Home » Articles » முன்னேற்றப் பாதை

 
முன்னேற்றப் பாதை


இராமநாதன் கோ
Author:

– டாக்டர். ஜி. இராமநாதன்

உங்களுக்கு தன்னம்பிக்கை உண்டா?

முன்னேற்றப் பாதையில் நமது குறிக்கோளை தேர்ந்தெடுத்தவுடன், நம்முடைய தகுதியைப் பற்றி ஒரு சுய மதிப்பீடு (SELF ANALYSIS) செய்ய வேண்டும். அப்போதுதான் நம்முடைய பலம், பலவீனம், இவைகளை அறியலாம்.

உங்களுடைய தன்னம்பிக்கையை சோதிக்கும் வகையில் கீழே கேள்விகள் கொடுக்கப்பட்டுள்ளன. ஆம் அல்லது இல்லை என்று பதிலை எழுதுங்கள்.

1. கூட்டமான இடத்திற்குச் செல்லும்போது எல்லோரும் உங்களையே பார்ப்பது போன்ற உணர்வு உள்ளதா? ஆம் / இல்லை.

2. வெளியில் பயணம் செய்யும்போது முன்பு அறிமுகம் இல்லாத புதியவர்களிடம் சரளமாக பேச முடியுமா? ஆம்/ இல்லை.

3. உங்களுடைய நண்பர் அல்லது உறவினர் திறமையான செயலை செய்திருந்தால் (உதாரணம்: நன்கு மேடையில் பேசுதல், பாடுதல், முதல் மதிப்பெண் பெறுதல்) அவர்களை மனமார பாராட்ட முடியுமா? ஆம் / இல்லை

4. உங்களைப் பற்றி (பண வசதி, குடும்பப் பெருமை, ஜாதிப் பெருமை, கடந்த காலத்தில் நடந்த பாராட்டுகள்) பிறரிடம் அடிக்கடி பெருமயாகச் சொல்வது உண்டா? ஆம் / இல்லை.

5. ஒரு புதிய செயலைத் தொடங்கும்போது அது தோல்வியாகிவிடும் என்று அதிகம் பயப்படுவீர்களா? ஆம் / இல்லை

6. பல செயல்களைத் தொடங்கி, அவைகளைப் பாதியிலேயே விட்டு விட்டிருக்கிறீர்களா? ஆம் / இல்லை

7. மேடையில் கூச்சமில்லாமல் பேச முடியுமா? ஆம் / இல்லை

8. வகுப்பில் அல்லது கூட்டமான இடத்தில் மற்றவர்கள் கேள்வி கேட்கும்போது, பதில் தெரிந்திருந்தாலும் சொல்லத தயங்குகிறீர்களா? ஆம் / இல்லை.

9. தீய கனவுகள் (மற்றவர்கள் உங்களை துரத்தி விரட்டுதல் போல, கத்தியால் குத்துவதுபோல, மாடியிலிருது கீழே தள்ளி விடுவது போல அடிக்கடி வருவதுண்டா? ஆம் / இல்லை

10. உங்கள் நண்பர் அல்லது உறவினர் புதிய டிவி, வீடியோ, ஸ்கூட்டர், கார், வீடு போன்ற உங்களிடம் இல்லாத ஒன்றை வாங்கினால் நம்மால் அப்படி இயலவில்லையே என ஏங்குவதுண்டா? ஆம் / இல்லை.

11. மற்றவர்கள் உங்களை மதிப்பதில்லை என்று பொருமுகிறீர்களா? ஆம் / இல்லை.

12. பிறரிடம் உங்களிடம் இல்லாதை இருப்பதாகச் சொல்லி பெருமை கொள்வதுண்டா? ஆம் / இல்லை.

13. நீங்கள் தவறாக நடந்து விட்டால் அதை சம்பந்தப்பட்டவரிடம் சொல்லி தவறை ஒப்புக்கொள்வீர்களா? ஆம் / இல்லை.

14. எப்போதும் படபடப்புடனும் பதட்டத்துடனும் இருக்கிறீர்களா? ஆம் / இல்லை.

15. வீட்டிலோ அல்லது வெளியிலோ தனிமையில் இருக்கும்போது பயமின்றி, தனிமையுணர்வின்றி இயல்பாக இருப்பீர்களா? ஆம் / இல்லை.

