Home » Articles » புத்திசாலித்தனமான தலைவர் யார்?

 
புத்திசாலித்தனமான தலைவர் யார்?


admin
Author:

தலைமைப் பதவியில் இருப்பவர்கள் கட்டாயம் தெரிந்துகொள்ள வேண்டியவை

ஒன்றை அளவுக்கு மீறி வற்புறுத்துவதனால் ஏற்படும் விளைவுகள்

அளவுக்கு மீறிய வற்புறுத்த் தலைவரையே திரும்ப பாதிக்கும்.

ஒன்றில் அடிக்கடி தலையிடுதல், அடிக்கடி வலியுறுத்துதல் நல்ல விளைவுகளைத் தராது.

இத்தகைய தலைவர்கள் தங்களின் கீழ் உள்ளவர்களைக் கெடுப்பவர்கள் ஆவார்கள்.

ஒரு குழுவுக்குத்தலைமை தாங்குவது என்பது மிகவும் நாகரிகமான செயலாகும்.

அக்குழுவை வற்புறுத்தியோ, விவாதங்கள் செய்தோ அல்லது வலிமையால் வெற்றி கொண்டோ தலைமை ஏற்க முடியாது.

ஒரு தலைவன் ஆள் பலம் கொண்டு ஒரு குழுவிற்குத் தலைமை ஏற்பது என்பது அவன் தலைமைத் தன்மையை அறியாதவன் என்பதே பொருள்.

அவ்வாறு செய்பவர்கள் அக்குழுவின் ஆதரவைப் பெற,பெரும் சிரமத்தை ஏற்க வேண்டி இருக்கும்.

தலைவரகள் தனக்கும் கீழுள்ள இளைஞர்களை வலிந்து முன்னுக்குத் தள்ளுவதை அவர்களுக்கு நன்மை செய்வதாகக் கருதுகிறார்கள். உண்மையில் அது அவர்களின் செயல்பாடுகளைத் தடைப்படுத்துவதே ஆகும்.

இப்படிச் செய்வது என்பத ஒரு நல்ல குழுவை உருவாக்குவதாகும் என்று தலைவர்கள் நினைக்கிறார்கள். ஆனால் இது உருவாக்கம் இல்லை. மாறாக ஒரு குழவின் ஒழுங்கு முறைகளைக் குலைத்து பிளவு உண்டாக்கி அழிக்கிறார்கள் என்பதுதான் பொருள்.

ஒரு குழுவின் செயல்பாடுகளில் நிரந்தராமகத் தலையிடுவது என்பது அவர்களது திறமையைக் கணிப்பதாகும் என்று சில தலைவர்கள் கருதுகிறார்கள். உண்மையில் அத்தகைய தலையீடு கொடுமையானதும் பொருத்தமற்றது ஆகும்.

தங்கள் தலைமைத் தன்மை தங்களுக்கு முழு அதிகாரத்தைக்கொடுத்துள்ளது. ‘தான் தான்ய எல்லாம் என்று கருதுகிறார்கள். உண்மையில் அத்தகைய போக்கு அவர்கள் மீது இருந்த மரியாதையைக் குறைத்துவிடுகிறது.

புத்திசாலித் தனமான தலைவர், நடுநாயகமான ஓரிடத்தில் அமர்ந்து கொண்டு தனது மிக்க் குறைந்த தலையீட்டால் மிகத் திறமையாக செயல்படுவர். அத்தகையவர்கள் ‘தான்’ என்ற மமதை இல்லாதவராக இருப்பர். அவரே தலையிட்டு எதையும் செய்யாமல் இருந்த இடத்தில் இருந்துகொண்டு ஒரு செயலைச் செய்யும்படித் தூண்டுவார்.

(சீன அறிஞர் தாவேயின் “தலைமைத் தன்மை” என்ற நூலிலிருந்து)

குறிப்பு:

இந்தக் கருத்துக்களோடு நமது அரசியல் தலைவர்கள் முதற்கொண்டு அலுவலகத்தில் உள்ள தலைமை அலுவலர்கள் வரை எண்ணிப் பாருங்கள். வேதனை கலந்த சிரிப்புத்தான் வரும்.

போகட்டும் நீங்கள் ஒருவர் அல்லது இரண்டு பேருக்குத் தலைவராக இருந்தாலும் சரி இந்தப் பண்புகளைக் கடைப்பிடியுங்கள். நாட்டில் நல்லவர்கள் எண்ணிக்கை கூடுதலாக நீங்கள் உதவியவர்கள் ஆவீர்கள்.


Share
 

No comments

Be the first one to leave a comment.

Post a Comment


 

 


August 1990

சரித்திரம்
அர்த்தமான விடியல்கள்
பெர்ட்ரண்டு ரஸ்ஸல்
எவரஸ்டு உச்சிக்கு
மதிப்பிற்குரிய ஆசிரியருக்கு!
இனி வரும் காலம்
ஆகஸ்டுகளும் ஜனவரிகளும்
புத்திசாலித்தனமான தலைவர் யார்?
வளமான வாழ்க்கைக்குத் திடமான உடல்
தேக்கு மரம் நடுவீர்
இமய உச்சியில்
முன்னேற்றத் தடைகள் மூன்று
உங்கள் வாழ்வில் ஒரு நல்ல திருப்பத்தை உண்டாக்கிட
மலிவாய் எப்போது?
எதற்கு தன்னம்பிக்கை