Home » Articles » வளமூட்டும் சிந்தனைகள்

 
வளமூட்டும் சிந்தனைகள்


இராமநாதன் கோ
Author:

– டாக்டர் ஜி. இராமநாதன், எம்.டி.,

அவருக்கு ஐந்தடி பதினோரு அங்குலம் உயரமிருக்கும். அகன்ற மார்பு. கைகளைப்பிடித்தால் இரும்பைப்போன்ற உறுதி; நடக்கும்போது தரை அதிரும். அறுபத்தைந்து கிலோ எடை கொண்ட குமாராசாமி, ஒரு விளையாட்டு சாம்பியன். நூற்றுக்கணக்கா கிலோ எடைகளை துச்சமாக தூக்குவார்.

மயங்கிய நிலையிலிருந்து அவரை, மூவர் தூக்கி வந்தனர். கோவை அவினாசி ரோட்டில் நடந்த விபத்தில் அடிபட்டு விழுந்திருந்தார். ஒரு லிட்டருக்கு இரத்தம் வெளியேறிதில் மயங்கி விட்டார். நான் பார்க்கும் போது விபத்து நடந்த நேரத்திலிருந்து சுமார் ஒண்ணரை மணி நேரமாகியிருக்கலாம். மயக்கம் தெளியும் நிலையிலிருந்தார். தண்ணீரை முகத்தில் தெளித்ததும் கண் விழித்துக்கொண்டார். குளிந்த நீரைப்பருகிவிட்டு எழுந்து அமர்ந்தார். நடந்த விபத்து பற்றிய விபரங்களைக் கூறினார். “எனக்கு எந்த சிரமும் இப்போது இல்லை!” என்றபடி வீடும் திரும்பினார். அன்று மாலையே தன்னுடைய வேலையையும் தொடர்ந்தார். ஒரு லிட்டர் இரத்தத்தின் இழப்பு, ஒண்ணரை மணி அசதியை மட்டுமே கொடுத்து.

சில மாதங்களுக்குப் பின், அவரை கைத்தாங்கலாக அழைத்து வந்தனர். சில படிகள் கூட ஏறமுடியவில்லை. கடந்த மூன்று மாதங்களாக இதைப் போன்ற பலவீனத்தினால் செயல்பட இயலாமல், வேலைக்கும் செல்லாமல் வீட்டிலேயே படுத்து விட்டார். என்ன நடந்தது?

சகோதரர்களுக்கு இடையே கருத்து வேறுபாடுகள் உண்டாயிற்று. சொத்துக்கள் பங்கு பிரிக்கப்பட்டன. மற்ற மூன்று சகோதரர்களும் இவருக்கு ‘துரோகி’ பட்டம் சூட்டினர். அக்கம்பக்கத்தினரும் அதையே நம்பி அவருடைய காதில் விழும்படி பேசச் செய்தனர். தன்னை யாரும நம்பாமல் இப்படி பேசுகிறார்களே என்ற ஆதங்கங்கள்; அதை அடக்க முடியாத மனக்குமுறல்; அதனால் உறக்க மின்மை போன்றவைகளைத் தொடர்ந்து நடப்பதற்கே பலவீனமானார்.

இதற்குமேலும், “அண்ணன் தம்பிகளை வஞ்சித்தால் நடக்க முடியாத அளவிற்கு வினை வந்துவிட்டது” என வசை மொழிகளும் காதில் விழுந்தன. அதில் மேலும் மனம் கொந்தளித்து அழுது கண்ணீரில் நனைவார்.

ஒண்ணரை மணி நேரத்தில் ஒரு லிட்டர் இரத்த்தின் இழப்பை, பலவீனத்தை சரிக்கட்டிய சக்தி கொண்டவருக்கு உண்டான மூன்று மாத பலவீனம், எத்தனை லிட்டர் இரத்தத்திற்கு சம்மாகும்? சுமார் ஆயிரம் லிட்டர் இரத்தம் இழப்பிற்கு மேலான பலவீனம் எனலாம்.

செய்யாத தவறக்கு அவர் மீது வசை பொழிகிறார்கள் என்பதனால் அவருடைய மனக்குமுறல் நியாயமானதுதான். மனக்குமுறல் அவரை செயல்படாமல் போகுமளவிற்கு பாதித்து அந்தோ பரிதாபன்! இது அவருடைய மனச்சிந்தனைகளின் பாதிப்பு; மனவலிமையின்மையின் விளைவு.

நூற்றில் தொண்ணூறு சதம் மக்கள் இது போன்ற மனக்குமுறல் ஏக்கம், குற்றவுணர்வுகள், உணர்ச்சி வயப்படுதல் ( Emotional), ஏமாற்றம், பரிதாபம் போன்ற உணர்வுகளால் வெவ்வேறு அளவில் பாதிக்கப்படிருக்கிறார்கள். கோபம், ஆத்திரம், பொறாமை போன்ற எதிர்மறை எண்ணங்களைப்போல இவைகளும் மனிதனைப்பாதிக்கும் முக்கிய அம்சங்களாகும். இதைப் போன்றவைகளை பரிதாபச் சிந்தனைகள் எனலாம்.

ஆக்கப்பூர்வமாக செயல்படமுடியாதவர்கள், முகம் இறுகிய தோற்றமுள்ளவர்கள். எளிதில் மனக்குமுறல் அடைபவர்கள் போன்ற அனைவருமே ஏதாவதொரு பரிதாப சிந்தனையில் அழுத்தப்பட்டிருக்கிறார்கள். சிலருக்கு எல்லா வசதிகளும், பணம், பதவி அனைத்தும் இருந்தாலும் மன நிம்மதி இன்றி காணப்படுவார்கள். அவர்களும் இதுபோன்ற சிந்தனையில் பலியானவர்கள்தான்.

