்கொள்வோம். நிர்வாகத்திற்கு கூடுதல் செலவு மாத்த்திற்கு ரூ. 5000/-. இந்த ஐயாயிரம் ரூபாயை அவர்கள் ரேடியோ விற்பனை விலையை ரூபாய் 50 அதிகம் செய்து பெறவேண்டும். ஆகவே, ஊதிய உயர்வுபெற்ற தொழிலாளி முதல் மாதம் ரூ.1000/- க்கு வாங்கிய ரேடியோ அடுத்தமாதம் ரூ. 1050/- கொடுத்து வாங்குகிறார். இப்படியே அவர் வாங்கும் உணவுப்பொருட்கள். மறபொருட்களின் விலையும் கூடுமானால், அவர் பெற்ற ரூ. 500/- ஊதிய உயர்வினால் அவரால் அதிகமான பொருட்களை வாங்க முடியாது. இதைத்தான் ஊதிய உயர்வால் மட்டும் வாழ்க்கைத்தரம் உயர்வு இல்லை என்கிறோம். ஆகவே உண்மையான வாழ்க்கைத்தர உயர்விற்கு உற்பத்தித்திறன் உயர்வு மட்டுமே உதவும்.

உற்பத்தித்திறனை உயர்த்தும் வழிகள்

உற்பத்தித்திறனை உயர்த்த முதல் தேவை – இப்போது உள்ள நிலையைவிட ஒரு நல்லமுறை, நிலை உருவாக்க முடியும் என்ற நம்பிக்கை.

உறத்தித்திறனை கீழ்க்கண்ட பிரிவுகளில் உயர்த்த முயற்சிக்கலாம்.

1. பொருள்
2. மனித சக்தி
3. நேரம

பொருள்
நாம் வீடு கட்டும்போது நமக்கு உள்ள வீட்டுமனையில் நிலமட்டத்தில் கட்டும் வீட்டின்மேல் முதல்மாடி,இரண்டாவது மாடி ஆகியவற்றக் கட்டும்போது அந்த வீட்டு மனையை இருபங்கு அல்லது மூன்று பங்கு பயன்படுத்துகிறோம். இதை வீட்டுமனையின் “உற்பத்தித்திறனை” உயர்த்துவதாக கூறுகிறோம்.

ஒரு பொருளை உற்பத்தி செய்யும்போது அதற்கு விலை உயர்ந்த மூலப்பொருளுக்குப் பதில், விலை குறைந்த மூலப்பொருளைப் பயன்படுத்தலாம். மின்சார மோட்டார்களில் முன்பு தாமிர கோட்டார்களைப் பயன்படுத்துகிறார்க். மின்சார கம்பிகளும் பல இடங்களில் தாமரத்திலிருந்து அலுமினியத்திற்கு மாற்றப்பட்டு விட்டன. தண்ணீர் எடுத்துச் செல்லம் குழாய்கள் இரும்பிலிருந்து பிளாஸ்டிக் குழாய்களாகவும்,, இரும்பு வாளிகள், பிளாஸ்டிக் வாளிகளாகவும் மாறிவிட்டன. விக்ஸ்மருந்து பாட்டில்கள் கண்ணாடியிலிருந்து பிளாஸ்டிக்காக மாறிவிட்டன.

பிரஷர் குக்கரில் சமைப்பதால் சமையல் செய்யும் நேரத்தையும் சேமிக்க முடிகிறது.

தொழிலகங்களில் பெரிய பெட்டிகள் பேக் செய்தபின் இரும்பு பட்டைகளால் இணைக்கப்பட்டு வந்தன. அவை தற்போது பிளாஸ்டக் பட்டைகளால் இணைக்கப்படுகின்றன.

வீணாக வந்த மரத்தூள்களை சேகரித்து பசை சேர்த்து பார்டிகிள் போர்டு செய்யப்பட்டு பிளைவுட் போர்டுக்குப் பதிலாக பயன்படுத்தப்படுகிறது. இதனால் இந்த போர்டுகள் மிக மலிவாகக் கிடைக்கின்றன.

செங்கற்களுக்கு பதிலாக சிமெண்டால் செய்த ஹாலோபிளாக் என்ற கற்களைப் பயன்படுத்தும்போது கட்டுமான செலவும், கட்டிடம் கட்டும் நேரமும் குறைகிறது.

