Home » Articles » நினைவாற்றல் மேம்பட மனப்பயிற்சி

 
நினைவாற்றல் மேம்பட மனப்பயிற்சி


admin
Author:

– டாக்டர் பெரு. மதியழகன்

மனதைச் சமநிலைக்குக் கொண்டு வர எளிதில் முடியுமா என்றால் முடியும். மனத்தைச் சமநிலைக்குக் கொண்டுவரவும் நினைவாற்றலைக் கூர்மைப் படுத்தவும் சில எளிய பயிற்சிகள் க்ஷ.

பயிற்சி : 1

1.முதலில் வசிதியாக உட்கார்ந்து கொள்ளுங்கள். தரையிலோ அல்லது நாற்காலியிலோ எங்கு வேண்டுமானாலும் உட்கார்ந்து கொள்ளலாம்.

2. பிறகு மெல்ல கண்களை மூடிக் கொள்ளுங்கள். அவசரப் படாமல் மிகவும் இயல்பாகச் செய்யுங்கள்.

3. இப்போது காற்றை மூக்கின் வழியாக உட்சுவாசித்து பிறகு வாய்வழியாக மெல்ல வெளிவிடுங்கள். இப்படி நான்கைந்து முறை செய்யுங்கள். அப்படி காற்றை வெளிவிடும் போது அமைதி, அமைதி, அமைதி, என்றோ அல்லது Relax, Relax, Relax ” என்றோ உள்ளத்துள்ளேயே உச்சரியுங்கள்.

4.தற்போது உங்கள் காதுகளை நன்கு தீட்டிக்கொண்டு வீட்டிற்கு வெளியிலிருந்து வரும் ஓசையைக் கவனியுங்கள் (வாகனங்கள் உண்டாக்கும், ஒலி, மோட்டார் உண்டாக்கும் ஓசைகள்). ஆனால், வீட்டில் அம்மா சமையலறையில் உருட்டுவதால் எழும் ஒலிகளில் கவனம் செலுத்தக் கூடாது. ஆனால் வீட்டில் அம்மா சமையலறையில் உருட்டுவதால் எழும் ஒலிகளில் கவனம் செலுத்தக் கூடாது. ஆனால் வீட்டில் காற்றாடி ஓடும் ( Fan ) சத்தம் போன்றவற்றைக் கேட்கலாம்.

5. அடுத்து உங்கள் சுவாசத்தை கவனியுங்கள். காற்று உட்சென்று வெளியேறும் ஒலியைக் கூர்ந்து கவனிங்கள்.

6. இப்போது உங்கள் மனத்தில் எழும் எண்ணங்களைக் கவனியுங்கள். வருகிற எண்ணங்களை கட்டுப்படுத்த நினைக்காதீர்கள். உங்கள் அடிமனதில் அழுந்திக் கிடந்த தீய எண்ணங்களும், நிறை வேறாத ஆசைகளும் இன்னும் பலவும் பறந்து பறந்து வருவதைக் கவனிக்கலாம். ஓரிரு நிமிடம் எண்ணக்குதிரைகளை ஓடவிடுங்கள்.

7. மீண்டும் சுவாசத்தைக் கவனியுங்கள். அடுத்து புற ஓசைகளைக் கவனியுங்கள். பிறகு மெல்ல இமைகளைத் திறந்து பாருங்கள்.

இந்தப் பயிற்சிக்கு 5 நிமிடம் போதுமானது. தினமும் தொடர்ந்து இந்தப் பயிற்சியைச் செய்யுங்கள், யார் வேண்டுமானாலும் இந்தப் பயிற்சியைச் செய்யலாம். எப்போது எல்லாம் ஓய்வு கிடைக்கிறதோ அப்போதெல்லாம் செய்யலாம். அயர்வு மேலாண்மையில் ( Stress management ) இது ஒரு முக்கியப் பயிற்சியாகும். ஒவ்வொரு நாளும் பெரும்பாலும் எல்லோரும் பல்வேறு மன அழுத்தங்களுக்கு (Tension) ஆளாகிறோம். அவற்றிலிருந்து விடுபட மிகசிறந்த மருந்தாக இந்தப் பயிற்சி உங்களுக்குப் பயன்படும். அலுவலகத்தில் பணி புரிகிறவர்கள். அதிகமாக கோபப்படும் இயல்புடையவர்கள், மன அமைதியின்றி இருப்பவர்களுக்கு எல்லாம் மருந்து வாங்கி சாப்பிட்டாலும் கிடைக்காத உடல்நலம் இந்தப் பயிற்சியில் கிடைக்கும். மனம் சமநிலைக்கும் வரும்.