பொதுவாக நம்முடைய சிரமங்களுக்கும், தோல்விகளுக்கும், மகிழ்ச்சியின்மைக்கும் புற உலகில் பிற மனிதர்களை அல்லது பொருளாதார காரணங்களை அல்லது குடும்ப சூழ்நிலைகளை காரணமாக சொல்லிக்கொண்டிருப்போம். மேலெழுந்தவாரியாக பார்க்கும்போது அதுதான் காரணம் என மற்றவர்களும் ஏற்க்க்கூடும். ஆனால், நமது பரிதாபச் சிந்தனைகளே அதன் மூலக் காரணங்களாகும் என்பதே உண்மை.

இந்தப் பரிதாபச் சிந்தனைகள், சிறைக்கம்பிகளைவிட, வலிமையானவை. ஏனெனில் சிறைக் கம்பிகளைக்கூட ஒருநாள் பிறர் திறந்து விடுவர்ந விடுதலை பெற்றுவிடலாம். ஆனால், இந்த சிந்தனைகளால் பாதிக்கப்பட்டவர்களை மற்றவர்கள் யாரும் வெளிக்கொணர முடியாது. அவர்களாகவே கம்பிகளை உடைத்தாலொழிய விடுதலைபெற முடியாது. இச்சிந்தனைகளின் முக்கிய அம்சம், இவை மனதிற்குள் நுழைவது நமக்கே தெரியாது என்பதுதான்.

உங்களுக்கு இந்த சிந்தனை உள்ளதா என்பதை அறிய கேள்விகள் கொடுக்கப்பட்டுள்ளன. அதில் உங்கள் பதில்களை ஆம்/ இல்லை என எழுதுங்கள்.

1) உங்களுக்கு வேண்டியவர் ஏமாற்றி விடுகிறார். மனக்கொந்தழித்து நீண்டநாள் அவதப்படுவீர்களா?

2) நீங்கள் நேசித்தவர் பிரிந்துவிடுகிறார். மனம் தாங்காமல் செயல்படாமல் இருப்பீர்களா?

3) உங்களுக்கு வேண்டியவரின் திருமணத்திற்கு செல்கிறீர்கள். அவர் உங்களிடம் அதிகம் பேசவில்லை. வேறு சிலரிடம் நீண்ட நேரம் பேசிக்கொண்டிருக்கிறார். உங்களை மதிக்கவில்லை என நினைப்பீர்களா?

4) தேர்வில் வெற்றி அல்லது பெரிய சிக்கலிலிருந்து விடுபடுதல் – ஏதாவது அடைந்திருக்கிறீர்கள். நீங்கள் எதிர்பார்த்ததுபோல மற்றவர்கள் அதைப் பாராட்டவில்லை. மனம் ஏங்குவீர்களா?

5) உங்கள் கீழ் பணிபுரியும் நபர்கள், உங்களைக் கேட்டுத்தான் அவர்களுடைய சொந்த வாழ்க்கையிலும் செயல்பட வேண்டும் என்று எதிர்பார்ப்பீர்களாழ

6). உங்களுக்கு கீழ் பணிபுரிந்தவர்,, உங்களை விட செல்வாக்கு பெற்றுவிட்டார். பொறாமையடைவீர்களா?

7) உங்கள் நண்பர், உங்களைப்பற்றி மற்றவர்களிடம் குறை சொல்லி விமர்சனம் செய்தார் எனக் கேள்விப்படுகிறீர்கள். அவரை மீண்டும் பார்க்கும்போது மனம் கொதிப்பீர்களா?

8) உங்களுடைய கடந்த கால சிரமங்களுக்கும், ஏமாற்றங்களுக்கும் விதி தான் காரணம் என நினைக்கிறீர்களா?

9) உங்களுடைய வேதனைகளை, பிறரால் நடந்த இழப்புகளை, பலரிடம் சொல்லி அனுதாபத்தை எதிர்பார்ப்பீர்களா?

10) பணிபுரியுமிடத்தில் தவறு நடந்து விடுகிறது; உங்களுக்கும் அதில் பங்கு உண்டு. உங்கள் மேலதிகாரி தனிமையில் உங்களை மட்டும் கேட்கிறார். பிறர் மீது தவறைச் சுமத்தி தப்பிவிடுவீர்களா?

மேற்கண்ட கேள்விகளுக்கு எத்தனை ஆம்/ இல்லை பதில்கள் என்பதை எழுதுங்கள்.

பெரும்பாலும் கேள்விகளுக்கு (ஐந்திற்கு மேல்) “இல்லை” என்ற பதில்கள் இருந்தால், உங்கள் சிந்தனைகளால் பாதிப்பு இல்லை எனலாம்.

இனி குழப்பமான நமது சிந்தனைகளை எப்படி வளமாக்குவது என்பதைப் பார்க்கலாம்.

தொடரும்….

 

No comments

Be the first one to leave a comment.

Post a Comment


 

 


March 1999

நினைவில் நிற்பவை – தொடர் 7
பெருமையைக் கெடுக்கும் பொறாமை
தேர்வில் முதன்மை பெற
சிந்தனைத்துளிகள்
தேர்வில் வெற்றிபெற இதோ வழிகள்
வாசகர் கடிதம்
10 ஆண்டுகளில் 1 கோடி ரூபாய் சம்பாதிப்பது எப்படி?
வளமூட்டும் சிந்தனைகள்
கேள்வி – பதில்
சாதனையாளராக…
கைத்தொழில் ஒன்றைக் கற்றுக்கொள் கவலை உனக்கில்லை ஒத்துக்கொள்
உள்ளத்தோடு உள்ளம்
இல.செ.கவின் சிந்தனை
கவிதை