காட்டில் விளைந்து வீணாகும் கொட்டைகளிலிருந்து எண்ணை எடுத்து சோப் செய்வதற்கு பயன்படுத்துகிறார்கள்.

மேற்கண்ட உதாரணங்கள் பொருள்களில் உற்பத்தித்திறன் உயர்வை விளக்குகின்றன.

மனித சக்தியில் உற்பத்தித்திறன் உயர்வு

நம் வீட்டில் தலைவாழை இலை போட்டு சாப்பிடும்போது, இலையில் ஊறுகாயும்,உப்பும் இலையின் இடது புறமும், கறிவகைகளை வலது புறமும் பரிமாறுவது வழக்கம். இதன் அடிப்படை நோக்கம் நாம சாப்பிடும்போது கறிவகைகளை பலமுறையும், உப்பு, ஊறுகாய்களை சில முறையுமே பயன்படுத்துகிறோம். ஆகவே கறிவகைகளை வலது கைக்குப் பக்கத்தில் வைப்பதால் மனித சக்தியை மிச்சப்படுத்துகிறோம்.

அலுவலகங்களில் சன்னல் வைத்த உறைகளப் பயன்படுத்துவதால் இருமுறை விலாசத்தை டைப் செய்வதைத் தவிர்க்கலாம். இதில் இன்னொரு நன்மை, கடிதங்களை மாற்றிவைத்து அனுப்பும் வாய்ப்பும் தவிர்க்கப்படுகிறது.

ஆங்கில இசைக்குழுவில் ட்ரம் வாசிப்பவர் ஒரே நபர் பல கருவிகளை இசைக்கும் வகையில் அந்த இசைக்கருவிகள் நிலைப்படுத்துகின்றன.

தொழிற்சங்களில் மனிதச்சக்தியை சேமித்து பயனுள்ள வகையில் அதைப்பயன்படுத்த பல வழிகள் நடைமுறையில் உள்ளன. கடைசல் இயந்திரத்தில் பொருளைப்பிடிக்க காற்று சக்தியால் இயங்கும் பிடிப்பான்கள் பொருட்களை எடுத்துச்செல்ல பெல்ட் கன்வேயர்கள், சக்கரம் வைத்த வண்டிகள் அழுத்தம் மிகுந்த காற்றினால் இயங்கும் பிரஸ்கள் முதலியன தொழிலாளரின் சிரமத்தையும், சோர்வையும் குறைத்து அவர்களின் உற்பத்தித்திறனை உயர்த்துகின்றன.

அதிக ஊதியம் பெறும் திறமையான தொழிலாளரை திறமையான வேலைக்கும், திறமை குறைந்தவர்களை சாதாரண வேலைக்கும் பயன்படுத்துவதும் உற்பத்தித்திறனை அதிகரிப்பதாக அமையும். ஜெர்மன் நாட்டில் விஞ்ஞானிகளும், பேராசிரியர்களும், சிறப்பான மருத்துவர்களும் தாங்களாகவே கார் ஓட்ட தடை செய்துள்ளனர். ஏனெனில் அவர்கள் இழப்பு நாட்டிற்கே இழப்பாக அமையும். கார் ஓட்ட அவர்கள் ஓட்டுனர்களைத்தான் கண்டிப்பாக பயன்படுத்த வேண்டும்.

சரியான முறையில் உத்தரவுகள் தருவதும் பல தவறுகளைத் தவிர்க்கும். ஒரு கூலிவேலை செய்பவரிடம் 2 அடி அகலம். மூன்று அடி ஆழம், 100 அடி நீளத்தில் ஒரு குழு வெட்டச் சொல்லப்பட்டது. அந்த பூமியில் ஒரு அடி தோண்டியதும் பாறை வந்துவிட்டது. குழியின் பயன்தெரியாத அந்தக் கூலியாள் மிகவும் சிரம்ப்பட்டு, வெடிவைத்து அந்தப் பாறையை உடைத்து மூன்று அடி ஆழம் தோண்டிமுடித்தார். அந்தக குழி அந்தத் தொழிலாளியிடம் இந்த விபரம் சொல்லியிருந்தால் பாறை வந்தவுடன் தோண்டும் ஆழத்தை அந்த அளவிலேயே நிறுத்தியிருக்கலாம்.