மனப்பயிற்சி : 2 (எண்கள் முறை)

நீங்கள் வழக்கமாகப் படிக்கின்ற இடத்தில் வசதியாக உடகார்ந்து கொள்ளுங்கள். கண்களை மூடிக்கொண்டு மூச்சை நன்கு உள்ளிழுத்துப்பிறகு வாய்வழியாக மெதுவாக மூச்சை விடுங்கள். இதை இரண்டு மூன்று முறை செய்த பிறகு ஒன்று முதல் இருபத்தைந்து வரை மனதுக்குள் சொல்லிப்பாருங்கள் பிறகு, 25, 24, 23 ….. என 1 வரை சொல்லுங்கள். பிறகு மெல்ல கண்களைத் திறந்து படிக்கத் தொடங்குங்கள். தினமும் காலையிலும் மாலையிலும் படிக்கத் தொடங்கும் முன்பு இந்தப் பயிற்சியைச் செய்யலாம். எண்களை உச்சரிக்கும்போது வாய்விட்டு உச்சரிக்கவேண்டும் என்பதை மறவாதீர்கள். இந்த மனப்பயிற்சியைத் தொடங்கி ஒரு மாதத்திற்கும் பிறகு 1 முதல் 50 வரை. பிறகு பின்னோக்கியும் சொல்லிப் பாருங்கள். பிறகு மெல்ல மெல்ல 100 வரை சொல்லிப் பயிற்சி செய்யலாம். சிறுவர்களுக்கு இந்தப் பயிற்சியே போதுமானது.

மனப்பயிற்சி : 3 (மனக்கொப்பு முறை)

நினைவாற்றலில் சாதனை புரிய இந்தப் பயிற்சி பயன்படும். இந்த பயிற்சியைத் செய்யத் தொடங்கும் முன்பு உங்கள் மனதுக்குள் 100 கோப்புகளைத் தொடங்கி அந்த நூற்றுக்கும் வரிசையாக எண்ணிட்டு உங்களுக்குத் தெரிந்தவர்கள் பெயர்களைச் சூட்டுங்கள். ஒவ்வொரு கோப்பின் பெயரும் உங்கள் நினைவில் இருக்குமாறு மனதில் பதிவு செய்து கொள்ளுங்கள். எப்போதும் கேட்பினும் கோப்பின் எண்ணைச் சொன்னால் பெயர் உடனே நினைவுக்கு வர வேண்டும்.

இங்கே குறிப்பிடப்பட்டுள்ள பயிற்சிகளில் ஏதேனும் ஒன்றைக் கடைப்பிடித்தால்கூடப் போது மானது. இந்தப் பயிற்சிகள் அனைத்திலும் மனம் சமநிலைக்கு வரும். ஆனால் பயிற்சி இரண்டு மற்றும் மூன்றும் மனத்தைச் சம நிலைக்குக் கொண்டு வருவதுடன் நினைவாற்றலைக் கூர்மையாக்கும். சிறுவர்கள் முதலிரண்டு பயிற்சிகளில் ஏதேனும் ஒன்றைச் செய்து வரலாம். மற்றவர்கள் மூன்றாவது பயிற்சி முறையைச் செய்யலாம். குறிப்பாக மூன்றாவது பயிற்சி முறையைக் கடைபிடிக்கிறவர்கள் தங்கள் நினைவாற்றலில் நல்ல அளவுக்கு விரைவான வளர்ச்சியைக் காணலாம்.


Share
 

1 Comment

  1. ரசிகன் says:

    ரொம்ப useful

Post a Comment


 

 


October 1997

சிந்தனைத் துளிகள் – 1
இதுவரை நாம் சாதித்தது என்ன?
தன்னம்பிக்கை ஓர் பப்பா
சேமிப்பு ' தன்னம்பிக்கை ' யை கூட்டும்
வெள்ளாடுகளான நாம் நமக்குள் மோதிக் கொண்டால்… ஒநாய்களுக்கு லாபம்
''முயற்சியுடையார், இகழ்ச்சியடையார் ''
சிந்தனைத் துளிகள்
முன்னேற்றப்பாதை
y2k வைப்பற்றி அறிந்து கொள்ள
எந்த கல்வி மாணவரிடத்தே பண்பாட்டை,
தேவை 'தன்னம்பிக்கை' கல்வி
முயற்சியுடையார்; இகழ்ச்சியடையார்
எண்ணமே வாழ்க்கை
சூழ்நிலைகளும் முறையான மனப்போக்கும்
நினைவாற்றல் மேம்பட மனப்பயிற்சி
தன்னம்பிக்கை + உழைப்பு = வெற்றி
சேவையே வெற்றி
எல்லோரும் உயரலாம்
திருக்குறள் கவனகர் திரு. இரா. கனக சுப்புரத்தினம்