16. பிறர் பொருள்களை விற்பனை செய்யும்போது, உங்களுக்குத் தேவையில்லாத ஒன்றை வாங்கச் சொல்லி வற்புறுத்தினால் மற்றவர்களுக்காக, விருப்பமில்லாவிட்டாலும் வாங்குவீர்களா? ஆம் / இல்லை.

17. உங்களுடைய சாதனைகளை மிகைப்படுத்தி, அடிக்கடி சொல்வதுண்டா? ஆம் / இல்லை.

18. அறிமுகம் இல்லாதவர்களிடம் உதவி கேட்க முடியுமா? ஆம் / இல்லை.

19. மற்றவர்கள் உங்களுடைய செயலை குறை கூறினால் திரும்ப அதைச் செய்ய தயங்குவதுண்டா? ஆம் / இல்லை.

20. நண்பர் அல்லது உறவினர் தவறு செய்தால் சுட்டிக் காட்டுவீர்களா? ஆம் / இல்லை.

21. வாழ்க்கையில் முன்னேற நிறைய வாய்ப்புகள் இருப்பதாக நம்புகிறீர்களா? ஆம் / இல்லை.

22. எல்லா நேரங்களிலும் உற்சாகமாக செயல்படுகிறீர்களா? ஆம் / இல்லை.

23. உயர்ந்த பதவியிலுள்ளவர்கள் அல்லது முரட்டு மனிதர்களை பார்த்து பயப்படுகிறீர்களா? ஆம் / இல்லை.

24. தவறு செய்துவிட்டது போன்ற குற்ற உணர்வு அடிக்கடி உண்டாகிறதா? ஆம் / இல்லை.

25. உங்களுடைய தற்போதைய நிலை (குடும்பம், தொழில், வருமானம், சமூக அந்தஸ்து ) உங்களுக்கு திருப்தியாக உள்ளதா?

மேற்கண்ட கேள்விகளுக்கான பதில்கள் மூலம் உங்களுடைய தன்னம்பிக்கை, சுய மதிப்பு இவைகளை மதிப்பீடு செய்யலாம். சரியான விடைகளை கீழே கொடுக்கப்பட்டுள்ளன. ஒவ்வொரு சரியான விடைக்கும் மூன்று மதிப்பெண்கள் போடவும்.

1) இல்லை 2) ஆம் 3) ஆம் 4) இல்லை 5. இல்லை 6. இல்லை 7) ஆம் 8) இல்லை 9) இல்லை 10) இல்லை 11) இல்லை 12) இல்லை 13) ஆம் 14) இல்லை 15) ஆம் 16) இல்லை 17) இல்லை 18) ஆம் 19) இல்லை 20) ஆம் 21) ஆம் 22) ஆம் 23) இல்லை 24) இல்லை 25) ஆம்

மொத்த மதிப்பெண்களக் கூட்டவும்.

50க்கு மேல் வந்தால் மிக்கத் தன்னம்பிகை உள்ளவர்கள்.

26 முதல் 49 வரை – தன்னம்பிக்கையும் குழப்பமும் மாறிமாறி வரும் நிலையில் தவிப்பவர். பயிற்சிகள் மூலம் உயரலாம்.

25க்கு கீழ் வந்தால் – தாழ்வு மனப்பான்மை கொண்டவர். உங்கள் எண்ணங்களை மாறி, புதுமையாக செயல்பட வேண்டும்.


Share
 

No comments

Be the first one to leave a comment.

Post a Comment


 

 


March 1997

எப்பொருள் யார்யார்க் கேட்பினும்
அறவலிமையின் ஐந்து அடிப்படைகள்
அருட்தந்தை திரு. டெஸ்மாண்டு டுடூ (Desmand Tutu)
மனமும், மனித வாழ்வும்
வெறுப்பினால் வெறுப்பை குணப்படுத்த முடியாது
ஆளுமைத்திறன் மேம்பாடு
வாசகர் கடிதம்
நல்ல சூழ்நிலையை உருவாக்கிக்கொள்வது எப்படி?
நண்பர்கள்
உறவு
விடிவு
ஓ…. இளைஞனே..
தொண்டனும் தலைவனும்
ஒரு விழா துவங்குவதற்கு முன்
சாதிச் சோறு
நம்மை பரிகாசிப்பவர்களை…
முன்னேற்றப் பாதை
அதிஷ்டம் (Luck)
உள்ளத்தோடு உள்ளம்