மோல்ட் செய்த அட்டைப்பெட்டிகளில் முட்டைகளை அடுக்கி, அந்த அட்டைகளை ஒன்றின்மேல் நன்றாக அடுக்கி சைக்கிளில் எடுத்துச் செல்லுவதால், ஒரே நபர் நூற்றுக்கணக்கான முட்டைகளை சேதம் இன்றி எடுத்துச்செல்ல முடிகிறது.

நேரத்தில் உற்பத்தித்திறன் உயர்வு

ஒரு உணவுவிடுதிக்கு சிற்றுண்டி சாப்பிடச் செல்கிறோம். முதலில் தோசைக்கு ஆர்டர் செய்கிறோம். ஐந்து நிமிடத்திற்குப் பின் தோசை வருகிறது. உடனே ஒரு பிளேட் இட்லி ஆர்டர் செய்கிறோம். இட்லி உடனே வருகிறது. தோசை சாப்பிட இரண்டு நிமிடம். இட்லி சாப்பிட இரண்டு நிமிடம். ஆக மொத்தம் 9 நிமிடங்கள் ஆகின்றன. இதையே மாற்றி இட்லியை முதலில் ஆர்டர் செய்தால், இட்லி சாப்பிடும் இரண்டு நிமிடத்தடன் மேலும் மூன்று நிமிடங்களில் தோசை வந்துவிடும். தோசை சாப்பிட இரண்டு நிமிடங்கள். ஆக இந்த முறையில் இட்லியும் தோசையும் ஏழு நிமிடங்களில் சாப்பிட்டு விடலாம். ஆக செய்யும் முறையை மாற்றுவதால் உற்பத்தித்திறனை உயர்த்த முடிகிறது.

பெட்ரோல் பங்கில் பெட்ரோல் போடும்போது 5 லிட்டர் பெட்ரோல் போட்டால் (லிட்டர் ரூ. 29.50) என்று வைத்துக்கொள்வோம்). ரூ. 147.50 ஆகும் நீங்கள் ரூ. 150 கொடுத்து/- கொடுத்துவிட்டு சில்லரைக்காக காத்து நிற்பீர்கள். ஆனால் தற்போது பெரும்பாலான பங்குகளில் ரூ. 150/-க்கு பெட்ரோல் போடுங்கள் என்றால், அவர்கள் 5.10 என்று போட்டு உடனே உங்களை அனுப்பி வைத்துவிடுகிறார்கள். இங்கே நேரம் மிச்சமாகிறது. ஒருமணி நேரத்தில் 20க்கு பதில் 30 வாடிக்கையாளர்களுக்கு சேவை செய்ய முடிகிறது.

இரயில் நிலையங்களில் தண்ணீர், பால், சர்க்கரை முதலியவற்றை முன்கூட்டியே கலந்து காய்ச்சி சுடு கலன்களில் வைத்துக்கொண்டு, காபி அல்லது டீ கேட்பவர்களுக்கு டிக்காசனை மட்டும் சேர்த்து உடனே வழங்குவதால் குறைந்த நேரத்தில் அதிக விற்பனை செய்யமுடிகிறது. உற்பத்தித்திறன் உயர்வு வாழ்க்கைத்தர உயர்வின் திறவுகோல் ஆகும்.

தொடரும்…

 

No comments

Be the first one to leave a comment.

Post a Comment


 

 


March 1999

நினைவில் நிற்பவை – தொடர் 7
பெருமையைக் கெடுக்கும் பொறாமை
தேர்வில் முதன்மை பெற
சிந்தனைத்துளிகள்
தேர்வில் வெற்றிபெற இதோ வழிகள்
வாசகர் கடிதம்
10 ஆண்டுகளில் 1 கோடி ரூபாய் சம்பாதிப்பது எப்படி?
வளமூட்டும் சிந்தனைகள்
கேள்வி – பதில்
சாதனையாளராக…
கைத்தொழில் ஒன்றைக் கற்றுக்கொள் கவலை உனக்கில்லை ஒத்துக்கொள்
உள்ளத்தோடு உள்ளம்
இல.செ.கவின் சிந்தனை
கவிதை